Замятин Николай Александрович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Замятин.
Замятин Николай Александрович
Zamyatin N A.jpg
Чужан лун 1916 во тулыспом 22 лун
Чужанін Перем, Пермскӧй губерния, Российскӧй империя
Кулан лун 1994 во одзгожум 12 лун
Куланін Жуковский, Москва область, Российскӧй Федерация
Званнё СССР ВВС капитан
Сраженнёэз/войнаэз
Донтан пассэз
Орден Октябрьской Революции Орден Красного Знамени Орден Красного Знамени Орден Отечественной войны II степени
Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» SU Medal For the Defence of the Soviet Transarctic ribbon.svg Медаль «За победу над Германией в Великой Отечественной войне 1941—1945 гг.» SU Medal Twenty Years of Victory in the Great Patriotic War 1941-1945 ribbon.svg
SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg Медаль «За победу над Японией» Медаль «Ветеран труда»
SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg SU Medal 70 Years of the Armed Forces of the USSR ribbon.svg
Honoured Test Pilot of the USSR.png

Замятин Николай Александрович (1916 во тулыспом 22 лун, Перем, Пермскӧй губерния, Российскӧй империя — 1994 во одзгожум 12 лун, Жуковский, Москва область, Российскӧй Федерация) — СССР-лӧн Заслуженнӧй лётчик-испытатель (1964), капитан (1958).

Олантуй

[вильмӧтны | править код]

Чужис 1916 во тулыспом 22 лунӧ (важмоза — тулыспом 9 лунӧ) Перемын. Быдмис Ильинскӧйын да Кудымкарын. Помаліс сизимкласса школа. 1934 воӧ помаліс Кудымкар вӧртехникум[1]. 1935 воӧдз уджаліс вӧрзаптісь техникӧн.

1940 воӧ помаліс Свердловскӧй канму университет (ӧння кадӧ — А. М. Горький нима Уральскӧй канму университет) да Свердловскӧй аэроклуб.

Армияын 1940 во тулысшӧрсянь. 1940 во одзтӧлӧдз велӧтчис Свердловскӧй военнӧй авиашколаын. 1941 воӧ помаліс военнӧй авиашкола Тамбовын, 1942 воӧ — Липецкын ВВС велӧтан центр.

Великӧй Отечественнӧй войнаын участник: 1942 во тӧвшӧр-арпомын — 608-ӧт бомбардировочнӧй авиаполк лётчик, 1942 во арпомсянь 1944 во одзтӧлӧдз — лётчик, старшӧй лётчик да звено командир 137-ӧт (1943 во гожумпомсянь — 114-ӧт гвардейскӧй) бомбардировочнӧй авиаполкын. Воюйтіс Карельскӧй фронтын. Участвуйтіс Заполярье дорйӧмын. Керис Пе-2 бомбардировщикӧн 30 боевӧй лэбьӧм.

Участвуйтіс 1945 вося Советско-японскӧй войнаын, вӧлі 114-ӧт гвардейскӧй бомбардировчнӧй авиаполкись авиаэскадрилья командир вежлісьӧн. Воюйтіс Забайкальскӧй фронтын. Участвуйтіс Маньчжурскӧй операцияын. Керис Пе-2 бомбардировщикӧн разведка нуӧтан лэбзьӧммез.

1946 во тӧвпомсянь старшӧй лейтенант Н. А. Замятин — запасын. 1946 во гожумпомянь уджаліс инженерӧн М. М. Громов нима Лётно-исследовательскӧй институтын.

1947—1971 воэзӧ — М. М. Громов нима Лётно-исследовательскӧй институтын лётчик-испытатель. Уджӧтіс Ту-2 самолётся дозаправка система (1949 воӧ), пондыліс уджын турбореактива двигателлез: ВК-7 Ту-4ЛЛ вывся (1953 воӧ), АЛ-7 Ту-4ЛЛ вывся (1955 воӧ), ВК-3 Ту-4ЛЛ вывся (1955 воӧ), АМ-3М Ту-16ЛЛ вывся (1955 воӧ), ВД-7 М-4ЛЛ вывся (1956 воӧ). Участвуйтіс ылісь бомбардировщик Ту-4 уджӧтӧмын (1948 воӧ); керан атомнӧй бомба корпуслӧн баллистическӧй характеристикаэз туялӧмын (Ту-4 вылын) (1948 воӧ); самолётӧн бустера веськӧтлӧм уджӧтӧмын Ju-388 вылын (1950 воӧ) да «152» мыччалан самолётын двигатель уджӧтӧмын (1958 воӧ); пуксьӧтан автосистема да виль командно-пилотажнӧй индикация уджӧтӧмын[2].

1971—1989 воэзӧ уджаліс М. М. Громов нима Лётно-исследовательскӧй институтын ведущӧй инженерӧн.

Оліс Жуковскӧйын.

Куліс 1994 во одзгожум 12 лунӧ. Дзебӧм Москва областись Островцы деревняын[3].

Донтан пассэз

[вильмӧтны | править код]
  • 2 Гӧрд Дӧрапас орден (14.07.1944; 3.09.1945)
  • СССР-лӧн Заслуженнӧй лётчик-испытатель (21.08.1964)
  • Октябрьскӧй революция орден (1976)
  • Отечественнӧй войнася II тшупӧта орден (11.03.1985)
  • медаллез

Пасйӧттэз

[вильмӧтны | править код]
  1. ↑ Замятин Николай Александрович Электронная энциклопедия "Ильинский: время, события, люди" Видзӧтан кад: 19.05.2025
  2. ↑ Валерий Агеев. Заслуженный лётчик-испытатель СССР Николай Замятин Авиация России (09.05.2022) Видзӧтан кад: 19.05.2025
  3. ↑ Замятин Николай Александрович Пантеон России Видзӧтан кад: 19.05.2025

Лыддьӧтан

[вильмӧтны | править код]
  • Васин В. П., Симонов А. А. Испытатели ЛИИ. — Жуковский: Авиационный Печатный Двор, 2001. — С. 36. — 192 с. — ISBN 5-93705-008-8.
  • Симонов А. А. Заслуженные испытатели СССР. — М.: Авиамир, 2009. — С. 82. — 384 с. — ISBN 978-5-904399-05-4.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Замятин_Николай_Александрович&oldid=137576"-ись