Соколовский Михаил Иванович
| Соколовский Михаил Иванович | ||||||||||
|---|---|---|---|---|---|---|---|---|---|---|
 | ||||||||||
| Чужан лун | 1935 во одзтулыс 29 лун | |||||||||
| Чужанін | Ленинград, СССР | |||||||||
| Канму |
 СССР →  Российскӧй Федерация |
|||||||||
| Наука юкӧн | ракетостроеннё | |||||||||
| Уджаланін | НПО «Искра», ПГТУ | |||||||||
| Велӧтчанін | Ленинградскӧй военно-механическӧй институт | |||||||||
| Учёнӧй тшупӧт | техника доктор (1991) | |||||||||
| Учёнӧй званнё |
профессор (1992) РАН член-корреспондент (2000) |
|||||||||
| Научнӧй юралісь | М. Ю. Цирульников | |||||||||
| Донтан пассэз да премияэз |
|
|||||||||
Соколовский Михаил Иванович (1935 во одзтулыс 29 лун, Ленинград) — советскӧй да российскӧй туялісь, чорыт лонтана ракетнӧй двигателлез конструктор, «Искра» НПО-лӧн генеральнӧй директор да конструктор, РАН-ись член-корреспондент (2000), Перем карлӧн да Пермскӧй областьлӧн почётнӧй гражданин.
Олантуй
Чужис 1935 во одзтулыс 29 лунӧ Ленинградын[1].
1941 воӧ, Великӧй Отечественнӧй война пондӧтчӧм бӧрын, мамыскӧт да учӧтжык сойыскӧт муніс эвакуацияӧ Кострома областьӧ, Андропово деревняӧ, да бертіс Ленинградас 1944 воӧ[1].
1952 воӧ помаліс зарниа медальӧн шӧрӧт школа[1].
1958 воӧ гӧрд дипломӧн помаліс Ленинградскӧй военно-механическӧй институтісь конструкторскӧй факультет «ракетнӧй двигателлез» специальность сьӧрті[1]. Вӧлі ыстӧм уджавны Перемӧ, «Специальнӧй конструкторскӧй бюро № 112» (ӧні «Искра» НПО).
1961 восянь уджаліс Перем канмуся техника университетын, юраліс ракетно-космическӧй техника кафедарӧн. 1970 воӧ дорйис кандидат диссертация, 1991 воӧ — доктор диссертация. 1992 воӧ лоис профессорӧн[2].
Быдӧс уджалан да научнӧй уджыс йитсьӧ «Искра» научно-производственнӧй ӧтувкӧт, кытчӧ сія локтіс вуз помалӧм бӧрын да быдмис том специалистсянь юралісьӧдз — генеральнӧй конструкторӧдз да генеральнӧй директорӧдз (1994—2012)[2].
Туялан удж
Пуктіс ыджыт пай чорыт лонтана ракетнӧй двигателлез (РДТТ) лӧсьӧтӧмӧ РС-12, РТ-2П, РСМ-52, РС-22 ракетнӧй комплекссэзлӧ да ракетаэзлӧ да тодиль мога РДТТ ракетнӧй комплекссэзлӧ[2].
«Искра» НПО-лӧн директор пост вылын одзлань нуӧтіс Л. Н. Лавровлісь уджсӧ ракетно-космическӧй техника понда ыджыт вынӧн энергетическӧй установкаэз лӧсьӧтӧм сьӧрті научно-техническӧй уджжезӧн юралӧмӧн[2].
Сылӧн кипод увтын 1992—1998 воэзӧ вӧлі чулӧтӧм РДТТ утилизация сьӧрті НИОКР комплекс, Перемын лӧсьӧтӧм чорыт лонтана ракетнӧй двигателлез утилизация сьӧрті сӧстӧм стенд[2].
Вӧлі стратегическӧй наступательнӧй вооруженнёэз чинтӧм да дзескӧтӧм йылісь договор сьӧрті США-ӧн соблюденнё сьӧрын видзӧтӧм сьӧрті инспекторрез лыдын[2].
1990-ӧт воэзӧ, кӧр оборона заказыс вӧлі уна чинтӧм, сы кипод увтся «Искра» НПО-ын вӧлі видзӧм объединеннёлісь научно-техническӧй персонал, сы производственнӧй да испытательнӧй база, адаптируйтӧм энергетическӧй установкаэзлісь методология да технология эффективнӧй гражданскӧй продукция лэдзӧм понда: 1994 воӧ пондӧтчис «Урал-Газпромлӧн» газнуан агрегаттэз (ГПА) да газотурбиннӧй электростанцияэз (ГТЭС) лӧсьӧтӧм, керӧм, сетӧм да обслуживайтӧм сьӧрті комплекснӧй программа. Пермскӧй крайлӧн дорйӧм предприяттёэзлӧн научно-техническӧй отсӧт вылӧ подуласьӧмӧн да «Газпром» ОАО-лӧнпредприяттёэзкӧт ӧтлаын уджалӧмӧн вӧлі лӧсьӧтӧм газнуан агрегаттэзлӧн виль поколеннё лӧсьӧтан концепция, мый шогья куим во сьӧрна позис лӧсьӧтны ГПА-12 «Урал» блочно-контейнернӧй керӧма медодзза российскӧй агрегат, кӧда техническӧй характеристикаэс сьӧрті эз сетьсы визирасайся аналоггезлӧ[2].
Зорӧтіс виль туялан веськӧввез РДТТ лӧсьӧтӧмын да уджӧтӧмын:
- полимернӧй да углерод-углерода композиционнӧй материаллэзӧн РДТТ проектируйтӧмлӧн да лӧсьӧтӧмлӧн научнӧй подуввез лӧсьӧтӧм, мый сетіс тӧдчӧмӧн содтыны двигателлезлісь энергомасса бурмӧтан тшупӧтсӧ, чинтны ны керӧмлісь дон;
- энергетическӧй установкаэзлӧн сопловӧй аппараттэзлӧн газовӧй тракт профилируйтан ӧткодя мунӧм лӧсьӧтӧм сы сьӧрті, кыдз кык фазаӧн мунӧны чорыт ракетнӧй лонтас сотчан продукттэз соплоын;
- РДТТ-лӧн бергӧтчан веськӧтлан соссэзын вевдӧр отся, зыртчӧмлісь да шоныт вежласьӧмлісь параметррез аркмӧтан методология, методдэз да программаэз лӧсьӧтӧм;
- теоретическӧй подуввез да экспериментальнӧй методдэз РДТТ-эз испытайтӧм.
Гижис 460-ся унажык публикация, ны лыдын 9 монография да изобретеннёэз вылӧ 165 авторскӧй свидетельство да патент[3].
Сы кипод увын вӧлісӧ дорйӧмӧсь 2 доктор да 2 кандидат диссертация[1].
Пермскӧй крайись Общественнӧй палаталӧн экономика зорӧтӧм, инновацияэз да бур олӧмин лӧсьӧтӧм сьӧрті комиссияӧ пырись[4].
Научнӧй организацияэзын удж
- РАН член-корреспондент (2000);
- РАН Урал юкӧтісь Пермскӧй научнӧй центр президиумӧ пырись;
- академик да Россия ракетно-артиллерийскӧй наукаэз академиялӧн Урался центрӧн юралісь (1999);
- К. Е. Циолковский нима Россия космонавтика академияись академик (1996);
- «Росавиакосмослӧн», «Газпром» научно-техническӧй советтэзӧ пырись;
- «Газотурбинные технологии», «Нефтегазовые технологии», «Ракетно-космическая техника» нима изданнёэзісь редакционнӧй советтэзӧ пырись.
Донтан пассэз
- «В ознаменование 100-летия со дня рождения Владимира Ильича Ленина» нима медаль (1970)[4];
- Уджвывся Гӧрд Дӧрапас орден (1971, 1976);
- Ленин нима премия (группаын, 1984 во);
- Российскӧй Федерациялӧн наукаын да техникаын Заслуженный уджалісь (1994);
- «Чужанінӧ пуктӧм удж понда» 3-ӧт тшупӧта орден (1999)[5];
- Пермскӧй областьлӧн Почётнӧй гражданин (1999);
- Перем карлӧн Почётнӧй гражданин (2002)[6];
- Российскӧй Федерация правительствосянь наука да техника сьӧрті премия (группаын, 2003 во)[2];
- Почёта орден (2006)[4];
- Российскӧй Федерциялӧн Президентсянь Почётнӧй грамота[7].
Семья
- Айыс — Соколовский Иван Михайлович (1909—1975), поэт Александр Твардовскийлӧн очавон.
- Мамыс — Соколовская Мария Борисовна (1912—1971).
- Иньыс — Соколовская (Иванова) Ираида Ивановна.
- Нылыс — Соколовская Александра Михайловна.
Мӧдік
Неӧтпырись вӧвлі Пермскӧй областьлӧн чемпионӧн 100 метра котӧртӧмын, кузяа да куимпыр чеччалӧмын Пермскӧй крайлӧн рекордсменӧн[1].
Пасйӧттэз
- ↑ 1 2 3 4 5 6 СОКОЛОВСКИЙ Михаил Иванович. biograph.ru. Видзӧтӧм 31 Гожумшӧр 2025.
- ↑ 1 2 3 4 5 6 7 8 Члену-корреспонденту РАН Михаилу Ивановичу Соколовскому - 70 лет. Газета «Наука Урала» № 7 (894), март, 2005.. uran.ru. Видзӧтӧм 31 Гожумшӧр 2025.
- ↑ Соколовский М. И.. oem.ras.ru. Архивируйтӧм первоисточник сьӧрті 30 Одзтулыс 2016. Видзӧтӧм 31 Гожумшӧр 2025.
- ↑ 1 2 3 Соколовский Михаил Иванович. oppk.permkrai.ru. Видзӧтӧм 31 Гожумшӧр 2025.
- ↑ Указ Президента Российской Федерации от 18.06.1999 № 796. kremlin.ru. Видзӧтӧм 31 Гожумшӧр 2025.
- ↑ Почетные граждане Перми - Муниципальное образование город Пермь. gorodperm.ru. Видзӧтӧм 31 Гожумшӧр 2025.
- ↑ Распоряжение Президента РФ от 21.09.2010 N 634-рп «О поощрении». lawru.info. Архивируйтӧм первоисточник сьӧрті 25 Тӧвпом 2019. Видзӧтӧм 31 Гожумшӧр 2025.
Литература
- Антипьева С. П., Белецкий В. Г., Бондаренко В. В., Кайль Т. Ф. Доктора наук и профессора Пермского политехнического института: биографический справочник. — Пермь: Издательство ПГТУ, 1993. — 174 с.
- А. А. Ташкинов. Профессора и доктора наук Пермского национального исследовательского политехнического университета/ Пермский национальный исследовательский политехнический университет. — Пермь: Книжная площадь, 2013. — 352 с. — ISBN 978-5-902616-15-3.
Ыстӧттэз
- Профиль Михаила Ивановича Соколовского РАН сайтын
- Соколовский Михаил Иванович (ИС АРАН). isaran.ru. Видзӧтӧм 31 Гожумшӧр 2025.
- Сы статьяэз РИНЦ-ын
- «Чужанінӧ пуктӧм удж понда» 3-ӧт тшупӧта орденӧн ошкӧм йӧз
- Почёта орден кавалеррез
- Уджвывся Гӧрд Дӧрапас орденлӧн кавалеррез
- Ленин нима премиялӧн лауреаттэз
- РФ Правительство наука да техника сьӧрті премиялӧн лауреаттэз
- РСФСР наукаын да техникаын Заслуженнӧй уджаліссез
- Российcкӧй Федерация Президентсянь Почётнӧй грамотаӧн ошкӧм йӧз
- Персоналияэз анбурӧт
- Туяліссез анбур сьӧрті
- Одзтулыс 29 лунӧ чужӧм йӧз
- 1935 воӧ чужӧм йӧз