Дед Мороз

Дед Мороз
Мифология	рытвыв славяна фольклор
Ним вежӧртас	тӧвся персонаж, мыччалӧ кӧдзыт
Пӧв	айпӧв
Кагаэз	Снегурочка
Йитчӧм персонажжез	Снегурочка, Зонкаок Виль во
Йитчӧм понятиеяс	Виль во, кӧз, козиннэз
Йитчӧм лоӧмторъяс	Виль во Россияын
Атрибуттэз	бедь, пась, кеписсез, пимиэз, тош, ноп
Мӧдік культураэзын	Санта-Клаус
Медиафайлы на РУВИКИ.Медиа

Дед Мороз — роч Виль во костся медшӧр персонаж, Розосвося козьналісьлӧн роч вариант.

Прообраззэзнас лоӧны Мороз — славяна фольклорись персонаж да Рытвыв Европаись Розосвося персонажжез (Санта-Клаус да мӧдіккез), кӧдна аркмӧмӧсь Вежа Николай синбан пыдди. Тӧдса кыдз Мороз Иванович 1840 восянь, сы канон сьӧрті синбан аркмӧтӧм кыдз вильвося, абу розосвося, персонажлӧн муніс советскӧй кадӧ, 1930-ӧт воэзӧ, кӧр квать во сьӧрна падмӧтӧм бӧрын вились лоис позяна сувтӧтны вильвося кӧз.

Дед Морозсӧ мыччалӧны кыдз пӧрись мортӧс, кӧда пасьтасьӧм рӧма (югытлӧз, ліз, гӧрд, чочком) пасьӧ, кузь чочком тоша да киас бедьӧн, кӧмасьӧм пимиэзӧ. Сія гӧняйтӧ куима вӧлӧн. Вовлӧ Снегурочка нучатканас, советскӧй кадӧ сыкӧт вӧлі Зонкаок Виль Во, лоан волӧн персонификация. Ордччӧн Дед Морозыскӧт ветлӧтны вӧрпиэз.

Славяна фольклорын

«Дед Мороз», В. М. Васнецов, 1885

XVIII—XIX сёвоэзӧ Дед Мороз нима персонаж нето кытшӧмкӧ чуд, кӧда юралӧ кӧдзытӧн, роч крестьяна коласын эз вӧв тӧдса. Версияыс, мый сія языческӧй ен, петіс сёрӧнжык.

Кӧдзытыслӧн персонификация кыдз вӧрва стихия петӧ рытвыв-славяна ритуалын, кӧда коста кӧдзытсӧ корӧны порйӧтны (кутьяӧн, кисельӧн, блиннэзӧн) Свётте коста нето Ыджыт лунӧ. Лыддиссис коланаӧн вердны Морозсӧ тодиль сёянӧн, мед сія эз кынт няньсю да карч. Порйӧтӧм вылас корисӧ важжесӧ (рочӧн деды). Сэтшӧм важсӧ вошшӧтісӧ касьтісян сёянӧн шуӧмӧн пан Мороз нето Мороз Васильевич. Сылӧ колисӧ сёянсӧ да паныт видзчисисӧ, шуам, тырдоз.

Мороз сідзжӧ мыччассьӧ быдӧс славянскӧй традицияэзын, унажыксӧ шуалӧммезын да кӧрткыввезын. Рытвыв славяналӧн Морозыс — вына морт, дорсись, кӧда зэлӧтӧ васӧ кӧрт кынӧн (рочӧн калинники, отир этимологияын сійӧ йитӧны «калить» роч кадакывкӧт). Эта кодя жӧ эмӧсь фразеологизммез чешскӧй да сербо-хорватскӧй кыввезын, нія йитӧмӧсь дорсись уджӧн. Тӧдмалана, мый сказкаись Мороз (Трескун, Студенец), кӧда роч сказкаас мунӧ Шонді да Тӧвкӧт да повзьӧтӧ кынтны нылӧ пантасьӧм мортӧс, вермӧ лоны ӧткодьсьӧтӧм Морозкӧт, кӧда олӧ йыись керӧм керкуын, да кыдз сказочнӧй отсалісь отсалӧ сылӧ, кин сы дынӧ локтӧ. А. Н. Афанасьев 1856 воӧ публикуйтӧм сказакаэзын фигурируйтӧ Морозко — тӧвлӧн персонификация: тӧвся дух, кӧда сетӧ сыкӧт пантасьӧм тӧвся вӧрын кык нывкалӧ каверза керӧммез.

Морозлӧн синбан кыдз ыджыт (нето ӧддьӧн учӧт мыгӧра) пӧрись морт кузь чочком тошӧн, кӧда вовлӧ ойладорсянь, котрасьӧ ыббезӧт да бедьнас варттӧн кытсалӧ би кӧдзыт (касьтылӧм Афанасьев уджжезын, а сыбӧрын и мӧдік славяна мифология сьӧрті туялан уджжезын), оз пет сёрӧнжык этнография да фольклорнӧй даннӧйезӧт.

Синбан аркмӧм

Революция одзся Вежа Николай серпасӧн почтовӧй открытка.

С. Б. Адоньева аслас туялан ыджын мыччалӧ, мый Дед Морозлӧн каноническӧй синбан ӧтлаын Снегурочкакӧт кыдз вильвося персонаж формируйтчис советскӧй кадӧ ни, 1930-ӧт воэзӧ, кӧр квать во сьӧрна падмӧтӧм бӧрын вились лоис позяна сувтӧтны вильвося кӧз Е. В. Душечкина, кӧда видзсьӧ эта сьӧрті жӧ, мыччалӧ важжык кадся синбан формируйтӧм йылісь ӧшмӧссэз. Паськытжыка эта йылісь сія гижӧ торья небӧгын.

Литература традицияӧ Дед Морозыс пырис одзжык А. Н. Афанасьевӧн ӧктӧм сказкаэз петӧмся (1856). В. Ф. Одоевский «Сказки дедушки Иринея» (1840) нима ӧктӧтӧ вӧлі пыртӧм сказка «Мороз Иванович», кӧдаын медодззаис вӧлі сетӧм литературнӧй трактовка Морозлӧн фольклорнӧй да обрядовӧй синбанлӧ.

Морозлӧн синбан поэтическая вӧлі мыччалӧм Н. А. Некрасов «Мороз Красный Нос» (1863) поэмаын .

Дыр кад Мороз Иванович да кӧзыс эзӧ вӧлӧ йитӧмӧсь Виль вокӧт. Эна синбаннэз ӧтлаасисӧ XIX сёво шӧрын, кӧр Россияын каррезын вӧлі пондылӧм аркмӧтны аскодя «розосво дед», кӧда бы козьналіс роч челядьлӧ козиннэз, кыдз Вежа Николай Европаын. Александр II дырйи касьтіссьӧны «пӧрись Рупрехт» (немецкӧй вужжеза, 1861), Вежа Николай нето дед Николай (1870) — торья пондылӧммез, кӧдна эзӧ пырӧ оланӧ.

1886 воын медодззаись петӧ «Морозко». 1880-ӧт воэзӧ унажык паськалӧ Дед Морозлӧн синбан, кӧда козьналӧ челядьлӧ козиннэз; сідз, С. Н. Дурылин 1924—1932 воэзӧ гижӧм аслас челядькад йылісь мемуаррезын гижӧ: «Дед Морозыс вайӧ кӧзок». XX сёво пондӧтчикӧ аркмӧ ӧння кадӧ тӧдса Дед Морозлӧн синбан. Сэк жӧ Валерий Каррик иллюстрирутӧм вуджӧтӧммезын Морозкӧ йылӧсь сказка лоӧ тӧдсаӧн и английскӧй кывья лыддьӧтіссезлӧ. Вуджӧтӧмас Морозкоыс петӧ Король Мороз (англ. King Frost) нимӧн. 1914 воын Сергей Есенин «Сиротка» кывбурын мыччалӧ Дед Морозӧс, кӧда козьналӧ аймамтӧм нывкалӧ жемчуг. 1910-ӧт воэзын Дед Морозыс пондіс петавны «ловйӧн» вильвося порйӧтӧммез коста. Революция одзся открытаэз вылӧ серпасалӧны Дед Мороз.

1920-ӧт воэз помын — 1930-ӧт воэз одзын Советскӧй государство аслас антирелигиознӧй политикаӧн пондыліс дугдӧтны Розосво да Виль во порйӧтӧм. Советскӧй пропаганда лэдзис серӧм вылӧ Револиция одзся традияэз. Эта кампания коста отирӧ паськӧтісӧ идея, мый Дед Морозыс языческӧй коляс, лёк ен. Висьтассис, мый сія кӧзлӧн дух, кӧда кеймытӧн важ славянаэс вийлісӧ морттэзӧс да ӧшлісӧ нійӧ уввез вылӧ. Эта касьтылӧм по Вильвося кӧз мичӧтӧны Дед Мороз фигураӧн.

Советскӧй оланӧ Дед Морозыс вились вӧлі пыртӧм 1936 во пондӧтчиккоста. Сідз лоис 1935 во одзтӧв 28 лунӧ, кӧр ЦИК СССР Президиумись член П. П. Постышев публикуйтіс «Правда» газетаын статья, кытӧн вӧзйис бертӧтны челядь понда Виль во порйӧтӧм кӧзӧн (Постышевыс эз вӧзйы бертӧтны Дед Морозсӧ), сы бӧрсянь странаын пондісӧ организуйтны вильвося мероприятттёэз вильмӧтӧм важся «розосво» атрибутикаӧн. Официальнӧя Дед Морозыс бертіс ӧддьӧн чожа. СССР-ын медодззись Харьковын осьтӧм Пионеррез дврецын (осьтӧм 1935 воын) 1935 во одзтӧв 30 лунӧ чулаліс медодзза СССР-ын официальнӧй вильвосятпорйӧтӧм кӧзӧн. 1937 во одзын Дед Морозыс Снегурочканас рочалісӧ Союззэз керкуын Москваын.

Дед Морзлӧн виль синбан формируйтӧмын орсіс ыджыт роль и советскӧй кинематограф.

• 

  Антирелигиознӧй советскӧй пропаганда, 1928

• 

  Деда Морозлӧн фигурка, СССР, 1960-ӧт воэз

Советскӧй кадӧ Дед Морозкӧт, Снегурочка да вӧрпиэз киння, ветлӧтіс Зонкаок Виль во, гӧрд пася да юрвевта (кӧдакӧ вылын вӧлі гижӧм локтан во). Зонкаокыс вӧлі локтан волӧн персонификация, сэк кӧр Дед Морозыс мыччаліс колян восӧ. Унажыксӧ Зонкаокыс вӧлі серпасалӧм 1950— 1980 воэзя почтовӧй открыткаэз вылын. Ӧтік мульфильмын сія вӧлі мыччалӧм Дед Морозлӧн нучочкӧн, кӧда лэбалӧ самолётӧн. Ӧння кадӧ эта персонажыс абу паськыта тӧдса.

Дед Мороз да православнӧй вичку

Роч Православнӧй Вичку XX сёво одзын Дед Морозсӧ видзис сідзтуя. 2000 воын, митрополит Сергий (Фомин) Вологдаӧ вовлікӧ висьталіс: «… Дед Мороз — сія бур персонаж, іда быдӧннымлӧ тӧдса челядькадсянь. Колӧ видзны тӧдвылын эта йылісь, колӧ торйӧтны бур персонажжесӧ лёккезсянь. Ме чайта, мый Дед Морлӧн синбан — сія миян светскӧй духовнӧй традция норма сьӧрті зоралӧм.

Ӧння кадся Россияын

Дед Морозлӧн керку Югдінын.

Россияын эмӧсь аскодя проекттэз, кӧдна йитӧмӧсь Дед Морозӧн. Дед Морозлӧн медодзза чужанін, Кардор, аркмис ВЛКСМ обком инициатива сьӧрті, кӧдӧ сэк, 1980-ӧт воэз помын, бурсьӧтісӧ Кардор саридзся вузасян ӧзын, Севмашзавод да мӧдік предприяттёэзлӧн директоррез. 1991 воын вӧлі осьтӧмӧсь ЗАО «Дом Деда Мороза» да ТОО «Почта Деда Мороза», регистрируйтӧмӧсь тодиль вузасян пассэз. 1995 воын Кола кӧджись Лапландия вӧрва дозирайтанін юраліссез керисӧ проект «Сказочная Лапландия — Владения Деда Мороза», кӧда сьӧрті Дед Морозлӧн резиденция вӧлі аркмӧтӧм Чунозеро усадьбаын. Сы кадся Москвалӧн мэр Юрий Лужков инициатива сьӧрті Вологодскӧй областьын 1998 восянь уджалӧ государственнӧй туристическӧй проект «Великий Устюг — родина Деда Мороза». Эта проект сьӧрті 2005 восянь порйӧтчӧ Дед Морозлӧн «официальнӧй» чужан лун: арпом 18 лунӧ. Эта луныс вӧлі бӧрйӧм, сідз кыдз сы матіс луннэзӧ Югдінын медодззаись ӧддьӧн кынтӧ.

Неӧтка Дед Мороз кузяись керисӧ этадз: сідз кыдз сія магия кужись, сэк сія ӧткоса вермас лоны Лапландияын да Югдінын. Абу кӧ гижӧм челядьыс гижӧтын Лапландия вӧрва дозирайтанин, сэк гижӧтсӧ ыст0ны Югдінӧ.

1999 во одзтӧв 25 лунӧ Югдінын оссис Дед Морозлӧн керку. Городас локтӧны туристтэза поезддэз Москваись, Санкт-Петербургись, Вологдаись да мӧдік каррезісь. Вологодскӧй областись кӧркӧся губенатор В. В. Позгалёв шуӧмӧн, куим во сьӧрна (1999— 2002 воэзын) туристтэслӧн лыдыс, кӧда вовліс Югдінас, быдмис 2 сюрссянь 32 сюрсӧдз. Дед Морозлӧ локтісӧ миллионся унажык гижӧт, в вузасьӧмлӧн вежтасыс быдмис 15-ись, чиніс уджтӧмалӧм .

Дед Морозлӧн московскӧй усадьба вӧлі аркмӧтӧм «Великий Устюг — Родина Деда Мороза» проектӧн. 2004 воын Москвалӧн мэр Ю. М. Лужков да юркарлӧн Лун-асыввыв округ префект В. Б. Зотов кутчисӧ лэбтыны Дед Морозлісь почта, кӧда оссис во бӧрті. 2006 воын Усадьбаас вӧлісӧ осьтӧмӧсь нёль виль объект: Снегурочкалӧн терем, Творчество терем Творчества, ледовӧй каток, сказкаэз туй. 2008 во гожумпом 8 лунӧ Дед Морозллӧн московскӧй усадьбалӧ сетӧм госдураственнӧй бюджетнӧй учрежденнё статус. Усадьаыс уджалӧ кузь во, медъёна арпом 18 лунсянь — Дед Мороз чуан лунсянь, тӧвшӧр шӧрӧдз. Во вьӧрна усадьбаас чулӧтсьӧны быдкодь концерттэз, орсан программаэз, мастер-классэз, экскурсияэз. Быд во усадьбаас локтӧ 20 сюрсся унажык гижӧт.

2011 во одзтӧв помын Мурманскын оссис асланыс сказочнӧй резиденция. Лапландияись Дед Морозлӧн керку лэбтӧм «Огни Мурманска» парк территорияын .

Сы киння, Российскӧй Федерацияын эмӧсь Дед Морозлӧн «коллегаэз» мӧдік йӧззэзлӧн. Шуам, Карелияын, Петрозаводск дынын позьӧ вовлыны Паккайне дынӧ (ливв. Морозец). Эта геройыс оз вачкись паськыта тӧдса синбан вылӧ. Сія томкодь, тоштӧм, да олӧ ыджыт чумын.

Рекорддэз

2023 воын Пензенскӧй областись Кузнецк кары олісь кипода морт Юлия Глухова керис ватаись Дед Морзлісь 121,5 см фигура. Ю. Глухова вистасис:

Фигура пытшкас — пуись каркас, сідз кыдз аканьыс ыджыт (учӧттэз понда керсьӧ проволокаись). Тыртӧм ватаӧн. Рӧмсьӧті акрил краскаӧн, вевдӧрсяняс киськалі слюдаӧн, мед пежьяліс, кыдз ватаись керӧм важся чачаэз. Керӧті 17 лун сьӧрна косьтытӧг. Косьтӧмнас муніс тӧлісь дырна.

Эта керӧмыс пыртӧм Россия рекорддэз небӧгӧ России.

Российскӧй да советскӧй кинематографын

• «Морозко» (1965) — Морозко орсісь Александр Хвыля;
• «Снегурочка» (1968) — Пётр Никашин;
• «Зигзаг удачи» (1968) — орсӧ Евгений Леонов;
• «Новогодние приключения Маши и Вити» (1975) — орсӧ Игорь Ефимов;
• «Чародеи» (1982) — орсӧ Валерий Золотухин;
• «Снегурочку вызывали?» (1985) — орсӧ Владимир Меньшов;
• «Ирония судьбы. Продолжение» (2007) — Михаил Ефремов;
• «Срочно требуется Дед Мороз» (2007) — Леонид Неведомский;
• «Дедушка в подарок» (2008) — Александр Михайлов;
• «Страна ОЗ» (2015) — Юлия Незлученко;
• «Дед Мороз. Битва магов» (2016) — Фёдор Бондарчук.

Мультфильммез

• «Новогодняя ночь» (1948)
• «Когда зажигаются ёлки» (1950)
• «Снеговик-почтовик» (1955)
• «Новогоднее путешествие» (1959)
• «Дед Мороз и лето» (1969)
• «В лесу родилась ёлочка» (1972)
• «Ну, погоди!», новогодний выпуск (1974)
• «Дед Мороз и серый волк» (1978)
• «Новогодняя песенка Деда Мороза» (1983)
• «Маша и Медведь» (мультсериал, с 2009) — в серии «Раз, два, три! Ёлочка, гори!»
• «Белка и Стрелка. Озорная семейка» (мультсериал, 2012) — 1 сезон 3 выпуск 6 серия «Настоящий Дед Мороз» (изображён Дед Мороз у собак)
• «Смешарики» — в серии «Операция „Дед Мороз“».
• «Три богатыря и принцесса Египта» (2017)

Пасйӧттэз

Лыддьӧтан

• Мороз / В. В. Иванов, В. H. Топоров // Мифы народов мира : Энцикл. в 2 т. / гл. ред. С. А. Токарев. — 2-е изд. — М. : Советская энциклопедия, 1988. — Т. 2 : К—Я. — С. 176.
• Мороз / Л. Н. Виноградова // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2004. — Т. 3: К (Круг) — П (Перепёлка). — С. 302—303. — ISBN 5-7133-1207-0.
• Адоньева С. Б. История современной новогодней традиции // Мифология и повседневность : сборник. — СПб.: ИРЛИ РАН, 1999. — Вып. 2. — С. 372.
• Божерянов, И. Н. Как праздновал и празднует народ русский Рождество Христово, Новый год, Крещение и Масленицу: исторический очерк И. Н. Божерянова. — Санкт-Петербург : издание М. Ледерле и К°, 1894 (обл. 1895).
• Георгий Бородин Образ Деда Мороза в российской анимации. animator.ru (окт. 2001 - окт. 2007).недоступная ссылка
• Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
• Душечкина Е. В. Дед Мороз: этапы большого пути (К 160-летию литературного образа) // «Новое литературное обозрение» 2001, №47 : журнал. — М.: НЛО, 2001. — ISSN 0869-6365.
• Душечкина Е. В. История Деда Мороза в России // Русская ёлка. История, мифология, литература. — СПб.: Норинт, 2002. — ISBN 5771101265.
• Душечкина Е. В. Три века русской ёлки // Наука и жизнь : журнал. — 2008. — № 1.