Великӧй Отечественнӧй войнаын Победалісь 80 во порйӧтӧм
| Великӧй Отечественнӧй войнаын Победалісь 80 во порйӧтӧм | |
|---|---|
 | |
| Дата | 2024 - 2025 воэз |
| Кытӧн |
 Россия |
| Сайт | may9.ru |
Великӧй Отечественнӧй войнаын Победалісь 80 во порйӧтӧм — Великӧй Отечественнӧй войнаын Победалӧ 80 во тырӧм кеж ыджыт программа Россияын да визир сайын. 2024—2025 воэз кеж лӧсьӧтӧны 170-ся унажык мероприяттё [1].
Лӧсьӧтӧм
2023 во гожумшӧр 31 лунӧ Россиялӧн президент Владимир Путин кырымпсаліс Победалӧ 80 во тырӧм порйӧтан лӧсьӧтӧм да чулӧтӧм йылісь указ. Правительствоыслӧ ӧтлаын «Победа» оргкомитетнас тшӧктӧм керны да бурсьӧтны мероприяттёэз план, кытчӧ пыртӧмӧсь ыджыт битваэз касьтылан мероприяттёэз, да сідзжӧ визирсайся канмуэзісь лидеррезкӧт мероприяттёэз.
РФ МИД-лӧ тшӧктӧм сетны вежалун чулӧтӧм понда политико-дипломатическӧй отсӧт, федеральнӧй да региональнӧй юралан органнэзлӧ — пуктыны ассиныс пай лӧсьӧтӧмӧ, отсавны ветераннэзлӧ, местнӧй юралан органнэзлӧ бурви лӧсьӧтны воинскӧй шойнаэз[2].
2023 во гожумпомӧ президентыс кырымпасаліс Великӧй Отечественнӧй войнаын Победалісь 80 во порйӧтан лӧсьӧтӧм да чулӧтӧм сьӧрті Оргкомитет аркмӧтӧм йылісь указ[3].
2024 во тулыспом 18 лунӧ РФ правительство бурсьӧтіс Великӧй Отечественнӧй войнаын Победалісь 80 во порйӧтан план[4]. 2024 во арпом 19 лунӧ артист да зорӧтісь Владимир Машков мыччаліс Москваись Победа музейын Победалісь 80 во порйӧтан официальнӧй логотип. «1942 во арпом 19 лунӧ, 82 во одзті, асъяпоннас сизим час артиллерия да „Катюша“ лыйӧммезӧн Гӧрд Армия пондӧтіс „Уран“ операция. Операциянас пондӧтчис Сталинград дынын немецкӧй войскаэз паздӧм, сія вӧлі Великӧй Отечественнӧй войнаын вежсян кад», — уськӧтіс тӧдвылӧ Машковыс презентацияыс коста[5]. Логотип вылас мыччалӧм Евгений Вучетичлӧн скульптура «Мам-чужанін кытсалӧ!» (рочӧн «Родина-мать зовёт!»), кӧда сулалӧ Волгоградын Мамай курган вывся «Сталинаградскӧй битва геройезлӧ» (рочӧн «Героям Сталинградской битвы») касьтылан ансамбльын медшӧр элементӧн[6].
Программаыс
Победалісь 80 во порйӧтан программаӧ пыртӧмӧсь 171 мероприяттё. Ны лыдын Россияпасьтся традционнӧй акцияэз:
- «Касьтылан масісь» (рочӧн «Свеча памяти»),
- «Георгиевскӧй ленточка» (рочӧн «Георгиевская ленточка»),
- «Победа лыддьӧтаннэз» (рочӧн «Чтения Победы»),
- «Победаыс ӧтік быдӧнныс понда» (рочӧн «Победа одна на всех»),
- «Медицинскӧй полк» (рочӧн «Медицинский полк»),
- «Касьтылан поезд» (рочӧн «Поезд Памяти»)
Сідзжӧ чулаласӧ концерттэз, театр мыччалӧммез да мӧдік мероприяттёэз.
Акцияэс чулӧтсьӧны Россияын быдлаын[7].
Мероприяттёэз лӧсьӧтӧмын да чулӧтӧмын уджалӧны волентёрскӧй да ветеранскӧй организацияэз: «Волонтеры Победы», Росмолодежь, «Движение Первых», «Знание» чукӧр да уна мӧдіккез. 2025 во сьӧрна нія пондасӧ чулӧтны велӧтчан акцияэз челядь да томпӧлӧс понда[8].
Визирсайся гӧссез
Москваӧ Победа 80 вося юбилей порйӧтӧм вылӧ локтасӧ 20-ся унажык канмуись юраліссез[9]. Официальнӧй корӧммез босьтісӧ Белоруссиялӧн президент Александр Лукашенко, КНР председатель Си Цзиньпин, Словакаиялӧн премьер-министр Роберт Фицо, Сербиялӧн президент Александр Вучич, Бразилиялӧн президент Луис Инасиу Лула да Силва, Сербскӧй Республикалӧн юралісь Милорад Додик да мӧдіккез[10].
Порйӧтӧм визир сайын
Победалісь 80 во тырӧм планируйтӧны порйӧтны СНГ-ись уна канмуэзын. Президент РФ в видеообращении к участникам заседания Совета глав правительств СНГ в декабре 2023 года заявил, что Россия «нацелена на продолжение самого тесного взаимодействия по вопросам сохранения памяти о нашем общем прошлом, борьбы с попытками фальсификации истории и героизации нацизма»[11].
РФ правительстволӧн председатель Михаил Мишустин висьталіс, мый тодиль тӧдчанаэзӧн лоӧны акцияэз да ӧтоськалӧммез Отирпасьтся котыр «Кувтӧм полк» (рочӧн «Бессмертный полк») эгида сайын[12].
Юбилей воӧ планируйтӧм бурви лӧсьӧтны воинскӧй шойнаэз, ны лыдын и визирсайсяэсӧ[13].
Пермскӧй крайын Победалісь 80 во порйӧтӧм
2024 во аршӧрӧ Пермскӧй крайлӧн правительство бурсьӧтіс Победалісь 80 во порйӧтан план[14]. Сыӧ пыртӧмӧсь 190-ся унажык муниципальнӧй, региональнӧй, регионнэзпасьтся да отирпасьтся мероприяттёэз[15][16].
Пермскӧй крайын тодильторнас лоӧ аркмӧтӧм Челядь дирекция Победалісь 80 во порйӧтан сьӧрті[17]. Сідзжӧ 2020 восянь Пермскӧй крайын уджалӧ тодиль сайт pobeda59.ru, кытчӧ ӧксьӧтчӧ быдӧс мероприяттёэз сьӧрті информация[18].
Победалісь 80 во чулӧтӧмын нач вильторнас лоасӧ поезд «Молотов» да «Эвакуация» нима касьтыланін[19].
Победа 80 во кеж касьтылан пассэз
Россия президент указӧн вӧлі аркмӧтӧм юбилейнӧй медаль «1941—1945 воэзся Великӧй Отечественнӧй войнаын Победалӧ 80 во» (рочӧн «80 лет Победы в Великой Отечественной войне 1941—1945 гг.»).
Великӧй Отечественнӧй войнаын участниккезлӧ сьӧмвештӧттэз
2025 во тӧвшӧр 15 лунӧ «Победа» оргкомитет заседаннё коста Россиялӧн президент Владимир Путин юӧртіс, мый кырымпасаліс указ ӧтпырся 80 сюрс руба сьӧмвештӧт йылісь Великӧй Отечественнӧй войнаись ветераннэзлӧ, ны дӧваэзлӧ да концлагеррезын кагаувья видзӧм отирлӧ. Тылын уджаліссезлӧ, Ленинград блокадаын оліссезлӧ, концлагеррезын видзӧм отирлӧ, дорйисян сооруженнёэз лэбтіссезлӧ да нія, кин уджалісӧ ПВО, саридзвывся объекттэз вылын да авиабазаэзын, сетасӧ Победа 80 во кеж 55 сюрс рубӧн[20].
Мир понда сувтчӧм
2025 во тулысшӧр 25 лунӧ Россиялӧн президент Владимир Путин юӧртіс Победа 80 вося юбилейлӧ косйӧм мир понда сувтчӧм йылісь. Российскӧй армия дугдӧтас боевӧй действиеэсӧ тулыспом 7 лунся ӧйшӧрсянь тулыспом 11 лунся ойшӧрӧдз[21].
Пасйӧттэз
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов рус. (2024-05-18).
- ↑ Путин подписал указ о создании оргкомитета по подготовке празднования 80-летия Победы, Ведомости (9 Гожумпом 2023). Дата обращения: 19 Арпом 2024.
- ↑ Указ Президента Российской Федерации от 09.08.2023 № 602 ∙ Официальное опубликование правовых актов рус. (2023-08-09).
- ↑ Распоряжение от 17 мая 2024 г. № 1174-р. Правительство России (17 05 2024).
- ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 Арпом 2024). Дата обращения: 19 Арпом 2024.
- ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 Арпом 2024). Дата обращения: 20 Арпом 2024.
- ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 Арпом 2024). Дата обращения: 19 Арпом 2024.
- ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 Арпом 2024). Дата обращения: 19 Арпом 2024.
- ↑ Кто приедет в Москву на Парад Победы в 2025 году, ВЗГЛЯД.РУ (02.04.2025). Дата обращения: 9 Тулысшӧр 2025.
- ↑ На параде Победы в Москве ожидают более 20 глав государств и правительств, Регнум (15.04.2025). Дата обращения: 16 Тулысшӧр 2025.
- ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 Одзтӧв 2023). Дата обращения: 19 Арпом 2024.
- ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 Одзтӧв 2023). Дата обращения: 19 Арпом 2024.
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов рус. (2024-05-08).
- ↑ В Пермском крае утвержден план основных мероприятий празднования 80-й годовщины Победы 21.10.2024 Сайт губернатора и Правительства Пермского края
- ↑ Алёна Бронникова На организацию празднования 80-летия Победы в Прикамье выделят 150 млн рублей 04.10.2024 Новый компаньон
- ↑ План основных мероприятий по подготовке и проведению празднования 80-й годовщины Победы в Великой Отечественной войне 1941-1945 годов в Пермском крае Сайт губернатора и Правительства Пермского края
- ↑ Детскую дирекцию по подготовке к 80-летию Победы создали в Прикамье 23.12.2024 НТА-Приволжье-Пермь
- ↑ 80 лет Победы – Пермский край помнит! Пермский дом народного творчества «Губерния»
- ↑ Иван Новгородский На 80-летие Победы в Прикамье запустят поезд «Молотов» и установят памятник «Эвакуация» 26.11.2024 Федерал-Пресс
- ↑ Ветераны Великой Отечественной войны получат по 80 тыс. рублей | Эксперт рус..
- ↑ Путин объявил перемирие в дни 80-летия Победы, Коммерсантъ (28 Тулысшӧр 2025). Дата обращения: 28 Тулысшӧр 2025.