Парма (стадион)
| Парма | |
|---|---|
 | |
| Инас | Кудымкар |
| Аркмӧтӧм | 1932 |
| Осьтӧм | 1933 |
| Реконструируйтӧм | 2022 |
| Вевтьӧс | искусственнӧй вевтьӧс |
 |
|
Стадион «Парма» — Кудымкарын иналана медыджыт да Коми-Пермяцкӧй округын медваж стадион.
История
Стадионыс вӧлі керӧм 1931—1933 воэзӧ да осьтӧм отир понда 1933 во одзгожумӧн[1]. Сы кадӧ сія шусис «Динамо» стадион. Сыын вӧлі орсан ыб, ыджыт трибунаэз. Советскӧй кад дырни стадион вылас чулӧтсьывлісӧ быдӧс медыджыт соревнованнёэз да уна отира вежалуннэз. Сідз кыдз стадионыс ва дорын, Иньва ыджыт ва кадӧ сія неӧтпырись сюрліс ва увтӧ да сэсся вӧлі вились лӧсьӧтӧм.
1996 воӧ стадионыс вӧлі реконструируйтӧм да оссис сы дирекция, кӧда лоис Кудымкар кар администрация спорт юкӧт увтын. Стадион комплексас вӧлі лэбтӧм керку, кӧдаын оссис гостиница, заллэз, миссяннэз да администрация.
2014—2016 да 2022 воэзӧ стадионыс вӧлі вильмӧтӧм. Сідз, 2022 воӧ стадион вылын вӧлі оборудуйтӧм искусственнӧй турунӧн вевттьӧм 105×65 м футбольнӧй ыб, 400 м кузя куим полосаа овальнӧй котрасян трек, кӧда ӧтлаӧтӧм монолитнӧй полиуретанӧн вевттьӧм нёль полосаа веськыт 100 м кузя туйӧн, кык 18×9 м универсальнӧй тренировочнӧй площадка, кузяӧ чеччалӧм понда сектор. Лӧсьӧтӧм дренаж канализация[2].
Ӧння кадӧ стадионыс уджалӧ кыдз МБУ «Стадион Парма», директорыс — Алексей Черемных[3].
Инфраструктура
- Искусственнӧй газона футбольнӧй ыб;
- Хоккейнӧй коробка;
- Искусственнӧй вевттьӧса котрасян туй;
- 16 номера гостиница;
- Сьӧкыт атлетика да самбо зал;
- Физкультурнӧй зал;
- Челядь понда ӧтӧрся орсанін;
- Ӧтӧрся тренажёррез;
- Ӧтӧрся трибуна;
- Ӧтӧрся сцена.
Удж
Стадионыс гортся ыб Кудымкарись футбольнӧй «Парма» да хоккейнӧй «Парма» командаэзлӧ. Учрежденнёас уджалӧ челядь да ыджыттэз понда самбо секция (сыись петіс Кирилл Бажин).
Стадион вылас быд во чулӧтьсӧ «Миян Парма — Россиялӧн тор» спорт фестиваль.
Пасйӧттэз
- ↑ Константин Седегов Открытие стадиона в Кудымкаре. Парма-Новости (2022-06-30). Видзӧтӧм 11 Гожумшӧр 2025.
- ↑ Обновлённый стадион «Парма» вновь открыт для всех желающих. Иньвенский край (2022-10-28). Видзӧтӧм 11 Гожумшӧр 2025.
- ↑ Муниципальное бюджетное учреждение спорта г. Кудымкара «Стадион Парма». Кудымкарский муниципальный округ Пермского края. Видзӧтӧм 11 Гожумшӧр 2025.