Йиркап
Йиркап — коми (зыряна) отир фольклорись персонаж, вына вӧралісь[1][2].
Мифологияын
Отир висьтасьӧм сьӧрті, Йиркап олӧма Емва ю катытын, Кони посадын да вӧралӧма.
Ӧтпырись сія адззӧма Синдор ты дынын Вакульлісь да Вӧрисьлісь тышкасьӧмсӧ. Вакульыс пондӧтчӧма ни вермыны Вӧрисьӧ, сы кузя мый вӧлӧма аслас стихияын. Сэк Йиркап локтіс Вӧрсалӧ отсӧтӧн, лыйис Вакульсӧ ньӧвъёсись. Мездӧм понда Вӧрисьыс аттьӧаліс да тшӧктіс кошшыны вӧрись Ас пусӧ[1]. Дыр кошшӧм бӧрын Йиркапыс адззис сійӧ пусӧ.
Мӧдік висьтасьӧм сьӧрті, Йиркапыс адззӧма Ас пусӧ ачыс, казялӧм, мый сылӧн поныс куим лун (нето куим во) сьӧрна мылякӧ вувтӧ ӧтік пу вылӧ. Черӧн пуӧ вачкӧм бӧрын сыись петӧм вир. Сыбӧрын Йиркапыс кералӧм пусӧ (пожум) да керӧм сыись лызь. Мӧд висьтасьӧм сьӧрті, пуыс ачыс юӧртӧм Йиркапыслӧ, мый сія сылӧн Ас пу, и сія вермӧ керны сыись аслыс мый кӧсйӧ. Йиркап керӧ лызь. Куимӧт вариантын пуыс висьталӧ Йиркаплӧ, мед сія керис сыись лызь пӧв нето пуктіс торсӧ бӧр. Ас пуись керӧм лызьлӧн вӧлі вӧвлытӧм ӧд. Оз на ешты лонтісьны помӧдз горыс, кыдз Йиркап локтӧ ни чӧстуйвывсис, кӧда оланінсяняс 300 км ылынаын. Кутчас Синдор ты вевдӧрыс вӧснит йыӧн, кыдз Йиркапыс котӧртӧ ни сы кузя вӧравны. Лызьыс нӧбӧтіс ачыс, ештан пуктыны думӧ сы йылісь, кытчӧ мунны. Мед сувтӧтны, коліс чапкыны ас одзӧ юрвот да кепись, а мед лызьыс сулаліс местас, коліс пуктыны сы вылӧ юрвот[1].
Ны посадын олісь еретнича ӧтпыр висьталӧм сылӧ, мый ю мӧдарас пондас йирсьыны лӧз кӧр, и кутас кӧ сійӧ Йиркап, лоас сэк медшуда вӧралісь. Ашынас Йиркаплӧн мамыс нянь пӧжалікӧ адззӧма кельытлӧз кӧрсӧ да саймӧтӧм зонсӧ. Йиркапыс вӧтлісьӧма кӧрыс бӧрсянь дзик Уралӧдз, кытӧн кӧрлӧн гыжжес пондӧмась ыскӧвтны иззэс вывті, да Йиркапыс вӧтӧма сійӧ. Сэк кельытлӧз кӧр пӧрччис ӧддьӧн басӧк нылӧ да кутчис кеймыны Йиркаплӧ, мед жалейтіс сійӧ, но Йиркап эз кывзы, вийис нывкасӧ, кыскис сылісь сьӧлӧмсӧ, сюйыштіс пиас да иньдӧтчис бӧр туяс. Йиркап нӧбӧтіс еретничалӧ вийӧм кӧр нывлісь сьӧлӧмсӧ да пуктіс сы пызан вылӧ. Эта сюжетыслӧн мӧд вариант сьӧрті, еретнича керис сыкӧт заклад, мый Йиркап кутас куимдас кӧрӧс, а куимдас ӧтікӧтсӧ, кельытлӧзсӧ, оз вермы. Былись Йиркапыс кыйис чожа 30 кӧрӧс, но дыр эз вермы адззыны куимдас ӧтікӧтыслісь коктуйсӧ. Медбӧрын сія адззис сійӧ да дыр вӧтчӧм бӧрын кутіс. Сэк кӧрыс пӧрӧма катшаӧ, но Йиркап абу лэдзӧма сійӧ лэбзьыны, бедьӧн бордсӧ чегӧма, а сэсся вийӧма. Вӧлӧма пӧ сія еретничалӧн нылыс[1].
Йиркап вӧйӧма Синдор тыын, вӧснитик йыӧт вуджикӧн, сы кузя мый лоӧма сьӧкытжык йӧрнӧс-вешьян песланвасӧ юӧм бӧрын. Мӧдік висьтасьӧм сьӧрті, ньылӧммӧм нямӧт миськанваӧн сійӧ юкталӧмась мӧдік вӧраліссес, кӧдна пыр кольччывлӧмась кыйтӧстӧг. Куимӧт версия сьӧрті, эттшӧмсӧ керӧма мамыс, кӧдалӧ висьталӧмась кӧтӧтны Йиркапыслісь нямӧтсӧ ырӧшӧн да юктавны сійӧн зонсӧ, мӧдінёж пӧ сія кыяс быдӧс вӧрпӧткасӧ, да быдӧнныс куласӧ тшыгйӧн. Да медбӧрын, эм версия, мый нямӧт кӧтӧтан винаӧн Йиркапсӧ юкталіс сылӧн сьормамыс еретнича совет сьӧрті[1].
Йиркапкӧт ӧтлаын ӧшис оланісь и сылӧн лызьыс. Ӧтік вариантын висьтассьӧ, мый йысӧ жугӧтӧм лызь гозсис ӧтікыс, а мӧдыс лэбзьӧма Ас пуись кольччӧм мыр дынӧ. Мӧд висьтасьӧм сьӧрті, Йиркап вӧйӧма йи увтӧ да орӧтӧма лызь кӧввесӧ, и кылӧма волшебнӧй лызьлысь шысӧ: эз кӧ кер эттшӧмсӧ Йиркапыс, сія кыскис бы сійӧ вадорас, а сідз Йиркапыс вийсяс и ачыс, и лызьсӧ вӧйӧтас. Сы бӧрын лызьыс нетшкисьӧма Йиркапыс кокись да лэбзьӧма ӧддьӧн ыджыт пожум пыр. Инсӧ, кытӧн вӧйлӧма Йиркапыс, шуӧны Йиркапув[1].
Синбан туялӧм
Йиркап лоис паськыта тӧдса этнограф да лингвист Александр Грен (1862-1932) отсӧтӧн, кӧда «Иркаб. Драматические сцены из зырянского былинного эпоса» висьтын[3] асмозӧн вуджӧтӧм Йиркап йылісь преданиесӧ[4].
Йиркап йылісь легендаэсӧ чукӧртісӧ да туялісӧ Анатолий Микушев, Дмитрий Конаков, Алексей Сидоров, Иван Плосков, Юрий Рочев, Анатолий Панюков.
Адззӧс
Коми Республикаись Княжпогост районын тундраись вӧлі аддзӧм лызь тор, кӧдалӧн нырыс вӧлі мичӧтӧм йӧракодь юрӧн[5]. Туялӧм сьӧрті, сійӧ керӧмась пуись миян эраӧдз VI сюрсвоын. Ӧння кадӧ сійӧ видзӧны Коми Республика национальнӧй музейын[6]. Сійӧ шуӧны «Йиркаплӧн лызьӧн». Сія Коми Республикалӧн ӧддьӧн тӧдчана культура пас[7].
Культураын
• Йиркап йылісь легенда гижӧтлісӧ Афанасий Маегов, Виктор Савин, Геннадий Фёдоров.
• Коми фольклор подув вылын прозаик Александр Суворов гижис «Йиркап» нима пьеса.
• «Йиркап багатыр» помавтӧм коми поэмасӧ гижис коми поэт Александр Лужиков да вуджӧтіс роч кыв вылӧ поэт Дмитрий Фролов.
• Коми Республикаись гижись Алексей Поповлӧн «Йиркап» висьт-притча сьӧрті пуктӧм спектакльсӧ 2018 воӧ мыччаліс Укваса драма театр (режиссёрыс Вера Гой), а сідзжӧ Виктор Савин нима академическӧй драма театр.
• 2018 воын вӧлі йӧзӧтӧм учӧтджык волыда челядьлӧ Нина Новиковалӧн «Сказки северных ветров. Йиркап» небӧг.
• 2014 воын вӧлі керӧм «Йиркап» мультфильм:Йиркап.
• 2023 во тӧвпомын медоддзаись Финн-йӧгра этнокультурнӧй парк нуӧтіс «Йиркаплӧн кубок» вӧраліссезлісь вермасьӧм[8][9]. Сідзжӧ этнопаркын уна во ни нуӧтӧны туристтэз да шоччисиссез понда «В гости к охотнику Йиркапу» нима проект, кытӧн гӧссесӧ тӧдсӧтӧны коми отир олӧмӧн[10] да «Легенда об Йиркапе» нима тур[11].
Лыддьӧтан
• Петрухин В. Я. Мифы финно-угров. — М.: Астрель ; АСТ ; Транзиткнига, 2005. — С. 463.
• Доронин П. Г. Материалы и документы по истории коми // НА КНЦ УрО РАН. — Ф. 1. — Оп. 12. — Д. 25. — 1947.
• Рочев Ю. Г. Коми легенды и предания. — Сыктывкар, 1984.
• Атлас Республики Коми. – Москва: Дизайн. Информация. Картография, 2001. – 551 с.
• Белицер В. Н. Очерки по этнографии народов коми: XIX - начало XX в. / В. Н. Белицер. – Москва: АН СССР, 1958. – 393 с., 9 л. ил.
• Дыхание паpмы: кн. об искусстве и лит. наpода коми / [сост. В. А. Латышева]. – Сыктывкаp, 1991. – 288 с.
• Игнатов В. Г. Легенды и сказания народа коми: [альбом репродукций] / сост. М. П. Свириденков; текст А. Микушев; ред. В. А. Попов, худож. ред. В. Б. Осипов]. – Сыктывкар: Коми кн. изд-во, 1985. – 1 папка (48 отд. л.)
• Коми легенды и предания / сост., авт. предисл. Ю. Г. Рочев. – Сыктывкар: Коми кн. изд-во, 1984. – 176 с.
• Конаков Николай Дмитриевич. Традиционное мировоззрение народов коми : Окружающий мир. Пространство и время / Н. Д. Конаков ; Рос. акад. наук, Ур. отд-ние, Коми науч. центр, Ин-т яз., лит. и истории. - Сыктывкар : Коми научный центр УрО Российской АН, 1996. - 130, [1] с. : ил.
• Кочерган Людмила Ивановна. Василий Игнатов. Стиль и этно = Vasiliy Ignatov. Art style and Ethno : [альбом / автор текста и составитель: Л. И. Кочерган ; перевод на коми язык: Е. В. Козлов ; перевод на английский язык: С. Е. Обшанская ; фотограф: А. В. Галуцкий] ; Министерство культуры, туризма и архивного дела Республики Коми, Национальная галерея Республики Коми. - Сыктывкар : Национальная галерея Республики Коми, 2020. - 51 с. : цв. ил., фот., портр. - 978-5-7934-0901-8. - Часть текста и подписи к ил. парал. на рус., коми и англ. яз. - Коми Республике - 100.
• Лимеров Павел Федорович. Коми несказочная проза : учеб. пособие по спецкурсу / П. Ф. Лимеров. - Сыктывкар : СГУ, 1998. - 96 с.
• Микушев Анатолий Константинович. Коми народный эпос : (Историко-культурные контакты): учебное пособие по спецкурсу / А. К. Микушев ; М-во высш. и сред. спец. образования РСФСР, Сыктывкарский гос. ун-т. - Сыктывкар : СГУ, 1989. - 81 с.
• Микушев Анатолий Константинович. Коми народный эпос : Историко-культурные контакты. Взаимосвязи коми эпоса : учебное пособие / А. К. Микушев ; М-во образования и науки Рос. Федерации, Сыкт. гос. ун-т. - Сыктывкар : Сыктывкарский государственный университет, 2006. - 150 с.
• Мифология Коми. – Москва - Сыктывкар: ДИК, 1999. – 480 с.: ил., карт.
• Му пуксьӧм: коми войтырлӧн мифология / лӧсьӧдiс, коми кыв вылӧ вуджӧдiс П. Ф. Лимеров; серпасалic А. В. Мошев. – Сыктывкар: Коми небӧг лэдзанiн, 2005. – 622, [2] л. б.: серпас. – На коми, рус. яз. – Пер. загл.: Сотворение мира.
• Попов А. В. Грезд: [повесьтъяс да висьтъяс] / Алексей Попов; ред. Л. Т. Попова; серпасалiс Н. Н. Коносова. – Сыктывкар: Анбур, 2008. – 421, [3] л. б. В
• Сидоров А. С. Знахарство, колдовство и порча у народа коми: материалы по психологии колдовства / Сидоров Алексей Семенович. – Санкт-Петербург: Алетейя, 1997. – 269,[13]с.
• Сказки северных ветров. Йиркап / пересказ Н. М. Новикова; худож. Е. А. Сокерина; науч. ред. Лимеров П. Ф. – Сыктывкар: Коми респ. тип., 2018. – 16, [1] с.
• Грен А. Н. Зырянская мифология / А. Грен // Коми му. – 1925. – № 1 (11). – С. 23-33.
• Грен А. Н. Иркаб: драматические сцены из зырянского эпоса // Арт. – 1994. –№ 4. – С. 44 – 65.
• Лужиков А. М. Йиркап - богатырь: поэма // Арт. 1994. № 4. С. 94 – 98.
• Кряжевская Е. Мойдвывса карта. - Йӧлӧга. - 2011. - 30 сент. - С. 7-8. - На коми яз. - Сказочная карта.
• Плосков И. А. Йиркап – Йир-Кап – Иркап – Иркаб: тексты, версии эпоса // Арт. – 1994. – № 4. – С. 37 – 40.
• Плосков И. А. О пьесе А. Грена «Иркаб» // Арт. – 1994. – № 4. – С. 66 – 68.
• Попов А. В. Йиркап: повесть-притча // Арт. – 1994. –№ 4. – С. 44 – 65.
• Предания о Йиркапе // Арт. – 1994. –№ 4. – С. 32 – 36.
• Савин В. А. Иркаб // Арт. – 1994. –№ 4. – С. 44 – 65.
• Чукля; Йиркап [Видеозапись] / Национальный музей Республики Коми. – Сыктывкар, [2012]. - 1 электрон. опт. диск (DVD-ROM) (21 мин).
Пасйӧттэз
- ↑ 1 2 3 4 5 6 Йиркап // Энциклопедия уральских мифологий. Т.I. Мифология коми. / Под ред.: А.-Л. Сиикала, В.В. Напольских, М. Хоппал. Руководитель авторского коллектива Н.Д. Конаков. – М., ДиК, 1999. - С.168-170
- ↑ Культурная карта Республики Коми. Йиркап
- ↑ Грен А.Н. Иркаб. Драматические сцены из зырянского былинного эпоса // Записки Общества изучения Коми края. Усть-Сысольск, 1929. Вып. 2.
- ↑ Журавлёва С. Йиркап. Легендарный охотник
- ↑ Петрухин, 2005, с. 15.
- ↑ Фрагмент лыжи со скульптурным навершием в виде головы лося
- ↑ Журавлёва С. Самая древняя лыжа
- ↑ 23 февраля Финно-угорский этнопарк приглашает мужчин на Кубок Йиркапа
- ↑ В День защитника Отечества в этнопарке впервые прошли соревнования охотников на Кубок Йиркапа
- ↑ «В гости к охотнику Йиркапу»
- ↑ Тур "Легенда о Йиркапе"