Теракт Крокус Сити Холлын (2024)

Босьтöм Рувикиись
Теракт «Крокус Сити Холлын»
Сотчана концертнӧй зал «Крокус Сити Холл»
Сотчана концертнӧй зал «Крокус Сити Холл»
55°49′37″ с. ш. 37°23′21″ в. д.HGЯO
Уськӧтчӧмин Москва область, Красногорск, «Крокус Сити Холл»
Дата 2024 во одзтулыс 22 лун
Оружие автоматтэз, ӧзтӧттэз, Аскерӧм взырвайтан
Вийсьӧм 149 морт (1 ӧшӧм)[1]
Дойдӧм 609 морт[1]
Террористтэзлӧн лыд 4 керись, быдӧссӧ 19 фигурант[1]
Организаторрез Украиналӧн режим[1]
Подозреваемӧйӧсь

AQMI Flag asymmetric.svg Исламскӧй государство

Ensign of the Ukrainian Armed Forces.svg ВСУ

Теракт «Крокус Сити Холлын» (рочӧн Теракт в «Крокус Сити Холле») — 2024 во одзтулыс 22 лунӧ Москва область Красногорск карись концертнӧй зал «Крокус Сити Холлын» «Пикник» рок-группалӧн концерт вылын керӧм террор атака.

Террористтэзлӧн чукӧр, кӧдаын вӧлісӧ минимум нёль морт, 8 час гӧгӧр осьтіс автоматнӧй оружиеись лыйӧм концерт пондӧтчӧм одзын Крокус Сити Холлӧ пыранін дынын видзӧтіссезісь мортлёдзӧ, сыбӧрын фойеӧ да концертнӧй залӧ. Сёрӧнжык кыліс взрыв и пондӧтчис пожар. Керку вевт ӧзйис да пондіс киссьыны сія кадӧ, кӧр пытшкас вӧлісӧ уна сюрс отир[2][3].

Одзтулыс 23 лунӧ нёль террористӧс — преступленнёсӧ кериссезӧс, кутісӧ пышшыны пондылікӧ Украинакӧт визир дынсянь 100 километра ылынаын Брянскӧй областьын[4]. Сёрӧнжык висьтасисӧ, мый терактсӧ организуйтісӧ Украиналӧн спецслужбаэз[5].

Россиялӧн президент Владимир Путин висьталіс, мый визир пыр вуджӧтӧм понда теракт керліссезлӧ «ӧшынсӧ» лӧсьӧтіс Украина, кытӧн террористтэс мӧдісӧ сайӧвтчыны. Следствиелӧн могыс сыын, мед тӧдмавны заказчикӧс[6]. Украинаись спецслужбаэзлӧн теракт лӧсьӧтӧмын участвуйтӧм йылісь висьталіс и РФ ФСБ-лӧн директор Александр Бортников[7][8].

Терактыс понда кыввидзсӧ ас вылас босьтіс «Исламскӧй государство» международнӧй террористическӧй организациялӧн «Вилаят Хорасан» афганскӧй юкӧт[9][10][11][12]. «Исламскӧй государство» вылӧ теракт керӧмсӧ висьталіс и американскӧй правительство[13].

Россиялӧн Президент пуктіс 2024 во одзтулыс 24 лун национальнӧй траур видзан лунӧн[14]. Террористическӧй актсӧ осудитіс мировӧй сообщество, сыкӧт ӧтлаын ООН да мирись унажык канмуэз.

2025 во одзтулыс 22 лунӧ Россияись Следственнӧй Комитетлӧн официальнӧй представитель Светлана Петренко висьталіс, мый терактсӧ организуйтісӧ Шӧр Азияись квать гражданин[15].

2025 во тулыспом 20 лунӧ СК юралісь Александр Бастрыкин юӧртіс, мый потерпевшӧйезӧн лыддиссьӧ 2300-ся унажык морт[16].

РФ Следственнӧй Комитетлӧн туялӧм сьӧрті, кӧдӧ йӧзӧтісӧ 2025 вося одзгожумӧ, теракт коста да сы бӧрын вийсисӧ да кулісӧ 149 морт, ӧтік ӧшис, доймисӧ 609 морт. Атакасянь ӧтласа ущербыс лоис 6 млрд руб мымда. Терактыс вӧлі керӧм «Вилаят Хорасан» террористическӧй организацияӧ пыриссезӧн да ны отсаліссезӧн Украина режимӧн юраліссез тшӧктӧм сьӧрті[1][17]. Терактын вийсьӧм отир кулісӧ лыйӧмсянь, сотчан коста да пӧдісӧ[18].

Терактыс йылісь дело сьӧрті процессыс пондӧтчас 2025 во гожумпом 4 лунӧ. Сія пондас чулӧтсьыны 2-ӧт Западнӧй окружнӧй военнӧй судын. Заседаннёэс пондасӧ чулавны Мосгорсудын[19].

Трагедиялӧн хронология

Росгвардиялӧн подразделеннёэз пырӧны «Крокус Сити Холлӧ»
  • Лыйсисӧ автоматическӧй оружиеись. Уськӧтчиссес лыйлісӧ залас, концертнӧй комплекслісь фойеас да сы одзын[20]. Уськӧтчиссес коласісь кыкыслӧн вӧлісӧ взрывчаткаэза рюкзаккез[21]. Охранасӧ «Крокус Сити Холлын» видзис ЧОП «Крокус Профи». Сылӧн уджалісь висьталіс, мый охранниккезлӧ удж понда сетӧмӧсь дубинкаэз да электрошокеррез, гижис Telegram-канал Brief.
  • Сёрӧнжык петіс информация сотчӧм, тшынсялӧм да взрыв йылісь комплексын.
  • Теракт местаӧ локтісӧ московскӧй СОБР да ОМОН, да сідзжӧ пожарнӧйез.
  • Московскӧй областьлӧн губернатор Андрей Воробьёв ӧктіс оперативнӧй штаб[22].
  • «Крокус Сити Холл» дынӧ вӧлісӧ ыстӧмӧсь московскӧй да областнӧй скорӧй медицинскӧй отсӧтлӧн 70 бригадася унажык.
  • Пожарлӧ вӧлі сетӧм ыджыт тшупӧт[23]. Биын медодз вӧлі керкусис куимӧт тор, сыбӧрын сотчӧмыс паськаліс быдӧс керку пасьта.
  • 21 час 30 минута гӧгӧр керку вевдӧрыс мымдакӧ киссис.[24].
  • Пожар кусӧтӧмӧ локтіс авиация[22].
  • 160 тонна мымда ва вертолёттэз кисьтісӧ сотчан «Крокус Сити Холл» вылӧ[25].
  • Одзтулыс 23 лунӧ 1 час гӧгӧр «Крокус Сити Холлын» пожарись 13 сюрс м2 мымда вӧлі локализуйтӧм.
  • Одзтулыс 23 лунӧ Подмосковьеись лысинвидзан министерство йӧзӧтіс нимлёдз, кытӧн вӧлісӧ 145 доймӧм морт, кӧднӧ госпитализируйтісӧ Москваись, Красногорскись, Одинцовоись, Химокись да Долгопруднӧйись больницаэзӧ[26].
  • Одзтулыс 24 лунӧ спасателлес разисӧ теракт местаын 400 мымда кубометр киссьӧм конструкцияэз, да сыбӧрын писькӧтісӧ осьта, кыті позис мунны сьӧкыт техникалӧ, мед разьны заваллэз.[27].
  • Московскӧй областьлӧн губернатор постановленнё сьӧрті теракт места вылын кошшисян операцияыс вӧлі дырсьӧтӧм одзтулыс 26 лунся 17 часӧдз, сы кадӧ сія помассис[28].
  • МЧС-ись спасателлез теракт бӧрын витӧт лунас быдсӧн бырӧтісӧ пожарлісь коляссэз да помалісӧ разьны заваллэз, вӧлі петкӧтӧм 900 кубическӧй метрася унажык киссьӧм конструкцияэз[29].
  • Тулысшӧр 3 лун кеж, терактын вийсисӧ145 морт, ны коласын квать кага[17]; доймисӧ 550-ся унажык морт, ны коласын 10 кага. Лоисӧ тӧдсаӧсь 134 вийсьӧм мортлӧн ниммез[30].
  • 2024 во одзгожум 1 лун кежӧ терактын доймӧм отир нимлёдзӧ вӧлісӧ пыртӧмӧсь 1,7 сюрс морт[31].
  • 2024 во одзар 20 лунӧ лоис тӧдса, мый Муслим Магомаевлӧн культурно-музыкальнӧй наследие фонд помаліс «Крокус сити холлын» терактын доймӧм отир понда сьӧм чукӧртӧм да юкӧм сьӧрті программа, мынтӧмсӧ планируйтісӧ одзар 23 лунсянь[32].

Подозреваемӧйӧсь

Теракт керӧмын подозревайтӧмӧсь (шульгаладорсянь): Далерджон Мирзоев, Шамсидин Фаридуни, Саидакрами Рачабализода (2024)

2024 во одзтулыс 23 лунӧ Россияись ФСБ-лӧн сотрудниккез, а сідзжӧ «Ахмат-Россия» полклӧн боеццез Брянскӧй областьын кутісӧ Таджикистанын чужӧм нёль мортӧс, кӧднӧ подозревайтісӧ теракт керӧмын. Нійӧ казялісӧ Украинакӧт визир дынсянь сё километра ылынаын, кытчӧ нія лӧсьӧтчисӧ вуджны паныт локтісь ладорсянь лӧсьӧтӧм коридор кузя. Операция коста снимайтӧм видеоын кутӧммез коласісь ӧтік, Шамсидин Фаридуни (чуж. 1998), сетіс признаннё и висьталіс, мый концертнӧй залын отирӧс вийӧм понда сылӧ вӧлі кӧсйӧма 500 сюрс руб: 250 сюрс руб вуджӧтӧм банковскӧй карта вылӧ преступленнё кертӧдз, кольччӧм тор должен вӧлі локны сёрӧнжык. Организаторрез видзӧмась йитӧт Телеграммӧт[33]. Фаридуни шуӧмӧн, кураторрез петісӧ сыкӧт да соучастниккезкӧт йитӧт вылӧ 2024 во тӧвпомӧ, сетісӧ оружие да мыччалісӧ места, кытӧн керны теракт.

Кутӧм Далерджон Мирзоев допрос коста содтіс, мый теракт кертӧдз тӧлісьӧн одзжык сія да мӧдік теракт кериссес овмӧтчисӧ Дмитровскӧй шоссе вывся хостелӧ. Нія небисӧ чочком рӧма «Рено» легковушка, кӧдӧн и локтісӧ преступленнё местаӧ[33].

РФ СК юралісь Александр Бастрыкин доклад сьӧрті, нёль преступник Renault легкӧвӧй машинаӧн сибӧтчисӧ концертнӧй зал дынӧ 19 час 54 минутаӧ и пондісӧ видзчисьны видзӧтіссезлісь локтӧмсӧ. 19 час 58 минутаӧ террористтэз осьтісӧ лыйсьӧм йӧзӧ, кӧдна вӧлісӧ пыранін дынын, сыбӧрын нія пырисӧ концертнӧй залӧ и одзлань лыйсисӧ йӧзӧ, кӧдна вӧлісӧ сэтчин. Сьӧраныс вайӧм пластиковӧй бутылкаэзын бензин кисьтӧмӧн террористтэз ӧзтісӧ залсӧ, а 20:11 часӧ петісӧ керкусис. Сідзкӧ, быдӧс террористическӧй атакаыс кыссис 17 минута, концертнӧй залын террористтэз вӧлісӧ 13 минута дырна.[34].

Оружиесӧ — изолентаӧн крепитӧм двойнӧй магазиннэза Калашников автоматтэз — чӧвтӧмӧн да паськӧмнысӧ вежӧмӧн подозреваемӧйес мӧдісӧ сайӧвтчыны сія жӧ чочком «Рено» вылын, кӧда вӧлі адззӧм наблюденнё камераэз сьӧрті «Поток» система пыр. Оперативниккез решитісӧ террористтэзӧс кутны не карын нето уна отирӧн тырӧм магистраль вылын, сійӧн мый вермисӧ доймыны мӧдік отир. Кӧр тыдовтчис, мый машина мунӧ 140 км/ч ӧдӧн М-3 «Украина» трасса кузя Брянскӧй областьланьӧ, спецслужбаэзлӧн сотрудниккез лӧсьӧтісӧ засада Украинакӧт граница дынсянь 100 км ылынаын[35]. Сійӧн мый вӧлі приказ босьтны террористтэзӧс ловйӧн, силовиккез лыйлісӧ колесоэз кузя. Пессьӧм бой коста ӧтік участник осьтіс би, эта коста мӧдік кыкыс сайӧвтчисӧ вӧрӧ. Нійӧ кутісӧ, ӧтік преследуйтӧм — Саидакрами Рачабализода, — кайис пу вылӧ, вӧлі адззӧма тепловизор отсӧтӧн[36].

Машина, кӧдаын подозревайтӧммес вӧлісӧ кутӧмӧсь Брянскӧй областьын (2024)

Терактын непосредственнӧя участвуйтіссезся ӧтдор, вӧлісӧ арестуйтӧмӧсь сизим соучастниккез. Миноборонысь юӧртісӧ, мый Брянскӧй областьын подозреваемӧйезӧс кутӧмын отличитчӧм Рочму Федерациялісь государственнӧй граница сайӧвтан группировкаись военнослужащӧйезлӧ сетӧмась государственнӧй да ведомственнӧй наградаэз[37][38].

2024 во одзтулыс 24 лунӧ Москваись Басманнӧй суд арестуйтіс теракт керӧмын быдӧс нёльнан подозревайтӧмсӧ 2 месяц кеж: Далерджон Мирзоевӧс, Саидакрами Рачабализодуӧс, Шамсидин Фаридуниӧс, Мухаммадсобира Файзовӧс[39][40]. Файзов снимайтіс видео концерт вылӧ вовліссез вылын расправаэз йылісь, а сідзжӧ вӧлі автомобиль руль сайын, кӧдӧн соучастниккез пышшисӧ преступленнёись. Теракт коста нія вартлӧмась «Крокус Сити Холл» парковкаын кыкьямысвося зонкаӧс[41].

2024 во одзтулыс 24 лунӧ Москваись Басманнӧй суд арестуйтіс терактыс йылісь делоын эшӧ куим фигурантӧс: Диловар Исломовӧс, Исраил Исломовӧс да Аминчон Исломовӧс. Нійӧ судитісӧ смертельнӧй теракт керӧм понда организуйтӧм группаын[42][43]. 2024 во одзтулыс 26 лунӧ суд арестуйтіс «Крокус Сити Холлын» теракт йылісь делоись кӧкъямысӧт фигурант Алишер Касимовӧс 2 тӧлісь кежӧ. Следствие сьӧрті, Касимов — Киргизияись петӧм РФ-ись гражданин — квартирасӧ сетліс нёльӧт террористлӧ[44].

2024 во одзтулыс 28 лунӧ Росфинмониторинг пыртӧм Мирзоев, Рачабализода, Фаридуни, Файзов вылӧ уськӧтчиссесӧ экстремисттэз да террористтэз реестрӧ[45].

Одзтулыс 29 лунӧ Басманнӧй суд арестуйтіс теракт сьӧрті ӧкмысӧт фигурантӧс — Назримад Лутфуллоиӧс, следствиеыс сійӧ подозревайтӧ террористтэзӧс финансируйтӧмын[46][47][48].

2024 во тулысшӧр 1 лунӧ Басманнӧй суд арестуйтіс теракт делоись дасӧт фигурантӧс — Якубджон Юсуфзодаӧс[49]. Следствие сьӧрті Юсуфзода вуджӧтіс деньгасӧ ӧтіклӧ атакаын участниккез коласісь «Крокус Сити Холлӧ» трагедия одзын да сы бӧрын[50]. 2024 во одзгожумӧ лоис тӧдса, мый во одзті Юсуфзодасӧ нелегальнӧя сувтӧтӧмась миграционнӧй учёт вылӧ Сочиын[51].

2024 во тулысшӧр 4 лунӧ РоссияФСБ-лӧн уджаліссез Мокваын, Екатеринбургын да Омскын кутісӧ эшӧ куим мортӧс, кӧднӧ позьӧ лыддьыны тераксоучастниккезӧн[52].

2024 во тулысшӧр 5 лунӧ Басманнӧй суд арестуйтіс терактыс делоыс сьӧрті 11-ӧт фигурантӧс. Мухаммад Шарипзодасӧ ыстісӧ арестӧ 2024 тулыспом 22 лунӧдз[53].

2024 во тулысшӧр 7 лунӧ лоис тӧдса, мый фигуранттэзӧн лоисӧ пожарнӧй опастомалӧм понда кыввидза да «Крокус Сити Холл» пожарнӧй командаись начальник. Нылӧ сетісӧ подпискаэз[54].

2024 во тулысшӧр 26 лунӧ вӧлі кутӧм уголовнӧй делоись 12-ӧт фигурант — Таджикистанлӧн гражданин Джумохон Курбонов, чужӧм Пархар карын 2003 воӧ[55].

2024 во тулысшӧр 27 лунӧ Москваись Басманнӧй суд арестуйтіс Джумохон Курбоновӧс[56].

2024 во тулыспом 16 лунӧ Москваись Басманнӧй суд дырсьӧтіс аресттэз Далерджон Мирзоевлӧ[57], Мухаммадсобир Файзовлӧ[58], Саидакрам Рачабализодалӧ да Шамсидин Фаридунлӧ гожумпом 22 лунӧдз[59].

2024 во тулыспом 16 лунӧ Москваись Басманнӧй суд сідзжӧ дырсьӧтіс аресттэз гожумпом 22 лунӧдз теракт керись чайтана отсаліссезлӧ: Назримада Лутфуллоилӧ, Якубджон Юсуфзодалӧ, Мухаммад Шарипзодалӧ да Джумахон Курбоновлӧ[60].

2024 во тулыспом 17 лунӧ Москваись Басманнӧй суд дырсьӧтіс аресттэз гожумпом 22 лунӧдз: Аминчонлӧ, Диловарлӧ да Исраил Исломоввезлӧ, а сідзжӧ Алишер Касимовлӧ. Следствие сьӧрті, нія отсалісӧ террористтэзлӧ лӧсьӧтчыны уськӧтчӧм кежӧ[61].

Москваись Басманнӧй судісь 2024 во одзгожум 1 лунся картотека документ сьӧрті, терактыс йылісь дело сьӧрті мунісӧ 20 обвиняйтӧм, 18 ны коласісь арестуйтӧмӧсь, эшӧ кык морт видзисӧ подписка увтын[62].

2024 во гожумпомӧ Москваись Басманнӧй суд дырсьӧтіс 12 фигурантлісь арест: Далерджон Мирзоев, Мухаммадсобир Файзов, Саидакрам Рачабализод, Шамсидин Фаридун[63], Назримад Лутфуллои, Якубджон Юсуфзода, Мухаммад Шарипзода, Джумахон Курбонов[64], Алишер Касимов да да Аминчон, Диловар да Исроил Исломоввез[65].

2024 во гожумпом 23 лунӧ лоис тӧдса, мый Мухаммад Зоир Шарипзода босьтіс ас вылас торья мыж теракт керӧм отсалӧмын[66].

2025 во одзтӧлӧ Александр Бастрыкин юӧртіс, мый СК видзӧ 27 фигурантӧс кыдз обвиняйтӧммезӧс терактыс дело сьӧрті[67].

2025 во тӧвпом 19 лунӧ лоис тӧдса, мый Москваись Басманнӧй районнӧй суд 2025 во одзтулыс 24 лунӧдз дырсьӧтіс аресттэз «Крокус сити холл» концертнӧй залын теракт кериссезісь нёль мортлӧ — Мухаммадсобир Файзовлӧ, Далерджон Мирзоевлӧ, Муродали Рачабализоде да Шамсидин Фаридунилӧ[68].

2025 во одзтулыс 7 лунӧ США-ын арестуйтісӧ террорист Мохаммад Шарифуллаӧс, кӧда тӧдса сідзжӧ кыдз Джафар, «Исламскӧй государство» террористическӧй организацияӧ пырисьӧс. США-ись юстиция министерство юӧртіс, мый сія инструктируйтіс боевиккесӧ, кӧдна керисӧ атака «Крокус Сити Холл» вылӧ[69].

Следствие чулӧтӧм

Трагедия местаись Россия Следственнӧй комитетісь сотрудниккез адззисӧ боевӧй боеприпассэзлісь нёль комплект, 500-ся унажык патроннэз да 28 магазин, а сідзжӧ кык Калашников автомат, кӧднӧ используйтісӧ уськӧтчиссес[70].

Терактыс кежӧ преступниккез лӧсьӧтчисӧ неӧтік тӧлісь сьӧрна. Одзтулыс 7 лунӧ Фаридуни рекогносцировка могись ветліс концертнӧй залӧ, кытӧн шедіс «Крокусын» уджалісь фотографлӧн объективӧ. Эта сьӧрті кынымкӧ свидетель висьталісӧ, мый казялісӧ подозрительнӧй айморттэзӧс, кӧдна чукӧрӧн ветлӧтісӧ концертнӧй комплекс кузя да мыйкӧ видзӧтлісӧ. Центрас уджалісьлӧ тӧдвылас усис, мый Фаридуни вӧлі фойеын ӧтӧрся паськӧмӧн да сійӧ тшӧктісӧ сетны курткасӧ гардеробӧ, дзир сія рочӧн юасис, мый-кытӧн керкуас[36].

Таджикистанлӧн президент Эмомали Рахмон босьтіс аслас контроль увтӧ следственнӧй действиеэз подозревайтӧммезлӧн роднӧйезкӧт, нійӧ допрашивайтісӧ республикаись правоохранительнӧй структураэзын уджаліссез[71]. Шамсидин Фаридунилӧн керкуыс, Душанбесянь 50 километра ылынаын, вӧлі опечатайтӧм.

2024 во одзтулыс 26 лунӧ ФСБ директор Александр Бортников висьталіс, мый украинскӧй спецслужбаэз отсалӧмась керны терактсӧ, лӧсьӧтӧмась боевиккезӧс Матісь Асыввылын[72].

РИА Новости сьӧрті, преступниккезӧс, кӧдна керӧмась теракт «Крокус Сити Холлын», вербуйтӧмась телеграм-канал пыр, кӧдӧ лӧсьӧтӧма ИГИЛ-лӧн афганскӧй тор — «Вилаят Хорасан» нима террористическӧй организация. Этӧ телеграм-каналыс вӧлі чышкӧм[73].

Одзтулыс 28 лунӧ ТАСС юӧртіс, мый терактсӧ кериссес вӧлісӧ наркотическӧй нето психотропнӧй веществоэз влияннё увтын. Подозревайтӧммес вирись вӧлісӧ адззӧмӧсь сідз шуана «боевӧй кислота» коляссэз — психоактивнӧй вещество, кӧда вежӧ вежӧрсӧ, пӧдтӧ полӧм[74].

Следственнӧй комитет висьталіс, мый Украинаись теракт керӧм морттэзлӧ вӧлісӧ вуджӧтӧмӧсь сьӧма да криптовалютаа ыджыт суммаэз[75].

2024 во одзтулыс 29 лунӧ Таджикистанісь следственнӧй органнэз юӧртісӧ, мый вӧлісӧ арестуйтӧмась ӧкмыс мортӧс, кӧднӧ подозревайтӧны теракт керӧмкӧт йитӧтын[76].

Террористическӧй акт керӧмын обвиняйтӧммес допроссэзын висьтасисӧ, мый мунӧмась Киевӧ награда понда[77].

Тулысшӧр 1 лунӧ ФСБ-ись Общественнӧй йитӧттэзлӧн центр юӧртіс Дагестанын нёль визирсайся гражданинӧс кутӧм йылісь, нія лӧсьӧтчисӧ керны Каспийскын теракт. Нія туялісӧ карӧ да небисӧ автоматическӧй оружие[78]. Ведомствоӧн юӧртӧм сьӧрті, арестуйтӧммес участвуйтісӧ «Крокус Сити Холлын» терактын кыдз сьӧмӧктіссез[79]. Сідзжӧ Турцияын правоохранительнӧй органнэз кутісӧ Таджикистанын да Киргизияын чужӧм отирӧс, кӧднӧ подозревайтӧны теракт лӧсьӧтӧмын[80].

Тулысшӧр 2 лунӧ терактын дойдӧм отир ыстісӧ РФ СК-ӧ заявленнё уголовнӧй дело «Крокус Сити Холл» эмаліссез вылӧ пондӧтӧм йылісь. Нылӧн представитель, адвокат Игорь Трунов, тшӧктіс следствиелӧ видзӧтны, бурӧсь я бикусӧтан да тшынпеткӧтан системаэз, кыдз организуйтӧм эвакуация, а сідзжӧ тӧдны, мыля эвакуационнӧй петаніннэз вӧлісӧ пӧданаӧсь[81].

2024 во тулысшӧр 9 лунӧ Росфинмониторинг пыртіс экстремисттэз да террористтэз реестрӧ Диловарӧс, Исраилӧс да Аминчон Исломоввезӧс, Алишер Касимовӧс, Назримад Лутфуллоиӧс, Якубджони Юсуфзодаӧс да Мухаммад Шарипзодаӧс[82].

Тулысшӧр 24 лунӧ опастомалӧм сьӧрті мирпасьта пантасьӧм коста Россиялӧн президент Владимир Путин юӧртіс, мый следствие одзлань тӧдмалӧ преступленнёлісь быд детальсӧ, тӧдмалӧ «сыын участвуйтіссезӧс, заказчиккезӧс, спонсоррезӧс, организуйтіссезӧс»[83].

Тулысшӧр 25 лунӧ Росфинмониторинглӧн юралісь Юрий Чиханчин юӧртіс, мый теракт организуйтӧмын участвуйтісӧ уна канму граждана, а финансируйтӧмыс муніс криптовалюта отсӧтӧн[84].

Следственнӧй комитет тулыспом 31 лунӧ пондӧтіс уголовнӧй дело опастӧмалӧм сьӧрті требованнёэзлӧ лӧсявтӧм услугаэз сетӧм йылісь да ӧтлаӧтіс сійӧ терактыс йылісь уголовнӧй делокӧт[85].

2024 во гожумпомӧ «Крокус Сити Холл» теракт делоын содісӧ вит виль фигурант. Басманнӧй суд Москваын дырсьӧтіс одзтӧв 1 лунӧдз Гадоев Шахромжон Насимович, Исмаилов Зубайдулла Авайдуллоевич, Солиев Мустаким Абдуманович, Солиев Умеджон Абдуманович да Хамидов Хусейн Абдурасулович арестэзлісь дырна[86]. Виль фигуранттэзсис ӧтік — Умеджон Солиев — вӧлі ни Россияын розыскын[87]. Виль фигуранттэс отсалісӧ уськӧтчиссеслӧ оружиенас[88].

2024 вося аршӧрӧ следствие тӧдмаліс, мый делоын нёль фигурант пырӧны «Вилаят Хорасан» террористическӧй группаӧ кыдз сы боевиккез. Гадоев, Исмоилов, кыкнан Солиев паныт осьтісӧ уголовнӧй делоэз террористическӧй группа уджӧ пырӧтчӧм, огнестрельнӧй оружие да боеприпассэзӧн нелегальнӧя бергӧтлӧм, а сідзжӧ организованнӧй группаӧн нелегальнӧя взрывайтан керӧм понда[89].

2024 во аршӧрӧ терактыс делоын содісӧ нёль виль фигурант, нія Ингушетияись оліссез: Хусейн Медов, Джабраил Аушев, Хаваж-Багаудин Алиев да Батыр Кулаев. Кыкыс ны коласісь арестуйтӧмӧсь, кыкӧс объявитӧмӧсь розыскӧ. Следствие висьталӧм сьӧрті, нія посредниккез пыр сетӧмась теракт кериссезлӧ автоматтэз да ны понда боеприпассэз, мый понда босьтӧмась 1 миллионся унажык руб. Следственнӧй ведомстволӧн центральнӧй аппарат уголовнӧй делосӧ ӧтлаӧтісӧ терактыс делокӧт (ч. 3 ст. 205 УК), но мыжтӧны нійӧ ч. 5 ст. 222 (оружиеэзӧн да боеприпассэзӧн незаконнӧй вузалӧм, кӧдӧ керис группа ӧтбаитчӧм сьӧрті) да ч. 3 ст. УК 222.1 (группаӧн керӧм взрывнӧй устройствоэзӧн да ны вузалӧм)[90] статьяэз сьӧрті.

2024 во арпом 2 лунӧ лоис тӧдса, мый террористтэзлӧ оружие сетісӧ 7 морт. Хусейн Медов, Джабраиль Аушев, Хаваж-Багаудин Алиев да Батыр Кулаев киння, группаӧ пырисӧ Амерхан Матиев, а сідзжӧ Турцияын дзебсисьӧм Адам Белхароев да Украинаын дзебсисьӧм Ильяс Белхароев (пыртӧмӧсь террористтэз да экстремисттэз реестрӧ)[91].

2024 во арпом 20 лунӧ, ТАСС юӧртӧм сьӧрті, Аминчонлӧ да Диловар Исломоввезлӧ, ны айлӧ Исраил Исломовлӧ да Алишер Касимовлӧ статьясӧ вежисӧ террористическӧй уджлӧ отсалӧм йылісь статья вылӧ[92].

2024 во одзтӧв 4 лунӧ Ингушетияын вӧлісӧ кутӧмӧсь террористтэзлӧн нёль отсасись. «Батал-Хаджи» религиознӧй общиналӧн представителлез вылӧ осьтӧмӧсь уголовнӧй делоэз. Следствие висьталӧм сьӧрті, нія сетӧмась «веськыта отсалӧм да отсалӧм» «Крокус» вылӧ уськӧтчиссезлӧ[93].

2025 во тӧвшӧр 2 лунӧ Стамбулісь уголовнӧй суд примитіс обвинительнӧй кывкӧртӧт терактсӧ кериссезкӧт йитӧтӧн обвиняйтӧммез вылӧ, нылӧ колӧ пукавны тюрьмаын 7,5-15 во сьӧрна. Подсудимӧйез скамья вылын вӧлісӧ Стамбулын оліссез, кӧдна одзжык контактируйтісӧ Рачабализода да Фаридуникӧт, нія кыкнанныс участвуйтісӧ теракт керӧмас[94].

2025 во тӧвпом 5 лунӧ «Крокус Сити Холлын» теракт дело сьӧрті медодзза следствие помассис. Медбы ӧктыны быдӧс материалсӧ, арестуйтны 20 фигурантӧс да допроситны свидетеллезӧс, чулаліс 11 тӧлісь[95].

2025 во тӧвпом 11 лунӧ «Крокус интернэшнл» компаниясӧ, «Крокус Сити Холл» концертнӧй залыслісь эмалісьӧ, шуисӧ террористическӧй актын пострадавшӧйӧн[96].

2025 во одзгожум 23 лунӧ СК помаліс теракт туялӧм. Следствие сьӧрті, терактыс вӧлі керӧм украинскӧй власттез тшӧктӧм сьӧрті, медбы дестабилизируйтны Россияын политическӧй олӧм[1]. РФ Следственнӧй комитетлӧн официальнӧй юӧртчись висьталіс, мый «Крокус сити холл» концертнӧй залын теракт керӧмын винитӧммезісь мукӧдыс лӧсьӧтчисӧ взорвитны Каспийскись шоччисян комплекс[97].

2025 во одзгожум помын ТАСС юӧртіс, мый Шамсидин Фаридуни, винитӧммезісь ӧтік, шуис асьсӧ тырви мыжааӧн да каитчис керӧмыс понда[98].

РФ Следственнӧй Комитетлӧн следствие бӧртассэз сьӧрті, кӧдна вӧлісӧ йӧзӧтӧмӧсь 2025 во одзгожум помын, теракт коста да сы бӧрын вийсисӧ да кулісӧ 149 морт, ӧтік ӧшис, доймисӧ 609 морт. Дело сьӧрті пострадавшійезӧн лыддиссьӧны 2300-ся унажык морт[16][99]. Атакасянь ӧтласа ущербыс лоис 6 млрд руб мымда. Терактыс вӧлі керӧм «Вилаят Хорасан» террористическӧй организацияӧ пыриссезӧн да нылӧн отсаліссезӧн Украина режимӧн юраліссез тшӧктӧм сьӧрті[1][17]. Терактын вийсьӧм тир кулісӧ лыйӧмсянь да пӧдан газӧн пӧдӧмсянь[18].

2025 во одзгожум 30 лунӧ Россиялӧн Генеральнӧй прокуратура ыстіс терактын 19 винитӧм морт сьӧрті 427 тома уголовнӧй дело 2-ӧт Западнӧй окружнӧй военнӧй судӧ[100].Уголовнӧй дело сьӧрті постравшӧйезӧн лыддьӧм 2,3 сюрс мортісь не унажык 150 мортся пондасӧ участвуйтны судебнӧй процессас 2-й Западнӧй окружнӧй военнӧй судын. Терактыс йылісь делосӧ пондасӧ кывзыны куим судьяя коллегия. Делоыслӧн материаллэс ӧктӧмӧсь 470-ся унажык томӧ, ны лыдын медодзза следствие коста ӧктӧм вещественнӧй мыччӧт база, а сідзжӧ 200-ся унажык быдкодь экспертизаэзлӧн результаттэз[101].

2025 во гожумшӧр 21 лунӧ лоис тӧдса, мый теракт йылісь дело сьӧрті процессыс пондӧтчас 2025 во гожумпом 4 лунӧ. Сійӧ пондас видзӧтны 2-ӧт Западнӧй окружнӧй военнӧй суд. Заседаннёэс пондасӧ чулӧсьыны Мосгорсудын[19].

Реакция Россияын

Траура гижӧта реклама щит Москваын, Мир проспект вылын

Москваись мэр Сергей Собянин висьталіс, мый «Крокус Сити Холлын» «аркмис ужаснӧй трагедия»:

«Вийсьӧм отир ронӧйезлӧ ыста соболзнованнёэз. Сеті распоряженнё сетны быдӧс колана отсӧт быдӧнныслӧ, кин доймалісӧ эта кадӧ».

"Крокус Сити Холлын" лыйсьӧм да взрыввез — «вира теракт», висьталіс МИД-лӧн официальнӧй представитель Мария Захарова. Сія корис мировӧй сообществоӧс осудитны «этӧ чудовищнӧй преступленнёсӧ»[102].

Патриарх Кирилл юрбитіс вийсьӧм да доймӧм отир понда, а сідзжӧ «Крокус Сити Холл» керкуын пӧжарсянь доймӧммезлӧн мезмӧм понда[103].

Москваын аэропорттэзын да вокзаллэзын вӧлісӧ вынсьӧтӧмӧсь опастомалӧм мераэз[22].

Москваын 2024 во одзтулыс 23-24 луннэзӧ дугдӧтісӧ быдӧс спортивнӧй, культурнӧй да массовӧй мероприяттёэз «Крокус Сити Холлын» теракт кузя, юӧртіс мэр Собянин[104].

Отир лысинвидзан министерствоӧн юралісь Михаил Мурашко босьтіс аслас контроль увтӧ дӧймӧм отирлӧ отсалӧм[22].

«Крокус Сити Холл» концертнӧй залын лоӧмтор сьӧрті Рочмуись СК-лӧн Главнӧй следственнӧй управление пондӧтіс уголовнӧй дело уголовнӧй преступленнё признаккез сьӧрті, кӧднӧ урчитӧма ст. 205 УК РФ (террористическӧй акт)[105].

Некытшӧм суддэз да расследуйтӧммез озӧ отсалӧ, ежели вынлӧ не паныт сувтны вынлӧ, а кулӧммезлӧ — террористтэзлісь тотальнӧй казнитӧммез да ны семьяэз вылӧ репрессияэз. Мирӧвӧй опыт", — висьталіс РФ-ись безопасносьт Совбезлӧн юралісьӧс вежись Дмитрий Медведев[106].

Аслас шыӧтчӧмын РФ президент Владимир Путин юӧртіс 2024 во одзтулыс 24 лунсӧ общенациональнӧй траур лунӧн, а сідзжӧ юӧртіс террористтэзӧс кутӧм йылісь, кӧдна мунісӧ Украина ладорӧ канму визир вуджӧм понда украинскӧй ладорсянь одзлань лӧсьӧтӧм «ӧшынӧт». Президент висьталіс Россияись быд гражданин нимсянь пострадайтіссезлӧ да нылӧн роднӧйезлӧ сочувствуйтӧм, юӧртіс материальнӧй отсӧт торйӧтӧм йылісь да аттьӧаліс простӧй гражданаӧс пострадайтіссезлӧ да неминуча местаын спецслужбаэзын уджаліссезлӧ участвуйтӧмсянь да чожа отсӧт сетӧмсянь[107].

«Мийӧ пантасим миян отирӧс лӧсьӧтӧм массӧвӧй вийӧмкӧт. Мийӧ сувтӧтам да накажитам быдӧннысӧ, кин сулаліс эта преступленнё сайын. Террористтэз видзчисьӧны водзӧс, одзланьсяыс нылӧн абу. Миян общӧй долг ӧні — лоны ӧтлаын ӧтік стройын. Некинлӧ оз удайтчы кӧдзны миян обществоӧ паника да разлад. Москваын да мӧдік регионнэзын пыртісӧ терроризмлӧн содтӧт мераэз», — висьталіс россияна дынӧ аслас шыӧтчӧмын Владимир Путин[108].

2024 во одзтулыс 25 лунӧ Россияись президент бердын челядь правоэз сьӧрті уполномоченнӧй Мария Львова-Белова сетіс аттьӧалан гижӧттэз кык подростоклӧ, кӧдна отсалісӧ эвакуируйтны «Крокус Сити Холлӧ» вовліссесӧ теракт коста. Аттьӧалӧммез «асьсӧ жалейтӧм, повтӧмлун, личнӧй повтӧмлун понда, кӧднӧ мыччаліс пострадайтіссезлӧ отсӧт сетӧм понда», получитісӧ 15 вося Ислам Халилов да 14 вося Артём Донсков. Кыкнан том мортыс уджалісӧ гардеробщиккезӧн «Крокус Сити Холлын»[109].

2024 во одзтулыс 26 лунӧ «Крокус Сити Холл» школаын велӧтчись-гардеробщик Артём Донсковӧс, администратор София Мейерӧс, кӧдна отсалісӧ отирлӧ эвакуируйтчыны теракт коста, наградитісӧ Россия Федерацияись Общественнӧй палаталісь медальӧн. Медаль вӧлі лӧсьӧтӧм и Ислам Халиловлӧ, но сія эз вермы локны церемония вылӧ[110].

Одзтулыс 27 лунӧ Москва да быдӧс Рочмулӧн Патриарх Кирилл корис не лэдзны Россияын лоны межрелигиознӧй конфликтлӧ терактыс кузя[111].

Тулыспом 2 лунӧ РФ президент Владимир Путин ошкис челядь Артём Донсковӧс, Никита Ивановӧс да Ислам Халиловӧс «Кулана отир спаситӧм понда» медальӧн. Том отир отсалісӧ отирлӧ эвакуируйтчыны теракт коста[112][113].

2024 во гожумшӧр 8 лунӧ РФ президент Владимир Путин ошкис Мужество орденӧн «Внуково» аэропортісь сотрудникӧс Валентин Николаенковӧс, кӧда вийсис террористсянь дорйисьтӧн «Крокус Сити Холлын» теракт коста[114].

2024 во гожумшӧрын РФ-ись генпрокурор Игорь Краснов локтіс кывкӧртӧтӧ, мый «Крокус Сити Холлын» теракт лоис позянаӧн и региональнӧй власть органнэзлӧн просчёттэз кузя, а терроризмлӧ паныт тышкасьӧмын колӧ дзир мӧдкодь, чорытжык удж уна отир ӧксян объекттэз вӧджжӧтӧмын[115].

Мирпасьтся реакция

«Бурдж-Халифа» башня вылӧ ӧзтісӧ Россия дӧрапас рӧммез терактӧ сюрӧм отир касьтылӧм понда

2024 во тулысшӧр 3 лунӧ американскӧй журналист Сеймур Херш источниккез вылӧ ыстісьӧмӧн висьталіс, мый США-ись Центральнӧй разведывательнӧй управленнё висьталіс Россиялӧ «Крокусын» теракт лӧсьӧтӧм йылісь. Херш шуӧмӧн, «ӧтік юӧр вӧлі маркируйтӧма „срочнӧйӧн“ и сетӧма концерт одзын ЦРУ-сянь российскӧй разведкаӧ». Сы дырни, висьталіс американскӧй журналист, ЦРУ эз тӧд, мый терактсӧ планируйтӧны «Крокусын», и баитӧмыс вӧлі просто «места йылісь, кытӧн отирыс публичнӧя ӧксьӧны»[116].

ООН-лӧн генсек «чорыта» осудитіс «Крокусын» терактсӧ да висьталіс соболезнованнёэз Россия правительство да отирлӧ[22].

Соболезнованиеэз Россиялӧ висьталісӧ быдкодь странаэз, кӧдна коласын Египет, Казахстан, Азербайджан, Киргизия, Чехия, Италия, Сербия, Германия, Люксембург, Катар, Куба, Палестина, Боливия, Иран, Венесуэла, Узбекистан, Серб Республика, Турция, Армения, Мальта, Абхазия, Иордания, Сауд Аравия, Пакистан, Ирак, Австрия, Франция, Таджикистан, Мексика, Колумбия, Австрия, ОАЭ, Сирия, Бахрейн, Канада, Белоруссия да мӧдіккез.

Террористическӧй атака осудитісӧ ыджыт исламистскӧй движеннёэз ХАМАС, Талибан да Хезболла[117][118][119].

Одзтулыс 25 лунӧ ООН Советын Япониялӧн постпред вӧзйис терроризмлӧн жертваэз память понда чӧлан минута[120].

Американскӧй рок-группа Garbage, кӧда аскадӧ выступайтіс «Крокус Сити Холлын», касьтыліс терактӧ сюрӧм отирӧс[121].

2024 во тулысшӧр 6 лунӧ Турция бырӧтіс Таджикистанлӧн граждана понда визаэзтӧм режим. Турецкӧй СМИ висьталӧм сьӧрті, решеннёыс вермас лоны йитӧм кык таджик теракт керӧмын обвиняйтӧм мортлӧн 2024 во тӧвшӧр-одзтулысӧ Стамбулӧ ветлӧмӧн[122].

Терактын вийсьӧммезлӧ мемориал

2025 во тӧвпомӧ «Крокус Сити Холл» дынӧ пондісӧ лэбтыны терактын вийсьӧммезлӧ мемориал[123]. Сія вӧлі осьтӧм трагедия чулалан лунӧ — одзтулыс 22 лунӧ. Московскӧй областьлӧн губернатор Андрей Воробьёв юӧртіс, мый мемориалсӧ керӧмӧн занимайтчис концертнӧй залыслӧн эмалісьыс.

«Крокус Сити Холл» дынын мемориал осьтӧм (2025 во одзтулыс 22 лун)

Сьӧд гранитсянь лэбалан туриэз фигураэза кык стела сувтӧтӧмӧсь концертнӧй зал да «Крокус Экспо» мӧдӧдзза павильон паныт. Касьтылан пас вылын гижӧм «2024 во одзтулыс 22 лунӧ бесчеловечнӧй террористическӧй актлӧн жертваэзлӧ памятьлӧ»[124].

Содтӧт информация

2024 во одзтулыс 25 лунӧ ЦБ вӧзйис банккезлӧ да микрофинансӧвӧй организацияэзлӧ чышкыны «Крокус Сити Холл» теракт коста кулӧммезлісь одзӧсалӧмсӧ[125]. Сбербанк да ВТБ юӧртісӧ, мый лӧсьӧтчӧны керны этӧ эшӧ 2024 во одзтулыс 23' лунӧ. Сідзжӧ чышкыны одзӧсалӧмсӧ кӧсйисисӧ 23 банк: «Тинькофф», Альфа-банк, Совкомбанк, Газпромбанк, Почта Банк, Промсвязьбанк, Московскӧй кредитнӧй банк да мӧдіккез[126].

«Пикник» группалӧн концерт, кӧда вӧлі планируйтӧм 2024 во одзтулыс 27 лунӧ Санкт-Петербургын, чулаліс. Сія вӧлі сиӧм «Крокус Сити Холлын» терактӧ сюрӧм отирлӧ.[127].

Терактын вийсьӧм касьтывлӧм могись российскӧй исполнительез гижисӧ «Голос мой услышь» нима альбом. Сэтчӧ муніс сьылісь Муслим Магомаев репертуарись 12 сьыланкыв, сылісь нимсӧ новйис концертнӧй зал, кытӧн вӧлі керӧма атака. Прослушивайтӧмсянь быдӧс доходсӧ иньдӧны пострадайтіссезлӧ[128].

2024 во одзгожум 29 лунӧ Московскӧй областьлӧн губернатор Андрей Воробьёв висьталіс, мый регионыс кидсис «Крокус» вились лэбтӧмись:

«Концертнӧй залыс сэсся сэтчин оз ло»[129].

2025 во одзтулысӧ терактын обвиняйтӧммез коласісь ӧтіклӧн адвокат висьталіс, мый «Крокус» вылӧ атака одзын террористтэз лӧсьӧтчисӧ мӧдік атакаэз кежӧ да фотографируйтісӧ обстановкасӧ Кремль дынын, метро «Чистые приуды» дынын да «МЕГА Белая Дача» пытшкын. Дзебсисьны террористтэз лӧсьӧтчисӧ Украинаын[130].

«Крокус Сити Холлын» трагедияся годовщина одзын «Октябрь» кинотеатрын чулаліс «Крокус. Чегтӧмӧсь» нима докуметальнӧй фильмлӧн премьера. Фильмсӧ керисӧ «Интеграция» продюсерскӧй центр Россияись Гӧрд Крест отсӧтӧн. Картинаыс подулӧ пырисӧ историяэз волонтёррез, враччез, концертнӧй залын уджаліссез да уна мӧдіккез йылісь, кӧдна участвуйтісӧ отирӧс спаситӧмын[131].

2025 во гожумшӧр 21 лунӧ Новосибирскӧй областьлӧн суд судитіс Баходурджон Ахмадалиевӧс, кӧда небӧм билеттэсӧ «Крокус Сити Холл» вылӧ уськӧтчӧм террористтэзлӧ, 14 во дырна кеж тюрьмаын Красногорскын теракт бӧрся мӧдлунас взрывайтчыны пондылӧм понда[132]. Полицияыс тӧдмалӧм, мый сія небис интернетісь билеттэз Далерджон Мирзоевлӧ да эшӧ ӧтік теракт керись понда. Трагедия бӧрын Подмосковьеын, Ахмадалиев ордын, автомобильын кошшисикӧ вӧлі адззӧм взрывчатка. Сія планируйтіс лэдзны сійӧ уджӧ Новосибирск районісь Железнодорожнӧй районын уна отира местаын[133].

Пасйӧттэз

  1. ↑ 1 2 3 4 5 6 7 СК завершил расследование теракта в «Крокусе» и назвал Украину заказчиком, РБК (23 Одзгожум 2025). Дата обращения: 24 Одзгожум 2025.
  2. ↑ В «Крокус Сити Холл» произошла стрельба, РБК (22 Одзтулыс 2024). Дата обращения: 22 Одзтулыс 2024.
  3. ↑ Онлайн: в подмосковном «Крокус Сити Холле» стрельба и пожар, есть раненые, Коммерсантъ (22 Одзтулыс 2024). Дата обращения: 22 Одзтулыс 2024.
  4. ↑ Участников теракта в "Крокусе" задержали недалеко от границы с Украиной, РИА Новости (23.03.2024). Дата обращения: 23 Одзтулыс 2024.
  5. ↑ Исполнители теракта в "Крокусе" признались, что его организовала Украина, РИА Новости (29.06.2025). Дата обращения: 29 Одзгожум 2025.
  6. ↑ РБК, 23 марта 2024. Путин заявил, что с украинской стороны готовили «окно» для террористов
  7. ↑ РБК, 26 марта 2024. Бортников обвинил спецслужбы Украины в содействии теракту в «Крокусе»
  8. ↑ РБК, 27 марта 2024. Песков заявил, что официальных версий теракта в «Крокусе» еще не называли
  9. ↑ Eric Schmitt. What We Know About ISIS-K, the Group That Claimed Responsibility for the Moscow Attack, The New York Times (22 Одзтулыс 2024). Дата обращения: 23 Одзтулыс 2024.
  10. ↑ ISIS claims responsibility for attack in busy Moscow-area concert venue that left at least 40 dead, CNN (22 Одзтулыс 2024). Дата обращения: 22 Одзтулыс 2024.
  11. ↑ Moscow concert hall attack latest: ISIS claims responsibility for shooting that killed more than 60 people англ.. The Independent.
  12. ↑ Ведомости, 25 марта 2024. Что такое запрещенный в России «Вилаят Хорасан»
  13. ↑ Интерфакс, 24 марта 2024. Вице-президент США возложила ответственность за теракт в Crocus City Hall на ИГ
  14. ↑ Путин назвал кровавым и варварским теракт в «Крокус Сити Холле», РБК (23.03.2024). Дата обращения: 23 Одзтулыс 2024.
  15. ↑ Организаторами теракта в "Крокусе" были шестеро граждан Средней Азии, РИА Новости (22 Одзтулыс 2025). Дата обращения: 22 Одзтулыс 2025.
  16. ↑ 1 2 Свыше двух тысяч человек проходят потерпевшими по делу о "Крокусе", РИА Новости (20 Тулыспом 2025). Дата обращения: 20 Тулыспом 2025.
  17. ↑ 1 2 3 Число погибших детей при теракте в «Крокусе» выросло до шести, РБК (3 Тулысшӧр 2024). Дата обращения: 3 Тулысшӧр 2024.
  18. ↑ 1 2 Инженер-строитель пробил стену для спасения людей в «Крокусе», РБК (30 Одзтулыс 2024). Дата обращения: 30 Одзтулыс 2024.
  19. ↑ 1 2 Процесс по делу о теракте в «Крокусе» в Мосгорсуде начнется 4 августа, РБК (21 Гожумшӧр 2025). Дата обращения: 21 Гожумшӧр 2025.
  20. ↑ Крокус. Mash (22 03 2024).
  21. ↑ Теракт с десятками погибших в «Крокус Сити Холле». Главное, РБК. Дата обращения: 22 Одзтулыс 2024.
  22. ↑ 1 2 3 4 5 Что известно о происшествии в "Крокус сити холле". Главное, TACC. Дата обращения: 22 Одзтулыс 2024.
  23. ↑ Пожару в "Крокус сити холле" присвоен повышенный ранг сложности, TACC. Дата обращения: 22 Одзтулыс 2024.
  24. ↑ В оперслужбах сообщили о втором взрыве в Crocus City Hall, Interfax.ru (22 Одзтулыс 2024). Дата обращения: 22 Одзтулыс 2024.
  25. ↑ Вертолеты сбросили около 160 тонн воды на горящий "Крокус сити холл", РИА Новости (23.03.2024). Дата обращения: 23 Одзтулыс 2024.
  26. ↑ Минздрав Подмосковья опубликовал список из 145 госпитализированных после теракта, TACC (23.03.2024). Дата обращения: 23 Одзтулыс 2024.
  27. ↑ Интерфакс, 24 марта 2024. Спасатели сделали проем в стене Crocus для прохода тяжелой техники
  28. ↑ Поисковую операцию на месте теракта в «Крокусе» продлили на день, РБК (25 Одзтулыс 2024). Дата обращения: 25 Одзтулыс 2024.
  29. ↑ Спасатели завершили разбор завалов в "Крокус сити холле", TACC (26 Одзтулыс 2024). Дата обращения: 26 Одзтулыс 2024.
  30. ↑ Бастрыкин потребовал поименно установить заказчиков теракта в «Крокусе», РБК (31 Одзтулыс 2024). Дата обращения: 31 Одзтулыс 2024.
  31. ↑ Суд признал более 1,7 тыс. человек потерпевшими по делу о теракте в «Крокусе» (2024-06-01).
  32. ↑ Выплаты пострадавшим в "Крокусе" начнутся с 23 сентября, TACC (20 Одзар 2024). Дата обращения: 20 Одзар 2024.
  33. ↑ 1 2 Опубликовано видео допроса террориста из "Крокуса", РИА Новости (23.03.2024). Дата обращения: 23 Одзтулыс 2024.
  34. ↑ ТАСС, 25 марта 2014. Бастрыкин заявил о восстановлении хронологии теракта в «Крокус сити холле»
  35. ↑ РИА Новости: Террористы из "Крокуса" ехали по трассе со скоростью более 140 км/ч - Российская газета, Российская газета (26 Одзтулыс 2024). Дата обращения: 27 Одзтулыс 2024.
  36. ↑ 1 2 Арестованным Басманным судом террористам грозит пожизненное лишение свободы - Российская газета, Российская газета (25 Одзтулыс 2024). Дата обращения: 27 Одзтулыс 2024.
  37. ↑ Участникам задержания устроивших теракт в "Крокусе" вручили награды, РИА Новости (25.03.2024). Дата обращения: 25 Одзтулыс 2024.
  38. ↑ В МВД рассказали, как выследили машину террористов, напавших на «Крокус», Росбалт. Дата обращения: 28 Одзтулыс 2024.
  39. ↑ Суд арестовал четырех фигурантов дела о теракте в «Крокус Сити Холле», РБК (24.03.2024). Дата обращения: 25 Одзтулыс 2024.
  40. ↑ Суд назвал имена фигурантов дела о теракте в «Крокус Сити Холле», РБК. Дата обращения: 25 Одзтулыс 2024.
  41. ↑ Жирнов, Степан. «Не едем на турнир?» Мальчик, сбитый террористами, пришёл в сознание, AiF. Дата обращения: 25 Одзтулыс 2024.
  42. ↑ Суд арестовал пятого обвиняемого по делу о теракте в "Крокус сити холле", TACC (25 Одзтулыс 2024). Дата обращения: 25 Одзтулыс 2024.
  43. ↑ Суд арестовал седьмого фигуранта дела о теракте в "Крокусе", РИА Новости (25 Одзтулыс 2024). Дата обращения: 25 Одзтулыс 2024.
  44. ↑ Екатерина КОСОБОКОВА | Суд арестовал восьмого фигуранта по делу о теракте в «Крокусе» Алишера Касимова рус..
  45. ↑ Росфинмониторинг внес напавших на «Крокус» в реестр террористов (2024-03-28).
  46. ↑ В суде раскрыли имя девятого фигуранта дела о теракте в "Крокусе" - Российская газета, Российская газета (29 Одзтулыс 2024). Дата обращения: 29 Одзтулыс 2024.
  47. ↑ В Москве арестовали девятого фигуранта дела о теракте в «Крокусе», РБК (29 Одзтулыс 2024). Дата обращения: 29 Одзтулыс 2024.
  48. ↑ Суд арестовал девятого фигуранта дела о теракте в "Крокусе", РИА Новости (29.03.2024). Дата обращения: 29 Одзтулыс 2024.
  49. ↑ Суд арестовал десятого фигуранта дела о теракте в "Крокусе", РИА Новости (01.04.2024). Дата обращения: 1 Тулысшӧр 2024.
  50. ↑ СК раскрыл имя и роль еще одного фигуранта дела о теракте в «Крокусе», РБК (1 Тулысшӧр 2024). Дата обращения: 1 Тулысшӧр 2024.
  51. ↑ Mash: фигуранта дела о теракте в «Крокусе» поставили на учет незаконно (2024-06-11).
  52. ↑ ФСБ сообщила о задержании еще троих фигурантов дела о теракте в «Крокусе», Ведомости (4 Тулысшӧр 2024). Дата обращения: 4 Тулысшӧр 2024.
  53. ↑ Басманный суд арестовал еще одного фигуранта дела о теракте в «Крокусе», Известия (5 Тулысшӧр 2024). Дата обращения: 5 Тулысшӧр 2024.
  54. ↑ ТАСС узнал о фигурантах дела о халатности после теракта в «Крокусе», РБК. Дата обращения: 8 Тулысшӧр 2024.
  55. ↑ В РФ задержали еще одного фигуранта дела о теракте в «Крокус Сити Холле», AiF (26 Тулысшӧр 2024). Дата обращения: 26 Тулысшӧр 2024.
  56. ↑ Басманный суд арестовал 12-го фигуранта дела о теракте в «Крокусе», Известия (27 Тулысшӧр 2024). Дата обращения: 27 Тулысшӧр 2024.
  57. ↑ Суд продлил арест предполагаемому исполнителю теракта в "Крокусе" Мирзоеву (2024-05-16).
  58. ↑ Суд продлил арест одному из исполнителей теракта в «Крокусе» (2024-05-16).
  59. ↑ Суд продлил арест всем исполнителям теракта в «Крокус Сити Холле» (2024-05-16).
  60. ↑ Суд продлил арест четверым пособникам напавших на "Крокус" террористов (2024-05-16).
  61. ↑ https://www.rbc.ru/rbcfreenews/664733029a79479f7e2e0666 (2024-05-17).
  62. ↑ По делу о теракте в «Крокусе» арестовано 18 человек (2024-06-01).
  63. ↑ Суд продлил арест четырем обвиняемым в теракте в «Крокусе», РБК (16 Гожумпом 2024). Дата обращения: 20 Гожумпом 2024.
  64. ↑ Суд продлил арест еще четырем обвиняемым в теракте в «Крокусе», РБК (19 Гожумпом 2024). Дата обращения: 20 Гожумпом 2024.
  65. ↑ До 22 ноября продлили арест 4 фигурантов по делу о теракте в «Крокусе», AiF (20 Гожумпом 2024). Дата обращения: 20 Гожумпом 2024.
  66. ↑ Еще один фигурант дела о теракте в «Крокусе» частично признал вину, РБК (23 Гожумпом 2024). Дата обращения: 23 Гожумпом 2024.
  67. ↑ Виктория Шварц. Бастрыкин заявил, что по делу о теракте в "Крокус Сити Холле" обвиняются 27 фигурантов, Профиль (14 Тӧвшӧр 2025). Дата обращения: 15 Тӧвшӧр 2025.
  68. ↑ Исполнителям теракта в «Крокусе» продлили арест до 24 марта, AiF (19.02.2025). Дата обращения: 19 Тӧвпом 2025.
  69. ↑ В США арестовали террориста, инструктировавшего напавших на «Крокус», РБК. Дата обращения: 7 Одзтулыс 2025.
  70. ↑ В СК рассказали об изъятом оружии с места теракта в "Крокус сити холле", TACC. Дата обращения: 24 Одзтулыс 2024.
  71. ↑ Мария МАМАЕВА | В Душанбе ведут следственные мероприятия с родными террористов из «Крокуса» рус..
  72. ↑ Сергей Чиков | Бортников: Украина готовила боевиков на Ближнем Востоке рус. (2024-03-26).
  73. ↑ РБК, 27 марта 2024. Участника телеграм-группы с террористами из «Крокуса» вышлют из России
  74. ↑ В крови террористов из "Крокуса" обнаружили психотропные наркотические вещества - Российская газета, Российская газета (28 Одзтулыс 2024). Дата обращения: 2 Тулысшӧр 2024.
  75. ↑ СК получил доказательства связи террористов из "Крокуса" с Украиной, РИА Новости (28 Одзтулыс 2024). Дата обращения: 28 Одзтулыс 2024.
  76. ↑ Источник: под Душанбе задержали девять человек по делу об атаке на "Крокус", РИА Новости (20240329T1257). Дата обращения: 29 Одзтулыс 2024.
  77. ↑ Обвиняемые в теракте в "Крокусе" заявили, что ехали в Киев за наградой, РИА Новости (29.03.2024). Дата обращения: 29 Одзтулыс 2024.
  78. ↑ Задержанные в Дагестане террористы снабжали деньгами и оружием атаковавших "Крокус", TACC (1 Тулысшӧр 2024). Дата обращения: 1 Тулысшӧр 2024.
  79. ↑ ФСБ заявила о причастности задержанных в Дагестане боевиков к теракту в «Крокусе», Известия (1 Тулысшӧр 2024). Дата обращения: 1 Тулысшӧр 2024.
  80. ↑ В Турции задержали жителей Таджикистана по подозрению в подготовке теракта, РИА Новости (01.04.2024). Дата обращения: 1 Тулысшӧр 2024.
  81. ↑ Пострадавшие в "Крокусе" просят СК возбудить дело в отношении владельцев комплекса, TACC (2 Тулысшӧр 2024). Дата обращения: 2 Тулысшӧр 2024.
  82. ↑ Семерых фигурантов дела о теракте в «Крокусе» внесли в реестр террористов, РБК. Дата обращения: 9 Тулысшӧр 2024.
  83. ↑ Путин: Спецслужбы продолжают выявлять заказчиков и спонсоров теракта в "Крокусе" - Российская газета, Российская газета (24 Тулысшӧр 2024). Дата обращения: 24 Тулысшӧр 2024.
  84. ↑ Росфинмониторинг раскрыл, как финансировался теракт в "Крокусе" - Российская газета, Российская газета (25 Тулысшӧр 2024). Дата обращения: 25 Тулысшӧр 2024.
  85. ↑ СК возбудил дело об оказании небезопасных услуг в связи с нападением на "Крокус" (2024-05-31).
  86. ↑ Стало известно о пяти новых фигурантах дела о теракте в "Крокусе", РИА Новости (29 Гожумпом 2024). Дата обращения: 29 Гожумпом 2024.
  87. ↑ Стали известны подробности о новом фигуранте по делу о теракте в "Крокусе", РИА Новости (29 Гожумпом 2024). Дата обращения: 29 Гожумпом 2024.
  88. ↑ Пятеро фигурантов дела о теракте в "Крокусе" обеспечивали нападавших оружием, TACC (29 Гожумпом 2024). Дата обращения: 29 Гожумпом 2024.
  89. ↑ Четыре фигуранта дела о теракте в «Крокусе» состояли в «Вилаят Хорасан», РБК. Дата обращения: 3 Аршӧр 2024.
  90. ↑ В деле «Крокуса» взят новый след (2024-11-01).
  91. ↑ Стали известны личности передавших оружие напавшим на «Крокус» террористам, Известия (2 Арпом 2024). Дата обращения: 2 Арпом 2024.
  92. ↑ Четырем фигурантам дела о теракте в «Крокусе» переквалифицировали обвинение, AiF (20 Арпом 2024). Дата обращения: 20 Арпом 2024.
  93. ↑ В Ингушетии задержали предполагаемых пособников напавших на "Крокус" террористов, TACC (4 Одзтӧв 2024). Дата обращения: 5 Одзтӧв 2024.
  94. ↑ Anadolu: подельникам террористов из "Крокуса" грозит 15 лет тюрьмы в Турции, TACC (2 Тӧвшӧр 2025). Дата обращения: 2 Тӧвшӧр 2025.
  95. ↑ Предварительное следствие по делу о теракте в «Крокус Сити Холле» завершилось (2025-02-05).
  96. ↑ Владелец «Крокус Сити Холла» признан потерпевшим по делу о теракте (2025-02-11).
  97. ↑ Обвиняемые в теракте в "Крокусе" планировали еще один в Каспийске, TACC (23 Одзгожум 2025). Дата обращения: 24 Одзгожум 2025.
  98. ↑ ТАСС узнал о раскаявшемся исполнителе теракта в «Крокусе», РБК (30 Одзгожум 2025). Дата обращения: 30 Одзгожум 2025.
  99. ↑ Экспертиза признала вменяемыми исполнителей теракта в «Крокус Сити Холле», РБК. Дата обращения: 14 Тулысшӧр 2025.
  100. ↑ Генпрокуратура направила в суд дело о теракте в "Крокусе", TACC (1 Гожумшӧр 2025). Дата обращения: 1 Гожумшӧр 2025.
  101. ↑ По делу о теракте в "Крокусе" в судебном процессе примет участие не более 150 потерпевших, TACC (21 Гожумшӧр 2025). Дата обращения: 21 Гожумшӧр 2025.
  102. ↑ МИД назвал «кровавым терактом» произошедшее в «Крокус Сити Холле», РБК (22 Одзтулыс 2024). Дата обращения: 22 Одзтулыс 2024.
  103. ↑ Патриарх Кирилл молится об упокоении душ погибших при ЧП в "Крокус сити холле", TACC. Дата обращения: 22 Одзтулыс 2024.
  104. ↑ В Москве отменили все массовые мероприятия после атаки на «Крокус-Сити», РБК. Дата обращения: 22 Одзтулыс 2024.
  105. ↑ ГСУ СК России возбудило уголовное дело о теракте в Московской области, TACC. Дата обращения: 22 Одзтулыс 2024.
  106. ↑ Медведев призвал к «тотальной казни террористов» после нападения в Москве, РБК. Дата обращения: 22 Одзтулыс 2024.
  107. ↑ Обращение Владимира Путина к россиянам, РИА Новости. Дата обращения: 23 Одзтулыс 2024.
  108. ↑ Заявление Путина в связи с терактом в «Крокус Сити Холле». Трансляция, Известия. Дата обращения: 23 Одзтулыс 2024.
  109. ↑ Спасшим людей при теракте в «Крокусе» школьникам вручили награды. Известия (2024-03-25).
  110. ↑ Спасавших людей в «Крокусе» Донскова и Мейер наградили в Общественной палате (2024-03-26).
  111. ↑ Глава РПЦ высказался о русском национализме, Росбалт. Дата обращения: 27 Одзтулыс 2024.
  112. ↑ Путин наградил подростков, спасавших людей во время теракта в «Крокусе», Известия (2 Тулыспом 2024). Дата обращения: 2 Тулыспом 2024.
  113. ↑ Указ Президента Российской Федерации от 02.05.2024 № 300 "О награждении государственными наградами Российской Федерации" (2024-05-02).
  114. ↑ Путин посмертно наградил пытавшегося обезвредить террориста в «Крокусе» мужчину, Известия (8 Гожумшӧр 2024). Дата обращения: 8 Гожумшӧр 2024.
  115. ↑ РБК, 31 июля 2024. Краснов увидел просчеты органов власти в терактах в «Крокусе» и Дагестане
  116. ↑ ЦРУ в срочном порядке уведомляло Россию о подготовке теракта, заявил Херш. РИА-Новости (03 04 2024).
  117. ↑ РИА Новости, 23 марта 2024. ХАМАС осудило теракт в «Крокусе»
  118. ↑ РБК, 23 марта 2024. МИД Афганистана осудил теракт в подмосковном «Крокусе»
  119. ↑ ТАСС, 23 марта 2024. «Хезболлах» осудила теракт в Москве. Шиитская организация назвала произошедшее в «Крокус сити холле» кровавым терактом
  120. ↑ Совбез ООН почтил минутой молчания память погибших в "Крокусе" (2024-03-25).
  121. ↑ Игравшая в «Крокусе» группа Garbage выразила соболезнования после теракта, РБК. Дата обращения: 27 Одзтулыс 2024.
  122. ↑ Граждане Таджикистана больше не смогут въехать в Турцию без визы, РИА Новости (6 Тулысшӧр 2024). Дата обращения: 6 Тулысшӧр 2024.
  123. ↑ Возле «Крокуса» начали возводить мемориал жертвам теракта, Коммерсантъ (21 Тӧвпом 2025). Дата обращения: 21 Тӧвпом 2025.
  124. ↑ Открытие мемориала жертвам теракта в «Крокус Сити Холле». Фоторепортаж, РБК (22 Одзтулыс 2025). Дата обращения: 24 Одзтулыс 2025.
  125. ↑ Центробанк рекомендовал списать долги погибших при теракте в "Крокусе", РИА Новости (25.03.2024). Дата обращения: 25 Одзтулыс 2024.
  126. ↑ Центробанк предложил банкам простить долги погибших в «Крокусе», РБК. Дата обращения: 25 Одзтулыс 2024.
  127. ↑ Группа «Пикник» проведет концерт памяти в Петербурге, РБК (26 Одзтулыс 2024). Дата обращения: 26 Одзтулыс 2024.
  128. ↑ news.ru (2024-03-28).
  129. ↑ Воробьев заявил, что на месте «Крокуса» не будет концертного зала, РБК (29 Одзгожум 2024). Дата обращения: 29 Одзгожум 2024.
  130. ↑ Напавшие на «Крокус» террористы планировали атаковать центр Москвы - Газета.Ru | Новости, Газета.Ru (20 Одзтулыс 2025). Дата обращения: 20 Одзтулыс 2025.
  131. ↑ Курнакова, Ирина. Несломленные. В Москве состоялась премьера фильма о трагедии в «Крокусе», AiF. Дата обращения: 24 Одзтулыс 2025.
  132. ↑ Купившего террористам билеты в «Крокус» приговорили к 14 годам колонии, AiF (21 Гожумшӧр 2025). Дата обращения: 22 Гожумшӧр 2025.
  133. ↑ Анна Холодкова Суд приговорил к 14 годам колонии помощника обвиняемых в теракте в «Крокусе» (2025-07-21).

Ыстӧттэз

Босьтӧма "https://koi.ruwiki.ru/w/index.php?title=Теракт_Крокус_Сити_Холлын_(2024)&oldid=206414"-ись