Зубов Сергей Петрович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Зубов.
Зубов Сергей Петров
Зубов Сергей Петрович Дорога памяти.jpg
Чужан лун 1905 во одзар 25 лун
Чужанін Калинин, Соликамскӧй уезд, Пермскӧй губерния, Российскӧй империя
Кулан лун 1975 во аршӧр 13 лун
Куланін Новочеркасск, Ростов область, РСФСР, СССР
Киндор  СССР
Кысъялан воэз 1927-1956
Званнё полковник
Тышккез/войнаэз Советско-финляндскӧй война
Великӧй Отечественнӧй война
Донтан пассэз
Ленин нима орден Гӧрд Дӧрапас орден Гӧрд Дӧрапас орден Гӧрд Дӧрапас орден Кутузов нима III степеня орден Отечественнӧй войнася I тшупӧта орден Гӧрд Кӧдзув орден медаль «За боевые заслуги» медаль «За оборону Ленинграда» медаль «За победу над Германией в Великой Отечественной войне 1941—1945 гг.» медаль «За взятие Берлина» медаль «За освобождение Варшавы»

Зубов Сергей Петрович (1905 во одзар 25 лун, Калинин, Верх-Иньва волость, Соликамскӧй уезд, Пермскӧй губерния, Российскӧй империя — 1975 во аршӧр 13 лун, Новочеркасск, Ростов область, РСФСР, СССР — военнӧй, полковник, Советско-финляндскӧй да Великӧй Отечественнӧй войнаэзын участник, петкӧтӧм Советскӧй Союзлӧн Герой званнё дынӧдз.

Олантуй

Российскӧй Федерация дорйӧм министерство документтэз сьӧрті, чужӧм 1905 во одзар 25 лунӧ[1]. Верх-Иньваись вичку метрика сьӧрті, чужӧм 1905 во гожумпом 19 лунӧ (вильмоза одзар 1 лунӧ) Верх-Иньва волостись Калининын Пётр Тимофеевич да Пелагея Семёновна Зубоввез семьяын[2].

Гӧрд Армияын 1927 во одзар 14 лунсянь[1]. Срочнӧй кысъялӧм бӧрын помаліс офицерскӧй курссэз Москваын да вӧлі ыстӧм Казахстанӧ. 1939 восянь оліс да уджаліс Ленинградын. Участвуйтіс Советско-финляндскӧй войнаын, командуйтіс батальонӧн[3].

Великӧй Отечественнӧй война пондӧтчиккоста вӧлі Ленинградас, кысъяліс сэтчин кузь блокада сьӧрна[4][3]. Блокада бӧрын вӧлі 1 Белорусской фронт 52 стрелковӧй дивизияись 153 стрелковӧй полклӧн командир[5].

1945 во тулыспомӧн вӧлі петкӧтӧм Советскӧй Союзлӧн Герой званнёӧн, но ошкӧм Гӧрд Дӧрапас орденӧн. Награднӧй листас гижӧмыс сьӧрті, Берлин понда бойезын Зубовлӧн полкыс муніс 120 км мымда Одерсянь Берлинӧдз, босьтіс 80 олӧмин, уничтожитіс 330 да босьтіс пленӧ 120 враг солдат да офицер. Полкыс босьтіс трофейезӧн 18 орудие, 36 пулемёт, 400 автомашина, 8 склад, 150 винтовка да автомат. Товарищ Зубов аслас быдлунся уджын сетӧ правильнӧй задачаэз офицерскӧй составлӧ да бойез организуйтӧм сьӧрті, вермис полк подразделеннёэзын аркмӧтны образцовӧй дисциплина[5].

Участвуйтіс Бранденбург воротаэз дынся Победа парадын[3].

1945—1947 воэзӧ велӧтчис Фрунзе нима Московскӧй военнӧй академияын, помаліс полковник званнёӧн. 1947—1951 воэзӧ кысъяліс Череповецын. 1951 воӧ вӧлі ыстӧм уджавны Новочерсскӧй Суворов нима училищеӧ, вӧлі начальниклӧн вежлісь строевой часть сьӧрті. Сы кипод увтын Новочеркасскӧй Суворов нима училищыс лоис 1952—1953 велӧтан воӧ Советскӧй Союзісь медбур Суворов нима училищеӧн[3].

Сія лӧсьӧтіс Победа параддэсӧ, кӧдна чулӧтсисӧ Ростов-на-Дону карын. 1954 воӧ юраліс суворовеццез колоннаӧн Победа парадын Москваын. Новочеркасскӧй колоннаыс оськаліс маршӧн медбура. Сы понда СССР дорйӧм сьӧрті министр Н. А. Булганин ошкис Зубовсӧ асалӧм оружиеӧн[3].

Демобилизуйтчис армиясис 1957 воӧ. 10 во сьӧрна уджаліс Новочеркасскӧй политехническӧй институтісь военнӧй кафедра вылын[3].

Куліс 1975 во аршӧр 13 лунӧ.

Донтан пассэз

  • «Боевӧй заслугаэз понда» медаль (19.10.1938)
  • «Ленинград дорйӧм понда» медаль (22.12.1943)
  • Отечественнӧй войнася I тшупӧта орден (25.01.1944)
  • Гӧрд Дӧрапас орден (24.10.1944, 03.06.1945, 06.11.1947)
  • Кутузов нима III тшупӧта орден (25.03.1945)
  • Гӧрд Кӧдзув орден (06.11.1945)
  • Ленин нима орден (20.04.1953)
  • «Берлин босьтӧм понда» медаль
  • «Варшава мездӧм понда» медаль
  • «1941-1945 воэзся Великӧй Отечественнӧй войнаын Германия вермӧм понда» медаль

Морт йылісь

  • Денис Храновский. На штурм Рейхстага // «Новочеркасские ведомости», № 7 (1287) 25 февраля — 3 марта 2015.
  • Коньшин А. Е. Комбат Зубов прорывал оборону // Парма. 2020, 19 ноября.
  • Зубов Сергей Петрович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 58-59. — 156 с. — ISBN 5-88441-032-8

Пасйӧттэз

  1. ↑ 1 2 Зубов Сергей Петрович, 1905 г.р. Память народа (видзӧтан кад 31.03.2025)
  2. ↑ Метрическая книга о рождении, бракосочетании, смерти Верх-Иньвенской Стретенской церкви за 1905 год ГКБУ «Коми-Пермяцкий окружной государственный архив» (видзӧтан кад 31.03.2025)
  3. ↑ 1 2 3 4 5 6 Денис Храновский. На штурм Рейхстага (тор) Газета «Новочеркасские ведомости», № 7 (1287) 25 февраля — 3 марта 2015. С. 12. (быдсӧн)
  4. ↑ Зубов Сергей Петрович, 1905 Книга памяти блокадного Ленинграда (видзӧтан кад 31.03.2025)
  5. ↑ 1 2 Зубов Сергей Петрович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 58-59. — 156 с. — ISBN 5-88441-032-8

Ыстӧттэз

Босьтӧма "https://koi.ruwiki.ru/w/index.php?title=Зубов_Сергей_Петрович&oldid=205004"-ись