НПО «Искра»
| ПАО «НПО «Искра» | |
|---|---|
 | |
 | |
| Аркмӧтӧм | 1955 во |
| Инас |
 Российскӧй Федерация: Перем |
| Юралісь морттэз | Сергей Юрасов |
| Отрасль | машинаэз строитӧм |
| Продукция | газнуан агрегаттэз, газотурбиннӧй электростанцияэз, шӧрйисян компрессоррез проектируйтӧм, керӧм, вайӧм |
| Оборот | ▲11,86 млрд руб. (2020) |
| Операционнӧй шедтӧм | ▲261 млн руб. (2020) |
| Сӧстӧм шедтӧм | ▲1, 202 млрд руб. (2020) |
| Уджалісь лыд | 3 сюрс |
| Юралан компания | «Роскосмос» |
| Кипод увтся компанияэз |
ЗАО «Искра-Р» - 100 % ООО «Джон Крейн-Искра» - 50 % ЗАО «Компомаш-ТЭК» - 15 % |
| Аудитор | ООО «Инвест-Аудит» |
| Сайт | npoiskra.ru |
| Донтан пассэз |
 |
|---|
ПАО НПО «Искра» — Россияын машинаэз строитан ыджыт предприяттёэзісь ӧтік. Проектируйтӧ, керӧ да лэдзӧ уджан лонтана да энергетика комплекссэз понда, лӧсьӧтӧ да керӧ чорыт лонтана ракетнӧй двигателлез да нылісь элементтэз быдкодь колана ракета комплекссэз понда, ны лыдын Российскӧй Федерациялӧн стратегическӧй выннэз понда. Предприяттёыс нуӧтӧ комплекса инжиниринг услугаэз, производствоӧн, комплектуйтаннэзӧн, логистикаӧн, строительствоӧн да эксплуатацияӧ пыртӧмӧн. Продукция да услугаэз вузалӧмсянь джынся унажык шедтӧм лоӧ гражданскӧй мога продукцияись.
Организациялӧн медшӧр офисыс уджалӧ Перемын.
История
Предприяттёыс вӧлі аркмӧтӧм 1955 во одзтӧлӧн, медбы аркмӧтны да керны ракетнӧй техникалісь образеццез (СКБ-172). Важ нимыс — КБМаш (рочӧн Конструкторское бюро машиностроения). Ыджыт роль предприятие аркмӧтӧмын да зорӧтӧмын орсіс генеральнӧй конструктор да генеральнӧй директор Л. Н. Лавров.
1990 воэз пондӧтчикӧ «Урал-Газпром» да «Урал-Газпром 2» программаэз сьӧрті ракетаэз строитан предприяттёлісь научнӧй да производственнӧй базасӧ используйтӧмӧн, ПАО НПО «Искра» Россияись медыджыт машиностроительнӧй предприятиеэзкӧт да научно-исследовательскӧй институттэзкӧт кооперацияын пондіс проектируйтны да керны «Газпром» ПАО-лӧ газнуан агрегаттэз да газотурбиннӧй электростанцияэз[1].
1995 воӧ вӧлісӧ чулӧтӧмӧсь уджын пондылӧм да «Ординскӧй» КС вылын ГТУ-12П-сянь (авиационнӧй двигатель ПС-90 под вылын) «Урал» ГПА-12Р-лісь медодзза агрегат эксплуатацияӧ сетӧм[2].
1996 воӧ «Пермскӧй» КС вывсянь вӧлі сетӧм уджӧ медодзза российскӧй блочно-комплектнӧй газнуан агрегат ГПА-12 «Урал».
1998 воӧ пондылӧм уджын медодзза шӧрйисян компрессор.
1999 воӧ «Газпром трансгаз Екатеринбург» ООО-ын вӧлі чулӧтӧм ГТЭС-4 «Урал» блочно-контейнернӧй газотурбиннӧй электростанциялісь уджӧ лэдзӧм.
2001 воӧ чулаліс уджӧ лэдзӧм газнуан агрегатлӧн, кӧда керӧм шӧрйисян компрессорӧн «кӧс» газодинамическӧй уплотненнёэзӧн да роторлӧн электромагнитнӧй подвескаӧн.
2005 воӧ «Искра» НПО ПАО-ись специалисттэз группалӧ вӧлі сетӧм РФ правительствосянь премия газнуан агрегаттэз лӧсьӧтӧм понда.
2006 воӧ пыртӧм уджӧ 25 МВт вына газнуан медодзза агрегат.
Эмаліссез
Акция эмаліссез:
- Ӧтувтӧм ракетно-космическӧй корпорация — пырся акцияэзб(75 % акцияэз ӧтласа лыдісь)
- Физическӧй лицоэз — привилегирируйтӧм акцияэз (25 % акцияэз ӧтласа лыдісь)
Юралӧм
- 1956—1968 — Михаил Цирульников (1907 − 1990);
- 1968—1994 — Лев Лавров (1933 − 1994);
- 1994—2012 — Михаил Соколовский (чуж. 1935);
- 2012—2019 — Владимир Шатров (1954 − 2022)[3];
- 2019—2020 — Дмитрий Сыров (чуж. 1981);
- 2020 — ӧнӧдз — Сергей Юрасов[4] (чуж. 1964).
Продукция
Газоперекачивающие агрегаты
Ӧння кад кеж лӧсьӧтӧм да керӧм «Искра» НПО лӧсьӧтӧм 560-ся унажык газнуан агрегат 4…25 МВт вына линейнӧй да дожимнӧй компрессорнӧй станцияэзлӧ, му пытшкын газ видзан станцияэзлӧ, кыдз вились лэбтӧм, сідз и реконструируйтӧм объекттэзлӧ.
Газотурбиннӧй электростанцияэз
.jpg)
Учӧт энергетика объекттэзлӧ да мусир да газшедтан предприяттёэзлӧ «Искра» НПО-ын лӧсьӧтӧмӧсь 4 МВт вына газотурбиннӧй электростанцияэз да 12 МВт вына газотурбиннӧй электростанцияэзлӧн энергоблоккез («Урал» серияись 10 модификация мымда).
Шӧрйисян компрессоррез
1996 восянь ПАО НПО «Искра» документацияыс сьӧрті керӧ шӧрйисян компрессоррез, вежласяна вийӧтан торрез, экспериментальнӧй установкаэз да реконструкция комплекттэз вын классын 0,4…25 МВт рабочӧй давленнёӧн 25 МПа-ӧдз да ӧтік корпусын давленнё содтан тшупӧтӧдз 18.5-ӧдз.
Предприяттё номенклатураын 75 нима быдкодь колана компрессорнӧй уджан. «Искра» НПО ПАО-лӧн компрессоррезӧ содтӧны ӧння кадся «кӧс» газодинамическӧй уплотненнёэз, демпфернӧй подшипниккез нето роторлӧн магнитнӧй подвеска. Компрессоррезлӧн техническӧй характеристикаэз лӧсялӧны ӧння кадся тшупӧтлӧ.
Мусиршедтан да керӧтан отрасллез понда уджаннэз
Мусир да газ шедтан предприяттёэз заказ сьӧрті предприяттёыс керӧ опытно-конструкторскӧй да научно-исследовательскӧй уджжез, медбы артавны технологическӧй проблемаэз, кӧдна эмӧсь заказчиккезлӧн, керӧ оборудование, могмӧтӧ сійӧ сервиснӧя.
Ӧтіквинта да мембраннӧй насоссэз агрессивнӧй да сибдана средствоэз нуӧм понда
Ӧтіквинта насоссэз аркмӧтӧмӧсь кизер да сибдан нуӧм понда. Нуӧмыс вермӧ пыртны ас пытшкас сиа, чорыт да абразива торрез 2 мм-ӧдз.
Мембраннӧй пневматическӧй насоссэз аркмӧтӧмӧсь абразива, сибдана, сирья, паста кодь нуӧм понда.
Композиционнӧй материаллэзісь керӧмторрез
«Искра» ПАО НПО-ын эмӧсь ыджыт квалификацияа специалисттэз да уджан, кӧда сетӧ лэдзны ракетнӧй двигателлез да композиционнӧй материаллэзісь конверсионнӧй продукция. Медшӧр корӧммез, кӧднӧ босьтӧны тӧдвылӧ композиционнӧй материаллэзісь керӧмторрез керикӧ - дыржык уджалӧм, дзирыт паныталӧм, эрозия паныталӧм, структуралӧн да химическӧй составлӧн пырся олӧм.
Предприяттёын лӧсьӧтӧмӧсь контрольлӧн да важмӧм дырни материаллэзлӧн свойствоэз прогнозируйтӧмын методикаэз.
Чорыт лонтанӧн уджалан ракетнӧй двигателлез, сопловӧй блоккез, ракетнӧй системаэз
- Лӧсьӧтӧм да проектируйтӧм маршӧвӧй чорыт лонтана двигателлезлӧн номенклатураӧ пырӧны стартӧвӧй сод ракетаэзлӧн чорыт ломтас вылӧ ракетаэзлӧн двигателлез, ны лыдын ракета-нуӧтісь, кӧдналӧн диаметрыс 3000 мм-ӧдз да лонтан сьӧктаыс 75000 кг-ӧдз, вылын сода ракетаэзлӧн чорыт лонтана вылӧ ракетаэзлӧн двигателлез, кӧдналӧн эмӧсь ыджыт сода паськалӧмӧн соплоэз, кӧдналӧн эмӧсь телескоп кодь петана содтаннэз.
Маршевӧй двигателлез конструкцияэзын паськыта используйтӧны конструктивнӧй органопластиккез да углероднӧй пластиккез, ыджыт эффективностя углерод-углероднӧй, шонвидзан да эластомернӧй материаллэз.
- Предприяттёыслӧн эм бура зорӧтӧм производственнӧй инфраструктура, кӧда сетӧ лӧсьӧтны нуӧтан соплоэз да содтаннэз быдса цикл сьӧрті, кытчӧ пырӧны проектируйтӧм, уджӧ лэдзӧм, серияа керӧм.
ПАО НПО «Искра» ӧтуджалана проекттэз
- Амурскӧй газкерӧтан завод[5]
- «Ухта — Торжок» магистральнӧй газнуан
- Ен-Ях шедтӧмин
- «Роспан» газ проект
- Уренгой газ шедтӧмин
- Яр-Ях мусир да газ шедтӧмин
- Южно-Русскӧй мусир да газ шедтӧмин
- Приразломное шедтӧмин
- Сибирьлӧн вын
Пасйӧттэз
- ↑ ГАЗОПЕРЕКАЧИВАЮЩИЕАГРЕГАТЫ СЕРИИ «УРАЛ». Видзӧтӧм 31 Гожумшӧр 2025.
- ↑ Ординский старт десяти миллионам. Архивировано 13 Тулысшӧр 2021 года.
- ↑ В Перми скончался бывший депутат-промышленник. Дата обращения: 31 Гожумшӧр 2025.
- ↑ Развитие промкооперации, Телеканал РБК-Пермь (23 Одзтулыс 2021). Архивировано 28 Тулысшӧр 2021 года. Дата обращения: 31 Гожумшӧр 2025.
- ↑ НПО «Искра» поставило оборудование на крупнейшее предприятие в мире по переработке природного газа. Архивировано 28 Тулысшӧр 2021 года. Дата обращения: 31 Гожумшӧр 2025.