Заветнӧй клад (этнопарк)

Босьтöм Рувикиись
Заветнӧй клад
Вход в этнопарк Заветный клад 2020 Надежда Климова.jpg
Информация
Типэтнокультура да шоччисян парк 
Аркмӧтан кад2012 
Иналӧм
58°58′13″ с. ш. 54°34′07″ в. д.HGЯO
Страна
Субъект РФПермскӧй край

Заветнӧй клад (рочӧн Заветный клад) — коми-пермяккез мифология сьӧрті этнокультурнӧй парк Пешнигортын.

Иналӧм

Паркыс осьтӧм Иньва кӧджын Пешнигорт да сы юсай дор коласын. Одзжык сэтн чулӧтсьывлісӧ посадся да районся вежалуннэз, окружнӧй фестиваллез. Отирыс шуӧны кӧджсӧ Чуд лудӧн. Паркыслӧн ӧтласа ыждаыс — 108000 м²[1].

Этнопарклӧн план

Аркмӧтӧм

Паркыс вӧлі аркмӧтӧм 2012 воӧ[1]. Сэк тулыспом 26 лунӧ чулаліс медодзза «Заветнӧй клад» нима вежалун, кӧда коста Пешнигорт шӧрӧт школаись велӧтчиссез садитісӧ пуэз[2][3]. Лудыс шӧрӧ вӧлі пуктӧм из — парк аркмӧтан символ[2].

Парксӧ аркмӧтӧм инициаторӧн вӧлі сы кадся Пешнигортся РДК директор Ольга Радостева. Сэтшӧм идеяыс чужис, сідз кыдз Пешнигортас чужис да оліс ыджыт коми гижись да фольклор туялісь Василий Климов[4]. Паркыс шуӧм сы роч кывья коми-пермяцкӧй фольклор ӧктӧт сьӧрті[5][6].

2012—2015 воэзӧ паркас сувтӧтісӧ быдберся пуись керӧм арт-объекттэз, кӧднӧ керисӧ мастеррез Василий Войлоков да Алексей Мехоношин. Медшӧр арт-объектнас лоис «Зарниа пыж», кӧда кольччис 2011 воӧ чулӧтӧм «ЧУДный карнавал» бӧрсянь[7].

2020 воӧ «Оласӧ да вӧласӧ» проект сьӧрті парксӧ вильмӧтісӧ, вевдісӧ бур туёккез да вежисӧ мукӧд арт-объектсӧ[8][9].

Этнопаркас, шульгаланяс тӧдчӧ Увтыр пу, веськыта — пыранін. 2022 во. Фотоыс Евгений Климовлӧн

Локацияэз

Зарниа пыж

Зарниа пыж — из постамент вылын быль ыждаа декоративнӧй пуовӧй пыж, кӧда керӧм важся коми совдоз кодь формаа, чӧж чужӧма. Важ висьтӧс сьӧрті, кӧдӧ отирлісь гижис Василий Климов, Иньва кӧджас «чучкиэз» кадӧ вӧйӧм зарниӧн да эзысьӧн тыртӧм пыж. Лыддиссьӧ, мый сійӧ адззӧмыс ваяс коми-пермяккезлӧ бур олӧм[7].

«Зарниа пыж». 2022 во. Фотоыс Евгений Климовлӧн

Увтыр пу

Увтыр пу — пуись скульптура, символизируйтӧ увтырись отирлісь йитӧттэз. Традиция сьӧрті, том пусӧ садитісӧ керку дынӧ да видзӧтісӧ, кыдз сія быдмӧ - сэтшӧмӧн лоас олӧм. Паркӧ вовліссез кӧрталӧны пу уввез бердӧ ленточкаэз[8].

«Увтыр пу» скульптура. 2024 во. Фотоыс Евгений Климовлӧн

Олан гу — Леш Ена горт

Олан гу (Леш Ена горт) — родановса кадся олан гу реконструкция. Легенда сьӧрті, паркыс местын вӧлі Пешнигорт аркмӧтісьлӧн — Лёш Еналӧн — олан гу[10][11].

Олан гуӧ пыран. 2020 во. Фотоыс Надежда Климовалӧн

Вӧралан кытш

Вӧралан кытш — ыджыт кытшша лабич, пуклӧсӧттис мичӧтӧм вит вӧрпа мыччалана серрезӧн, кыдз Кӧчладорся Маскальын XIX сёвоын адззӧм важся вӧралан кадпас. Вит вӧрпаыс мыччалӧны нёль кадкост: вурд (ар), мӧй (тӧв), ур (тулыс) да кык кӧин (гожум)[8].

Экскурсия вӧралан кытшыс дынын. 2024 во

Кар йыв

Кар йыв — челядь понда орсанін.

Видз гу

Видз гу — увтыр кейман, ӧння кадся важся кейманлӧн интерпретация. Василий Климов версия сьӧрті, «вичку» кылыс аркмӧм «видз гу» кывтэчасісь.

Дюттян

Дюттян — гозъя понда дюттян, мичӧтӧм Перем вӧрпа стильын керӧм серрезӧн.

Дюттян. 2020 во. Фотоыс Надежда Климовалӧн

Уджалӧм

Этнопаркас позьӧ пырны быдлӧ. Сія озӧ видзӧ пӧданӧн.

Туристическӧй группаэз понда корӧм сьӧрті Пешнигорт РДК-ын уджаліссез чулӧтӧны экскурсияэз[12][13].

Этнопаркас быд во чулӧтсьӧ «Заветнӧй клад» нима вежалун[14][1][4]. Ны коста помечӧн бурсьӧтӧны пытшксӧ.

Этнопаркас чулӧтсьӧны мунципальнӧй да краевӧй мероприяттёэз. Сія сідзжӧ пыртӧм туристическӧй маршруттэзӧ Коми-Пермяцкӧй округӧт[1][15].

Пасйӧттэз

  1. ↑ 1 2 3 4 Праздник «Заветный клад» рус.. eventsinrussia.com. Видзӧтӧм 24 Гожумшӧр 2025.
  2. ↑ 1 2 «Заветный клад» Чудского поля // Новые поступления в СИФ рус.. Коми-Пермяцкий окружной государственный архив (2012-06-25). Видзӧтӧм 24 Гожумшӧр 2025.
  3. ↑ Алёна Измайлова. 26 и 27 мая: как провести выходные? Все развлечения Перми в одном обзоре!, Business Class (26 Тулыспом 2012). Дата обращения: 24 Гожумшӧр 2025.
  4. ↑ 1 2 Прикоснулись к заветным мечтам. Иньвенский край (2022-08-25). Видзӧтӧм 24 Гожумшӧр 2025.
  5. ↑ В свет вышел сборник коми-пермяцкой мифологии «Заветный клад», 59.ru (4 Аршӧр 2007). Дата обращения: 24 Гожумшӧр 2025.
  6. ↑ Юлия Баталина. Чудь — от первого лица, Новый компаньон (16 Аршӧр 2007). Дата обращения: 24 Гожумшӧр 2025.
  7. ↑ 1 2 Где спрятано золото племени чудь?. Официальный туристический сайт Пермского края (30 июля 2015). Видзӧтӧм 24 Гожумшӧр 2025.
  8. ↑ 1 2 3 В Пешнигорте воссоздали календарь древних коми-пермяков. Вести-Пермь (2020-07-24). Видзӧтӧм 24 Гожумшӧр 2025.
  9. ↑ В Прикамье начал работу обновлённый этнопарк, посвященный коми-пермяцкой культуре. Местное время (21.07.2020). Видзӧтӧм 24 Гожумшӧр 2025.
  10. ↑ Елена Третьякова. Четыре причины совершить путешествие к земле древней чуди, Комсомольская правда (23 Арпом 2021). Дата обращения: 24 Гожумшӧр 2025.
  11. ↑ Варвара Гусева. Пешнигорт – земля загадочного народа чудь  — Наш Урал и весь мир, Наш Урал и весь мир (27 Тулыспом 2020). Дата обращения: 24 Гожумшӧр 2025.
  12. ↑ Экскурсия в этнопарк «Заветный клад» 2024, Кудымкарский район — дата и место проведения, программа мероприятия., Культура.РФ. Дата обращения: 24 Гожумшӧр 2025.
  13. ↑ Театрализованная экскурсия в этнопарк «Заветный клад». Администрация Кудымкарского муниципального округа. Видзӧтӧм 24 Гожумшӧр 2025.
  14. ↑ Праздник «Заветный клад». komiperm100.ru. Видзӧтӧм 24 Гожумшӧр 2025.
  15. ↑ Автобусный тур на Фестиваль «Заветный клад» (Пешнигорт - Кудымкар). zolotoy-kompas.ru. Видзӧтӧм 24 Гожумшӧр 2025.

Ыстӧттэз

Босьтӧма "https://koi.ruwiki.ru/w/index.php?title=Заветнӧй_клад_(этнопарк)&oldid=216244"-ись