Россияын олісь йӧззэзлісь кыввез донтан лун
| Россияын олісь йӧззэзлісь кыввез донтан лун | |
|---|---|
 | |
| Лун | одзар 8 лун |
Россияын олісь йӧззэзлісь кыввез донтан лун (рочӧн День языков народов России) — донтан лун, кӧдӧ вӧзйис аркмӧтны Россиялӧн президент Владимир Путин 2025 во одзгожум 5 лунӧ чулалӧм роч кывлӧ да Россияын олісь йӧззэз кыввезлӧ отсӧт сетан канмуся политика реализуйтана советлӧн заседаннё коста[1]. Донтан лунсӧ вӧлі рекомендуйтӧм чулӧтлыны одзар 8 лунӧ — поэт Рамсул Гамзатов чужан лунӧ[2]. Быдӧссӧ, РАН Кыв туялан институт даннӧйез сьӧрті, Россияын сёрнитӧны 277 кывйӧн да диалектӧн[3].
Аркмӧтӧм
2025 во одзгожум 5 лунӧ роч кывлӧ отсӧт сетан канмуся политика реализуйтана советлӧн заседаннё коста вӧлі вӧзйӧм аркмӧтны Россияын олісь йӧззэзлісь кыввез донтан лун[1]. Владимир Путин рекомендуйтіс чулӧтны донтан лунсӧ поэт Рамсул Гамзатов чужан лунӧ — одзар 8 лунӧ[2].
Канму юралісь казьмӧтіс, мый колӧ видзны да одзлань зорӧтны РФ-ын олісь йӧззэзлісь кыввез, системнӧя отсавны нылӧ канмусянь да дорйыны канмуись кыввесӧ[1]. Сідзжӧ Владимир Путин висьталіс, мый колӧ лӧсьӧтны Российскӧй Федерацияись отирлӧн кыввез йылісь вильмӧтӧм закон да лӧсьӧтны Россия быдкывья канмуся реестр[1].
Статистика
- РАН кывтӧдӧм институт даннӧйез сьӧрті, Россияын олісь 193 йӧз сёрнитӧны 277 кывйӧн да диалектӧн[3].
- Кыввезлӧн лыдыс ыджытжык йӧззэз лыдся, сідз кыдз мукӧд йӧззэзлӧн эмӧсь кык офиицальнӧй кыв, шуам, марилӧн, мордвалӧн, алтайсалӧн[3].
- Россияын велӧтан системаын уджалӧны 105 кывйӧн, ныись 24 — кыдз велӧтан кыв, 81 — кыдз велӧтан дисциплина[3].
Пасйӧттэз
- ↑ 1 2 3 4 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 Одзгожум 2025.
- ↑ 1 2 Путин предложил учредить День языков народов России, РБК (05.06.2025). Дата обращения: 5 Одзгожум 2025.
- ↑ 1 2 3 4 277 языков и диалектов используют народы России (21.02.2021).