Субботин-Пермяк Пётр Иванович

Субботин-Пермяк Пётр Иванович
Субботин-Пермяк Пётр Иванович
Чужан лун:	6 (18) одзтӧв 1886 во
Чужанін:	Кудымкар, Соликамский уезд[d], Пермская губерния[d], Российскӧй империя[d];
Кулан лун:	1923 во тӧвшӧр 6 лун (36 лет)
Куланін:	Перем, СССР[d];
Канму	Российскӧй империя[d]; СССР[d];
Удж	серпасалісь
	Медиафайлы на РУВИКИ.Медиа

Пётр Ива́нович Суббо́тин-Пермя́к, (1886 - 1923) — серпасалісь-авангардист, гижис 40 серпас да 180 графика произведеннё, декоративнӧй живопись сьӧрті профессор .^[1]^[2]

Олантуй

Чужіс Кудымкарын 1886 воын тӧводз 18 лунӧ. 1914 воӧ Пётр Иванович помаліс Строгановскӧй художествоа-промышленнӧй училище Мӧскваын, сыбӧрын 1918 воӧдз уджаліс сэтӧн велӧтісьӧн. 1919 восянь пондіс уджавны Перем губернияын. Лӧсьӧтіс Перемын, Кудымкарын да Кунгурын серпасасяніннэз ,кӧдна лоисӧ Перем ладорын серпасасян понда панӧм тӧдӧммезӧн. Вӧлі Перемса художествоа техникумлӧн медодзза веськӧтлісьӧн. Лӧсьӧтіс Коми-Пермяцкӧй краеведческӧй музей, кӧда ӧні шусьӧ сы нимӧн .^[1]^[3]

Аслас серпассэзын П.И. Субботин-Пермяк йитіс перем коми отирлісь ассяма искусствосӧ XX векся авангардлӧн вермӧммезӧн. Сылӧн уджжезӧн позьӧ тӧдсасьны Коми-Пермяцкӧй краеведческӧй музейын да Перемса художествоа галереяын.^[1]

П.И. Субботин-Пермяк дзебӧм Перемын Ягошика шойнаын^[3].

Серпассэз

Воронежись инька. 1912 г. П.И. Субботин-Пермяк нима Коми-Пермяцкӧй краеведческӧй музей .
Ю ньылат . 1918 г. П.И. Субботин-Пермяк нима Коми-Пермяцкӧй краеведческӧй музей.
Уджалісь (Вын). 1921 г. П.И. Субботин-Пермяк нима Коми-Пермяцкӧй краеведческӧй музей .
Пӧжасӧн натюрморт . 1921 г. П.И. Субботин-Пермяк нима Коми-Пермяцкӧй краеведческӧй музей

Донтанпассэз

1945 воӧ сылӧн чужанінын Кудымкарын Коми-Пермяцкӧй краеведческӧй музейлӧ вӧлі сетӧма П. И. Субботин-Пермяк ним. Музейяс торйӧн пырӧ П. И. Субботин-Пермяклӧн керку-музей ^[4].
2001 воӧ П.И.Субботин-Пермяк гу вылас вӧлі осьтӧм виль касьтыланпас ^[3].
2009 воӧ 3-ӧт Московскӧй ӧнняся искусство биеннале дырни «Винзаводлӧн» «Проун» галереяын вӧлі нуӧтӧма «Кудымкор — ашыння лунлӧн локомотив. Екатерина Деготь выставкалӧн куратор да Леонид Тишков серпасалісь висьтасьӧны Петр Иванович Субботин-Пермяклӧн олантуй йылісь» выставка ^[5].
декабрь 16 лунӧ 2010 воӧ Кудымкарын краеведческӧй музейкӧт ордчӧн вӧлі осьтӧма П.И.Субботин-Пермяклӧ памятник.

Перем ладорись Полазна посадын улицалӧ сетісӧ П. И. Субботин-Пермяклісь ним .

Ӧшмӧссэз

Субботина И. П. Художник Субботин-Пермяк. — Пермь: Перм. кн. изд-во, 1959. — 48 с. — (Замечательные люди Прикамья).
Власова О.М. Художник П. И. Субботин-Пермяк. — Пермь: Перм. кн. изд-во, 1990. — 116 с. — (Замечательные люди Прикамья).

Пасйӧттэз

↑ ¹ ² ³ Субботин-Пермяк Пётр Ивановичнедоступная ссылка (Уральская историческая энциклопедия)
↑ Субботин-Пермяк Архивная копия от 30 Одзар 2007 на Wayback Machine (Энциклопедия Пермской области)
↑ ¹ ² ³ Пермский некрополь Архивная копия от 27 Тӧвшӧр 2008 на Wayback Machine (Энциклопедия Пермской области)
↑ Контакты рус.. Коми-Пермяцкий краеведческий музей им. П. И. Субботина-Пермяка.недоступная ссылка
↑ Толстова А. Стрелочник авангарда Архивная копия от 15 Тӧвпом 2011 на Wayback Machine // Коммерсантъ. — 2009. — 14 окт.

Ыстісьӧммез

[UIE-1] ¹ ² ³ Субботин-Пермяк Пётр Ивановичнедоступная ссылка (Уральская историческая энциклопедия)

[EPO-2] Субботин-Пермяк Архивная копия от 30 Одзар 2007 на Wayback Machine (Энциклопедия Пермской области)

[EPO-PN-3] ¹ ² ³ Пермский некрополь Архивная копия от 27 Тӧвшӧр 2008 на Wayback Machine (Энциклопедия Пермской области)

[4] Контакты рус.. Коми-Пермяцкий краеведческий музей им. П. И. Субботина-Пермяка.недоступная ссылка

[5] Толстова А. Стрелочник авангарда Архивная копия от 15 Тӧвпом 2011 на Wayback Machine // Коммерсантъ. — 2009. — 14 окт.

[1]

[2]

[3]

[4]

[5]