Ольхов Василий Иванович

Ольхов Василий Иванович
Ольхов Василий Иванович
Чужан лун:	1928 во тӧвшӧр 10 лун
Чужанін:	Зюздина[d], Юрлинское сельское поселение[d], Юрла район, Коми-Пермяцкöй автономнöй округ[d], Уральскӧй область[d], РСФСР[d], СССР[d];
Кулан лун:	2009 во одзтӧв 12 лун (81 год)
Куланін:	Перем, Российскӧй Федерация;
Канму	СССР[d]; Российскӧй Федерация;
Удж	сварщик

Ольхов Василий Иванович (1928 во тӧвшӧр 10 лун, Зюздина^[d], Уральскӧй область^[d] — 2009 во одзтӧв 12 лун, Перем) — строительнӧй материал промышленностьын советскӧй уджалісь, Социалистическӧй Уджын Герой (1966).

Олантуй

Василий Ольхов чужис 1928 во тӧвшӧр 10 лунӧ Зюздинаын (ӧні — Пермскӧй крайлӧн Юрла район) крестьяна семьяын. Помаліс школаись квать класс. Уджавны пондӧтіс Великӧй Отечественнӧй война коста колхозын. 1947 воӧ помаліс ремесленнӧй училище, сыбӧрын уджаліс котельщикӧн ремонтно-механическӧй заводын. Кысъяліс срочнӧй служба СССР Вооруженнӧй Выннэзын, демобилизуйтчӧм бӧрын 1950 воӧ бертіс сія жӧ заводӧ. Велӧтчис электросварщик специальность сьӧрті^[1].

1950 воэз шӧрсянь Ольховыс уджаліс электросварщикӧн РСФСР-ись строительнӧй материаллэз промышленность министерстволӧн Пермскӧй железобетоннӧй конструкцияэзлӧн № 3 заводын. Специализируйтчӧмӧн кипонъя дуговӧй сварка вылын, сія шедтіс ыджыт профессиональнӧй кужӧм да керліс медсьӧкыт уджжез. Сы уджжез коласын — горношахтнӧй оборудованнёлӧн завод понда фермаэзын сварнӧй йитӧттэз, а сідзжӧ керис даскыкьямыс метра вылына напряжённӧй балкаэз, кӧдна видзисӧ личкӧтсӧ 100 атмосферся унажык. Ольхов мыччаліс асьсӧ кыдз рационализатор: сія пыртіс 30 сайӧ рационализаторскӧй вӧзйӧм. Тӧдчана успеххез сія шедтіс сизимӧт семилетка кадӧ (1959—1965 воэз)^[1].

1983 годӧ петіс пенсия вылӧ союзнӧй тӧдчӧта персональнӧй пенсионерлісь статусӧн. Оліс Перемын. Куліс 2009 во одзтӧв 12 лунӧ^[1].

Донтан пассэз

Социалистическӧй Уджын Герой Ленин нима орденӧн да «Чарла да доран» медальӧн ошкӧмӧн (№ 28 14408, 1966 во гожумшӧр 28 лун, «стрӧитчан материаллэз промышленность зорӧтӧм сьӧрті сизимвося планісь удж тыртӧмын ыджыт вермӧммез понда»^[2]);
Медаллез^[1].

Пасйӧттэз

↑ ¹ ² ³ ⁴ Ольхов Василий Иванович рус.. Сайт «Герои страны».
↑ Архипов А. Г., Емельянов Ю. Н., Латыш В. В. Часть 2 // Герои Социалистического Труда: сборник указов о награждении. — М.: Изд-во «Onebook.ru»., 2023. — С. 208. — 1040 с. — ISBN 978-5-00227-123-8.

[wh-1] ¹ ² ³ ⁴ Ольхов Василий Иванович рус.. Сайт «Герои страны».

[2] Архипов А. Г., Емельянов Ю. Н., Латыш В. В. Часть 2 // Герои Социалистического Труда: сборник указов о награждении. — М.: Изд-во «Onebook.ru»., 2023. — С. 208. — 1040 с. — ISBN 978-5-00227-123-8.

[1]

[2]