Нешатаев Анатолий Константинович
| Нешатаев Анатолий Константинович | |
|---|---|
 | |
| Чужан лун: | 1954 во тӧвпом 2 лун (72 года) |
| Чужанін: | |
| Канму | |
| Удж | вӧрвӧдитісь |
Нешатаев Анатолий Константинович (1954 во тӧвпом 2 лун, Кудымкар, Коми-Пермяцкӧй национальнӧй округ) — вӧрвӧдитісь, Кудымкар районлӧн Почётнӧй гражданин.
Олантуй
Чужис 1954 во тӧвпом 2 лунӧ Кудымкарын (4-ӧт посёлок). Помаліс Кудымкарскӧй вӧрвӧдитан техникум. Помалӧм бӧрын 45 во сьӧрна уджаліс вӧр мастерӧн Кудымкар районісь лесхозын.[1]
Вӧр быдтӧм
Сы уджӧн Коми-Пермяцкӧй округын быдмӧны суспу да ниа парркез. 1994 восянь Пешнигортын сы кипод увтын вӧлі аркмӧтӧм да уджалӧ Пермскӧй крайын дзир ӧтка школа дынся лесничество, кыдӧн челядьыс вӧдитӧны быдберся пу. Пешнигорт дынас быдмӧ 1977 воӧ аркмӧтӧм 4-га ыжда ниа парк[2][3].
Кудымкарын, 12 микрорайонын, быдмӧ Анатолий Нешатаев кӧдзыссэзісь быдтӧм дендропарк да «Сад Памяти» нима пуйӧр, кӧсйӧм Великӧй Отечественнӧй война фронттэз вылісь берттӧм солдаттэзлӧ.[4]
2016 воӧ Кудымкарын, Коми-Пермяцкӧй музей керку дынын, вӧлі аркмӧтӧм ӧтӧрся экспозиция «Пожум’ОК»: Нешатаевыс ӧтлаын музей уджаліссезкӧт быдтӧны сэтӧн кипариссэз, пожуммез, буккез, сирпуэз, быдкодь баддез, маслинаэз, сапинд быдмассэз.[1]
Пешнигорт школаын да Кудымкарскӧй вӧрводитан техникумын видзӧ вирӧдззез да пу быдтан полигӧн[5]. Ӧктӧ пу коллекция, районируйтӧ лысъя пуэз. Быдӧссӧ аслас уджын быдтӧма 5 млн-ся унажык пуок. Нія быдмӧны Россия пасьта.[6]
Спортын
Кузь олан занимайтчӧ спортӧн, кокнит да сьӧкыт атлетикаӧн. Уджалӧ Кудымкар вӧрвӧдитан техникумын гиревӧй спорт сьӧрті тренер-консультантӧн[3]. 2020 воӧ Нешатаевлӧ вӧлі сетӧм «Гиревӧй спорт сьӧрті куимӧт категорияа спортивнӧй судья» квалификационнӧй категория[1].
Донтан пассэз
- Кудымкар районлӧн Почётнӧй гражданин (2022)[7]
Пасйӧттэз
- ↑ 1 2 3 К 70-летию Нешатаева Анатолия Константиновича Коми-Пермяцкий краеведческий музей (01.02.2024)
- ↑ Школьное лесничество МБОУ «Пешнигортская СОШ»
- ↑ 1 2 И тренер, и лесовод, и просто хороший человек! ГБПОУ «Кудымкарский лесотехнический техникум» (05.03.2019)
- ↑ Жители города продолжают принимать участие в Международной акции «Сад Памяти» Кудымкарский муниципальный округ Пермского края (27.05.2022)
- ↑ Анастасия Котельникова Деревья — как дети. Лесовод Анатолий Нешатаев о дубочках и дубовых чиновниках АиФ-Прикамье (11.04.2013)
- ↑ Встреча с лесоводом А. К. Нешатаевым. Коми-Пермяцкая национальная библиотека им. М. П. Лихачёва (24.09.2017)
- ↑ Почетные граждане Кудымкарского муниципального района Кудымкарского муниципального округа Пермского края Иньвенский край (29.02.2024)