Четин Геннадий Тимофеевич

Четин Геннадий Тимофеевич
Морт йылісь
Мортпӧв	айпӧв[d]
Канму	СССР[d]
Специализация	тяжёлая атлетика[d]
Клуб	«Труд» (Перем)
Чужан лун	1943 во тӧвпом 1 лун(1943-02-01)
Чужанін	Дёмина (Кудымкар район), Степановчи посадму, Кудымкар район, Коми-Пермяцкöй автономнöй округ[d], Пермскӧй область[d], РСФСР[d], СССР[d]
Кулан лун	2002 во
Куланін	Навои[d], Узбекистан[d]
Медиафайлы на РУВИКИ.Медиа

Четин Геннадий Тимофеевич (1943— 2002) — сьӧкыт атлетика сьӧрті спортсмен, XX Гожумся Олимпиада бронзовӧй медалист, рекордсмен.

Олантуй

Чужис 1943 во тӧвпом 1 лунӧ Сеняын (ӧння кадӧ Дёмин тор, Кудымкарскӧй район). Велӧчис Дёмин школаын. 16 восяна кольччис томжык сойнас ӧтнас, мамныс куліс. Сія кадӧ тӧдсасис Пешнигортскӧй детскӧй домись директоркӧт Степан Шарыбкинкӧт, сія босьтіс Геннадийсӧ дынас детдомас. Детдомас кутчис занимайтчыны сьӧкыт атлетикаӧн. Сэк жӧ вермис Коми-Пермяцкӧй округ чемпионатын 1 места 48 кг сьӧкытаын. Геннадийсӧ ас кипод увтӧ босьтіс Николай Щетинников.

1962 воӧ Пермскӧй область чемпионатын, кӧда чулаліс Губахаын, босьтіс 2 места (215 кг куим видын). Пондіс тренируйтчыны Кизелын, сы кадӧ областись медвына чукӧрын. 1963 воӧ лоис Урал чемпионӧн да мыччаліс СССР-ын нёльӧт результат 52 кг-ӧдз сьӧкытаын. Эта бӧрын Четинсӧ босьтісӧ СССР сборнӧйӧ.

1964 восянь тренируйтчис Рудольф Плюкфельдер кипод увтын, сэсся локтіс Перемӧ «Молот» спортклубӧ тренер Эрлен Ошеров дынӧ.

1965—1968 воэзӧ вӧлі армияын, кысъяліс Перемас.

1966 воӧ босьтіс СССР чемпионатын 2 места, мир чемпионатын — 4 места. 1967 воӧ лоис СССР сборнӧйын медодзза номерӧн да мирас мӧдӧддзаӧн. 1968 воӧ Хельсинкиын керис мыччаліс медкокнит сьӧкытаын мировӧй рекорд (367,5 кг).

1971 воӧ лоис мир чемпионӧн (370 кг) да Европа чемпионатын босьтіс 2 места (355 кг).

1972 воӧ XX Гожумся Олимпиада вылын (Мюнхен) лоис бронзовой медалистӧн (367,5 кг), СССР чемпионӧн, мир чемпионатын босьтіс 3 места.

1973 воӧ СССР чемпионатын босьтіс 3 места, СССР Кубокын — 3 места, мир чемпионатын вӧлі 7-ӧт.

1976 воӧ бертіс спортӧ дыр лечитчӧм бӧрын. Лоис СССР чемпионӧн.

1980-ӧт воэзӧ муніс овны Узбекистанӧ. Уджаліс Узбекистан сборнӧйын тренер-консультантӧн. Занимайтчис пауэрлифтингӧн.

Куліс 2002 воӧ. Дзебӧм Навои кар шайнаын.

Пасйӧттэз