Снегурочка

Босьтöм Рувикиись
Снегурочка
В. М. Васнецов. «Снегурочка». 1899
В. М. Васнецов. «Снегурочка». 1899
Аркмӧтісь славяна фольклор
Гижӧм «Снегурочка» (сказка); «Снегурочка» (пьеса); «Снегурочка» (опера); «Снегурушка» (сказка).
Пӧв иньпӧв
Волыд учӧт нылочка, нывка
Увтыр крестьяна
Нимкодь Снегурка, Снежевиночка
Логотип РУВИКИ.Медиа Медиафайлы на РУВИКИ.Медиа

-->

Снегурочка (мӧдінёж Снегурка, Снежевиночка)[1] — роч сказкаэзісь да Виль вося персонаж, Дед Морозлӧн нучатка да отсалісь. Порйӧтӧммез коста осталӧ Дед Мороыслӧ вӧдитчыны челядькӧт[2]. Мукӧдпырся сы синбаныс кыдз учӧт нылочка, мукӧдпырся — нывка. Медбӧрьяыс тшӧкытжыка: Снегурочка литератураись синбанӧн да кыдз практическӧй коланатор мед оставны чулӧтны вильвося порйӧтӧммез (отсавны Дед Морозлӧ). Медодззаись Снегурочкаыс петіс Дед Мороз отсалісьӧн 1937 воын Москавын Союззэз керкуын[2].

Персонажлӧн аркмӧм

Роч фольклорын

Снегурочкалӧн синбан абу фиксируйтӧм славяна отир обрядын, но эм фольклорын[2]. Роч фольклорын Снегурочкаыс ӧтнима сказкаись персонаж, лымись керӧм ловзьӧм нылочка. Эта сюжетыс вӧлі гижӧм да петіс 1869 воын Александ Афанасьев «Поэтические воззрения славян на природу» нима уджын.

Дед Мороз кагакӧт Революция одзын Розосво кежся открытка вылын

Искусствоын

1873 воӧ Александр Островский Афанасьевӧн ӧктӧм сказкаэз сьӧрті гижис ассис «Снегурочка» пьеса. Сыын Снегурочкаыс мыччассьӧ Дед Мороз да Весна-Красна нылӧн, кӧда кулӧ Ярило енлӧ кӧсйӧм гожумся ритуал коста. Сія басӧк, чочком юрсиа да кельыт кучика нывка. Петтӧнняс пьесаыс эз пыр публика сьӧлӧмӧ. 1882 воӧ Николай Римский-Корсаков гижис пьесаыс сьӧрті опера, кӧда лоис зэв популярнӧйӧ[2].

Одзлань Снегурочкалӧн синбан зорамис XIX—XX сёвоэз вежсьӧмын велӧтіссез уджжезын, нія лӧсьӧтісӧ сценарийез челядь понда Розосвося чулӧтӧм кеж. Револиция вотӧдз Снегурочкалӧн фигуркаэсӧ ӧшлісӧ кӧз вылӧ, нылочкаэз мӧдӧтчисӧ Снегурочка костюмӧ, керлісӧ сказка, пьесада опера сьӧрті инсценировкаэс. Сы коста Снегурочкаыс эз на вӧв чулӧтісьӧн[2].

Советскӧй Союзын

Революция бӧрын вичкуэслісь уджсӧ, сыын и Розосво да мӧдік вичкуся вежалуннэсӧ, канмуыс пондіс падмӧтны. 1929 восянь Россияын вӧлі кидтӧм чулӧтны Розосво[3]. Но 1935 воӧ государственнӧй политикаыс бергӧтіс розосвося традицияэсӧ кыдз Виль во порйӧтӧм. Виль во чулӧтӧм йылісь небӧггезын Снегурочкаыс гижӧм кыдз Дед Морозлӧн нучатка, отсалісь . 1937 воын Дед Морозыс да Снегурочкаыс медодззаись петісӧ отирӧ Москваись Союззэз керкуын. Одзза советскӧй серпассэзын Снегурочкаыс серпасалӧм кыдз учӧтик нылочка, кыдз нывкаӧс пондісӧ серпасавны сёрӧнжык[2]. XX сёво одзын почта открыткаэз вылын Дед Морозыс вӧлі серпасалӧм зонкаок Виль вокӧт. Дед Морозыс вӧлі пасьтӧтӧм гӧрд нето чочком пасьӧ, зонкаокыс югытлӧз костюмын. Эта традиция сьӧрті и вӧлісӧ керӧмӧсь персонажжезлӧн костюммез медодзза петӧм кеж Союззэз керкуын: Дед Морозыскӧт ордчӧн оськаліс Сннугрочка югытлӧз рӧма паськомын[4].

Великӧй Отчественнӧй война бӧрсянь Снегурочкаыс лоис Дед Морозлӧн пырся отсалісьӧн быд порйӧтӧм коста. Вил во кеж Снегурочкаэзнас уджалісӧ театральнӧй вуззэзісь студенткаэз да актрисаэз. Аскерӧм постановкаэзын Снегурочка орсӧм понда бӧрйисӧ пӧрисьжык чочком юрсиэза нывкаэзӧс да том инькаэзӧс[2].

Снегурочкалӧн терем

«Снегурочка» фильм понда (1968) Мера ю дорын вӧлі тшупӧм берендейез деревня. Местасӧ бӧрйисӧ сэтчин, сідз кыдз матын, Щелковоын, Островскийыс гижис пьесасӧ. Съемкаэз бӧрын пуись декорцияэсӧ нуӧтісӧ Костромаӧ, кытӧн вӧлі аркмӧтӧм «Берендеевка» парк. Сы киння, Костромаын 2008 воын вӧлі лэбтӧм Снегурочкалӧн терем, кытӧн сія кузь во сьӧрна рочасьӧ. 2009 во тулысшӧр 4 лунӧ медодззись официальнӧя чулӧтісӧ Снеугрочкалісь чужан лун. Сэксянь Костромаын сія чулӧтьсӧ быд во. 2020 воын Костромаын сідзжӧ оссис Снегурочкалӧн мӧдӧчтаннэз музей.

Рекорддэз

2023 во одзтӧв 23 лунӧ Кемеровоись «Кузбасс-Арена» спорткомплексын ӧксис Снегурочкаэзісь ыджыт кытш, сія сюрис Россиялӧн рекорддэз небӧгӧ. Сідз помассис Медодзза кузбасскӧй конкурс Снегурочкаэз коласын[5]. Рекорддэз небӧглӧн регистратор Юлия Пронкина тодиляліс: «Юӧртча, мый рекордыс — мед уна отира кытш Снегурочкаэз костюммезын, 1071 пырись, — официальнӧя регистрируйтӧм»[6].

Медпӧрись пырисьлӧ, Зоя Плотниковалӧ, тырис 101 во. Сія муніс кытшас Елизавета пранучатканас[7].

Искусствоын синбан

Кинематографын

Сказка сьӧрті

  • «Сказка о Снегурочке» (1957) — мультфильм, режиссёр В. Д. Дегтярёв.
  • «Снегурка» (1969) — мультфильм, режиссёр В. Д. Дегтярёв.

А. Н. Островский пьеса адаптацияэз

  • «Снегурочка» (1952) — мультфильм, режиссёр И. П. Иванов-Вано.
  • «Снегурочка» (1968) — кинофильм, режиссёр П. П. Кадочников, Снегурочка орсісь — Евгения Филонова.
  • «Весенняя сказка» (1971) — телефильм, режиссёр Ю. Н. Цветков, Снегурочка орсісь — Наталия Богунова.
  • «Ледяная внучка» (1980) — кинофильм, режиссёр Б. Рыцарев, Снегурочка/Люба орсісь — Светлана Орлова, князь — Альберт Филозов.
  • «Снегурочка» (2006) — мультфильм, режиссёр М. А. Муат

Мультфильмы

  • «Зимняя сказка» (1945) — мультфильм-фантазия, сценарий — Иван Иванов-Вано, Евгений Шварц, сюжетыс сьӧрті уррез керӧны лымись нывкаокӧс да сідз чужӧ Снегурочка.
  • «Когда зажигаются ёлки» (1950) — мультфильм, сценарист Владимир Сутеев, Снегурочкаыс медодззаись мыччалӧм Дед Морозлӧн отсалісьӧн.
  • «Ну, погоди!» (выпуск 8, 1974) — мультфильм, Снегурочки костюмын — Кӧин (кыдз синбанлӧн гротеск) сьылӧ Кӧчкӧт Дед Мороз да Снегурочкалісь сьыланкыв (рочӧн «Песня Деда Мороза и Снегурочки»).
  • «Дед Мороз и серый волк» (1978) — мультфильм, сценарий Владимир Сутеев, Снегурочкаыс мыччасьӧ кыдз Деда Морозлӧн ордчамунісь.
  • «Партизанская Снегурочка» (1981) — мультфильм.
  • Сказочный патруль (2016 —) — мультсериал. Снегурочкасӧ (Снежка) шыӧтіс Полина Кутепова. Касьтіссьӧны Снеугрочкалӧн аймам — Вьюга (Морозӧн ныв) да ӧтік сы дынын уджалісь эльф.

Фильммез

  • «Новогодние приключения Маши и Вити» (1975) — Снегурочка орсісь  — Ирина Борисова.
  • «Снегурочку вызывали?» (1985) — Снегурочка орсісь  — Ирина Алфёрова.
  • «Ирония судьбы. Продолжение» (2007) — Снегурочка орсісь — Евгения Добровольская.
  • «Моя мама — Снегурочка» (2007) — Снегурочка орсісь  — Мария Порошина.
  • «Срочно требуется Дед Мороз» (2007) — Снегурочка орсісь  — Светлана Письмиченко.
  • «Снегурочка. Пасхальная сказка» (2010) — Снегурочка орсісь  — Татьяна Петрова.
  • «Страна ОЗ» (2015) — Алиса Хазанова и Дарья Екамасова
  • «Снегурочка против всех» (2021) —Снегурочка орсісь  — Надежда Сысоева.

Шыладын

  • 1882 воын Н. А. Римский-Корсаков гижис опера «Снегурочка».
  • «Ну, погоди!» (1974) 8 петӧтісь сьыланкыв-дуэт «Расскажи, Снегурочка, где была» (Кӧин А. Папанов, Кӧч К. Румянова). Сы вылӧ группа «Сектор Газа» керис пародия, пырис «Ночь перед Рождеством» (1991) альбомӧ.
  • «Снегурочка» — сьыланкыв, эз пыр «Жестокий романс» фильмӧ (1984), но эм фильмись сьыланкыввеза грампластинка вылын, сьылӧ Людмила Гурченко.

Серпасалӧмын

  • «Снегурочка» (1899) — Виктор Михайлович Васнецов. Дӧра, гос. 116х80 см. Музей: Третьяковскӧй галерея.

Галерея

  • Зворыкин Б. В. Снегурочка (1925 во гӧгӧр)

    Зворыкин Б. В. Снегурочка (1925 во гӧгӧр)

  • Снегурочкалӧн терем Костромаын

    Снегурочкалӧн терем Костромаын

  • Дед Мороз да Снегурочка «Кремлёвскӧй ёлка» вылын, 2016/2017 во

    Дед Мороз да Снегурочка «Кремлёвскӧй ёлка» вылын, 2016/2017 во

  • Дед Мороз да Снегурочка Беловежскӧй пущаын, 2004 во

    Дед Мороз да Снегурочка Беловежскӧй пущаын, 2004 во

Пасйӧттэз

  1. ↑ Афанасьев, 1994, с. 639.
  2. ↑ 1 2 3 4 5 6 7 Душечкина 2003
  3. ↑ Рожков А. Ю. В кругу сверстников: жизненный мир молодого человека в Советской России 20-х годов : в двух томах (Том 1) — Краснодар: Перспективы образования, 2002 — Стр. 171—205 с.— ISBN 5-93749-017-7
  4. ↑ Идеологически верная Снегурочка: откуда взялась внучка Деда Мороза. Дата обращения: 24 января 2019. Архивировано 4 января 2019 года.
  5. ↑ Сердакова, Е. В Кемерове 1 071 Снегурочка прошлась в гигантском хороводе рус.. Комсомольская правда (2023-12-23).
  6. ↑ В Кемерово прошел самый массовый хоровод Снегурочек в России, РИА Новости (20231223T1155). Дата обращения: 12 Арпом 2024.
  7. ↑ Снегурочки Кузбасса установили рекорд России – РИА «Кузбасс» (ru-RU).

Лыддьӧтан

  • Афанасьев А. Н. Поэтические воззрения славян на природу. — М.: Индрик, 1994. — Т. 2. — 784 с. — ISBN 5-85759-011-6. Архивировано 16 Тулысшӧр 2014 года.
  • Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
  • Душечкина Е. В. Три века русской ёлки // Наука и жизнь : журнал. — 2008. — № 1.
  • Елкина, М. В. Сказочный сюжет «Снегурочка» и его интерпретация русскими писателями: автореферат дис. … кандидата филологических наук: 10.01.09 / Елкина Мария Владимировна. — Челябинск: Челябинский государственный университет, 2009.

Ыстӧттэз

Босьтӧма "https://koi.ruwiki.ru/w/index.php?title=Снегурочка&oldid=205589"-ись