Осьмушин Николай Александрович
| Осьмушин Николай Александрович | |
|---|---|
 | |
| Чужан лун | 1923 во одзтӧв 6 лун |
| Чужанін | Юрла, Чердынскӧй уезд, Пермскӧй губерния, Россия |
| Кулан лун | 1986 во одзгожум 20 лун |
| Куланін | Юрла, Коми-Пермяцкӧй автономнӧй округ, Пермскӧй область, РСФСР, СССР |
| Званнё | Рядовӧй[d] |
| Сраженнёэз/войнаэз | |
| Донтан пассэз |
    |
Осьмушин Николай Александрович (1923 во одзтӧв 6 лун, Юрла, Чердынскӧй уезд, Пермскӧй губерния, Россия — 1986 во одзгожум 20 лун, Юрла, Коми-Пермяцкӧй автномнӧй округ, Пермскӧй область, РСФСР, СССР) — Великӧй Отечественнӧй войнаын участник, 1945 во одзгожум 24 лунся Победа парадын участник, инженер.
Олантуй
Чужис 1923 во одзтӧв 6 лунӧ Юрлаын. Помаліс Юрлаись школа да Кудымкар вӧртехникум[1].
1942 во одзтулысӧ вӧлі босьтӧм Гӧрд Армияӧ. 1942 вося одзарсянь 1943 вося аршӧрӧдз воюйтіс 310 гвардейскӧй стрелковӧй полк составын, автоматчик, рядовӧй. 1943 во аршӧрӧ вӧлі ӧддьӧн дойдӧм. Госпиталь бӧрын велӧтчис 278 стрелково-миномётнӧй училищеын да сэсся бертіс фронт вылӧ. Форсируйтіс Днепр да Одер, участвуйтіс Варшава мездӧмын да Берлин босьтӧмын[1]. Война коста вӧлі нёлись дойдӧм.
1945 во одзгожум 24 лунӧ 1 Белорусскӧй фронт вывся ӧтласа полккӧт маршӧн оськаліс Победа парадын Москваын Краснӧй площадь вылӧт[2][1][3].
Война бӧрын бертіс гортас. Уджаліс лесничӧйӧн Юрла лесхозын, Юрла райисполкомись мувӧдитан юкӧтын техник-стрительӧн да сэсся сы юралісьӧн. 1960-ӧт воэзсянь кузь олан уджаліс Юрла колхозкоста стройорганизацияын юралісь инженерӧн да производственнӧй юкӧт юралісьӧн, сэсся 15 во сьӧрна Юрла райисполкомись мувӧдитан юкӧтын инженерӧн[1].
Куліс 1986 во одзгожум 20 лунӧ[1]. Дзебӧм Юрлаын.
Донтан пассэз
- Отечественнӧй войнася II тшупӧта орден (17.02.1945)[4]
- «1941-1945 воэзся Великӧй Отечественнӧй войнаын Германия вермӧм понда» медаль (23.06.1945)[4]
- Отечественнӧй войнася I тшупӧта орден (22.05.1945; 06.04.1985)[4]
- «Варшава мездӧм понда» медаль[1]
- «Берлин босьтӧм понда» медаль[1]
Пасйӧттэз
- ↑ 1 2 3 4 5 6 7 Осьмушин Николай Александрович // Гордость Пармы : [биографический справочник]. — Кудымкар : Коми-Пермяцкое книжное издательство, 2008. — С. 437. — 568 с. — ISBN 978-5-87901-121-0
- ↑ МБОУ «Юрлинская средняя школа им. Л. Барышева» // Официальный сайт Юрлинского муниципального округа Пермского края Видзӧтан кад 01.05.2025
- ↑ Осьмушин Николай Александрович // Участники Парада Победы в Москве 24 июня 1945 г. Энциклопедия "Пермский край в Великой Отечественной войне" ГКБУ "Пермский государственный архив социально-политической истории" Видзӧтан кад 01.05.2025
- ↑ 1 2 3 Осьмушин Николай Александрович, 1923 г. р.(сводная информация) Память народа Видзӧтан кад 01.05.2025
Ыстӧттэз
- Николай Осьмушин йылісь Память народа