И.А. Ефремов (бюст)

	Григорьев Анатолий Иванович
	И.А. Ефремов. 1956 во
	Номенклатура сьӧрті: Портрет писателя и палентолога И.А. Ефремова (бюст). Скульптура круглая. Бюст
	гипс[d], кисьтӧм[d], тонируйтӧм[d]
	Ярославскӧй художественнӧй музей[d]
	(инв. С-474)

РФ культура министерство

Министерство культуры Российской Федерации

И. А. Ефремов — бюст, кӧдӧ 1956 воӧ керис скульптор Анатолий Григорьев. Модельнас вӧлі гижись да палеонтолог Иван Ефремов. Объектыслӧн номенклатурнӧй ним рочӧн: Портрет писателя и палентолога И. А. Ефремова (бюст). Скульптура круглая^[1].

Гижалӧм

Бюстыс мыччалӧ советскӧй фантаст, палеонтолог Иван Ефремовӧс (перм.рус..

Бюстыс керӧм кыдз пӧриськодь аймортлӧн пластическӧя да анатомическӧя керӧтӧм чужӧм. Сія керӧм лажмыт трапециякодь под вылын. Юрыс бергӧтыштӧм шульга ладорӧ. Чужӧмыс сьӧкыт да кузь, етша тӧдчана анласа. Кымӧсыс абу кузь, керӧм чукыраӧн. Синкым вевдӧрыс тӧдчана, да синкыммес векнитӧсь, сукӧсь да чукляӧсь. Синнэс лапкӧс-гӧгрӧсаӧсь, синлоппес озӧ бура тӧдчӧ, сингуэс пыдынӧсь. Нырыс веськыт, векнит, нырйылыс ӧшалыштӧ, нырборддэс ыджытӧсь. Ӧмдорыс ӧшалана. Ӧмыс абу ыджыт, тырппес зэлӧтӧмӧсь, вылісь тырпыс ыджытжык. Веськыт ан вылас керӧм рельефа мампас. Тшӧкаыс ёся, ӧмдадьыс петӧм одзлань. Юрсиыс дженыт, сыналӧм бӧрланьӧ веськыт юкӧлӧн. Пеллес осьтаӧсь, ляпкысаӧсь юр бердас. Голяыс дженыт, пӧдналӧм йӧрнӧс сикӧджӧн да галстукӧн. Пельпоннэз вылас керӧм рельефа лацканнэза пиджак. Бюстыслӧн ыждаыс 46,0×44,0×33,0.

Материаллэз да техника

Бюстыс керӧм кисьтӧмӧн гипсісь. Скульпторыс уждалӧм кисьтан техниканас, мед мыччавны учӧт деталлез да текстура. Кисьтӧмыс бӧрын бюстыс вӧлі тонируйтӧм, мед аркмӧтны былькодь синбан да тӧдчана эффект.

Иналӧм

Экспонатсӧ видзӧны Ярославскӧй художественнӧй музейын (перм.рус.. Музейыс аркмӧтӧм 1919 воӧ, уджалӧ Ярославль историческӧй торын, Волга вадортуй вылын. Музейыс фондын роч, европейскӧй да асыввывся искусство керӧммез, ны лыдын важся роч серпасалӧм да гора нима мастеррезлӧн уджжез.

Содтӧт информация

1956 воӧ Анатолий Григорьев керис сідзжӧ И. А. Ефремовлісь мӧдік бюст, ыргӧнісь.

Скульптор Анатолий Григорьев вовлісис Ефремовыскӧт, гижисьыс гожйывліс скульпторыс керкуын Коктебельын^[2].

Пасйӧттэз

↑ Портрет писателя и палентолога И.А. Ефремова (бюст). Скульптура круглая. Бюст.
↑ Анастасия Хорошева. Кӧда куліс небыдсӧн. «Парма ру» («Парма» газета дынӧ содтӧт), 2016 во одзтӧв, 15-19 лб.

[1] Портрет писателя и палентолога И.А. Ефремова (бюст). Скульптура круглая. Бюст.

[2] Анастасия Хорошева. Кӧда куліс небыдсӧн. «Парма ру» («Парма» газета дынӧ содтӧт), 2016 во одзтӧв, 15-19 лб.

[1]

[2]