Российскӧй Федерацияын олісь етша лыда вужотирлӧн лун

Босьтöм Рувикиись
Российскӧй Федерацияын олісь етша лыда вужотирлӧн лун
«Большая рыба» нима вужотирся фестивальлӧн участниккез. 2025 во
«Большая рыба» нима вужотирся фестивальлӧн участниккез. 2025 во
Тип Казьмӧтан лун
Вежӧртас Россияын олісь етша лыда вужотирлісь традиционнӧй олӧм, уджжез да ассяма культура видзӧм
Аркмӧтӧм Российскӧй Федерация президентлӧн 2025 вося арпом 4 лунся №799 указ сьӧрті
Чулӧтӧны Россия
Лун тулысшӧр 30 лун
Чулӧтӧм велӧтан да культура учрежденнёэзын тематическӧй мероприяттёэз, фестиваллез, сьылан конкурссэз, концерттэз, мастер-классэз

Российскӧй Федерацияын олісь етша лыда вужотирлӧн лун (рочӧн День коренны́х малочи́сленных наро́дов Росси́йской Федера́ции) — донтан лун, кӧда аркмӧтӧм 2025 во арпом 4 лунся Российскӧй Федерациялӧн президент указӧн. Донтан луныс аркмӧмтӧм сы понда, мед видзны Россияын олісь етша лыда вужотирлісь традиционнӧй олан, олӧм да кипода удж, ассяма культура.

Донтан луннас пуктӧм тулысшӧр 30 лун.

История

2025 во арпом 4 лунӧ Российскӧй Федерациялӧн президент Владимир Путин тшӧктіс аркмӧтны Россияын олісь вужотирӧс донтан лун да чулӧтны сійӧ тулысшӧр 30 лунӧ. Сы сьӧрті указ вӧлі йӧзӧтӧм правовӧй акттэз официальнӧя йӧзӧтан сайтын[1].

Сідзжӧ сія жӧ лунӧ вӧлі кырымпасалӧм указ эшӧ ӧтік донтан лун аркмӧтӧм йылісь — Россияын олісь йӧззэзлісь кыввез донтан лун. Сы чулӧтан лунӧн пуктӧм одзар 8 лун — поэт Рамсул Гамзатовлӧн  (перм.рус. чужан лун[2].

Эвенккез

Донтан лунлӧн статус да моггез

Российскӧй Федерацияын олісь етша лыда вужотирлӧн лун лоӧ казьмӧтан кадпаса статуса лун. Абу шоччисян лун.

2025 во арпом 4 лунся № 799 указ сьӧрті, донтан лун аркмӧтӧм Россияын олісь етша лыда вужотирлісь традиционнӧй олӧм, уджжез да ассяма культура видзӧм могись[3].

Россияын олісь етша лыда вужотир

2000 воӧ Россиялӧн правительство бурсьӧтіс Российскӧй Федерацияын олісь етша лыда вужотирлісь ӧтласа нимлёдз  (перм.рус.[4], да 2006 воӧ — Российскӧй Федерациялӧн Ойвыв, Сибир да Ылі Асыввывся вужотир нимлёдз[5].

2020 восянь Россияын натодиль лыддьӧны етша лыда вужотирсӧ. Нылӧ сетӧмӧсь кокньӧттэз, вӧралӧм да чери кыйӧм понда торья квотаэз. Регионнэзын эмӧсь торья отсӧт сетан мераэз.

2025 вося даннӧйез сьӧрті РФ-лӧн етша лыда вужотир ӧтласа нимлёдзӧ пырӧны 47 этнос[6].

Россияын лыддьӧны 315 сюрс мымда етша лыда вужотирись морт[7]. Статистическӧй даннӧйез сьӧрті, ны лыдын медунаӧн яран отир (49 787 морт), абазинса (41 874 морт) да эвенккез (39 420 морт). Ӧддьӧн етша лыда этноссэз коласын: кераккез, алюторса да водь[6].

Унажыксӧ вужотир олӧны Ылі Ойвылын, Ылі Асыввылын да Сибирын. Мукӧдыс олӧны Кавказын да Россиялӧн европаладорын[6].

Фестиваллез да мероприяттёэз тематикаыс сьӧрті

Россияын чулӧтсьӧны фестиваллез, кӧдна сиӧмӧсь етша лыда вужотирлӧн культуралӧ, а сідзжӧ мероприяттёэз, кӧдна веськӧвтӧмӧсь ны культура видзӧм да популяризация вылӧ. Ны лыдын — «Этноскоп», «Манящие миры. Этническая Россия», «Большая рыба» нима да мӧдік фестиваллез.

2025 вося одзарсянь арпомӧдз РФ-лӧн культура министерство отсӧтӧн вӧлі чулӧтӧм Россияын етша лыда вужотирлӧн медодзза дӧсроссияса культура форум. Программаӧ пырисӧ фольклорнӧй коллективвезлӧн, йӧктан ансамбллезлӧн выступленнёэз, театрализуйтӧм мыччаланнэз, кипода уджжез сьӧрті мастер-классэз. Мероприяттёыс чулӧтсис Анадырьын, Красноярскын, Петрозаводскын да Тюменьын[8].

Ханты семья национальнӧй паськӧмӧн

Законодательнӧя регулируйтӧм

Российскӧй Федерацияын етша лыда вужотирлісь правоэз законодательнӧя регулируйтӧмӧ пырӧны федеральнӧй законнэз, Российскӧй Федерациялӧн субъекттэзлӧн законнэз, йӧзкостся кывкӧртӧттэз да канмуся программаэз. Вужотирлӧн правоэз сьӧрті гарантияэз вынсьӧтӧмӧсь Российскӧй Федерациялӧн Конституцияись 69 статьяӧн.

Федеральнӧй законнэз

  • «Российскӧй Федерацияын олісь етша лыда вужотирлісь право гарантияэз йылісь» 1999.04.30.-ся № 82-ФЗ федеральнӧй закон
  • «Российскӧй Федерация Ойвылын, Сибирын да Ылі Асыввылын олісь етша лыда вужотирлісь ӧткотырресӧ котыртан ӧтласа принциппез йылісь» 2000.07.20-ся № 104-ФЗ федеральнӧй закон

Российскӧй Федерация субъекттэзлӧн законнэз

  • «Яран автономнӧй округын ойвывся етша лыда вужотирлӧн ӧтчукӧра олана территория йылісь» Яран автономнӧй округлӧн 2007 во тулыспом 21 лунся № 65-ОЗ закон

Йӧзкостся кывкӧртӧттэз

  • «Асъюралана канмуэзісь вужотир да увтырӧн олісь йӧз йылісь» Йӧзкостся удж организациялӧн № 169 конвенция

Канмуся программаэз

Россияын уджалӧны канмуся программаэз, кӧдна веськӧвтӧмӧсь вужотирлӧ отсалӧм вылӧ, ны лыдын:

  • Российскӧй Федерацияись етша лыда вужотирлӧн традиционнӧй овмӧс сьӧрті уджлӧ канмусянь отсӧт сетан программа, кӧда вынсьӧтӧм Российскӧй Федерация правительствоӧн 2021 во тулысшӧр 15 лунся № 978-р тшӧктӧмӧн[9]
  • Российскӧй Федерациялӧн «Канмуся национальнӧй политика реализуйтӧм» канмуся программа[10]
  • Ханты-Манси автономнӧй округлӧн — Йӧгралӧн «Ойвывся етша лыда вужотир зорӧтӧм» канмуся программа[11]
  • Яран автономнӧй округлӧн «Яран автономнӧй округлӧн ойвывся етша лыда вужотир видзӧм да зорӧтӧм» канмуся программа
  • Свердловск областьлӧн «Свердловск областьын социально-экономическӧй политика бурмӧтӧм» канмуся программа

Концепцияэз

  • Российскӧй Федерацияись Ойвыв, Сибирь да Ылі Асыввыв вужотир зорӧтан концепция 2036 воӧдз кадкост кежӧ, кӧда вынсьӧтӧм 2025 во тулыспом 8 лунся № 1161-р тшӧктӧмӧн[12]

Йитӧм донтан луннэз

  • Одзгожум 21 лун — Вужотирлӧн национальнӧй лун. Вӧлі аркмӧтӧм Канадаись генерал-губернаторӧн Ромео Лебланӧн 1996 воӧ. 2001 восянь сійӧ официальнӧя чулӧтӧны США-ись Ойвыв-Рытвывся муэзын, 2017 восянь — Юконын.
  • Гожумпом 9 лун — Вужотирлӧн йӧзкостся лун. Аркмӧтӧм ООН-лӧн Генеральнӧй Ассамблеяӧн 1994 воӧ.

Пасйӧттэз

  1. ↑ В России появился новый праздник, РИА Новости (4 Арпом 2025). Дата обращения: 2 Одзтулыс 2026.
  2. ↑ Путин утвердил два новых праздника в России, Коммерсантъ (4 Арпом 2025). Дата обращения: 2 Одзтулыс 2026.
  3. ↑ Татьяна Замахина. Путин установил новые праздники в России - Российская газета, Российская газета (4 Арпом 2025). Дата обращения: 2 Одзтулыс 2026.
  4. ↑ Постановление Правительства Российской Федерации от 24.03.2000 г. № 255. Правительство России (2000-03-24). Видзӧтӧм 2 Одзтулыс 2026.
  5. ↑ Распоряжение Правительства РФ от 17.04.2006 N 536-р (ред. от 26.12.2011) Об утверждении перечня коренных малочисленных народов Севера, Сибири и Дальнего Востока Российской Федерации. Видзӧтӧм 2 Одзтулыс 2026.
  6. ↑ 1 2 3 Мария Борисова. Коренные малочисленные народы России, РБК Life (1 Аршӧр 2025). Дата обращения: 2 Одзтулыс 2026.
  7. ↑ Мы в цифрах, МОО «КМНСОЮЗ» (17 Тӧвшӧр 2023). Дата обращения: 2 Одзтулыс 2026.
  8. ↑ Первый Всероссийский культурный форум коренных малочисленных народов России пройдет в четырех федеральных округах. Министерство культуры Российской Федерации (2025-09-05). Видзӧтӧм 2 Одзтулыс 2026.
  9. ↑ Правительство утвердило программу господдержки традиционной хозяйственной деятельности коренных малочисленных народов в Арктике. Правительство России (2021-04-20). Видзӧтӧм 2 Одзтулыс 2026.
  10. ↑ Государственная программа "Реализация государственной национальной политики". Федеральное агентство по делам национальностей (2016-04-01). Видзӧтӧм 2 Одзтулыс 2026.
  11. ↑ Государственная программа Ханты-Мансийского автономного округа – Югры «Устойчивое развитие коренных малочисленных народов Севера». Департамент молодежной политики, гражданских инициатив и внешних связей Ханты-Мансийского автономного округа – Югры. Видзӧтӧм 2 Одзтулыс 2026.
  12. ↑ Распоряжение Правительства РФ О Концепции устойчивого развития коренных малочисленных народов Севера, Сибири и Дальнего Востока РФ на период до 2036 года, N 1161-р от 08.05.2025. Видзӧтӧм 2 Одзтулыс 2026.

Содтӧт литература

  • Коренные малочисленные народы / Андриченко Л. В. // Конго — Крещение. — М. : Большая российская энциклопедия, 2010. — С. 260. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 15). — ISBN 978-5-85270-346-0.
  • Чемчиева А. П. Социальные практики возрождения традиционных праздников (на примере коренных малочисленных народов Республики Алтай) //Манускрипт. — 2016. — №. 12-3 (74). — С. 195—198.

Ыстӧттэз

Босьтӧма "https://koi.ruwiki.ru/w/index.php?title=Российскӧй_Федерацияын_олісь_етша_лыда_вужотирлӧн_лун&oldid=208709"-ись