Петропавловскӧй собор (Перем)
| Вичку | |
| Петропавловскӧй собор | |
|---|---|
 | |
| 58°01′08″ с. ш. 56°15′22″ в. д.HGЯO | |
| Канму | |
| Кар | Перем |
| Конфессия | Православнӧй |
| Епархия | Пермскӧй |
| Керку тип | вичку |
| Архитектура стиль | барокко |
| Лэбтӧм | 1757—1781 воэз |
| Статус |
 Россия йӧззэзлӧн культура эмбур объект федеральнӧй тӧдчӧта. Рег. № 591410305520006 (ЕГРОКН). Объект № 5910013000 (БД Викигида) |
| Видзалӧм | умӧлькодь |
 |
|
 Медиафайлы на РУВИКИ.Медиа | |
Петропавловскӧй собор (рочӧн Петропавловский собор) — вичку Перемын, карын медодзза изісь лэбтӧм керку. Сулалӧ Петропавловскӧй улица пондӧтчанінын, Разгуляй микрорайонын, сія местаын, кысянь пондӧтчис Перем кар. Лэбтӧм провинциальнӧй барокко стильын.
История
1723 воӧ Сибирскӧй казённӧй заводдэзлӧн юралісь Вильгельм Геннин тшӧктіс керны Егошиха (Ягошиха) ваӧм дорын ыргӧнкерӧтан завод. 1724 воӧ заводкӧт ордчӧн пондісӧ лэбтыны пуись вичку, да 1757 воӧ сэтчӧ вӧлі пуксьӧтӧм Пётр да Павел нима изісь вичку, кӧдӧ лэбтісӧ 1764 воӧ[1]. 1781 во гожумпом 12 лунӧ вичкусӧ шуисӧ Петропавловскӧй соборӧн[2]. Поппезӧс аслас киэзӧн сувтӧтліс Екатерина ІІ. Кык сёво сьӧрна соборас кысъялісӧ Пермскӧй епархияись духовнӧй йӧз. Собор уджаліс и советскӧй власть дырнася медодзза воэзӧ.
1929 во тулысшӧр 13 лунӧ (Совнаркомлӧн тулысшӧр 8 лунся указ бӧрын) антирелигиознӧй кампания дырни соборыс вӧлі пӧдналӧм. Ликвидационнӧй комиссия, кытчӧ пырисӧ карся администрацияын уджалісь, поп, участковӧй милиционер да мӧдік морттэз, шуис торйӧтны соборлісь эмбурсӧ. Веритіссезлӧ сетісӧ куим престол, алтарь, вежа небӧггез да мый да, а йӧрйӧм керкусӧ сетісӧ коммунальнӧй хозяйство видзись ведомствоӧ.
Великӧй Отечественнӧй война коста Петропавловскӧй вичкуись керкусӧ используйтісӧ оборона Наркоматлӧн мастерскӧйез пыдди. Соборкӧт ордчӧн вӧлісӧ лӧсьӧтӧмӧсь военнӧй госпиталь да аптекаэз. 1960 воӧ вичкусӧ сетісӧ Пермскӧй мотовозоремонтнӧй заводлӧ. Екатерининскӧй приделын вӧлі лӧсьӧтӧм спортзал. Соборлӧн своддэз сія кад кежӧ дзикӧдз киссисӧ, нійӧ вежисӧ металлическӧй фермаэзӧн, кӧдна вылӧ крепитісӧ ӧшӧтӧм потолок. Кык галерея фундамент вылӧ лэбтісӧ пристройез — заводскӧй клуб да общежитие понда[3].
1973 воӧ вичкуас пондісӧ уджавны Пермскӧй научно-реставрационнӧй мастерскӧйез. Реставрационнӧй мастерскӧйезлӧн уджаліссез отсӧтӧн 1970-ӧт воэзӧ мымдакӧ реставрируйтны Петропавловскӧй соборсӧ. Бӧр лӧсьӧтісӧ вевтсӧ и вичку юрресӧ да алтарьсӧ, но сёянінісь свод да барокко декорыс вӧлі ӧштӧм. Вичку пытшкыс вӧлі торйӧтӧм нёль этаж вылӧ.
1990 воӧ соборыс вӧлі сетӧм Роч православнӧй вичкулӧ. Сійӧ реставрируйтісӧ. Ӧння кадӧдз сыын чулӧтсьӧны вичку службаэз.
Вичкуын уджаліссез
1916—1922 воэзӧ вичкунас юраліс вӧлі Никита (Делекторский), одзланься священномученик.
Пасйӧттэз
- ↑ Петро-Павловский собор. Государственный архив Пермского края. Видзӧтӧм 17 Гожумшӧр 2017.
- ↑ Трапезников В. Н. Летопись города Перми Архивная копия от 31 Аршӧр 2017 на Wayback Machine
- ↑ Петропавловский собор (г. Пермь) — Пермская митрополия. Пермская епархия. Видзӧтӧм 15 Гожумшӧр 2025.
Литература
- Комитет по делам архивов Пермской области. Монастыри, церкви и часовни Перми. Пермь, 2002.
- Спешилова Е. Старая Пермь: Дома. Улицы. Люди. 1723-1917. — Пермь: Курсив, 1999. — 580 с. — 5000 экз.
- Корчагин П. А. Губернская столица Перм. Пермь: Книжный мир, 2006.
- Пермь. Путеводитель-справочник. Пермь: Пермское книжное издательство, 1970.
Ыстӧттэз
- Петропавловскӧй собор йылісь // Пермская митрополия Видзӧтан кад: 15.07.2025