Китайскӧй Виль во 2025
Китайский Новый год 2025 | |
---|---|
![]() | |
Мӧдінёж | Тӧлісся календарь сьӧрті виль во |
Вежӧртас | Виль во пондӧтчӧм |
Традицияэз | ярмкаркаэз, оланаиннэз да олӧминнэз мичӧтӧм, кӧззэз мичӧтӧм |
Китайскӧй Виль во 2025 — кӧсйӧм тӧвся кузьой бӧрся виль тӧлісьлӧ (одзтӧв 21 лун бӧрся виль тӧлісьлӧ) вежалун. Григорианскӧй календарь сьӧрті луныс лӧсялӧ кытшӧмкӧ лунӧ тӧвшӧр 21 лунсянь тӧвпом 21 лунӧдз.
Китайскӧй гороскоп сьӧрті быд воыс кӧсйӧм даскык вӧрпа нето подаись ӧтіклӧ да ӧтіклӧ вит стихияись: би, му, кӧрт, ва нето пулӧ[1].
2025 во, китайскӧй календарь сьӧрті, лоӧ Виж пу кый воӧн. Сія пондӧтчӧ 2025 во тӧвшӧр 29 лунӧ да кыссьӧ 2026 во тӧвпом 16 лунӧдз. Эта воыс лоӧ кватьӧт асыввывся гороскоп 12 воа циклын.
Аркмӧм
Китайскӧй Виль во порйӧтӧмыс мунӧ уна сёво сьӧрна. Сія медкузь да медтӧдчана китайскӧй тӧлісь-шонді календарьын. Сылӧн абу тодиль дата. Виль во пондӧтчӧ тӧвся кузьой бӧрся виль тӧлісьӧ, сійӧн порйӧтан луныс вешсьывлӧ тӧвшӧр 21 лун да тӧвпом 21 лун коласын.
Китайскӧй зодиаклӧн даскык пас — эта 12 воа цикл, кӧдаын быд воыс кӧсйӧм тодиль вӧрпа нето подалӧ. Китайскӧй гороскопас нія крыса, ӧшка, тигр, кӧч, дракон, кый, вӧв, кӧза, обезяна, петук, пон, порсь.
Быд китаецыс тӧдӧ ассис да матіссеслісь да ёрттэслісь зодиак пассэсӧ[2].
Китайскӧй Виль воыс лоӧ китайскӧй культураын доминантаӧн ӧнӧдз, сылӧн эм ыджыт социокультуранӧй вежӧртас. Китаяс тӧлісь календарь сьӧрті Виль воыс — семья ӧксьӧм лун, аймам да важжез касьтісян да донтан лун[3].
Виж пу кый паслӧн синбан
2025 воыс лоӧ Виж пу кый воӧн. Виж пу кыйыс — радейтӧм, мывкыд, ылӧсалӧм да вежсьыны кужӧмлӧн символ[4]. Сія абу лёкмывья, агрессивнӧй да кыкчужӧма. Пуыс, кӧда сиволизируйтӧ зоралӧм, быдмӧм да вильмӧм, эта волӧн стихия, да виж рӧмыс мыччалӧ сійӧ.
Асыввывся культураэзын кыйыс — вӧрва пи, кӧдалӧн бур синбан. Сія кужӧ гажӧтчыны да адззыны долытсӧ. Быль оланас кыйыс вермас лоны опаса, но мед сія уськӧтчис, колӧ лӧгӧтны[5].
Лыддиссьӧ, мый отирыс, кӧдна чужӧмӧсь Виж пу кый воӧ, мывкыдаӧсь да кужӧны бура артавны. Нія бура тӧдӧны отирсӧ. Кыйеслӧн бур интуиция, кӧда отсалӧ нылӧ адззыны одзлань да керны бур артӧссэз. Пуыс сетӧ нылӧ аркмӧтан ӧд, кӧда отсалӧ адззыны нестандартнӧй решеннёэз. Виж рӧмыс мыччалӧ рам да отиркӧт бур лӧсялӧм.
Кыйес кокнита вежсьӧны да аддзӧны, кыдз тыртны моггезнысӧ вильмоза. Нія ӧддьӧн мичаӧсь да кужӧны вайӧтны отирӧс ас дораныс. Кый пасӧн чужӧм отирыс лоӧны лидеррезӧн да гора нима отирӧн.
Ӧтдырйи Кыйыс абу осьта сьӧлӧма отир да видзӧны быдӧс аскӧттяныс[6].
Асыввывся гороскоп сьӧрті мӧдік зодиак пассэз вылӧ тӧдчӧм
Китайскӧй зодиакыс, кӧда аркмӧтӧм Вит Элемент йылісь важся теориӧт, сэтшӧм система, кытӧн быд пасыс пытшкын эм вит класс (пу, би, му, кӧрт, ва), кӧдна мыччалӧны быдӧсыслісь йитӧттэз. Этна йитӧттэс лыддиссьӧны Енколася быд ловьялӧн олӧм да вежсьӧм ӧтласа законнэзӧн.
Эта теория сьӧрті Кыйыс бура лӧсялӧ Кыйескӧт, Петуккескӧт, Ӧшкаэскӧт. Кужӧ уджавны Дракон, Обезяна, Крыса, Пон, Тигр, Вӧв, Кӧч да Кӧза пассэзкӧт. Оз лӧсяв Порссезкӧт.
Эта воыс лоас бур ны понда, кин чужӧм Кый, Дракон да Петук воэзӧ. Нія кужасӧ мыччавны ассиныс таланттэзнысӧ, быдмасӧ карьераын да содтасӧ эмбурнысӧ. Шудаӧсь лоасӧ нія, кин уджалӧны юрӧн да творчествоын[7].
Традицияэз
Китаяс Виль во панталӧмкӧт йитӧмӧсь уна традцияэз да вильвося суевериеэз. Важся китайскӧй традиция сьӧрті, Виль во одзын колӧ помавны быдӧс гортся уджжез. Миськасьны колӧ ыбӧссянь керку шӧрӧ, да сэсся быдӧс инструменттэсӧ дзебны.
Виль во порйӧтӧм коста Китаяс быдлаын гӧрд рӧм — шонді да гаж рӧм.
Виль во одзын ыбӧс вевдӧрӧ ӧшӧтӧны бумагаись вит шуль, нія мыччалӧны шудлісь вит синбан: шуд, донтӧм, кузь олӧм, эмбура ӧлӧм да гаж[8].
Традиция сьӧрті, Китаяс Виль воыс одзын ковсьӧ лэбтыны гыма-ёрка. Эм легенда, кӧда сьӧрті, эта кадӧ лёк керись духхес, кӧднӧ вашӧтісӧ оланіннэсис, кошшӧны виль олӧмин да вермасӧ досадитны керкуын оліссеслӧ во сьӧрна.
Виль во медколана атрибут декоративнӧй быдберся формаэза шырбиэз. Особенно популярны четырёх- и шестигранные газовые светильники, украшенные разноцветной тканью и разнообразными рисунками. Кӧзыс туйӧ Китаяс дзоридзись гирляндаэзнас да шырбиэзнас мичӧтӧны сідз шуана Югыт пу.
Виль во одзза ойыс Китаяс шусьӧ «янсалӧм бӧрті пантасьӧм ой», сідз кыдз сія тодиль увтыр вежалун, кӧдӧ порйӧтӧны матіссез коласын. Быдыс бурсьӧтчӧны ӧтамӧдкӧт[3].
Вильвося порйӧтӧмын медколанаыс ӧтласа рытся сёйӧм, кӧда кежӧ быдӧс семьяыс ӧксьӧ ӧтік пызан сайӧ. Пызан саяс кольӧны местаэз ны понда, кин абу.
Лыддиссьӧ, мый кыдз панталан Виль восӧ, сідз локтан воыс и чулалас. Сійӧн китаеццес лӧсьӧтӧны уна сёяна пызан. Виль вося пызан вылас колӧны сёянторрез курӧгись, чериись да «доуфу» — соя рисись сёян, кӧда тӧдса сідзжӧ «тофу» нимӧн. Китайскӧй кывьяс этна сёянторрезлӧн ниммес вачкисьӧны кыввез вылӧ, кӧдналӧн вежӧртассэз «шуд» да «эмбур».
Вильвося порйӧтӧмыс помассьӧ «шуд сьӧм» сеталӧмӧн. Ыджыттэс козьналӧны челядьлӧ сьӧма гӧрд конверттэз, кӧдна, кыдз чайтӧны, вайӧтасӧ шуд кузь во кеж. Порйӧтӧмыс бӧрын оз позь водны узьны, мед не ӧштыны ассит шудтӧ.
Китайын козьнасьӧны гозъя берсяторӧн, нія мыччалӧны ӧтласа да гармонияын олӧм. Оз позь козьнавны часыэз, ӧддьӧнжыксӧ пӧрись отирлӧ, нето чачаэз да кага берсятор нылӧ, кинлӧн кагаэз эзӧ на чужӧ. Вильвося козиннэсӧ гӧссес козьналӧны мунӧмикас, мукӧдпырся нельки гусьӧн кольӧмӧн[9].
Пасйӧттэз
- ↑ Как встречать 2025 год, чтобы год был хорошим, Мой Санта (13 Аршӧр 2024). Дата обращения: 13 Арпом 2024.
- ↑ Цзя Хуэйминь Лунный календарь и знаки зодиака в повседневной культуре Китая. Манускрипт (2016).
- ↑ 3,0 3,1 Цзя Хуэйминь Китайские новогодние праздники по лунному календарю в повседневной культуре современного Китая. Общество: философия, история, культура (2016).
- ↑ Козлова, Екатерина. Принесет удачу: каким будет 2025 год Зеленой Деревянной Змеи, Пятый канал (9 Арпом 2024). Дата обращения: 13 Арпом 2024.
- ↑ Зеленая деревянная змея - символ 2025 года: что важно знать о главном символе, КП.ру. Дата обращения: 13 Арпом 2024.
- ↑ Комарова, Валентина. Зеленая деревянная змея — символ 2025 года: что означает, характеристика символа, когда наступает, каким будет и как правильно встречать, Гороскопы Mail (30 Гожумпом 2024). Дата обращения: 13 Арпом 2024.
- ↑ Екатерина Стрелкова Как встретить год Змеи 2025: что приготовить, во что нарядиться - Zoon.ru (ru-RU).
- ↑ Евгения Григорьевна Белая Новый год в Китае, Корее, Японии и России. Россия и АТР (2005).
- ↑ История и традиции празднования Китайского Нового года, РИА Новости (31 Тӧвшӧр 2014). Дата обращения: 13 Арпом 2024.
![]() |
Эта материаллӧн правовидзисьыс АНО «Интернет-энциклопедия «РУВИКИ». Материалсӧ позьӧ босьтны мӧдік сайттэз понда АНО «Интернет-энциклопедия «РУВИКИ» юӧртӧмӧн. |