Чужан кывлӧн йӧзкостся лун

Босьтöм Рувикиись
Чужан кывлӧн йӧзкостся лун
Международный день родного языка UNESCO.jpg
Аркмӧтӧм 1999
Аркмӧтісь ЮНЕСКО-лӧн генеральнӧй конференция
Лун Тӧвпом 21 лун
Логотип РУВИКИ.Медиа Медиафайлы на РУВИКИ.Медиа

Чужан кывлӧн йӧзкостся лун (рочӧн Междунаро́дный день родно́го языка́, англ. International Mother Language Day) — быд вося йӧзкостся лун, чулӧтсьӧ тӧвпом 21 лунӧ, медбы зорӧтны быдӧс мирын кыввезлісь да культураэзлісь унапӧлӧссӧ[1]. Донтан лунсӧ ЮНЕСКО юӧртіс 1999 воӧ.

История

(1952, Бангладеш)

Чужан кывлӧн йӧзкостся лун йылісь идеяыс йитӧм трагическӧй лоӧмторрезӧн 1952 во тӧвпом 21 лунӧ Даккаын, ӧння Бангладешлӧн (сэк — Асыввыв Пакистанлӧн) юркарын[2]. Сэк студенттэзӧс, кӧдна пессисӧ Пакистанын канму кылӧн бенгали кыв  (перм.рус. бурсьӧтӧм понда, лыйліс полиция демонстрация коста. Сія, тӧдса кыдз Бенгали кыв дорьян ӧтмунӧм, лоис символӧн кыв правоэз да асвеськӧтлӧм понда пессьӧмлӧ.

ЮНЕСКО-ӧн пыртӧм (1999—2000)

1999 во арпомӧн ЮНЕСКО-лӧн Генеральнӧй конференциялӧн 30-ӧт сессия вылын вӧлі бурсьӧтӧм постановленнё юӧртны тӧвпом 21 лун чужан кыввезлӧн йӧзкостся лунӧн[2]. 2000 восянь эта лунсӧ быд во чулӧтӧны мирпасьта. 2007 воӧ ООН-лӧн Генеральнӧй Ассамблея  (перм.рус. аслас 61/266 резолюцияын корӧм канмуэзлісь отсавны видзны да дорйыны быдӧс кыввез, кӧднаӧн сёрнитчӧны отир мирпасьта[3].

Моггез да оськӧввез

ЮНЕСКО  (перм.рус. тӧдчӧтӧ, мый кыввез — культурнӧй видзантор, велӧтӧм зорӧтан да мир вынсьӧтан медколана инструмент. Кыввезлісь унапӧлӧсалӧмсӧ видзӧм отсалӧ культураэз коласын баитны да ӧтамӧдӧс вежӧртны. Быд кывлӧн ӧшӧм лоӧ морттуйлӧн культурнӧй да интеллектуальнӧй эмбурись ӧтса тор ӧштӧм[2].

Чулӧтӧм да традицияэз

Эта лунӧ быдлаын мирын чулӧтсьӧны быдкодь мероприяттёэз: чужан кыввез да культура тӧдӧм йылісь конференцияэз, семинаррез, фестиваллез, выставкаэз, литература лыддьӧтаннэз, конкурссэз да велӧтан программаэз.

ЮНЕСКО-лӧн мероприяттёэз

Быд во ЮНЕСКО лӧсьӧтӧ чужан кыввезлӧн лун кежӧ мирпасьта чулӧтан мероприяттёэз, кӧднаын тӧдчӧтӧны торья темаэз[2]. Этна мероприяттёэзлӧн могӧн лоӧ содтыны тӧдӧм кыввезлӧн быдкодялӧм йылісь да мобилизуйтны сы сьӧрті удж[2]. Тодиль сёрнитчӧны уна кыв вылын велӧтӧм понда[1].

Чужан кывлӧн лунлӧн темаэз
Во Тема
2011 Юӧртан да коммуникационнӧй технологияэз, медбы видзны да отсавны зорамны кыввезлӧ да кыввезлӧн унапӧлӧсалӧмлӧ
2012 Инклюзивнӧй велӧтӧм понда уна кывйӧн сёрнитӧм
2013 Чужан кылӧ велӧтан небӧг[4]
2014 Гортся кыввез глобальнӧй гражданство понда: тӧдӧм шӧрын[5]
2015 Инклюзивнӧй велӧтӧм кыв пыр да сы отсӧтӧн. Кыввез — сія колана![6]
2016 Велӧтӧмлӧн качество, велӧтчан кыв (кыввез) да велӧтчан результаттэз[7]
2017 Уна кыв вылын велӧтӧм сьӧрті крепыт лоан кад[8]
2018 Видзны кыввезлісь унапӧлӧссӧ да сӧвмӧтны уна кылӧн баитӧмсӧ зорӧтан моггез шедтӧм сьӧрті[9]
2019 Вужотирлӧн кыввез коланаӧсь зорамӧм понда, мир лэбтӧм понда да бурмӧтчӧм понда[10]
2020 Кыввез визиррезтӧг[10]
2021 Инклюзивнӧй велӧтӧм да социум понда уна кывлӧн баитӧмлӧ отсалӧм[11]
2022 Уна кыв вылын велӧтчӧм понда технологияэзӧн уджалӧм: корӧммез да позьӧссэз[12]
2023 Уна кыв вылын велӧтӧм — велӧтӧмсӧ трансформируйтны колантор[13]
2024 Уна кыв вылын велӧтӧм — вижтыр коласын велӧтчӧмлӧн тас[14]
2025 Кыввезлӧн тӧдчӧт: Чужан кыввезлӧн лунсянь 25 вося юбилей порйӧтӧм (уна кыв вылын велӧтӧмын томпӧлӧслӧн роль)[1]

Чужан кывлӧн йӧзкостся лун Россияын

Россияын Чужан кывлӧн йӧзкостся луныс чулӧтсьӧ быд во. Канмуас олӧны 190-ся унажык йӧз, кӧдна сёрнитӧны 280 кыв да диалектӧн[15]. Донтан луныс коста чулӧтсьӧны чужан кыв уроккез, диктанттэз, национальнӧй культураэзлӧн фестиваллез, концерттэз, научнӧй конференцияэз да гӧгрӧс пызаннэз, кӧднаӧн отсалӧны да зорӧтны Россияын олісь отирлісь кыввез[9]. Торйӧн син одзӧ петкӧтсьӧ етшалыда вужвотирлісь кыввесӧ видзӧмлӧ, кӧдна коласісь унаӧн вермӧны ӧшны[10].

М. Е. Евсевьев нима МГПУ-ын чужан кыв лунлӧ сиӧм концерт (2024 во)

2018 во аршӧрӧн РФ-лӧн президент Владимир Путин кырымпасаліс «Российскӧй Федерацияын олісь отирлісь чужан кыввесӧ видзан да велӧтан фонд аркмӧтӧм йылісь» № 611 указ[16]. Фондыс вӧлі официальнӧя регистрируйтӧм 2019 во тӧмпом 21 лунӧ вужотир кыввезлӧн воӧ[17]. Фондлӧн шӧр моггезӧн лоӧны чужан кыв велӧтӧм понда отсалӧм канмулӧн быд регионӧ, велӧтіссезӧс велӧтӧм, да сідзжӧ велӧтчан небӧггез да кывкуддэз лэдзӧм.

2022 во кежӧ Россия велӧтан системаын велӧтӧны 100-ся унажык кыв: 24 кыв вылын велӧтӧны, эшӧ 81 кыв велӧтӧны торья предметӧн нето факультативнӧя[18]. Россияын оліссезлӧ чужан кыввезӧн лоӧны 150 мымда кыв, кӧдна коласісь 37 кывлӧн эм канмуся статус Российскӧй Федерациялӧн республикаэзын.

2025—2026 воэз кежӧ Россияын кыв политикаын ӧтік инициативаӧн лоӧ РФ-ыфн олісь йӧз кыввез йылісь виль закон пыртӧм, кӧдаӧ пырас кыввезлӧн официальнӧй канмуся реестр. Вӧзйӧм лӧсьӧтны Россия кыввезлісь лун да чулӧтны сійӧ быд во одзар 8 лунӧ, Расул Гамзатов чужан лунӧ. 2026 восянь пондӧтны программа «Челядь понда небӧг карта», медбы отсавны лыддьӧтны чужан кыввез вылын[19].

ООН кыввезлӧн луннэз

ООН сідзжӧ чулӧтӧ квать официальнӧй кывлісь лун, кӧднаись быдыс сиӧм ООН-лӧн ӧтік официальнӧй кывлӧ. Этна луннэзлӧн мог — отсавны организация пытшкын да быдӧс мирын культурнӧй унапӧлӧсалӧмлӧ да уна кывйӧн баитӧмлӧ[1].

  • Одзтулыс 20 лун — Французскӧй кывлӧн лун
  • Тулысшӧр 20 лун — Китайскӧй кывлӧн лун
  • Тулысшӧр 23 лун — Английскӧй кывлӧн лун
  • Тулысшӧр 23 лун — Испанскӧй кывлӧн лун
  • Одзгожум 6 лун — Роч кывлӧн лун
  • Одзтӧв 18 лун — Арабскӧй кывлӧн лун

Мирся кыввез сьӧрті статистика

Ethnologue сьӧрті, мирын эмӧсь 7 сюрсся унажык олӧма кыв[20][21], но уна ны коласісь вермасӧ ӧшны[2]. Мирын оліссезісь 40 % озӧ вермӧ велӧтчыны кыв вылын, кодӧн нія сёрнитӧны нето вежӧртӧны[1].

Мирын медыджыт кыввез сёрнитіссез лыд сьӧрті, кӧдналӧ эта кылыс лоӧ чужан кылӧн, 2025 во кежӧ:

Пасйӧттэз

  1. ↑ 1 2 3 4 5 Международный день родного языка. Организация Объединенных Наций. Видзӧтӧм 19 Тӧвпом 2026.
  2. ↑ 1 2 3 4 5 6 Международный день родного языка. ЮНЕСКО. Видзӧтӧм 19 Тӧвпом 2026.
  3. ↑ Резолюция, принятая Генеральной Ассамблеей 16 мая 2007 года. docs.un.org (2007-05-16). Видзӧтӧм 18 Тӧвпом 2026.
  4. ↑ International Mother Language Day 2013. SIL International. Видзӧтӧм 19 Тӧвпом 2026.
  5. ↑ On International Day, UN urges support for 'Mother Tongue' instruction. UN News (2014-02-21). Видзӧтӧм 19 Тӧвпом 2026.
  6. ↑ International Mother Language Day 2015: Inclusion through education. SIL International. Видзӧтӧм 19 Тӧвпом 2026.
  7. ↑ International Mother Language Day 2016, The National Archives of Trinidad and Tobago (26 Тӧвпом 2016). Дата обращения: 19 Тӧвпом 2026.
  8. ↑ Katharina Kandt. Observance of the International Mother Language Day - General Assembly of the United Nations, General Assembly of the United Nations (22 Тӧвпом 2017). Дата обращения: 19 Тӧвпом 2026.
  9. ↑ 1 2 Международный день родного языка. Досье. ТАСС (2018-02-20). Видзӧтӧм 19 Тӧвпом 2026.
  10. ↑ 1 2 3 Международный день родного языка. Комиссия Российской Федерации по делам ЮНЕСКО (2021-02-21). Видзӧтӧм 19 Тӧвпом 2026.
  11. ↑ Fostering multilingualism for inclusion in education and society: webinar report on the occasion of the 2021 International Mother Language Day’s celebration. Unesdoc (2021-02-19). Видзӧтӧм 19 Тӧвпом 2026.
  12. ↑ Zahadin Omar. International Mother Language Day - 21 February 2022 - AILA, AILA (21 Тӧвпом 2022). Дата обращения: 19 Тӧвпом 2026.
  13. ↑ Международный день родного языка. ДНКНСК. Видзӧтӧм 19 Тӧвпом 2026.
  14. ↑ International Mother Language Day – 21 February. European Centre for Modern Languages (ECML) (2024-02-21). Видзӧтӧм 19 Тӧвпом 2026.
  15. ↑ 277 языков и диалектов используют народы России. Министерство науки и высшего образования Российской Федерации (2021-02-21). Видзӧтӧм 19 Тӧвпом 2026.
  16. ↑ Указ Президента РФ от 26.10.2018 N 611 "О создании Фонда сохранения и изучения родных языков народов Российской Федерации". КонсультантПлюс. Видзӧтӧм 19 Тӧвпом 2026.
  17. ↑ В России создали фонд поддержки языков коренных народов. ТАСС (2019-01-29). Видзӧтӧм 19 Тӧвпом 2026.
  18. ↑ СВФУ: II Федеральная олимпиада школьников по родным языкам и литературе народов России расширена до 27 языков. s-vfu.ru (2022-09-16). Видзӧтӧм 19 Тӧвпом 2026.
  19. ↑ Заседание Совета по реализации госполитики в сфере поддержки русского языка и языков народов России. Правительство России (2025-06-05). Видзӧтӧм 19 Тӧвпом 2026.
  20. ↑ The world, Ethnologue. Дата обращения: 19 Тӧвпом 2026.
  21. ↑ Статистика языков мира 2025: данные Ethnologue. Грамота.ру (2025-12-26). Видзӧтӧм 19 Тӧвпом 2026.
  22. ↑ Pallavi Rao Ranked: The World’s Most Spoken Languages in 2025. Visual Capitalist (2025-01-24). Видзӧтӧм 19 Тӧвпом 2026.
Босьтӧма "https://koi.ruwiki.ru/w/index.php?title=Чужан_кывлӧн_йӧзкостся_лун&oldid=207444"-ись