Мартева Светлана Валерьевна
| Мартева Светлана Валерьевна | |
|---|---|
 | |
| Чужан лун: | 1969 во одзтӧв 2 лун (55 лет) |
| Чужанін: | |
| Канму | |
| Удж | юрист, кипода морт |
Мартева Светлана Валерьевна (1969 во одзтӧв 2 лун, Кудымкар) — юрист, кыйсись, Коми-Пермяцкӧй этнокультурнӧй центрись «Шӧрт да вӧрт» кыйсян киподаинӧн юралісь, Коми-Пермяцкӧй округись мастеррез чукӧрлӧн юралісь, Пермскӧй крайлӧн Народнӧй мастер.
Олантуй
Чужис 1969 во одзтӧв 2 лунӧ Кудымкарын[1]. Помаліс Кудымкарскӧй медицинскӧй учиилище, УдГУ-ись юридическӧй да экономическӧй факультеттэз[2]. Уджалӧ Коми-Пермяцкӧй окружной больницаын удж дорйӧм сьӧрті специалистӧн[2].
Олӧ Кудымкарын.
Кипода удж
2014 воын локтіс велӧтчыны Коми-Пермяцкӧй этнокультурнӧй центрись кыйсян киподаинӧ, велӧтіссезнас лоисӧ Галина Казанцева да Надежда Боталова[1].
Кыйӧ унажыксӧ быдкодь йиэз, ачыс рӧмсьӧтӧ шӧртсӧ быдмассэзӧн[1][3]. Сідзжӧ керӧ аканнез[1].
2021 воын босьтіс Гран-при XIХ Россия пасьта «Кипода Рочму» (рочӧн XIХ Всероссийский конкурс народных мастеров декоративно-прикладного искусства «Русь мастеровая») конкурс вылісь[4].
2022 воын вермис «Кипода Прикамье» (рочӧн «Прикамье мастеровое») конкурсісь «Йиэз кыйӧм» (рочӧн «Ткачество и плетение поясов») номинацияын[5][6] да «Весна.Кросна» конкурсіс «Кипон кыйӧм» (рочӧн «Ручное ткачество») номинацияын.
2022 воын вӧлі ошкӧм «Пермскӧй крайлӧн Народнӧй мастер» званнёӧн[3][7][8].
2023 восянь юралӧ Коми-Пермяцкӧй округись мастеррез чукӧрӧн да Коми-Пермяцкӧй этнокультурнӧй центрись «Шӧрт да вӧрт» кыйсян киподаинӧн[1].
2024 воын босьтіс Гран-при «Весна.Кросна» конкурс вылын[9]. Ӧтлаын очасойнас, Надежда Сытник, да Мария нывнас вӧлісӧ ошкӧмӧсь Чувашия юралісь спецпризӧн XXII Россия пасьта «Кипода Рочму» (рочӧн XXII Всероссийский конкурс народных мастеров декоративно-прикладного искусства «Русь мастеровая») конкурс вылын[10].
Галерея
Кушак. Кыйис Светлана Мартева.
Голькиа йи. Кыйис Светлана Мартева.
Тугья йиэз. Кыйис Светлана Мартева.
Йиэз. Кыйисӧ Светлана Мартева да сы велӧтчиссез «Шӧрт да вӧрт» киподаинісь.
Тугья йи. Кыйис Светлана Мартева.
Донтан пассэз
- 2022 — Пермскӧй крайлӧн Народнӧй мастер[8]
Пасйӧттэз
- ↑ 1 2 3 4 5 Мартева Светлана Валерьевна ГКБУК «Коми-Пермяцкий этнокультурный центр»
- ↑ 1 2 К 55-летию Мартевой Светланы Валерьевны, народного мастера Пермского края. 2 декабря 2024. Коми-Пермяцкий краеведческий музей
- ↑ 1 2 [Мартева Светлана Валерьевна] Народные мастера Пермского края. Пермский дом народного творчества «Губерния»
- ↑ Определился победитель XIX Всероссийского конкурса мастеров декоративно-прикладного искусства «Русь мастеровая». 25 июня 2021 Министерство культуры, по делам национальностей и архивного дела Чувашской Республики
- ↑ Константин Седегов Светлана Мартева выиграла конкурс «Прикамье мастеровое». 22.02.2022 Парма-Новости
- ↑ Мастер из Кудымкара выиграла конкурс "Прикамье мастеровое". 22.02.2022. ГКБУК «Коми-Пермяцкий этнокультурный центр»
- ↑ Мастеру по ткачеству Светлане Мартевой присвоено звание Народного мастера Пермского края. Янв 5, 2023. Иньвенский край
- ↑ 1 2 Десяти прикамцам присвоено звание «Народный мастер Пермского края». 28 декабря 2022 Сайт губернатора и Правительства Пермского края
- ↑ В Прикамье завершился VII фестиваль традиционного ткачества «Весна. Кросна». 25.04.2024. Московский комсомолец - Пермь
- ↑ Глава Чувашии вручил гран-при и специальный приз XXII Всероссийского конкурса «Русь мастеровая. Ремесленный край». 24 июня 2024. Министерство культуры, по делам национальностей и архивного дела Чувашской Республики