Виж пу кый
Виж пу кый — виль 2025 волӧн символ китайскӧй календарь сьӧрті.
Виль воыс пондӧтчӧ 2025 во тӧвшӧр 29 лунӧ, помассьӧ 2026 во тӧвпом 16 лунӧ[1].
Кый во
Китайскӧй календарьын 12 вӧрпа да пода, быдыслӧ ныись кӧсйӧм тодиль во. Вӧрпаыс нето подаыс йитӧм ӧтікӧт 5 коласісь: кӧрт, пу, ва,би да му. Ӧтпырись 12 воын усьӧ вӧрпа нето пода во, кӧда йитӧм вежласяна элементтэзісь ӧтіккӧт. Быдӧссӧ вермас лоны 60 берся комбинация. Сідз, китайскӧй календарьыслӧн циклыс вежсьӧ 60 во бӧрті.[2].
Кыйыс 6-ӧт 12 вося циклас да вермас лоны[1]:
- кӧрт (чочком) кый;
- пу (виж) кый;
- ва (лӧз) кый;
- би (гӧрд) кый;
- му (веж) кый.
Одзза кый воэз
- 1929 во (му)
- 1941 во (кӧрт)
- 1953 во (ва)
- 1965 во (пу)
- 1977 во (би)
- 1989 во (му)
- 2001 во (кӧрт)
- 2013 во (ва)
Сідз, одзза кадӧ виж пу кый воыс вӧлі 1965 воын[3].
Символ йылісь
Кыйыс лыддиссис китайскӧй культураын вӧрва вын символӧн, кыйесӧ ӧддьӧн донтісӧ[2]. Нюйва нима китайскӧй енсӧ мыччалӧны морт юраӧн да кый мыгӧраӧн[4]. Мифология сьӧрті «Шань хай цзи» нима небӧгын пантасьлӧны гижалӧммез еннэз йылісь, кӧдна новйӧмась кыйесӧ мичаторрез туйӧ.
Кыйес лыддиссьӧны ылӧсаэзӧн, авьяэзӧн, кодяэзӧн, синъяэзӧн да веськыттэзӧн[5].
Рӧмыс да стихияыс (виж, пу), кӧдна мыччассьӧны 2025 во символӧн, асыввылын мыччалӧны зоралӧм да одзланьӧ мунӧм.
Виж пу кый во панталӧм традцияэз
Виж пу кый восӧ панталӧны семьякӧт нето медматісь ёрттэзкӧт.
Традиция сьӧрті лыддиссьӧ, мый виж пу кыйыс ошкӧ эна рӧммеза паськӧм[6]:
- виж;
- гӧрд;
- веж (зарниакодь);
- руд;
- сьӧд.
Паськӧмсӧ тшӧктӧны мичӧтны бисерӧн, пайеткаэзӧн, серӧтӧм торрезӧн, стразаэзӧн.
Оланін мичӧтӧм понда коланаӧсь кельыт вевья рӧммез да мишура, кӧда пежьялӧ кыдз кыйкучик[1].
Виль вося пызан вылӧ тэчӧны деликатессэз: яй, чери, саридзись сёянторрез, кольттез, рись.
Пасйӧттэз
- ↑ 1 2 3 Зеленая Деревянная Змея - символ 2025 года по восточному календарю, Российская газета (4 Аршӧр 2024). Дата обращения: 13 Арпом 2024.
- ↑ 1 2 Зеленая Деревянная Змея. Что нужно знать о символе 2025 года, РБК Life (16 Одзар 2024). Дата обращения: 13 Арпом 2024.
- ↑ Анна Луговая. Каким будет следующий год Змеи по китайскому гороскопу: характеристики и описание знака, Lenta.RU (17 Аршӧр 2024). Дата обращения: 13 Арпом 2024.
- ↑ Нюйва — создательница человеческих существ (2016-04-09).
- ↑ Зеленая деревянная змея - символ 2025 года: что важно знать о главном символе. Дата обращения: 13 Арпом 2024.
- ↑ Екатерина Козлова. Принесет удачу: каким будет 2025 год Зеленой Деревянной Змеи, Пятый канал (9 Арпом 2024). Дата обращения: 13 Арпом 2024.
Лыддьӧтан
- Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
- Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
- Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
- Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.