Менам му — менам Россия

Конкурс «Менам му — менам Россия»
Пондӧтчан кад	2004 во
Результат	20 во сьӧрна 1 млн участник мымда
Сайт	moyastrana.ru

«Менам му — менам Россия» (рочӧн «Моя страна — моя Россия») — посаддэз, учӧт да ыджыт каррез социально-экономическӧя зорӧтан авторскӧй проекттэз сьӧрті конкурс. Медодззаись чулаліс 2004 воӧ. 2019 восянь чулӧтсьӧ «Россия — страна возможностей» АНО-ӧн РФ наука да вылісь велӧтӧм министерство, РФ велӧтан министерство, РФ Федеральнӧй Собраннё Федерация Советлӧн наука, велӧтӧм да культура комитет, Интеллектуальнӧй эмбур сьӧрті федеральнӧй служба, «Россияись велӧтан академия» ФГБУ, Томпӧлӧс делоэз сьӧрті федеральнӧй агентство отсӧтӧн.

Конкурс вылӧ босьтӧны проекттэз категорияэзын: 13 восяӧдз, 14-сянь 17-ӧдз, 18-сянь 35-ӧдз, 35-ся пӧрисьжык. 2025 воӧ сія кӧсйӧм 1941—1945 воэзся Великӧй Отечественнӧй войнаын Победалӧ 80 во тырӧмлӧ.

История

2023 вося «Менам му — менам Россия» конкурсын вермиссез

Конкурслӧн идеяыс аркмис 2003 воӧ Рязаньын том парламентаризм зорӧтӧм сьӧрті Россияпасьтся семинар коста.

Конкурсыс медодззаись чулаліс 2004 воӧ, экспертнӧй совет донъяліс студенческӧй уджжэз «Тэнат кар XXI сёвоын» темаӧт, кӧдна вӧлісӧ сиӧмӧсь каррезӧн юралан система бурмӧтӧмлӧ, экономикалісь реальнӧй секторрез, а сідзжӧ социальнӧй да научно-педагогическӧй сфера зорӧтӧмлӧ.

2006 воӧ лоис канму статуса, конкурслӧн шӧр моггез лыдын вӧлі том отирӧс социальнӧй проектируйтӧмӧ велӧтӧм, а сідзжӧ канмуын кадровӧй резерв лӧсьӧтӧм.

2019 восянь «Менам му — менам Россия» конкурс чулӧтсьӧ «Россия — страна возможностей» АНО-ӧн. Россиялӧн президент Владимир Путин пасйис сійӧ кыдз «российскӧй регионнэз социально-экономическӧя зорӧтӧмын колана уджӧ томпӧлӧс велӧтӧм понда авторитетнӧй, колана площадка».

Участвуйтіссезлӧн лыдыс содіс воэз сьӧрна: 2018 воӧ вӧлісӧ 7 сюрс удж, 2019-ӧтӧ ни 35 сюрс, да 2023-ӧтӧ — 100 сюрсся унажык.

Участниккез

Конкурсын вермиліссезлӧ медаллез (2025)

Конкурсас участвуйтӧны нёль волыдся категорияын:

• 13 воӧдз;
• 14-сянь 17-ӧдз;
• 18-сянь 35-ӧдз;
• 35-ся пӧрисьжык.

Конкурсыс положеннё сьӧрті экспертнӧй совет видзӧтӧ быдӧс уджжесӧ, бӧрйӧ ны коласісь 300 да корӧ авторресӧ дорйыны (дистанционнӧй форматын). Быд волыдся категорияын бӧрйӧны участниккезӧс, кӧдна босьтісӧ медодзза, мӧд да куимӧт местаэз. Донъялікӧ босьтӧны тӧдвылӧ уджлісь социальнӧй тӧдчӧтсӧ да сылісь лӧсялӧмсӧ «2030 воӧдз кадколаст вылӧ да 2036 воӧдз перспектива кеж Российскӧй Федерация зорӧтан национальнӧй моггез йылісь» Россия президентлісь указ, эмӧсь я туялӧммезлӧн бӧртассэз, практическӧя реализуйтӧм позьӧс.

Ошкӧмыс чулӧтсьӧ Петербургса экономика мирпасьта форум коста Томпӧлӧс лунӧ. Конкурсын вермиссез босьтӧны сьӧма премияэз, содтӧт баллэз вуззэзӧ пырӧм дырйи, проекттэз сьӧрті юӧртан отсӧт.

Номинацияэз

Номинацияэз 2025 воӧ
Босьтӧмин:

Номинацияэз	Медшӧр моггез
«Менам му. Менам история. Менам Победа» (рочӧн «Моя страна. Моя история. Моя Победа»)	Великӧй Отечественнӧй война йылісь касьтылӧм, Россияын да визир сайын отсалӧм да тӧдӧмӧдз вайӧтӧм; война да удж ветераннэзлӧ отсӧт сетӧм сьӧрті дыркадся мероприяттёэз чулӧтӧм; воинскӧй памятниккез да мемориаллэз, а сідзжӧ тылын уджаліссезлӧ памятниккез да мемориаллэз видзӧм; отсӧт кошшан мероприяттёэзлӧ, кӧдна йитӧмӧсь Советскӧй Армиялӧн бой местаэзӧн да военнослужащӧйезлӧн дзебӧминнэзӧн; томпӧлӧсын патриотизм да советскӧй отирӧн фашизм вермӧм кузя гордость быдтӧмлӧ кӧсйӧм мероприяттёэз чулӧтӧм; Великӧй Отечественнӧй война костася тӧдтӧм вӧлӧмторрез тӧдмалӧм.
«Менам семья: увтыр видзӧм, донъялӧм да вежӧралӧм» (рочӧн «Моя семья: преемственность, ценности и смысл»)	историческӧй память видзӧм, семья йитӧттэз ёнмӧтӧм, история видзӧм сьӧрті проекттэз да вӧзйӧммез лӧсьӧтӧм; том отирӧс семья лӧсьӧтӧм да ответственнӧй аймамӧн олӧм кежӧ лӧсьӧтӧм семьяын поколеннёэз коласын велӧтӧм сьӧрті; социально-экономическӧй процессэз зорӧтӧм (шуам, семейнӧй бизнес нето инфраструктура зорӧтӧм); российскӧй каррезын да деревняэзын семья институт понда бур инфраструктура лӧсьӧтӧм да зорӧтӧм; семьяэзлӧ, кӧдналӧн эмӧсь дзоньвидзалунын дзескӧтӧм позянлуннэзӧн либӧ дзоньвидзалунӧн омӧльтӧм челядь, отсалӧм.
«Менам уна национальностя Россия» (пырӧны сідзжӧ «Менам чужан кыв», «Миян канмуэзлӧн ёртасьӧм», «Менам кисер» веськӧввез) (рочӧн «Моя многонациональная Россия» (включает также направления «Мой родной язык», «Содружество наших стран», «Моё ремесло»)	национальносьт коласын, культура коласын да конфессия коласын коммуникацияэз зорӧтӧм, сы лыдын Рочмукӧт ёртасян канмуэзкӧт экономическӧй, научно-техническӧй, гуманитарнӧй ёртасьӧм; чукӧртны, ӧтлаӧтны, систематизируйтны, видзны, пыртны научнӧй оборотӧ историческӧй материаллэз Россияись отир олан быд ладорсянь; отсавны археология уджӧ челядьлӧ да том отирлӧ; историко-культурнӧй даннӧйез местаэзын туристско-рекреационнӧй уджӧ ӧтлаӧтӧм; том отир коласын велӧтан удж зорӧтӧм, кӧда веськӧтӧм россияись каррез да посаддэзлісь история, культура, ныын олісь отирлісь традицияэз велӧтӧм вылӧ; челядьӧс да том отирӧс духовнӧя да нравственнӧя быдтӧмын, нылӧн успешнӧя социализируйтчӧмын, патриотизм да гражданскӧй кывкутӧм чувство быдтӧмын пытшкӧсса туризмлісь рольсӧ содтӧм.
«Менам гордость. Менам чужанін (менам кар, менам посад)» (пырӧны сідзжӧ «Менам чужанін (менам кар, менам посад)», «Менам Ылісь Асыввыв. Менам Арктика» веськӧввез). (рочӧн «Моя гордость. Моя малая родина (мой город, мое село)» (включает также направления «Моя малая родина (мой город, моё село)», «Мой Дальний Восток. Моя Арктика»)	российскӧй каррез да деревняэз зорӧтӧмын гражданалӧн участвуйтӧм йылісь бур примеррез паськӧтӧм, миян кадся геройезӧс одзлань петкӧтӧм; местнӧй оліссезӧс да ӧткотыррезӧс мутассэз зорӧтӧмӧ кыскӧм, сы лыдын видлалӧммезын да голосуйтӧмын участвуйтӧмлӧн виль форматтэз пыр, керку, улица, микрорайон тшупӧтын решеннёэз примитӧм; каррезлісь, сы лыдын учӧт каррезлісь да историческӧй посаддэзлісь, культурно-историческӧй наследие видзӧм; чужан мулісь историясӧ велӧтӧм да тӧдӧмӧдз вайӧтӧм; мутассэз сӧвмӧтан сфераын добровольчество (волонтёрство), водзмӧстчӧммез да проекттэз зорӧтӧм, кытчӧ пырӧны бур кар гӧгӧртас лӧсьӧтӧмын волонтёррезлӧн участвуйтӧмлӧн олӧмӧ пырӧм практикаэз; бур соседство традицияэз да соседдэз коласын (кӧдна олӧны ордча квартираэзын, подъезддэзын, керкуэзын) йитӧттэзлӧн культура зорӧтӧм.
«Менам педагогическӧй инициатива» (рочӧн «Моя педагогическая инициатива»)	школаӧдзся да ӧтласа велӧтан система зорӧтӧм; дистанционнӧй велӧтӧм, электроннӧй велӧтан материаллэз, информационнӧй да мультимедийнӧй технологияэз, мобильнӧй приложеннёэз, велӧтан онлайн-курссэз, электроннӧй библиотекаэз да энциклопедияэз лӧсьӧтӧм да пыртӧм; велӧтан да асвелӧтчан интеллектуальнӧй системаэз лӧсьӧтӧм; челядьӧс да том отирӧс проектнӧй уджӧ велӧтан бур методикаэз да практикаэз зорӧтӧм да паськӧтӧм, ны лыдын социальнӧй проектируйтӧмын; лӧсьӧтны да зорӧтны челядькӧт да том йӧзкӧт проектнӧй удж моделлез регион да муниципальнӧй тшупӧтын.
«Менам лысин» (рочӧн «Моё здоровье»)	риск факторрез (куритӧм, алкоголь, умӧля сёйӧм да учӧт физическӧй активность) да мортлӧн лысин вылӧ нылӧн влияйтӧм тӧдмалӧм; уджалан местаэзын лысин бурмӧтӧм сьӧрті корпоративнӧй программаэз лӧсьӧтӧм да пыртӧм; Россияись отирлӧн национальнӧй сёян-юанлӧн лысин вылӧ да дыр олӧм вылӧ влияйтӧм тӧдмалӧм; инвалиддэзлӧн, социальнӧя дорйытӧм гражданалӧн, аймамтӧм челядьлӧн да аймам синтӧг кольччӧм челядьлӧн творческӧй, профессиональнӧй да мӧдік кужӧммез зорӧтӧм, ны лыдын ны асуджалӧм; инвалиддэзӧн социально ориентируйтӧм абу коммерческӧй организацияэз аркмӧтӧм; вермытӧм отирӧс, социальнӧя дорйӧм гражданаӧс, аймамтӧм челядьӧс да аймам синтӧг кольччӧм челядьӧс профориентацияӧн могмӧтӧм да уджӧн могмӧтӧмын отсалӧм.
«Менам мулӧн экология» (рочӧн «Экология моей страны»)	экология туризм зорӧтӧм; ёг торйӧн ӧктан да мӧдпӧв уджӧтан технологияэз пыртӧм да зорӧтӧм, ны лыдын ёгӧн веськӧтлан российскӧй отрасль лӧсьӧтӧм; водороднӧй (ны лыдын метано-водороднӧй) технологияэз зорӧтӧм; Россияын газомоторнӧй лонтас да газомоторнӧй станцияэзлӧн вез зорӧтӧм; газісь биопротеин босьтан технологияэз зорӧтӧм; газ видзӧм да нуӧтӧм понда инновационнӧй материаллэз лӧсьӧтӧм да технологияэз зорӧтӧм
«Менам рочасяна Россия» (рочӧн «Моя гостеприимная Россия»)	канмулісь имидж вильмӧтӧм; территория кыдз туристскӧй объектлӧн инвестиционнӧй зорӧтӧм лӧсьӧтӧм, туристскӧй территориялісь бренд зорӧтӧм; туризм виддэз зорӧтӧм (космическӧй, промышленнӧй, научнӧй, велӧтан, спортивнӧй, культурӧй-тӧдмалан, гастрономическӧй, этнографическӧй, лоӧмторрез, челядьлӧ, деревнялӧ, приключенческӧй, агротуризм); шоччисян лунся маршруттэз да историческӧй местаэз кузя маршруттэз лӧсьӧтӧм да чулӧтӧм; туристскӧй продукт лӧсьӧтӧм да сійӧ вӧзйӧм «куимӧт волыда морттэзлӧ» да етшамобильнӧй туристтэзлӧ; Россияын олісь йӧззэзлісь сёян-юан тӧдмалӧм да паськӧтӧм.
«Менам канмулӧн интеллектуальнӧй эмбур» (тшӧтш пырӧны «Регионнэз сӧвмӧтан цифрӧвӧй среда», «Россия регионнэзын интеллектуальнӧй эмбур юкӧнын велӧтан система лӧсьӧтӧм да зорӧтӧм», «Виль цифрӧвӧй технологияэз да платформеннӧй решеннёэз контексын интеллектуальнӧй эмбур регион система лӧсьӧтан да зорӧтан механизммез лӧсьӧтӧм», «Интеллектуальнӧй эмбур дорйӧм — отраслевӧй специфика» веськӧввез) (рочӧн «Интеллектуальная собственность моей страны» (включает также направления «Цифровая среда развития регионов», «Создание и развитие системы образования в области интеллектуальной собственности в регионах России», «Формирование механизмов создания и развития региональной системы интеллектуальной собственности в контексте новых цифровых технологий и платформенных решений», «Защита интеллектуальной собственности — отраслевая специфика»)	ыджыт даннӧйезӧн да искусственнӧй интеллектӧн вӧдитчӧмӧн интеллектуальнӧй патентнӧй анализ подув вылын «Вежӧртана мутас» регион да муниципальнӧй уджтассэз понда бур технологическӧй решеннёэз бӧрйӧм; велӧтан, ладмӧтан да инвестиционнӧй механизммезӧн вӧдитчӧмӧн виль цифрӧвӧй технологияэз да платформеннӧй решеннёэз сьӧрті интеллектуальнӧй собственностьлісь комплекснӧй дінму система лӧсьӧтӧм; дінмуэз научно-технологическӧя зорӧтӧм прогнозируйтан инструменттэз лӧсьӧтӧм да пыртӧм; российскӧй регионнэзын интеллектуальнӧй собственность коммерциализируйтӧм да инновационнӧй предпринимательство зорӧтӧм; дінму бренддэз одзлань лэбтан бур механизммез да нійӧ видзан стратегия лӧсьӧтӧм.
«Цифровӧй среда регионнэзын гражданалісь олӧм бурмӧтӧм понда» (рочӧн «Цифровая среда для повышения качества жизни граждан в регионах»)	цифровӧй технологияэз зорӧтӧм кыдз дзоньвидзалунын дзескӧтӧм позянлуннэза отирлӧ, челядя семьяэзлӧ, пӧрисьжык отирлӧ бур олан лӧсьӧтан инструмент; российскӧй регионнэзын гражданалісь цифрӧвӧй тӧдӧмлун бурмӧтӧм; цифрӧвӧй ресурссэз велӧтісь гражданалӧ отсалӧм; дінмуын олісь гражданалісь позянлуннэз паськӧтӧм понда торья цифрӧвӧй ресурссэз лӧсьӧтӧм, сы лыдын социальнӧй моггез решитӧм да виль уджалан местаэз лӧсьӧтӧм.
«Менам канмулӧн ыджыт технологическӧй вӧджжӧтӧм» (тшӧтш пырӧны «Космическӧй да авиационнӧй инновацияэз», «Одзлання производственнӧй технологияэз», «Информационнӧй технологияэз да робототехника», «Промышленность да энергетика», «Химическӧй технологияэз да экология», «Вежӧра кар» понда технологияэз да креатива технологияэз", «Медицина, био- да мувидзӧм технологияэз» веськӧввез) (рочӧн «Большая технологическая разведка моей страны» (включает также направления «Инновации в космосе и авиации», «Передовые производственные технологии», «Информационные технологии и робототехника», «Промышленность и энергетика», «Химические технологии и экология», «Технологии для „умного города“ и креативные технологии», «Медицинские, био- и сельскохозяйственные технологии»)	промышленнӧй интернет зорӧтӧм, промышленнӧй предприяттёэзын ыджыт даннӧйез анализируйтан, предиктивнӧй аналитика сфераэз понда инструменттэз да решеннёэз лӧсьӧтӧм да пыртӧм; виль материаллэз лӧсьӧтӧм да промышленностьын нійӧ уджӧтӧм; промышленнӧй робототехника да сенсорика юкӧнын научно-исследовательскӧй да опытно-конструкторскӧй уджжез туялӧм, лӧсьӧтӧм да пыртӧм; металлэз вильмӧтан проекттэз лӧсьӧтӧм да уджӧ пыртӧм; шедтӧс перяян, мупытшкись перьян да вильмӧтан технологияэзын решеннёэз лӧсьӧтӧм да пыртӧм; энергогенерация юкӧнын решеннёэз лӧсьӧтӧм да пыртӧм, персональнӧй накопителлез зорӧтӧм; виль химическӧй материаллэз, неорганическӧй да органическӧй веществоэз лӧсьӧтӧм, ӧння кадся виль химическӧй материаллэз подув вылын продукттэз лӧсьӧтӧм; му дистанционнӧй мониторинглӧн технологияэз да решеннёэз лӧсьӧтӧм да пыртӧм; сырьёлісь виль источниккез лӧсьӧтӧм, «виль сёян» лӧсьӧтӧм, ӧння кадся селекция; виль бурдӧттэз лӧсьӧтӧм; диагностика системаэз, шогӧт веськӧтӧм да морт видзӧтӧм понда приложеннёэз сьӧрті научно-исследовательскӧй да опытно-конструкторскӧй проекттэз туялӧм, лӧсьӧтӧм да пыртӧм.
«Менам асуджалӧм сьӧрті инициатива. Креатива индустрияэз регионнэз зорӧтӧм понда» (рочӧн «Моя предпринимательская инициатива. Креативные индустрии для развития регионов»)	социальнӧй предпринимательство зорӧтӧм; томмезлісь бизнес-инициативаэз зорӧтӧм; кипода удж традицияэз да технологияэз вились оланӧ пыртӧм, традиционнӧй народнӧй промыселлэз зорӧтӧм; кипода уджжезлісь виддэз да технологияэз бертӧтӧм, кӧдна тӧдчанаӧсь кыдз Россияын оліссезлісь историко-культурнӧй эмбур видзӧм сьӧрті, сідз и сувенирнӧй продукция да вузасян лэдзӧм понда.
«Транспорт. Менам мулӧн туй йитӧттэз» (рочӧн «Транспорт. Пути сообщения моей страны»)	автотуйез строитан технологияэз зорӧтӧм да туй да инженернӧй инфраструктураӧ виль уджаннэз пыртӧм; регион да местася туйез проектируйтӧм да строитӧм рентабельность да экономическӧя подулалӧмӧн; посёлок туйез строитӧм граждана самообложеннёӧн ӧктӧм сьӧмӧн; транспортнӧй подсистемаэз лӧсьӧтӧм, кӧдна используйтӧны виль техническӧй да технологическӧй решеннёэз, ны лыдын Сибирьын, Ылі Асыввылын, Российскӧй Федерациялӧн Арктика зонаын ны географическӧй да климатическӧй ассяматоррез тӧдвылын видзӧмӧн; ӧтласа транспортнӧй от лӧсьӧтӧм транспортнӧй инфраструктура зорӧтӧм подув вылын.
«Менам увтырлӧн уввез» (рочӧн «Нити моей родословной»)	челядь понда тодиль номинация, кӧдӧ сиӧм Великӧй Отечественнӧй войнаын Победасянь 80 во тырӧмлӧ

Юраліссез

• Дмитрий Турлаков — «Менам му — менам Россия» конкурслӧн олӧмӧ пӧртан дирекциялӧн юралісь;
• Лариса Пастухова — научнӧй веськӧтлісь, «Менам му — менам Россия» конкурс концепциялӧн автор;
• Галина Сорокина — «Менам му — менам Россия» конкурслӧн экспертнӧй чукӧрлӧн координатор;
• Владимир Берестецкий — «Менам страна — менам Россия» конкурс вермиссез ассоциациялӧн координатор.

Пасйӧттэз