Дӧс Вежаэзлӧн вичку (Перем)

Дӧс Вежаэзлӧн вичку
	Вичку
Дӧс Вежаэзлӧн вичку
	58°00′39″ с. ш. 56°15′59″ в. д.HGЯO
Канму	Российскӧй Федерация
Кар	Перем
Конфессия	Православие
Епархия	Перем епархия
Архитектура стиль	Роч классицизм
Строитель	Дмитрий Смышляев
Архитектор	Иван Свиязев
Аркмӧтісь	архиепископ Аркадий (Фёдоров)
Лэбтӧм	1832 во — 1836 во
Статус	ОКН № 5910003000№ 5910003000
Видзалӧм	уджалана
	Медиафайлы на РУВИКИ.Медиа

архитектура памятник (федеральнӧй)

Дӧс Вежаэзлӧн вичку (рочӧн Храм Всех Святых) — дзебсян вичку Перем карся Егошиха шойнаын, пырӧ Роч православнӧй вичку (перм.рус. Пермскӧй митрополиялӧн Перем епархияись Медодзза карся благочиннёӧ. Федеральнӧй тӧдчӧта культура эмбур объект.

История

Медодзза Дӧс Вежаэз вичкуыс Егошиха шойнаын (перм.рус. вӧлі лэбтӧм 1780-ӧт воэзӧ^[1]. 1832 воӧ сія вӧлі вежаӧтӧм Вежа Енмам Успеннё нимаӧн да ӧні шусьӧ Енмам Успеннё вичкуӧн. Ӧнняся вичкуыс вӧлі лэбтӧм шойна виль дорӧ. Сійӧ лэбтӧмын инициаторнас лоис кар юралісь 1-й гильдияись купец Дмитрий Смышляев (перм.рус., кӧда 1823 возйис вӧзйис вичку лэбтӧмсӧ карся думалӧн заседаннё коста да корис карын оліссезӧс ӧктыны сьӧм. Ачыс сія кык во сьӧрна кӧсйисис сетна эта понда 5 сюрс руб. Идеяыс вӧлі ошкӧм, да Перемись купеццез сетны вичкуыс понда 100—200 рубӧн быдыс. Мещанскӧй общество тшкӧтіс, мед быд ревизскӧй душа куим во сьӧрна сетіс 2 руб. 1823 во арпом 15 лунӧ Д. Е. Смышляев сетіс рапорт Пермскӧй гражданскӧй губернатор ним вылӧ сэтшӧм решеннё йылісь. Карся думасянь Пермскӧй гражданскӧй губернатор ним вылӧ 1824 во одзтӧв 14 лунся № 1701 рапортын вӧлі гижӧм, мый карся общество мӧдӧ лэбтыны вичку:

…Сибирскӧй тракт кузя кар дынсянь 2 верста ылынаын, туй веськытланяс, 200 саженься не ылынжык бӧрыньтчӧмӧн, Живоначальнӧй Троица нимӧн, Дӧсвидзись Сретеннё веськытланяс да Александр Невский шульгаланяс приделлезӧн.

1825 воӧ вичку лэбтӧм понда кирпич керӧм понда вӧлі лэбтӧм торья гор. 1826 во гожумшӧр 7 лунӧ Пермскӧй губернскӧй правленнё лэдзис лэбтыны вичкусӧ бӧрйӧм местаын, кӧдӧ губернскӧй архитектор Васильев лыддис лӧсяланаӧн строитӧм понда, а Пермскӧй губернскӧй землемерлісь плансӧ сетны карся думаӧ олӧмӧ пӧртӧм понда. Вичку проектируйтӧм да лэбтӧм понда архитекторӧн вӧлі бӧрйӧм Иван Свиязев (перм.рус.. Сія лӧсьӧтіс вичкулісь план да фасад, сы строитӧм понда смета, мый понда босьтіс гонорар 500 руб. Свиязев одзын сулаліс мог проектируйтны вичкусӧ сідз, медбы сыӧ вермис тӧрны не унажык 450 мортся, а сылӧн аслас вӧлі придел, кӧда должен вӧлі сулавны вичкуӧ пыранін весьтын колокольня увтын и не ыждӧтны сооруженнёлісь площадьсӧ. Сэтчӧ жӧ строитӧмыс эз вермы сувтны город понда ӧддьӧн дона. Но Свиязевӧн лӧсьӧтӧм проектсӧ губернскӧй архитектор Васильев ошкис дзир архитектурнӧй решеннёэз понда^[2].

1832 во тулыспом 30 лунӧ архиепископ Аркадий (Фёдоров) вежаӧтіс вичку лэбтанінсӧ да сэчтӧ вӧлі пуктӧм медодзза из. Строитӧмыс кыссис 4 во сьӧрна да помассис 1836 воӧ. 1836 во арпом 29 лунӧ вӧлі вежаӧтӧм медодзза придел, да 1838 воӧ быдсӧн вичкуыс, кӧдалӧ вӧлі сетӧм Дӧс Вежаэз ним^[1].

Смышляев Д. Е. чайтіс осьтны вичкуыс дынӧ иньпӧлӧс монастырь, но эз пет.

1838—1852 воэзӧ вичкуыс вӧлі Петропавловскӧй собор дынсяӧн. 1852 во гожумшӧрсянь лоис асъюралана приходӧн. 1896 восянь сыын пондіс уджавны аслас дякон. 1912 воӧ вичкуас пондіс уджавны мӧдік псаломщик да оссис поп вакансия.

Октябрьскӧй революция бӧрын, 1920-1930-ӧт воэзӧ, вичкуыс вӧлі раскольник-обновленеццез кипод увтын.

1941 во тӧвпомӧ вичкуыс вӧлі пӧдналӧм сы аварийнӧй состояннё кузя, 1942 во тӧвпомӧ вились осьтӧм да сетӧм митрополит Сергийлӧ. 1943 во гожумпом 19 лунӧ вичкусӧ вежаӧтіс Новосибирскӧй да Барнаульскӧй митрополит Варфоломей, 1943 во одзар 7 лунсянь 1944 во тулыспом 25 лунӧдз вичкуыс вӧлі Молотовскӧй епархияись епископлӧн кафедральнӧй соборӧн^[3].

1943 годӧ вичкуас вӧлі керӧм ремонт: штукатуритӧм, ӧшыннэз да ыбӧссэз тыртӧм, керӧмась белитӧм да краситӧм. 1957—1958 воэзӧ вӧлі вились мичӧтӧм, ремонтируйтӧм иконостас. 1960 воэзӧ вӧлі ремонтируйтӧм фасад. 2010-ӧт воэзӧ вичкусӧ реставрируйтісӧ.

Гижалӧм

Вичкуыслӧн керкуыс лэбтӧм роч классицизм стильын кыдз ыджыт купола ойвыв да лунвыв портиккеза ротонда. Колокольняыс лэбтӧм медшӧр керку рытладорын, сія барокко элементтэза да классическӧй формаа. Притвор весьтын мӧдік этажын сулалӧ эшӧ ӧтік вичку, кӧда йитӧм мӧдік храмыскӧт пыса ветланінӧн. Вичкуас вӧлісӧ кык престол — медшӧр престолыс Дӧс Вежаэз нима, да хоррез вывсяыс — Мездісь Сретеннё нима.

Дӧс Вежаэзлӧн вичкуыс видзӧ ассис синбансӧ ӧння кадӧдз: дзир 1879 воӧ рытладорсяняс вӧлі керӧм вичку притвор бердӧ пристройка чертёжник Колесников проект сьӧрті, да 1909 воӧ архитектурно-строительнӧй бюроись А. Б. Турчевич проект сьӧрті вӧлі керӧм колокольня вевт.

Вичкуын уджаліссез

Вичкуас берся кадӧ уджалісӧ:

Евгений Попов (1865—1869)
Иоанн Будрин (1869—1912)
Александр Осипов (1942—1944)
Александр (Толстопятов), архиепископ

Пасйӧттэз

↑ ¹ ² Храм Всех святых (г. Пермь). Пермская митрополия. Видзӧтӧм 31 Гожумшӧр 2025.
↑ Марченко А.Н. Церковь Всех Святых — первый храм на Егошихинском кладбище. К 220-летию со дня освящения храма.. — Пермь: Астер, 2004. — С. 13. — 24 с.
↑ Перескоков Л. В. Храм Всех Святых (2009-12-14). Видзӧтӧм 31 Гожумшӧр 2025.

Литература

Марченко А. Н. Церковь Всех Святых - первый храм на Егошихинском кладбище: к 220-летию со дня освящени храма. — Пермь: Астер, 2004. — 24 с.

Ыстӧттэз

Гайсин О. Д. ЦЕРКОВЬ ВО ИМЯ ВСЕХ СВЯТЫХ рус.. Метросфера. Архивируйтӧм первоисточник сьӧрті 5 Одзтулыс 2014. Видзӧтӧм 31 Гожумшӧр 2025.
Храм Всех Святых. История прихода рус.. Пермский портал для православных. Видзӧтӧм 31 Гожумшӧр 2025.

[:0-1] ¹ ² Храм Всех святых (г. Пермь). Пермская митрополия. Видзӧтӧм 31 Гожумшӧр 2025.

[2] Марченко А.Н. Церковь Всех Святых — первый храм на Егошихинском кладбище. К 220-летию со дня освящения храма.. — Пермь: Астер, 2004. — С. 13. — 24 с.

[3] Перескоков Л. В. Храм Всех Святых (2009-12-14). Видзӧтӧм 31 Гожумшӧр 2025.

[1]

[2]

[3]