Федосеев Егор Андрианович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Федосеев.
Федосеев Егор Андрианович
Федосеев Егор Андрианович Память народа.jpg
Чужан лун 1920 во тулыспом 10 лун
Чужанін Лямпин, Чердынскӧй уезд, Пермскӧй губерния, Россия
Кулан лун 1980 во одзтӧв 2 лун
Куланін Йошкар-Ола, Марийскӧй АССР, РСФСР, СССР
Киндор  СССР
Званнё майор
Сраженнёэз/войнаэз Великӧй Отечественнӧй война
Донтан пассэз
Гӧрд Дӧрапас орден Отечественнӧй войнася II степеня орден Гӧрд Кӧдзув орден Гӧрд Кӧдзув орден медаль «За боевые заслуги» медаль «За боевые заслуги» медаль «За победу над Германией в Великой Отечественной войне 1941—1945 гг.»

Федосеев Егор Андрианович (1920 во тулыспом 10 лун, Лямпин, Чердынскӧй уезд, Пермскӧй губерния, СССР — 1980 во одзтӧв 2 лун, Йошкар-Ола, Марийскӧй АССР, РСФСР, СССР) — велӧтісь, военнӧй, Великӧй Отечественнӧй войнын участник, петкӧтӧм Советскӧй Союзлӧн Герой званнё дынӧдз.

Олантуй

[вильмӧтны | править код]

Чужис 1920 во тулыспом 10 лунӧ Лёвич дынся Лямпинын[1][2][3]. 1938 воӧ помаліс Кудымкарись педагогика училище[1].

1939 во аршӧр 30 лунӧ вӧлі босьтӧм кысъявны РККА-ӧ[2]. Великӧй Отечественнӧй война пондӧтчикӧн вӧлі ыстӧм фронт вылӧ. Вӧлі комсоргӧн 117 стрелковӧй дивизияись 275 стрелковӧй полк ротаын, 1063 стрелковӧй полк батальонын 237 гаубицаэза артиллерия полкын, быдмис старшинасянь старшӧй лейтенантӧдз. Воюйтіс рытвывся фронттэзын Карелияын, Польшаын, Германияын[1][4]. Вӧлі неӧтпырись ошкӧм кыдз бур организатор да агитатор[4].

1944 воӧ вӧлі петкӧтӧм Советскӧй Союзлӧн Герой званнё дынӧдз, но ошкӧм Гӧрд Дӧрапас орденӧн[1][2][3]. Награднӧй листас гижӧм, мый 1944 во одзгожум 21 лунӧ Свирь ю форсируйтӧм коста Федосеевыслӧн ротаыс сюрис финляндскӧй артиллерия лыйсьӧм увтӧ. Боеццес пондісӧ гарйисьны. Федосеевыс чайтӧма, мый ю форсируйтӧмныс лоас падмӧтӧм да лэбтіс боеццесӧ бойӧ. Медодззаӧн вуджис юсӧ враг лыйсьӧм коста. Боеццеслӧ вуджны юсӧ эз сет дзот, кӧдаись врагыс лыйліс 75 мм пушкаись да автоматтэзісь. Федосеевыс кык разведчиккӧт пырисӧ бойӧ (куимӧн сизим враг паныт), гранатаэзӧн паздісӧ дзотсӧ, мыйӧн осталісӧ вуджны юсӧ мӧдік боеццеслӧ. Одзгожум 23 лунӧ Федосеевыслӧн батальонісь быдӧс команднӧй составыс вӧлі дойдӧм нето вийӧм. Федосеевыс босьтіс батальоннас юралӧмсӧ ас кипод увтӧ да лэбтіс солдаттэсӧ атакаӧ. Бой костас вӧлі контузитӧм, но кольччис[1].

1956 воӧ помаліс Ленинградісь Высшӧй военно-педагогическӧй институт[4]. Муніс армиясис 1960 во одзгожумӧ майор званнёӧн[4].

1960 восянь оліс Йошкар-Олаын. Уджаліс велӧтісьӧн, Республиканскӧй отир дорьян штабын, «Восход» нима универмагын серпасалісьӧн[4].

Куліс 1980 вося одзтӧв 2 лунӧ Йошкар-Олаын[4].

Донтан пассэз

[вильмӧтны | править код]
  • «Боевӧй заслугаэз понда» медаль (21.05.1943)[2]
  • Гӧрд Дӧрапас орден (06.08.1944)[2]
  • «1941-1945 воэзся Великӧй Отечественнӧй войнаын Германия вермӧм понда» медаль (09.05.1945)[2]
  • Гӧрд Кӧдзув орден (11.05.1945)[2]
  • Отечественнӧй войнася II тшупӧта орден (26.06.1945)[2]
  • «Боевӧй заслугаэз понда» медаль (15.11.1950)[2]
  • Гӧрд Кӧдзув орден (05.11.1954)[2]

Пасйӧттэз

[вильмӧтны | править код]
  1. ↑ 1 2 3 4 5 Алексеев В. А. Федосеев Егор Андрианович //Боевые подвиги пермяков. Том 1. —Оса: ООО «Росстани-на-Каме», 2022. — С. 132. — 156 с. — ISBN 5-88441-032-8
  2. ↑ 1 2 3 4 5 6 7 8 9 10 Федосеев Егор Андрианович, 1920 г.р. Память народа Видзӧтан кад 26.03.2025.
  3. ↑ 1 2 Коньшин А. Е. Комсорг Федосеев повел в бой // Парма. 2020, 13 февраля.
  4. ↑ 1 2 3 4 5 6 Мочаев В. А. Федосеев Егор Андрианович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 459. — 606 с. — ISBN 978-5-905314-35-3.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Федосеев_Егор_Андрианович&oldid=129746"-ись