Мальцев Герман Иванович
| Мальцев Герман Иванович | |
|---|---|
 | |
| Чужан лун | 1961 во одзар 10 лун (64 года) |
| Чужанін | |
| Канму |
 CCCР→  Российскӧй Федерация |
| Учёнӧй тшупӧт | история кандидат[d] |
| Тӧдса кыдз | этнограф |
Мальцев Герман Иванович (1961 во одзар 10 лун, Дӧйӧг) — этнограф, история туялісь, велӧтісь, история кандидат.
Олантуй
Чужис 1961 во одзар 10 лунӧ Доегын. Помаліс Доегись школа 1976 воӧ. 1976-1980 воэзӧ велӧтчис Кудымкар педагогика училищеын. Уджаліс история да физкулькультура велӧтісьӧн Большой Букор школаын Чайковскӧй районын. Сы коста велӧтчис Челябинск канмуся институтись физическӧй культура теория да методика факультет вылын. 1984 воӧ, институт помалӧм бӧрсянь, уджаліс велӧтісьӧн Кудымкар педагогика училищеын[1].
1986 воӧ, армияын кысъялӧм бӧрсянь, уджаліс Кудымкар карся ВЛКСМ комитетын. 1992-1999 воэзӧ юраліс Коми-Пермяцкӧй автономной округлӧн администрацияись томпӧлӧс да спорт делоэз сьӧрті комитетӧн[1].
1998 воӧ помаліс Коми туялан центрись аспирантура этнография, этнология, археология сьӧрті. 2000 воӧ дорйис кандидатскӧй диссертация (темаыс рочӧн «Народная медицина коми-пермяков конца ХIХ – начала ХХ вв. Историко-этнографический аспект»)[1].
2000-2006 воэзӧ юраліс история да политология кафедраӧн Кудымкарскӧй институтын (УдГУ-лӧн филиал).
2006-2014 — Чайковский физическӧй культура да спорт сьӧрті канмуся институтын велӧтан да туялан удж сьӧрті проректор.
2013-2014 воэзӧ велӧтчис Перем политехника университетын «Канму да муниципальнӧй юралӧм» программа сьӧрті.
2014-2017 воэзӧ юраліс Кудымкар районлӧн администрацияись велӧтӧм юкӧтӧн, 2018-2021 воэзӧ — Гайна районлӧн администрацияись велӧтӧм юкӧтӧн.
2022 восянь уджалӧ история велӧтісьӧн Коми-Пермяцкӧй агротехническӧй техникумын[2].
Туялан удж
Туялӧ перем коми этнография да Коми-Пермяцкӧй округлісь история. Гижис 30-ся унажык научнӧй статья, кӧдна петісӧ Россияын да визир сайын[1].
Медтӧдчана публикацияэс да небӧггес
- Мальцев Г. И. Народная медицина коми-пермяков конца ХIХ - начала - ХХ века. — Кудымкар: Кудымкарская типография, 2004. — 282 с. — ISBN 5-900894-21-5.
- Мальцев Г. И. Христианизация Перми Великой. — Чайковский: Регион, 2007. — 146 с. — ISBN 978-5-94720-016-4.
- Мальцев Г. И. Зиндеев Анатолий Иванович - основатель "Снежинки". — Чайковский: Палитра, 2013. — 40 с. — ISBN 978-5-94720-038-6.
- Мальцев Г. И. Народные врачеватели у коми-пермяков // Ежегодник финно-угорских исследований. — 2019. — № 1.
- Мальцев Г. И. Поминки и поминовения умерших не своей смертью у коми-пермяков // Ежегодник финно-угорских исследований. — 2020. — № 2.
- Мальцев Г. И. Народное врачевание коми-пермяков. — Кудымкар: ПРОО «Общество радетелей коми-пермяцкого языка и культуры «Югӧр», 2020. — 96 с. — ISBN 978-5-907334-34-2.
Пасйӧттэз
- ↑ 1 2 3 4 Мальцев Герман Иванович. Коми-Пермяцкий окружной государственный архив. Видзӧтӧм 11 Одзар 2025.
- ↑ Мальцев Герман Иванович / Педагогический состав Коми-Пермяцкого агротехнического техникума. Коми-Пермяцкий агротехнический техникум. Видзӧтӧм 11 Одзар 2025.