Чисталёв Иона Тимофеевич
| Чисталёв Иона Тимофеевич | |
|---|---|
 | |
| Чужан лун | 13 (25) одзар 1893 во |
| Чужанін | |
| Кулан лун | 1923 во гожумшӧр 24 лун (29 лет) |
| Куланін | |
| Канму | |
| Удж | кывбур гижись, вуджӧтісь, велӧтісь |
.svg){kind=small}
.svg){kind=small}
Чисталёв Иона Тимофеевич (13 (25) одзар 1893 во, Помӧсдін, Коми Республика — 1923 во гожумшӧр 24 лун, Пӧддельнӧй, Коми Республика) — коми поэт, вуджӧтісь, критик, велӧтісь, Тима Веньлӧн вон, Прометей Чисталёвлӧн ай.
Олан туй
Иона Чисталёв чужис 1893 во одзар 25 лунӧ Вологда губернияысь Усть-Сысольск уездлӧн Помӧсдінын (ӧні — Кулӧмдін районса Помӧсдін). Помаліс Помӧсдінся одзшкола, Усть-Сысольскса вылісь начальнӧй училище, велӧтіссез понда Кардорся кыквося семинария.
Ветліс Медодзза мировӧй война фронт вылӧ. Локтӧм бӧрас уджаліс велӧтісьӧн Помӧсдінас. 1919 восянь — Усть-Сысольск исполкомлӧн педагогическӧй юкӧтӧн юралісь.
Шогаліс туберкулёзӧн. Бурдӧтчис Эжва ю дынся туберкулёзнӧй санаторийын[1]. Куліс 1923 во гожумшӧр 24 лунӧ Пӧддельнӧй деревняын (ӧні —Кӧрткерӧс районын). Дзебӧм сэтӧн жӧ[2].
Гижан удж
Иона Чисталёв — «Шыпас йӧртӧд» медодзза коми буквар лӧсьӧтіссезісь ӧтік.
Гижис лирическӧй да сатирическӧй кывбуррез. Комиӧтіс Э. Потьелісь, А. С. Пушкинлісь, М. Ю. Лермонтовлісь, Е. А. Баратынскийлісь, И. А. Крыловлісь, А. В. Кольцовлісь, Н. А. Некрасовлісь, А. Н. Толстойлісь, Л. Мейлісь, И. Никитинлісь, И. Суриковлісь, В. Тан-Богоразлісь да мӧдік авторрезлісь гижӧмсӧ.
Увтыр
- Воныс — Тима Вень (Чисталёв Вениамин Тимофеевич; 1890—1939) — коми литература классик.
- Зоныс — Прометей Чисталёв (1921—1988) — коми фольклор да шылад туялісь.
Касьтылӧм
- 1990 воӧ керку вылӧ, кытӧн олісӧ Вениамин да Иона Чисталёв воннэз, В. Т. Чисталёвлӧн 100 вося юбилей кежӧ вӧлі ӧшӧтӧм мемориальнӧй пӧв[3].
- 2018 воӧ гижисьлӧн шойгуыс лоис регион тӧдчӧта культура эмбур объектӧн[4].
- 2023 воӧ Иона Чисталёвлӧн 130 вося юбилей кежӧ Кулӧмдінса шӧр библиотека лэдзис "Поэт, вуджӧтісь, велӧтісь" небӧг.
Ыстӧдъяс
- ↑ 130-лет со дня рождения Иона Тимофеевича Чисталева рус.. Вуктыльская библиотека. Видзӧтӧм 13 Арпом 2025.
- ↑ Чисталёв Иона Тимофеевич. Краеведческая карта Сыктывдина. Видзӧтӧм 13 Арпом 2025.
- ↑ Границы территорий объектов культурного наследия, расположенных на территории МО МР "Усть-Куломский". Управление Республики Коми по охране объектов культурного наследия. Видзӧтӧм 13 Арпом 2025.
- ↑ Границы территорий объектов культурного наследия, расположенных на территории МО МР "Корткеросский". Управление Республики Коми по охране объектов культурного наследия. Видзӧтӧм 13 Арпом 2025.