Онянов Никита Алексеевич

Онянов Никита Алексеевич
Онянов Никита Алексеевич
Чужан лун	1910 во аршӧр 7 лун
Чужанін	Кудымкар район, Коми-Пермяцкöй автономнöй округ[d];
Кулан лун	1980 во одзтулыс 13 лун (69 лет)
Куланін	Полазна[d], Добрянка район[d], Пермскӧй область[d], РСФСР[d], СССР[d];
Званнё	Старшӧй сержант[d]
Тышккез/войнаэз	Великӧй Отечественнӧй война;
Донтан пассэз

Онянов Никита Алексеевич (1910—1980) — Великӧй Отечественнӧй войнаын участник, Слава орден тыр кавалер.

Олантуй

Чужис 1910 во аршӧр 20 лунӧ (важмоза — аршӧр 7 лунӧ) Рассохи деревняын (ӧння кадӧ абу, вӧлі пуксьӧм Ленинск да Полва коласын)^[1]. Помаліс нёль класс да тракторист курссэз. Уджаліс Кудымкарын МТС-ын^[2].

1941 во одзгожумӧ муніс РККА-ӧ. 1942 во аршӧрын помаліс танковӧй школа, лоис танк механик-водительӧн. Фронт вылын 1942 во арпомсянь. Воюйтіс 2, 3, 4 Украинскӧй фронттэз вылын. Вӧлі 2 гвардейскӧй Николаевско-Будапештскӧй Краснознамённӧй Суворов нима ордена механизированнӧй корпус 37 гвардейскӧй танковӧй бригадаын Т-34 танк механик-водительӧн.

1944 во тӧвшӧр 31 лунсянь тӧвпом 6 лунӧдз Никополь дын падер коста танкисттэс петісӧ враг тылӧ. Оняновыслӧн экипажыс петіс враг лыйсян позицияэзӧ вылӧ, кӧдна эзӧ сетӧ пырны карас, да пондіс нійӧ тальны. Бояс экипажыс паздіс 2 противотанковӧй орудие, 3 пулемётпоз да 20 мымда враг солдат. 37 гвардейскӧй танковӧй бригада 1944 во одзтулыс 6 лунсянь командир приказ сьӧрті старшӧй сержант Онянов вӧлі ошкӧм III степеня Слава орденӧн.

1944 во одзтулысӧ Херсон дынын танкисттэс бӧра пырисӧ враг тылӧ, талисӧ лыйсянпоззэз да уничтожитісӧ уна враг солдат. Сы коста танкыс сибдіс нюрын, экипажыс отсӧт локтӧмӧдз видзсис врагсянь кык лун . 1945 во тӧвшӧрын Будакеси дын (Будапештлӧн тор) старшӧй сержант Онянов враглісь штурмовӧй орудие, 3 полевӧй орудие, 2 пулемёт да отделеннё мымда враг солдат. 1945 во тӧвпом 5 лунсянь приказ сьӧрті вӧлі ошкӧм II степеня Слава орденӧн.

1945 во одзтулыс 20 лунӧ Несмей дын (Венгрияын Комаром кар дынын) Оняновыслӧн экипажыс паздіс 4 зенитнӧй установка, 2 пулемёт, падмӧтіс 2 танк. Одзтулыс 24 лунӧ Гици дын сӧтіс враглісь САУ.

Вена босьтікӧ Оняновыслісь танксӧ падмӧтісӧ. Ачыс вӧлі ӧддьӧн дойдӧм сюргиӧ, но вермис петны танксис. Госпиталь бӧрын Оняновсӧ демобилизуйтісӧ инвалидность кузя. 1946 во тулыспом 15 лунсянь СССР Верховнӧй Совет Президиум указӧн вӧлі ошкӧм I степеня Слава орденӧн^[3].

Гортын ни вермис веськавны, бӧра пондіс ветлӧтны. Уджаліс Кудымкарын МТС-ын. Сэсся муніс овны Полазнаӧ.

Куліс 1980 во одзтулыс 13 лунӧ. Дзебӧм Полазна шойнаын.

Донтан пассэз

Орден Отечественной войны II степени (1944)
Орден Славы III степени (1944)
Орден Славы II степени (1945, № 4558)
Орден Славы I степени (1946, № 1441)

Касьтылӧм

Кудымкарын Геройез Аллеяын эм Н. О. Оняновлӧн барельеф.

Пасйӧттэз

↑ Онянов Никита Алексеевич (1910‒1980), полный кавалер ордена Славы // Коми-Пермяцкий окружной государственный архив
↑ [Онянов Никита Алексеевич] База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы // Пермский государственный архив социально-политической истории
↑ [Онянов Никита Алексеевич] Полные кавалеры ордена Славы: краткий биографический словарь // Министерство обороны Российской Федерации

[1] Онянов Никита Алексеевич (1910‒1980), полный кавалер ордена Славы // Коми-Пермяцкий окружной государственный архив

[2] [Онянов Никита Алексеевич] База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы // Пермский государственный архив социально-политической истории

[3] [Онянов Никита Алексеевич] Полные кавалеры ордена Славы: краткий биографический словарь // Министерство обороны Российской Федерации

[1]

[2]

[3]