Лужиков Александр Михайлович

Лужиков Александр Михайлович
Лужиков Александр Михайлович
Чужан лун:	1964 во одзтулыс 19 лун (61 год)
Чужанін:	Кекур (Кулӧмдін район), Муниципальное образование сельского поселения «Пожег»[d], Кулӧмдін район, Коми Республика, РСФСР[d], СССР[d];
Канму	СССР[d]; Российскӧй Федерация;
Удж	гижись

Файл:Лужиков А.М.jpg

Лужиков А.М. (1964–2006) – коми гижись

Лужиков Александр Михайлович (комиӧн Миш Öльöксан, 1964–2006) – коми поэт.

Олантуй

А.М. Лужиков чужӧма 1964' март 19' лунӧ Коми АССР Кулӧмдін районісь Кекур грездын.

Сыктывкарын помаліс И. А. Куратов нима педагогикавелӧтан 1' училищёись мичмöтан графика сьӧрті юкöт.
кесъяліс армияын.
Мӧскваын помаліс А. М. Горький нима литературавелӧтан институт.
уджалыштіс Коми радиокомитетын литературно-драматическöй сёрни редакторöн.
1991 – пырис Рочмуын гижиссез котырö.
1992 – лоис «Би кинь» журналын юралісь редакторӧн.
2006 – редактораліс «Би кинь» журнал юкöтын.

Кулӧма 2006' годӧ жӧ. Кулан луныс да шойгуыс тӧдтӧмӧсь. Поэтӧс дзебöмась кыдз нимтöм-увтыртöм мортӧс Вылыс Чов шойнаись 13' участокӧ. Родняыс тöдасӧ кулöм йывсьыс токӧ 2009' воын.

Гижан удж

Медодзза кывбуррес Миш Ӧльӧксаныслöн петӧмась 1970' воэз помын. Сэсся сiя ветлӧма Союз пасьтаись том гижиссез IX совещаннё вылö. А.М. Лужиковлісь кывбурресö вылӧ донтӧмась роч поэт Егор Исаев да Коми Республикаись отировӧй гижись Геннадий Юшков.

Сылӧн «Йиркап» поэмаын кылö мамкыв да асувтыр понда тöждісьӧм.

Поэт бура мыччалӧма асьсӧ и драматургия жанрын. Сія гижӧма «Ыджыд висьöм» пьеса (йöзöтöм: «Арт» журнал, 1997' во, №1).

Роч кыв вылын Миш Ольӧксаныслісь гижöттэсӧ публикуйтӧмась «Литературнöй газета» да «Литературнöй Россия» газетаэзын, «Север» журналын.

А. М. Лужиковлісь кывбурресö вуджöтлӧмась Елена Исаева, Александр Кувакин, Сергей Филатов.

Небöггез

Ме радейта тэнö: кывбуръяс. – Сыктывкар: Коми кн. изд-во, 1989. – 41 л.б.
Енэжшöpса оpдым: кывбуpъяс / Ред. А.В. Тентюков; серпасалiс А.М. Лужиков. – Сыктывкар: Коми кн. изд-во, 1994. – 127 л.б.

Берся

2011' годӧ поэтлöн иньыс Марина да нылыс Лиза вӧзйисӧ Коми гижись котырлӧ лӧсьӧтны А.Лужиков нима премия. Премиясӧ сетӧны токӧ том деревенскӧй поэттэзлӧ, кӧдна гижӧны комиӧн. 2011' годӧ премия козьналісӧ Баженова Ольгалӧ, 2012' годӧ – Шомысова Алёналӧ.
2012' годӧ йӧзколасісь поэзия лунö VI «Поэтическöй эстафета» чулӧтӧмась Миш Ӧльӧксанӧс казьтылӧм могись.

Лыддьӧтан

Ильин Б. Меддводза асшöр книга // Коми му, 1994' февраль 8' лун.
Мартынов В. Выль видзöдлас, выль рöм // Коми му, 1994' март 5' лун.
Мартынов В.И. Лужиков Александр Михайлович // Литературная энциклопедия земли Коми. – Сыктывкар, 2004.

Ыстӧттэз