Снигирёв Иван Прокопьевич

Снигирёв Иван Прокопьевич
Снигирёв Иван Прокопьевич
Чужан лун	1915 во одзтулыс 7 лун
Чужанін	Улісь Кӧс (Кӧсладор район), Кӧс посадму, Кӧсладор район, Коми-Пермяцкöй автономнöй округ[d];
Кулан лун	1953 во гожумпом 30 лун (38 лет)
Куланін	Перем ладор, Российскӧй Федерация;
Сраженнёэз/войнаэз	Великӧй Отечественнӧй война;
Донтан пассэз

Снигирёв Иван Прокопьевич (1915—1953) — Великӧй Отечественнӧй войнаын участник, Слава орден тыр кавалер. Мӧдік гижсяныс — Снегирёв.

Олантуй

Чужис 1915 во одзтулыс 7 лунӧ (важмоза — тӧвпом 22 лунӧ) Нижньӧй Косаын^[3]. Помаліс вит класс. Уджаліс вӧрзаптісьӧн.

1937 воӧ муніс РККА-ӧ. Участвуйтіс Хасан ты^[3] понда бойезын. Вӧлі ошкӧм «За боевые заслуги» медальӧн. Демобилизация бӧрын локтіс гортас. 1940 воӧ пырис ВКП/КПСС-ӧ.

Великӧй Отечественнӧй война пондӧтчиккоста, 1941 во одзгожумӧ, бертіс армияас. Вӧлі ӧддьӧн дойдӧм да госпиталь бӧрын комиссуйтӧм. Корсис фронт вылӧ. 1943 во тулысӧн пырис 30 Уральскӧй добровольческӧй танковӧй корпусісь Пермскӧй танковӧй бригадаӧ^[4]. Вӧлі пуктӧм юравны 62 гвардейскӧй танковӧй бригада управленнё ротаись разведка взвод отделеннёӧн.

1944 гожумшӧр 27 лунӧ медодззаӧн разведгруппанас пырисӧ Львовӧ. Адззис враглісь лыйсянпоззэз да осталіс танккеслӧ нійӧ падмӧтны, гранатаэзӧн паздіс враг пулемётлісь расчёт. 1944 во гожумпом 14 лунсянь приказӧн вӧлі ошкӧм III степеня Слава орденӧн^[5].

1945 во тӧвшӧр 23 лунӧ Одер ю форсируйтікӧ сидзис враг тылӧ Крейнау дын. Сэтчин разведгруппаыс кужис уничтожитны 15-ся унажык враг солдат да адззыны ӧддьӧн колана картаэз. Тӧвпом 2 лунӧ Снегирёвлӧн отделеннёыс Герцогсвальдауын мырддисӧ враглісь керку, кӧда вӧлі пӧртӧм опорнӧй пунктӧ. Разведчиккес уничтожитісӧ 10 враг солдат, босьтісӧ пленӧ офицерӧс да адззиса колана документтэз. 1945 во одзтулыс 14 лунсянь приказӧн гвардия сержант Снигирёв вӧлі ошкӧм II степеня Слава орденӧн^[6].

1945 во одзтулысӧн Снигирёв группанас уничтожитіс 10 мымда враг солдат, падмӧтіс 2 лыйсянпоз, босьтіс пленӧ 4 враг солдат. 1945 во одзгожум 27 лунсянь СССР Верховнӧй Совет Президиум указӧн вӧлі ошкӧм I степеня Слава орденӧн.

Демобилизуйтчис 1946 воӧ.

Бертіс гортас. Уджаліс ЛПХ-ын.

Куліс 1953 во гожумпом 30 лунӧ. Дзебӧм Романоваын.

Донтан пассэз

Медаль «За боевые заслуги» (1938)
Орден Красной Звезды (1944)
Орден Славы III степени (1944)
Орден Славы II степени (1945)
Орден Славы I степени (1945)
Орден Отечественной войны II степени (1945)

Касьтылӧм

Кудымкарын Геройез Аллеяын эм И. П. Снигрёвлӧн барельеф.

Пасйӧттэз

↑ https://pokolenia.permkrai.ru/books/view/31886#20
↑ https://www.komi-permarchiv.ru/index.php?page=snegirev-ivan-prokopevich
↑ ¹ ² Снигирёв (Снегирёв) Иван Прокопьевич (1915‒1953), полный кавалер ордена Славы // Коми-Пермяцкий окружной государственный архив
↑ Герои Прикамья: [биографический справочник] / [сост. З.Р. Козлова]. Пермь: Пушка, 2006. С. 276.
↑ Снигирев Иван Прокопьевич // Официальный сайт Года памяти и славы в Пермском крае
↑ [Снигирёв Григорий Артемьевич] Полные кавалеры ордена Славы: краткий биографический словарь // Министерство обороны Российской Федерации

[_95298eac3af00e8f-1] ttps://pokolenia.permkrai.ru/books/view/31886#20

[_2609bbb49e4d6caf-2] ttps://www.komi-permarchiv.ru/index.php?page=snegirev-ivan-prokopevich

[:0-3] ¹ ² Снигирёв (Снегирёв) Иван Прокопьевич (1915‒1953), полный кавалер ордена Славы // Коми-Пермяцкий окружной государственный архив

[4] Герои Прикамья: [биографический справочник] / [сост. З.Р. Козлова]. Пермь: Пушка, 2006. С. 276.

[5] Снигирев Иван Прокопьевич // Официальный сайт Года памяти и славы в Пермском крае

[6] [Снигирёв Григорий Артемьевич] Полные кавалеры ордена Славы: краткий биографический словарь // Министерство обороны Российской Федерации

[1]

[2]

[3]

[4]

[5]

[6]