Майнинг

Босьтöм Рувикиись
Аres256 майнинг блоккеза стойка HashCoins OÜ-лӧн дата-центрын

Майнинг (англ. mining — колана шедтассэз перйӧм, рочӧн майнинг) — криптовалюта платформаэзлӧн уджалӧм понда виль структураэз лӧсьӧтӧм сьӧрті удж (блокчейнын виль блоккез сьӧрті). Мӧдік структурнӧй ӧтса аркмӧтӧм понда сетсьӧ вознагражденнё виль (эмитируйтӧм) криптовалюта ӧтсаэзӧн да/нето комиссионнӧй ӧктӧттэзӧн. Майнингыс керсьӧ лыддьӧтан серияӧн параметррез бӧрйӧмӧн, медбы адззыны сетӧм свойствоэза хеш. Быдберся криптовалютаэз используйтӧны берся лыддисян моделлез, но нія кыссьӧны дыркодь, мед адззыны лӧсялана вариант да чожа вӧджжӧтны адззӧм арталӧмсӧ. Сэтшӧм лыддисяннэсӧ криптовалютаэзлӧн алгоритммез используйтӧны, медбы видзны нійӧ жӧ ӧтсаэсӧ мӧдпӧв видзӧмись, а вознагражденнёыс стимулируйтӧ отирсӧ видзны ассиныс лыддисян выннэз да отсавны видзны веззэз.

Майнинг — абу дзир ӧтка технология, кӧда отсӧтӧн позьӧ лӧсьӧтны виль блоккез да лэдзны эмиссия. Альтернативаэзӧн лоӧны форжинг (минтинг) да ICO. Унажыксӧ используйтӧны ӧтік технология, но мукӧд криптовалютаын используйтӧны нылісь комбинацияэз.

История

1983 воӧ американскӧй криптограф Дэвид Чаум лӧсьӧтіс криптографическӧй электроннӧй сьӧм тип, кӧда шусьӧ ecash. Сёрӧнжык, 1995 воӧ, сія реализуйтіс этӧ Digicash пыр[1], криптографическӧй электроннӧй вештӧттэзлісь одзза форма. Digіcash-лӧ коліс программа, медбы босьтны банкнотаэз банкись да пуктыны тодилялӧм шифруйтӧм ключчез босьтісьлӧ ыстӧм одзын. Сія эз сет куимӧт ладорлӧ вӧджжӧтны цифровӧй валютасӧ.

1996 воӧ США-ись АНБ  (перм.рус. лэдзис документ, кӧда шусьӧ «Кыдз керны монетнӧй двор: анонимнӧй электроннӧй сьӧм криптография», кӧдаын вӧлі гижалӧм криптовалюта система. Гижӧмыс медодз вӧлі йӧзӧтӧм Массачусетс технология институт  (перм.рус. ыстӧттэз пыр[2], да сэсся 1997 воӧ The American Law Review-ын[3].

1998 воӧ Вэй Дай гижаліс «b-money», электроннӧй деньгалісь анонимнӧй юкӧм система йылісь. Недыр мыйись сыбӧрын Ник Сабо гижаліс «bit-gold». Кыдз биткойн  (перм.рус. да мӧдік криптовалютаэз, кӧдна сы бӧрын локтасӧ, бит-зарни (оз ков соравны сёрӧнжык зарни вылын базируйтчӧм BitGold биржаӧн) вӧлі гижалӧм кыдз электроннӧй валюталӧн система, корис уджаліссезсянь уджсӧ керӧмлісь мыччӧт  (перм.рус., кӧда вӧлі криптографическӧя ӧктӧм ӧтлаӧ да йӧзӧтӧм.

2009 во тӧвшӧрӧ Сатоши Накамото псевдонима разработчик аркмӧтіс биткойн. Сія используйтіс SHA-256, криптографическӧй хеш-функция, уджалӧм верифицируйтан схемаын. 2011 во тулысшӧрӧ Namecoin вӧлі аркмӧтӧм кыдз пондылӧм аркмӧтны децентрализуйтӧм DNS. 2011 во аршӧрӧ вӧлі лэдзӧм Litecoin, кӧда используйтіс scrypt кыдз хеш-функция SHA-256 туйӧ. Peercoin, кӧда вӧлі аркмӧтӧм 2012 во гожумпомӧн, используйтіс Proof-of-Work да Proof-of-Stake гибрид[4].

2024 во гожумпом 1 лунӧ РФ Федерация Советлӧн  (перм.рус. бюджет да финансӧвӧй рыноккез сьӧрті комитет вӧзйис парламентлӧн вылісь палаталӧ вынсьӧтны закон, кӧда легализуйтӧ Россияын криптовалютаэз перйӧм сьӧрті удж[5].

Лыддисьӧм мыччӧт

Мыччӧт пыдди мыччалӧм хеш лыддисьӧм, кӧда сэтшӧм жӧ, кыдз Биткойн системаын, кытӧн майнинг процесс сулалӧ тодиля содтӧт параметрлӧн Nonce сэтшӧм значеннё бӧрйӧмын, кӧда сетас босьтны хэш, кӧдалӧн лыдпаса значеннёыс лоас не унажык кытшӧмкӧ сетӧм лыдпасся — Difficulty Target-ся, кӧда лоӧ могаӧн эта сьӧкыта тшупӧт дырни.

Хеш мыччӧт ӧткодь фраза понда, но содтӧт параметрыслӧн торья значеннёэзӧн. Мыччӧтсис медбӧрья строкаас медучӧт хеш значеннё. 

«Hello, world!0» => 1312af178c253f84028d480a6adc1e25e81caa44c749ec81976192e2ec934c64
«Hello, world!1» => e9afc424b79e4f6ab42d99c81156d3a17228d6e1eef4139be78e948a9332a7d8
«Hello, world!2» => ae37343a357a8297591625e7134cbea22f5928be8ca2a32aa475cf05fd4266b7
...
«Hello, world!4248» => 6e110d98b388e77e9c6f042ac6b497cec46660deef75a55ebc7cfdf65cc0b965
«Hello, world!4249» => c004190b822f1669cac8dc37e761cb73652e7832fb814565702245cf26ebb9e6
«Hello, world!4250» => 0000c3af42fc31103f1fdc0151fa747ff87349a4714df7cc52ea464e12dcd4e9

«Биткойн» системаын сьӧкыта тшупӧтыс вились лыддиссьӧ быд 2016 блок бӧрсянь (быд 2 недельӧ ӧтпырись). Сія содӧ нето чинӧ сы сьӧрті, мыйӧн блок чукӧр аркмӧтан кадыс янсӧтчӧ 20160 минутасянь (2016 * 10). Сэтшӧм механизмыс сетӧ позьӧс петны блоккезлӧ шӧркодя быд 10 минута сьӧрна, кӧть кытшӧм ӧтласа вынаӧсь эзӧ вӧлӧ быдӧс майнеррез. Мукӧд криптовалютаэзын лыддисьӧмыс мунӧ кыдз хешлӧн, сідз и асмога сьӧкыта тшупӧтлӧн, абу ӧткодь. Уна альткойннэзын блок аркмӧтан шӧркодь кадыс етшажык, нельки кынымкӧ секундаӧдз.

Биткойн майнинг

Биткойн системаын эм дзир ӧтка туй содтӧт эмиссия понда — виль биткойннэз босьтӧ вознагражденнёӧн сія, кин чужтіс генерируйтіс блок. Блоккез понда босьтӧм вознагражденнёсӧ позьӧ используйтны 120 подтвержденнё босьтӧм бӧрын (сідзкӧ, вез лэдзӧ босьтны вознагражденнёсӧ 20 час бӧрті).

Босьтны наградасӧ соло-майнерыс вермас дас минутаа кадӧ ӧткодь сы лыддисян вынлӧн быдӧс вез лыддисян вын ордчаӧтӧмӧн. Учӧт кӧ сія ордчаӧтӧмыс, сэк босьтны наградасӧ нельки дыр кад сьӧрна лоас учӧт. Кӧдна мӧдісӧ босьтны кыдз позьӧ ыджытжык вознагражденнё, старайтчисӧ используйтны кыдз позьӧ ыджытжык лыддисян вын. Клиентлӧн медодзза версияэзын вӧлі кнопка «генерируйтны виль биткойннэз»[6]. Майнинг мог ассямаыс сетіс позянлун применяйтны лыддисяннэзлісь максимальнӧй параллелизируйтӧм. Строеннё специфика кузя этчӧ бура лӧсялӧны графическӧй процессоррез (GPU) неыджыт содтӧт программаӧн (сёпӧв вынажык CPU) да FPGA-картаэз (производительностьыс сравнитсьӧ видеокартаэзкӧт, но вевдӧртісӧ нійӧ энергоэффективность сьӧрті)[7][8]. Сыбӧрын стандартнӧй клиентын центральнӧй процессор отсӧтӧн используйтӧм майнинг лоис бесполезнӧйӧн сы понда, что ӧддьӧн етша вӧлі вероятность босьтны вознаграждение, и кнопкасӧ вештісӧ. Сыбӧрын пондӧтчис лэдзны специализируйтӧм процессоррез (ASIC), кӧдна керӧны токо биткойн сеть понда хешкез лыддьӧтӧм, вынажыкӧсь да энергоэффективнӧйжыкӧсь, нежели GPU да FPGA, и ӧддьӧнжык CPU. 2012—2013 воэзсянь кынымкӧ год гӧгӧр распространённӧй криптовалютаэз перйӧм мыйӧнкӧ нето специализируйтӧм чиппезӧн, сы лыдын видеокартаэз вылын, лоис невыгоднӧйӧн — потребляйтӧм электроэнергиялӧн доныс вевдӧрся результатсӧ вевдӧртӧ. Сідз, 2015 во пондӧтчикӧ медся тӧдса криптовалюта биткойнӧс майнинглӧн сложностьыс содіс 10 сюрспӧв[9][10].

Уна дас стартаппез лӧсьӧтісӧ асланыс реализацияэз ASIC-майнеррезлісь, сы коста виль, производительнӧйжык чипвезлӧн поколеннёэз вермисӧ петны быд полугодие (обычно логическӧй схемаэзын транзисторресӧ сувтӧтӧмлӧн плотностьыс кык годӧн кыкпӧвсасьӧ)[10].

Майнинг вуджӧм бӧрын ASIC вылӧ пондісӧ мыччисьны компанияэз, кӧдна занимайтчӧны майнингӧн промышленнӧй масштаб вылын, меститӧны ыджыт майнинг установкаэз местаэзын, кытӧн электричествоыс донтӧм да мукӧд коста абу ӧддьӧн вылын воздухлӧн температура, торйӧнжык Пытшкся Монголияын (Китай)[10]. Мукӧд сэтшӧм компанияэз позиционируйтӧны асьнысӧ кыдз «облачнӧйез», асланыс ресурссэзісь мымдакӧ сетӧны кӧртымӧ[10].

Берсямоз донъялӧмӧн Россияын 2023 во сьӧрна вӧлі перйӧм 54 сюрс биткойн $3,5 млрд дон (2024 во тулыспом кеж курс сьӧрті). Эксперттэз шуӧмӧн эта фактыс сетӧ подув висьтавны, мый РФ-ын аркмис быдса майнинг индустрия[11].

Пуллэз

Медбы чинтыны шуд факторлісь влияннёсӧ да ӧткодьжыка да видзчисьӧмӧнжык получайтны вознагражденнё, майнеррез ӧтлаӧтӧны ассиныс лыддисян вынсӧ пуллэзӧ (англ. pool — ӧтласа фонд). Майнеррезӧн керӧм лыддисьӧммезлӧн ассямаӧн лоӧ сія, мый позьӧ применяйтны процессэзлісь максимальнӧй параллелизируйтӧм, кӧр пуллӧн быд участник кошшӧ ассис арталӧм вариант, кӧда озӧ йит ассис керӧмсӧ мӧдік участниккезкӧт, тырмӧ дзир видзсьыны, медбы берся участниккез эзӧ дублируйтісӧ ӧтік параметррезлісь лыддисьӧмсӧ. Овлӧ, мый майнерлӧ вештӧттэз арталӧны сы сьӧрті, кыдз сія ыстӧ пуллӧ стандартнӧй варианттэз (shares) (хеша блоккез, кӧда вӧліс лӧсялана, кӧр сьӧкыта параметрыс вӧлі ӧтік). Блок адззӧм понда шӧркодя колӧ стандартнӧй варианттэзлӧн лыд, кӧда ӧткодь ӧння сьӧкытаыскӧт.

Криптовалюта система ладорсянь пул мыччалӧ асьсӧ кыдз вына соло-майнерӧс, кӧда получайтӧ вознагражденнё общӧй основаннёэз вылын. Но аслас ӧтласа вын вылӧ видзӧтӧмӧн, награда шедтӧмлӧн вероятностьыс пуллӧн ӧткодь сы участниккезісь быдӧнныслӧн награда шедтӧмлӧн вероятностьэзлӧн суммакӧт. Получитӧм вознагражденнёсӧ разӧтӧны членнэз коласын пуллӧн хозяинӧн лӧсьӧтӧм правилоэз сьӧрті. Эмӧсь наградаэз сетӧмын 3 основнӧй вид:

  • Proportional — блоклӧн пул адззӧм бӧрын наградасӧ юкӧны пропорциональнӧя быд участниклӧн пайӧн.
  • PPS — козьналӧны быд ыстӧм стандартнӧй вариант (блок понда ӧнія козинсӧ ӧнія сьӧкытлун вылӧ янсӧтӧмӧн арталӧмӧн).
  • Score — стандартнӧй варианттэзлӧн награда сетан оценка система, кӧдалісь алгоритмсӧ лӧсьӧтӧ пулсӧ организуйтісь.

Этна типпезлӧн эмӧсь эттшӧм популярнӧй варианттэз:

  • SMPPS — сэтшӧм жӧ, кыдз и PPS, но пул некӧр оз сет вӧдитчиссезлӧ унажык, нежели былись получитіс ачыс. Разницаыс PPS-ын, кӧр сэтшӧмыс эм, реальнӧй пульнӧй награда босьтӧм да стандартнӧй вариантлӧн вознагражденнё коласын постепеннӧя компенсируйтсьӧ.
  • ESMPPS — сэтшӧм жӧ, кыдз и SMPPS, но ӧткодялӧ наградаэзлӧн приоритеттэсӧ пырся да виль участниккезлӧ.
  • RSMPPS — сэтшӧм жӧ, кыдз и SMPPS, но первӧйӧн ӧчередьын вознаградитӧм понда сувтӧтӧны виль пользователлезӧс.
  • PPLNS — сідз жӧ Proportional, но наградасӧ юкӧны пропорциональнӧя медбӧрья N ыстӧм пайезлӧн пулӧ вкладӧдз, кытӧн N обычно ӧткодь сложностьлӧн кыкпӧвстаӧн.

2016 во кежӧ биткойнэз перйӧм понда унажык ыджыт пуллэз куйлӧны КНР-ын: 2016 вося одзтулысӧн сетьлӧн вынӧн джынся унажык вӧлі янсӧтӧма куим ыджыт китайскӧй пул коласын[12][13][14], нёльӧт местасӧ босьтӧ компаниялӧн пул BitFury — медодзза майнингӧвӧй чиппез лыддьӧтіссез коласісь ӧтік, кӧдӧ лӧсьӧтісӧ кӧркӧся СССР канмуэзісь петӧм отир[15][16].

Эмиссия

Биткойннэзлӧн лыд кад сьӧрна (2009 восянь 2033 воӧдз)

Виль криптовалюта ӧтсаэлӧн порцияэз лэдзӧм овлӧ одзлань тӧдса правилоэз сьӧрті и оз зависит некытшӧм регулируйтан органсянь (вдз. график биткойннэз лыдӧн 2033 воӧдз). Унажыксӧ виль единицаэзлісь стандартнӧй порция босьтӧ наградаӧн сія, кин блокчейнын аркмӧтіс очереднӧй блок. Майнинг дырни успехлӧн вероятностьыс пропорциональнӧй задействуйтӧм вычислительнӧй вынлӧн пайлӧ даннӧй криптовалюталӧн быдӧс майнеррезлӧн ӧтласа вынӧн, но результат конкретнӧй моментӧ новйӧ случайнӧй характер.

Стандартнӧй вознагражденнёыслӧн ыждаыс вермас кольччыны пыр ӧткодьӧн. Но уна криптовалютаэзын эмиссионнӧй вознагражденнёыслӧн ыждаыс перыта чинӧ. Сідз, биткойннэзын вознагражденнёыс медодз вӧлі 50 биткойнӧн блок сьӧрті, но быд 210 000 блок аркмӧтӧм бӧрын (4 воӧн ӧтпыр) чинӧ кыкпӧв, мӧднёж шуны, лоӧ чинӧм геометрическӧй прогрессияӧн[17]. Эмиссиялӧн общӧй объём арталӧны эта случайын кыдз чинӧм геометрическӧй прогрессиялӧн быдӧс членнэзлісь ӧтлаӧтӧм и оз вевттьы 21 миллион биткойн. 2014 во тулыспом кежӧ бергалӧмас вӧлі 12,7 миллион биткойн. 2012 во арпом 28 лунӧ медодззаись чинтісӧ эмиссионнӧй награда 50 биткойнсянь 25 биткойнӧдз. Мӧдпырся чинӧм кыкись лоис 2016 во гожумшӧр 9 лунӧ. 2031 воӧ эмиссияыс лоас нач дугӧтӧм (вознагражденнё ыжда 50 → 25 → 12,5 → … → 0)[17]. Блоккез аркмӧтӧмыс пондас мунны и одзлань, но вознагражденнёыслӧн оз ни ло эмиссионнӧй торыс и сія лоас аркмӧтӧм дзир добровольнӧй комиссионнӧй ӧктӧттэз сьӧрті.

Босьтӧм вознагражденнёсӧ майнеррез получайтӧны право используйтны кынымкӧ виль блок аркмӧтӧм бӧрын (шуам, биткойнын этӧ 120 блок, мӧднёж шуны, вознагражденнёсӧ позьӧ видзны получитӧм бӧрын лункӧв мымда бӧрті).

Сайӧвтӧм майнинг

Сайӧвтӧмӧн шуӧны майнинг, кӧда дырни используйтӧны мӧдік ресурссэз, шуам, уджаліссезӧн корпоративнӧй серверрез вылын майнинг пондӧтӧм нето вируссэз да трояннэз составӧ майнинг понда код пыртӧм.

2011 вося одзгожумӧн Symantec юӧртіс, мый майнингсӧ позьӧ лэдзны ботнеттэз пыр. 2011 вося мӧдӧдзза квартал сьӧрті отчётын Касперскӧй лаборатория юӧртіс троянскӧй модуль йылісь, кӧда занимайтчис сайӧвтӧм майнингӧн.

2013 во тулысшӧрӧн вӧлі регистрируйтӧм ыджыт эпидемия, кӧр текстовӧй сообщеннёэз пыр паськалісӧ вируссэз скайпӧ троянскӧй программаэзӧн, кӧдналӧн цельыс вӧлі корсьны да гусявны криптовалютнӧй кошелькаэзлісь файллэз (wallet.dat) да дзебсьӧмӧн майнингавны CPU вылӧ[18].

2011—2013 воэзӧдз пантасьліс биткойннэзлӧн сайӧвтӧм майнинг (ГПУ да специализируйтӧм процессоррез типа ASIC вылӧ массово петтӧдз майнинг). Сёрӧнжык подпольнӧй майнинг вӧлі применяйтӧма мукӧд криптовалютаэз шедтӧм понда.

Сэк, кӧр тэчӧ тӧррент-клиент μTorrent (версия 3.4.2 build 28913 да одзжык), тшӧктӧны сувтӧтны содтӧт программа EpicScale, кӧда сетӧ позянлун вӧдитчыны компьютерыс ресурссэзӧн дугдывтӧння кадӧ распределеннӧй вычисленнё понда. МТоррентлӧн представительез висьталӧны, что ӧні EpicScale сетьсӧ используйтӧны криптовалюта майнинг понда (нимсӧ озӧ висьталӧ), босьтӧм сьӧмлӧн мымдакӧ мунӧ компаниясӧ финансируйтӧм вылӧ, мымдакӧ — благотворительность вылӧ. Ряд публикацияэз сьӧрті, EpicScale майнитӧ биткойннэз[19][20]. Мӧдік гижӧттэзын юӧртсьӧ Litecoin майнинг йылісь[21][22][23].

2017 воӧ лоисӧ юӧртӧммез не ӧтік сайт йылісь[24], кытшӧмкӧ криптовалютаэзлӧн JavaScript-ӧн дзебӧм майнинг (татшӧм видсӧ роч кыв вылын пондісӧ шуны «браузернӧй майнингӧн», а английскӧй кыв вылын — «криптоджекингӧн»[25]). Ӧткодь компоненттэз вӧлісӧ адззӧмӧсь неӧтік браузеррезлӧн дополненнёэзын[26].

IBM X-Force одзарся отчёт сьӧрті 2017 воын 8 тӧлісьӧн 6 пӧв содіс компьютеррезлӧн лыдыс, кӧдна вӧлісӧ заразитӧмӧсь майнинг понда вредоноснӧй ПО-ӧн.

Одзза да сёр майнеррез коласся абуӧткодялӧм

Биткойннэз лэдзан правиллез сетісӧ унажык преимуществоэз нылӧ, кӧдна пондӧтісӧ майнингсӧ неыджыт ӧтласа сетевӧй вынӧн. Сідз, блоксӧ создайтӧм понда колана уджлӧн лыдыс 2013 во кежӧ вӧлі ни вевдӧрсянь джын миллионпӧв унажык, нежели сетьсӧ пондӧтӧм коста. Майнеррезлӧн ӧтласа вычислительнӧй вын содтӧмсянь генерацияыс лоӧ энерго- и аппаратнӧйӧн унажык. Эта сьӧрті лӧсьӧтӧмась чинтыны майнинг понда награда ыждасӧ.

Серджо Демиан Лернер (Sergio Demian Lerner) первӧй транзакцияэзлісь блоккез анализируйтӧм сьӧрті висьталӧ, что 2009 во тӧвшӧр 3 лунсянь 2010 во тӧвшӧр 25 лунӧдз майнингӧн занимайтчис дзир ӧтік морт, перйис 1 миллион гӧгӧр биткойн, кӧднаись унажыксӧ некӧр эзӧ видзӧ[27].

Майнинг сьӧрті канмуся программаэз

Россияын 2017 воӧ РФ-лӧн Президент дынся интернет-омбудсмен Дмитрий Мариничев висьтасис 100 млн доллар кыскӧм план йылісь, медбы керны 20 мегаватт вынӧн майнинг ферма районын, кытӧн эм видзтытӧм электроэнергия[28][29].

2017 восянь КНДР используйтӧ криптовалюта майнинг, медбы отсавны национальнӧй валюталӧ[30][31].

Армениялӧн правительство 2018 воӧ примитіс Разданын свободнӧй экономическӧй зона лӧсьӧтӧм йылісь постановленнё. СЭЗ-лӧн организаторӧн лоӧ ECOS компания, кӧда кыввидза технологическӧй кластер зорӧтӧм понда. СЭЗ-ӧ пырӧны велӧтан да юӧртан проекттэз, туялан лабораторияэз, электроннӧй площадкаэз стартапӧ инвестицияэз кыскӧм понда да майнинг понда дата-центр[32][33].

Майнинг видеокартаэзӧн

Быдберся криптовалютаэз перйӧм понда позьӧ уджавны берся процедураэзӧн, медбы тӧдчӧтны удж керӧм. Уна криптовалютаэз понда, ны лыдын и биткойн понда, вӧлісӧ аркмӧтӧмӧсь специализируйтӧм процессоррез (ASIC), кӧдна буржык ужаланвын да экономичность кузя дугдӧтісӧ мӧдік уджаннэз майнинг понда. 2017 во пондӧтчикӧ уна криптовалютаэз майнинг, ны лыдын и Ethereum, кольччӧ буржыкӧн видеокарта процессоррезӧн. Криптовалютаэз донлӧн тӧдчана содӧм вайӧтіс майнинг оборудованнё аркмӧтӧмӧдз, ны лыдын видеокартаэз сьӧрті, корӧм содӧмӧдз. Sapphire да Asus сійӧн лэдзисӧ майнинг понда тодилялӧм комплектующӧйеза линия.

Майнинг SSD да жёсткӧй дисккезӧн

2021 во тулыспомӧн тӧдчӧмӧн (2-3 пӧв) содіс ыджыт объёммеза SSD да HDD сьӧрті спрос, кӧдӧ аналитиккез йитӧны Chia криптовалюта лэдзӧмӧн[34][35]. BitTorrent протокол авторӧн Брэм Коэнӧн лӧсьӧтӧм Chia Network везыс используйтӧ Consensus Proof-of-Space да Proof-of-Time (кад да от арталӧм) алгоритммез[36].

Майнинг да энергетика

Транзакцияэзлӧн энергетическӧй неэффективность

Уджсӧ керӧм сьӧрті доказывайтӧм сьӧрті майнинг системаэз ӧддьӧн ресурссэз босьтӧны.

  • 2013 воӧ Биткойн сеть вылын ӧтлаӧтӧм лыддисян вын вӧлі 256 пӧв ӧддьӧнжык сія воӧ мирын медвына топ-500 ӧтлаӧтӧм суперкомпьютеррезся[37].
  • 2015 во пондӧтчикӧ мировӧй майнеррезӧн электричество ӧтласа видзӧм вӧлі лыддьӧтӧма не етшажык 1,46 ТВт·ч воӧн (сэк, кӧр используйтӧны быдӧс медэнергоэффективнӧй ASIC-сӧ), мый лоӧ 160 МВт шӧрӧт вына.
  • 2017 воӧ биткойн системаын ӧтік транзакция тырви оформитӧм понда коліс видзны шӧркодя 163 кВт⋅ч энергия. Эттшӧм уна энергияӧн позьӧ вит да джын лун сьӧрна тырмӧтны нуждаэсӧ куим морта семьялӧ, кӧда олӧ неыджыт ӧтік сувда керкуын. Биткойн да Эфириум веззэзын криптовалютаэз перйӧм вылӧ ӧтлаӧтӧмӧн муніс энергия унажык сысся, мымда вӧлі Сирияын, Кипрын, Камбоджаын нето Брунейын потребленнё[38][39].
  • Нидерландскӧй экономист Алекс де Врик арталӧм сьӧрті, кӧр 2018 во тулыспомӧн биткойн да мӧдік криптовалютаэз перйӧм босьтӧ 0,5 % мировӧй электроэнергия лэдзӧмись, мый ӧтмымда неыджыт европейскӧй канмулӧн энергетическӧй бюджетӧн[40][41].
  • Торья туяліссез одзвыв висьталӧмась, мый пондас ко содтны сьӧкытаыслӧн мыччӧтыс да майнинг понда лыддисян выныс, 30 во бӧрті биткойнӧн уджтӧмыс вайӧтас Цельсийӧт 2 градуса глобальнӧй шоналӧмӧдз[42][43][44][45].
  • Керӧмӧсь разработкаэз, кӧдна сетӧны керкуэз лонтӧм понда криптовалютаэз перйӧм костся шоныт[46].
  • 2021 во тулыссянь Китайись берся провинцияэзын эз ло позяна централизуйтӧм майнинг, вылӧ, мед электровезас эзӧ аркмӧ дзугсьӧммез[47]. 2021 во гожумшӧрӧдз Китайын 90 % майнинг-компанияэз дугдісӧ уджавны. Биткойн понда эта вайӧтіс сьӧкыта параметр чинӧмӧдз 45 % сьӧрті 2021 во тулыспомсянь.
  • 2018 во тулысшӧр 20 лунӧ МЧС лэдзис документ, кӧдаын вӧлі тӧдчӧтӧм, мый криптовалюта майнинг вермас вайӧтны Россияын энергетическӧй объекттэзын аварияэзлӧн содӧм лыд вылӧ содӧм уджӧтӧм кузя, сідз кыдз электрическӧй веззэз озӧ лӧсялӧ сы вына уджӧтӧм понда.
  • 2024 во гожумшӧр 17 лунӧ экономическӧй юалӧммез сьӧрті совещаннё вылын Владимир Путин висьталіс, мый майнинг коста видзӧттӧг энергиясӧ видзӧмыс аркмӧтӧ Иркутск областьын, Бурятияын да Забайкальскӧй крайын электричество тырмытӧмлӧн риск. Эта дырни ыджыт ущерб лоас керӧм регионнэзын предприяттёэзлӧ, ЖКХ юкӧнлӧ, олӧмин секторлӧ[48].
  • 2024 во аршӧр 30 лунӧ РФ энергетика министерствоись юралісьӧс вежлісь Евгений Грабчак юӧртіс Ылісь Рытвыв, Сибирь лунвыв-рытвылын да канму лунвылын майнинг чожа дугдӧтӧм йылісь, эта йитсьӧм регионнэзын электроэнергия тырмытӧмкӧт. Одзжык Владимир Путин кырымпасаліс цифровӧй валюта бергалӧм йылісь закон. 2024 во арпом 1 лунсянь РФ правительство бурсьӧтӧм закон сьӧрті вермас кидтыны криптовалютаэз перйӧм регионын[49].
  • 2024 во арпом 13 лунӧ РФ президентлӧн администрацияись юралісьӧс вежлісь Максим Орешкин висьталіс, мый активнӧй майнинг понда локтан 5-10 воӧ российскӧй экономикаын лоас электроэнергия дефицитлӧн проблема[50].
  • РФ-лӧн правительство юӧртіс, мый 2031 воӧдз арся-тӧвся кадӧ Иркутск областьын, Бурятияын да Забайкальскӧй крайын торья зонаэзын оз ло позяна криптовалютаэз перйӧм[51].
  • 2024 во одзтӧлӧн электроэнергетика умӧльсялӧм кузся Абхазиялӧн парламент бурсьӧтіс медодзза лыддьӧтӧмын законопроекттэз, кӧдна кидтӧны майнинг да кӧднаӧн пыртсьӧ криптовалютаэз перйӧм понда уголовнӧй ответственность[52]. Абхазияись президент удж керись Бадра Гунба тшӧктіс лӧсьӧтны МВД-ын подразделеннё криптовалюта перйӧмкӧт пессьӧм понда энергокризис кузя[53].
  • 2025 во тӧвшӧр 1 лунсянь майнингсӧ быдсӧн дугдӧтісӧ Россияись дас регионын (Дагестанын, Ингушетияын, Кабардино-Балкарияын, Карачаево-Черкесияын, Ойвыв Осетияын, Чечняын, Донецкӧй да Луганскӧй народнӧй республикаэзын, Запорожскӧй да Херсонскӧй областтезын), а сідзжӧ Бурятияись, Иркутск областьись да Забайкальскӧй крайись торья зонаэзын — арся-тӧвся кадӧ. 2025 во тӧвпомӧн РФ-лӧн энергетика министерстволӧн пресс-служба юӧртіс, мый Россияись ӧтік регионнэзын биткойнӧн майнинг керӧмлӧн запрет отсаліс чинтны Сибирьлӧн энергосистема вылӧ нагрузкасӧ 300 МВт-ся унажык, мый отсаліс мездыны электроснабженнё ограниченнёэз[54].
  • 2025 во одзтулысӧн П. А. Столыпин нима Экономика быдман институтісь эксперттэз йӧзӧтісӧ туялан удж, кӧда сьӧрті российскӧй экономикалӧ быд во оз тырмы 10 млрд руб энергетическӧй секторын «руд» майнеррез уджӧн йитӧм оштӧммез кузя. Незаконнӧй майнинггез кузя аркмӧ энергетика везыс уджӧтӧмыс содӧ, мый провоцируйтӧ аварияэз, содтӧ экология понда рисккез"[55].

Пода коляссэз майнинг понда

2024 во гожумшӧрӧн Россия отир овмӧс да госслужба академияын висьталісӧ, мый позьӧ аркмӧтны криптовалютаэз перйӧм понда электроэнергиялісь профицитсӧ подавидзан органическӧй коляссэзісь. Сыись позьӧ керны газ, кӧдӧ сэсся пӧртны электроэнергияӧ. Аркмӧм энергиялісь торсӧ позьӧ используйтны конкретнӧй предприяттё удж понда, а абу видзанасӧ иньдыны майнинг фермаэзӧ[56][57].

Критика

  • Биткойн вӧлі характеризуйтӧм кыдз спекулятивнӧй поль экономика наукаэз сьӧрті Нобель нима премиялӧн кыкьямыс лауреатӧн;
  • 2018 воӧ вӧлі казялӧм криптографиякӧт йитӧм асвийӧммез лыд содӧм сыбӧрын, кыдз криптовалютаэзлӧн рынок усис гожумпомын[58];
  • 2022 во одзгожумӧн Билл Гейтс висьталіс, мый криптовалютаэз «100% подулалӧмӧсь Ыджытжык бӧбӧв теорияӧн  (перм.рус.»[59].

Пасйӧттэз

  1. ↑ Julie Pitta Requiem for a Bright Idea англ.. Forbes (1999-11-01). Видзӧтӧм 2 Одзар 2025.
  2. ↑ Laurie Law, Susan Sabett, Jerry Solinas How To Make A Mint: The Cryptography of Anonymous Electronic Cash англ.. National Security Agency Office of Information Security Research and Technology (1996-06-18). Видзӧтӧм 2 Одзар 2025.
  3. ↑ Laurie Law, Susan Sabett, Jerry Solinas. How to Make a Mint: The Cryptography of Anonymous Electronic Cash // American University Law Review. — 1997-04-01. — Т. 46, вып. 4.
  4. ↑ Ian Steadman Wary of Bitcoin? A guide to some other cryptocurrencies англ.. Ars Technica (2013-05-11). Видзӧтӧм 2 Одзар 2025.
  5. ↑ Профильный комитет СФ поддержал закон о легализации майнинга криптовалют в РФ, TACC (1 Гожумпом 2024). Дата обращения: 2 Одзар 2025.
  6. ↑ Сергей Козловский Никто не знает, но стоит дорого Стоимость «нового золота» за две недели выросла с 50 до 140 долларов. Lenta.ru (2013-04-03). Видзӧтӧм 2 Одзар 2025.
  7. ↑ Timothy B. Lee More Bitcoin malware: this one uses your GPU for mining англ.. Ars Technica (2011-08-18). Видзӧтӧм 2 Одзар 2025.
  8. ↑ Dan Goodin Malware mints virtual currency using victim's GPU англ.. The Register (2011-08-16). Видзӧтӧм 2 Одзар 2025.
  9. ↑ Bitcoin under pressure англ.. The Economist (2013-11-30). Видзӧтӧм 2 Одзар 2025.
  10. ↑ 1 2 3 4 The magic of miningангл., The Economist (10 January 2015). Архивировано 12 Тӧвшӧр 2015 года. Дата обращения: 2 Одзар 2025.
  11. ↑ Домайнить и перемайнить. Коммерсантъ (2024-05-17). Видзӧтӧм 2 Одзар 2025.
  12. ↑ Распределение хешрейта. Blockchain.com. Видзӧтӧм 2 Одзар 2025.
  13. ↑ Список крупнейших пулов для майнинга Bitcoin. Cryptoage.com (2015-06-08). Видзӧтӧм 2 Одзар 2025.
  14. ↑ F2Pool — 比特币矿池. Видзӧтӧм 2 Одзар 2025.
  15. ↑ Получены фотографии кристалла специализированного Bitcoin-процессора Bitfury. Видзӧтӧм 2 Одзар 2025.
  16. ↑ CEO Bitfury: я верю в Bitcoin! . Видзӧтӧм 2 Одзар 2025.
  17. ↑ 1 2 Bitcoin Clock, прогноз моментов изменения сложности и уменьшения вознаграждения. Видзӧтӧм 2 Одзар 2025.
  18. ↑ Троян в Skype использует компьютер жертвы для генерирования Bitcoin. Информационный портал по безопасности (2013-04-08). Видзӧтӧм 2 Одзар 2025.
  19. ↑ Анатолий Ализар Последняя версия uTorrent поставляет биткойн-майнер. xakep.ru (2015-03-08). Видзӧтӧм 2 Одзар 2025.
  20. ↑ Wang Wei BEWARE! μTorrent Silently Installing Bitcoin Mining Software. The Hacker News (2015-03-06). Видзӧтӧм 2 Одзар 2025.
  21. ↑ Shaun Nichols Litecoin-mining code found in BitTorrent app, freeloaders hit the roof англ.. The Register (2015-03-07). Видзӧтӧм 2 Одзар 2025.
  22. ↑ Russell Brandom uTorrent’s latest update installs a cryptocurrency miner англ.. The Verge (2015-03-16). Видзӧтӧм 2 Одзар 2025.
  23. ↑ Steve Dent Popular torrent client can steal your CPU cycles to mine bitcoins англ.. Engadget (2015-03-06). Видзӧтӧм 2 Одзар 2025.
  24. ↑ The Pirate Bay used ‘hidden code’ to mine cryptocurrency англ.. The Week. Видзӧтӧм 2 Одзар 2025.
  25. ↑ Как включить защиту от майнинга в Opera. Spy-soft.net. Видзӧтӧм 2 Одзар 2025.
  26. ↑ Martin Brinkmann First Chrome extension with JavaScript Crypto Miner detected — gHacks Tech News. ghacks.net (2017-09-19). Видзӧтӧм 2 Одзар 2025.
  27. ↑ Анатолий Ализар Заслуженное богатство Сатоси Накамото (2013-04-18). Видзӧтӧм 2 Одзар 2025.
  28. ↑ Интернет-омбудсмен с партнерами привлечет $100 млн на добычу криптовалюты, РБК (17 Гожумпом 2017). Дата обращения: 2 Одзар 2025.
  29. ↑ Холдинг интернет-омбудсмена привлек на ICO рекордные для России $43 млн, РБК (30 Одзар 2017). Архивировано 30 Гожумпом 2020 года. Дата обращения: 2 Одзар 2025.
  30. ↑ Qin Chen. Bitcoin 'mining': A new way for North Korea to generate funds for the regime, CNBC (13 Одзар 2017). Архивировано 7 Арпом 2017 года. Дата обращения: 2 Одзар 2025.
  31. ↑ Bitcoin May Be North Korea’s Solution to Financial Isolation - Cryptovestангл., Cryptovest (3 October 2017). Архивировано 7 Арпом 2017 года. Дата обращения: 2 Одзар 2025.
  32. ↑ Армения создает свободную экономическую зону для стартапов рус.. Вести (2018-01-15). Видзӧтӧм 2 Одзар 2025.
  33. ↑ В Армении появится свободная экономическая зона с дата-центром для майнинга англ. (2018-08-30). Видзӧтӧм 2 Одзар 2025.
  34. ↑ Валерий Кодачигов Новая криптовалюта спровоцировала двукратный рост цен на жесткие диски рус.. Ведомости (2021-05-10). Видзӧтӧм 2 Одзар 2025.
  35. ↑ Ксения Мурашева В России в 2-3 раза выросли цены на жёсткие диски рус.. Ferra.ru (2021-05-11). Видзӧтӧм 2 Одзар 2025.
  36. ↑ Лена Джесс Из-за популярности Chia продажи жестких дисков в РФ выросли вдвое рус.. forklog.com (2021-05-04). Видзӧтӧм 2 Одзар 2025.
  37. ↑ Reuven Cohen Global Bitcoin Computing Power Now 256 Times Faster Than Top 500 Supercomputers, Combined! англ.. Forbes (2013-11-28). Видзӧтӧм 3 Одзар 2025.
  38. ↑ Bitcoin Energy Consumption Index. Digiconomist. Видзӧтӧм 3 Одзар 2025.
  39. ↑ Ethereum Energy Consumption Index. Digiconomist. Видзӧтӧм 3 Одзар 2025.
  40. ↑ Добыча биткойна "съедает" 0,5% электричества на Земле, выяснили ученые. РИА Новости (2018-05-15). Видзӧтӧм 3 Одзар 2025.
  41. ↑ Alex de Vries Bitcoin’s Growing Energy Problem англ.. Science Direct (2018-05-16). Видзӧтӧм 3 Одзар 2025.
  42. ↑ Bitcoin emissions alone could push global warming above 2°C // Nature Climate Change volume 8, pages931–933 (2018). Архивировано 9 Арпом 2018 года.
  43. ↑ Sebastien Malo Producing bitcoin currency could void climate change efforts — scientists. Reuters (2018-10-30). Видзӧтӧм 3 Одзар 2025.
  44. ↑ Andréa Morris Bitcoin Predicted To Be The Nail In The Coffin Of Climate Change. Forbes (2018-11-26). Видзӧтӧм 3 Одзар 2025.
  45. ↑ Анастасия Ксенофонтова Градус биткойна: как майнинг влияет на климат Земли. RT (2018-10-29). Видзӧтӧм 3 Одзар 2025.
  46. ↑ Елизавета Серьгина. Российский стартап разработал прибор для майнинга криптовалют и обогрева дома // Ведомости. — 2017. — 11 Аршӧр. Архивировано 15 Тӧвпом 2020 года.
  47. ↑ Михаил Теткин биткойн подешевел после нового запрета майнинга в Китае. РБК (2021-07-14). Видзӧтӧм 3 Одзар 2025.
  48. ↑ Путин обвинил майнеров в нехватке электроэнергии в ряде регионов. РБК (2024-07-17). Видзӧтӧм 3 Одзар 2025.
  49. ↑ Майнинг скоро запретят в некоторых регионах РФ. ТАСС (2024-10-30). Видзӧтӧм 3 Одзар 2025.
  50. ↑ Максим Орешкин заявил о скором дефиците электроэнергии из-за майнинга рус.. Эксперт (2024-11-13). Видзӧтӧм 3 Одзар 2025.
  51. ↑ В РФ могут ограничить майнинг в трех регионах до 2031 года, TACC (19 Арпом 2024). Дата обращения: 3 Одзар 2025.
  52. ↑ В Абхазии запретят майнинг. Какое наказание будет грозить майнерам, РБК (17 Одзтӧв 2024). Дата обращения: 3 Одзар 2025.
  53. ↑ В МВД Абхазии создадут подразделение по борьбе с майнингом криптовалюты, РБК (24 Одзтӧв 2024). Дата обращения: 3 Одзар 2025.
  54. ↑ Зачем нужен запрет майнинга. Комментарий Минэнерго, РБК (20 Тӧвпом 2025). Дата обращения: 3 Одзар 2025.
  55. ↑ Эксперты оценили ущерб российской экономике от «серого» майнинга рус.. Эксперт (2025-03-19). Видзӧтӧм 2 Одзар 2025.
  56. ↑ Ольга Расулова. В России предложили майнить криптовалюту с помощью навоза, Московский комсомолец (24 Гожумшӧр 2024). Дата обращения: 2 Одзар 2025.
  57. ↑ Роман Кильдюшкин. В России хотят использовать органические отходы для майнинга криптовалют, Газета.Ru (24 Гожумшӧр 2024). Дата обращения: 2 Одзар 2025.
  58. ↑ Аналитики: Криптовалютная индустрия находится на пороге краха рус.. Coinspot (2018-10-10). Видзӧтӧм 3 Одзар 2025.
  59. ↑ Билл Гейтс связал криптовалюты и NFT с теорией «большего дурака» рус.. РБК (2022-06-15). Видзӧтӧм 2 Одзар 2025.

Ыстӧттэз

Босьтӧма "https://koi.ruwiki.ru/w/index.php?title=Майнинг&oldid=215899"-ись