Федосеев Егор Андрианович

Федосеев Егор Андрианович
Федосеев Егор Андрианович
Чужан лун	1920 во тулыспом 10 лун
Чужанін	Лямино[d], Пермский уезд[d], Пермская губерния[d], РСФСР[d] или ; Лямпино[d], Чердынский уезд[d], Пермская губерния[d], РСФСР[d];
Кулан лун	1980 во одзтӧв 2 лун (60 лет)
Куланін	Ёшкар, Марийская АССР[d], РСФСР[d], СССР[d] или ; Ёшкар, РСФСР[d], СССР[d];
Киндор	РСФСР → СССР
Войскоэз род	стрелковӧй войскаэз
Кысъялӧм воэз	1939—1960
Званнё
Сраженнёэз/войнаэз	Великӧй Отечественнӧй война

Федосеев Егор Андрианович (1920 во тулыспом 10 лун, Лямино^[d], Пермский уезд^[d], Пермская губерния^[d], РСФСР^[d] или Лямпино^[d], Чердынский уезд^[d], Пермская губерния^[d], РСФСР^[d] — 1980 во одзтӧв 2 лун, Ёшкар, Марийская АССР^[d], РСФСР^[d], СССР^[d] или Ёшкар) — велӧтісь, военнӧй. Великӧй Отечественнӧй война коста — рытвыв фронттэзын 117 стрелковӧй дивизиялӧн 275 стрелковӧй полклӧн стрелковӧй рота, 1063 стрелковӧй полклӧн да 237 гаубичнӧй артиллерийскӧй полклӧн батальон комсорг, старшӧй лейтенант; майор. Вӧлі петкӧтӧм Советскӧй Союзлӧн Герой званнё дынӧдз, но ошкӧм Гӧрд Дӧрапас орденӧн (1944). ВКП(б)-ӧ пырись 1943 восянь.

Олантуй

Чужис 1920 во тулыспом 10 лунӧ ӧння кадся Кӧсладор районісь Лёвич дынся Лямпинын^[1]^[2]^[3]. 1938 воӧ помаліс Кудымкарись педагогика училище^[1].

1939 во аршӧр 30 лунӧ вӧлі босьтӧм кысъявны РККА-ӧ^[2]. Великӧй Отечественнӧй война пондӧтчикӧн вӧлі ыстӧм фронт вылӧ. Вӧлі комсоргӧн 117 стрелковӧй дивизияись 275 стрелковӧй полк ротаын, 1063 стрелковӧй полк батальонын 237 гаубицаэза артиллерия полкын, быдмис старшинасянь старшӧй лейтенантӧдз. Воюйтіс рытвывся фронттэзын Карелияын, Польшаын, Германияын^[1]^[4]. Вӧлі неӧтпырись ошкӧм кыдз бур организатор да агитатор^[4].

1944 воӧ вӧлі петкӧтӧм Советскӧй Союзлӧн Герой званнё дынӧдз, но ошкӧм Гӧрд Дӧрапас орденӧн^[1]^[2]^[3]. Награднӧй листас гижӧм, мый 1944 во одзгожум 21 лунӧ Свирь ю форсируйтӧм коста Федосеевыслӧн ротаыс сюрис финляндскӧй артиллерия лыйсьӧм увтӧ. Боеццес пондісӧ гарйисьны. Федосеевыс чайтӧма, мый ю форсируйтӧмныс лоас падмӧтӧм да лэбтіс боеццесӧ бойӧ. Медодззаӧн вуджис юсӧ враг лыйсьӧм коста. Боеццеслӧ вуджны юсӧ эз сет дзот, кӧдаись врагыс лыйліс 75 мм пушкаись да автоматтэзісь. Федосеевыс кык разведчиккӧт пырисӧ бойӧ (куимӧн сизим враг паныт), гранатаэзӧн паздісӧ дзотсӧ, мыйӧн осталісӧ вуджны юсӧ мӧдік боеццеслӧ. Одзгожум 23 лунӧ Федосеевыслӧн батальонісь быдӧс команднӧй составыс вӧлі дойдӧм нето вийӧм. Федосеевыс босьтіс батальоннас юралӧмсӧ ас кипод увтӧ да лэбтіс солдаттэсӧ атакаӧ. Бой костас вӧлі контузитӧм, но кольччис^[1].

1956 воӧ помаліс Ленинградісь Медвылісь военно-педагогическӧй институт^[4]. Муніс армиясис 1960 во одзгожумӧ майор званнёӧн^[4].

1960 восянь оліс Йошкар-Олаын. Уджаліс велӧтісьӧн, Республиканскӧй отир дорьян штабын, «Восход» нима универмагын серпасалісьӧн^[4].

Куліс 1980 вося одзтӧв 2 лунӧ Йошкар-Олаын^[4].

Донтан пассэз

«Боевӧй заслугаэз понда» медаль (21.05.1943)^[2]
Гӧрд Дӧрапас орден (06.08.1944)^[2]
«1941-1945 воэзся Великӧй Отечественнӧй войнаын Германия вермӧм понда» медаль (09.05.1945)^[2]
Гӧрд Кӧдзув орден (11.05.1945)^[2]
Отечественнӧй войнася II тшупӧта орден (26.06.1945)^[2]
«Боевӧй заслугаэз понда» медаль (15.11.1950)^[2]
Гӧрд Кӧдзув орден (05.11.1954)^[2]

Пасйӧттэз

↑ ¹ ² ³ ⁴ ⁵ Алексеев В. А. Федосеев Егор Андрианович // Боевые подвиги пермяков. — Оса: ООО «Росстани-на-Каме», 2022. — Т. 1. — С. 132. — 156 с. — ISBN 5-88441-032-8.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Федосеев Егор Андрианович. Память народа. Видзӧтӧм 15 Тулысшӧр 2026.
↑ ¹ ² Коньшин А. Е. И комсорг Федосеев повёл в бой // Парма. — Кудымкар: МАУ "Газета "Парма", 2020. — 13 февраля (№ 7). — С. 7.
↑ ¹ ² ³ ⁴ ⁵ ⁶ Мочаев В. А. Федосеев Егор Андрианович // Марийская биографическая энциклопедия. — 2-е изд. — Йошкар-Ола: Марийский биографический центр, 2017. — С. 459. — 606 с. — ISBN 978-5-905314-35-3.

Ыстӧттэз

Федосеев Егор Андрианович йылісь «Память народа» сайтын

[:0-1] ¹ ² ³ ⁴ ⁵ Алексеев В. А. Федосеев Егор Андрианович // Боевые подвиги пермяков. — Оса: ООО «Росстани-на-Каме», 2022. — Т. 1. — С. 132. — 156 с. — ISBN 5-88441-032-8.

[:2-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Федосеев Егор Андрианович. Память народа. Видзӧтӧм 15 Тулысшӧр 2026.

[:3-3] ¹ ² Коньшин А. Е. И комсорг Федосеев повёл в бой // Парма. — Кудымкар: МАУ "Газета "Парма", 2020. — 13 февраля (№ 7). — С. 7.

[:1-4] ¹ ² ³ ⁴ ⁵ ⁶ Мочаев В. А. Федосеев Егор Андрианович // Марийская биографическая энциклопедия. — 2-е изд. — Йошкар-Ола: Марийский биографический центр, 2017. — С. 459. — 606 с. — ISBN 978-5-905314-35-3.

[1]

[2]

[3]

[4]