Киселёв-Камский Александр Александрович

Киселёв-Камский Александр Александрович
Киселёв-Камский Александр Александрович
Чужан лун:	8 (20) тӧвпом 1868 во
Чужанін:	Кудымкар, Соликамскӧй уезд[d], Пермскӧй губерния[d], Российскӧй империя[d];
Кулан лун:	1941 во одзтӧв 10 лун (73 года)
Куланін:	Кудымкар, Пермскӧй область[d], РСФСР[d], СССР[d];
Удж	серпасалісь
	Медиафайлы на РУВИКИ.Медиа

Киселёв-Камский Александр Александрович (1868 во тӧвпом 8 лун, Кудымкар — 1941 во одзтӧв 10 лун, Кудымкар) — серпасалісь, Рязанскӧй художественнӧй музей аркмӧтісь.

Олантуй

Чужис 1868 во тӧвпом 8 лунӧ Кудымкарын^[1]. Помаліс Кудымкарись одзшкола да Соликамскись нёль класса училище. 1884 восянь уджаліс велӧтісьӧн Кудымкарись школаын, сэсся Кизелын. 1889 воӧ вӧлі босьтӧм армияӧ. Кысъяліс Ярославльын Нежинскӧй 137-ӧт пехотнӧй полкын. 1895 воӧ помаліс Казанскӧй юнкерскӧй училище. 1892 восянь Нежинскӧй пехотнӧй полкыс сулаліс Рязаньын^[2]. А. А. Киселёвыс кысъяліс сыын 1906 воӧдз. 1906 воӧ кырымпасаліс «Русское слово» газетаын петӧм критическӧй статья армияын порядоккез йылісь^[3]. Сы понда вӧлі пуксьӧтӧм Киевись «Косой капонир» нима тюрмаӧ. Срокыс чулалӧм бӧрын вӧлі уволитӧм армиясис кысъявны бертны правотӧг.

Кольччис овны Рязаняс. Гӧтрасис Екатерина Дмитриевакӧт. Уна уджаліс театррез понда декорацияэз керӧмын да организуйтіс художственнӧй выставкаэз. 1915 воӧ получитіс Императорскӧй художественнӧй Академиясянь серпасалӧм велӧтісь званнё. 1914—1918 воэзӧ уджаліс В. П. Екимецкая гимназияын. 1918—1941 воэзӧ уджаліс велӧтісьӧн Рязанись шӧрӧт школаэзын да нуӧтіс серпасалӧм сьӧрті студияэз.

1941 во арпомӧ бертіс семьянас Кудымкарӧ. Куліс 1941 во одзтӧв 10 лунӧ. Дзебӧм Кудымкарын.

Серпасалан удж

Велӧтчис серпасавны Рязаньын, гравёр Иван Пожалостин кипод увтын. Олан сьӧрна серпасаліс 100-ся унажык пейзаж, портрет, жанровӧй серпас. Участвуйтіс выставкаэзын Санкт-Петербургын, Москваын, Тамбовын, Ровноын, Киевын, Перемын, Вильноын. 1910 восянь пондіс гижсьыны кыдз Киселёв-Камский, мед эз сорассьы ӧтнимья серпасаліськӧт Александр Киселёвкӧт. Серпассэсӧ видзӧны Коми-Пермяцкӧй краеведческӧй музейын, Пермскӧй художественнӧй галереяын, Рязанскӧй художественнӧй музейын, Россия ӧння кадся история музейын.

1906 воӧ чулӧтіс Рязаньын медодзза художественнӧй выставка. Сійӧн ӧктісӧ сьӧм тшыгьялісь отир понда. Выставка вылас ассиныс серпассэзнысӧ сетісӧ Киселёвлӧн велӧтісь И. П. Пожалостин, Я. Я. Калиниченко, С. А. Пырсин, В. П. Соколов, З.С. Шмелёв, Н. В. Шумов да ачыс А. А. Киселёвыс. Выставка вылас мыччалісӧ тӧдчана серпасаліссезлісь серпассэз: А. Е. Архиповлісь, И.К. Айвазовскийлісь, А.П. Боголюбовлісь, В.Д. Поленовлісь^[2]. Выставкаыс уджаліс 16 лун сьӧрна, видзӧтны сійӧ вовлісӧ 1563 морт. Тшыгьялісь отир понда ӧктісӧ 148 руб 54 копейка^[2]. Выставкаыс сьӧрті бӧрті вӧлі лэдзӧм каталог.

1907—1914 воэзӧ чулӧтлывліс быдвося выставкаэз Рязаньын, кытӧн мыччалісӧ Рязанись, Москваись да Петроградісь серпассаліссезлісь уджжез. 1915 воӧ Рязаньын оссис И. П. Пожалостин нима Рязанскӧй художественно-историческӧй музей^[4]. Сія вӧлі осьтӧм А. Киселёв-Камский мог сьӧрті.

Галерея

Весенний разлив на Оке. Вид на Рязанский кремль. 1906
Февральский полдень. 1907

Пасйӧттэз

↑ [Киселев-Камский Александр Александрович] Гордость Пармы : [биографический справочник]. —Кудымкар : Коми-Пермяцкое книжное издательство, 2008. — 568 с. — С. 79.
↑ ¹ ² ³ А. Д. Сурина. Художник А.А. Киселев-Камский // Рязанский ежегодник 2018. – 2019. – Вып. 22. – с. 84 : фот.
↑ Киселев-Камский Александр Александрович (1868—1941) // Малый биографический словарь Прикамья
↑ Рязанский край в произведениях А.А. Киселева-Камского // Рязанская областная универсальная научная библиотека имени Горького

[1] [Киселев-Камский Александр Александрович] Гордость Пармы : [биографический справочник]. —Кудымкар : Коми-Пермяцкое книжное издательство, 2008. — 568 с. — С. 79.

[:0-2] ¹ ² ³ А. Д. Сурина. Художник А.А. Киселев-Камский // Рязанский ежегодник 2018. – 2019. – Вып. 22. – с. 84 : фот.

[3] Киселев-Камский Александр Александрович (1868—1941) // Малый биографический словарь Прикамья

[4] Рязанский край в произведениях А.А. Киселева-Камского // Рязанская областная универсальная научная библиотека имени Горького

[1]

[2]

[3]

[4]