Голев Леонид Дмитриевич

Голев Леонид Дмитриевич
Голев Леонид Дмитриевич
Чужан лун	1925 во одзтулыс 21 лун
Чужанін	Вуровчи (Кудымкар район), Степановчи посадму, Кудымкар район, Коми-Пермяцкöй автономнöй округ[d], Уральская область[d], РСФСР[d], СССР[d];
Кулан лун	1980 во тулысшӧр 28 лун (55 лет)
Куланін	Перем, РСФСР[d], СССР[d];
Войскоэз род	артиллерия[d]
Званнё	Старшӧй лейтенант[d]
Сраженнёэз/войнаэз	Великӧй Отечественнӧй война[d];
Донтан пассэз	; ;

Голев Леонид Дмитриевич (1925 во одзтулыс 21 лун, Выровчи, Кудымкар район, Коми-Пермяцкӧй национальнӧй округ, РСФСР, СССР —1980 во тулысшӧр 28 лун, Перем, РСФСР, СССР) — Великӧй Отечественнӧй войнаын участник, Советскӧй Союзлӧн Герой, РСФСР-лӧн Заслуженнӧй тренер.

Олантуй

Чужис 1925 во одзтулыс 21 лунӧ Выровын^[1]. Помаліс шӧрӧт школа. Уджаліс техник-геодезистӧн Пермскӧй геолого-нефтянӧй контораын.

1943 во одзтӧлӧ корсис фронт вылӧ. Велӧтчис Киров нима Ленинградскӧй военно-пехотнӧй училищеын, сы кадӧ сія вӧлі эвакуируйтӧм Березникӧ. 1943 во гожумӧн муніс фронт вылӧ. Воюйтіс Курскӧй битваын. Вӧлі 2 Украинскӧй фронт 37-ӧт армияись 110-ӧт гвардейскӧй стрелковӧй дивизия 310-ӧт гвардейскӧй стрелковӧй полк истребительно-противотанковӧй батарея 45-мм орудиелӧн наводчикӧн.

1943 во аршӧр 1-21 луннэзӧ Днепр форсируйтӧм дырни Куцеволовка посад дын (Украинскӧй ССР, Кировоградскӧй область, Онцфриевскӧй район) аслас орудиеӧн осьтіс туй пехота подразделеннёэзлӧ. Аршӧр 7 лунӧ орудиеыс жугаліс, расчётыслӧн командирыс вӧлі дойдӧм. Голевыс кутчис юравны расчетнас да гранатаэзӧн падмӧтіс врагыслісь контратакасӧ. Эна луннэзӧ уничтожитіс враглісь 5 танк, 1 САУ «Фердинанд», 3 пулемётнӧй поз, 50 солдат да офицер. Ӧтік бой коста вӧлі ӧддьӧн дойдӧм да контузитӧм.

Госпиталь бӧрын Голевсӧ ыстісӧ велӧтчыны военно-морскӧй авиационнӧй училищеӧ, кӧдӧ сія помаліс 1945 воӧ. 1946 воӧ старшӧй лейтенант званнёын вӧлі иньдӧм запасӧ 2 группа инвалидность кузя.

Оліс Ленинградын. 1951 воӧ гӧрд дипломӧн помаліс Ленинградскӧй государственнӧй университетісь юридическӧй факультет. Сы коста занимайтчис самбоӧн, унапырся Ленинград чемпион. Инфаркт кузя колис самбо карьерасӧ да кутчис тренер удж бердӧ.

1961 воӧ муніс овны Перемӧ. Уджаліс самбо сьӧрті тренерӧн «Динамо» ДСО-ын. 1969 восянь — Пермскӧй политехническӧй институтын велӧтісьӧн^[2]. Быдтіс 20-ся унажык самбо сьӧрті спорт мастер^[3].

Куліс 1980 во тулысшӧр 28 лунӧ куимӧт инфарктсянь. Дзебӧм Перемын.

Донтан пассэз

Отечественнӧй войнася II тшупӧта орден (1943)
Советскӧй Союзлӧн Герой («Зарниа Кӧдзув» медаль № 3382, Ленин нима орден (1944)
«1941-1945 воэзся Великӧй Отечественнӧй войнаын Германия вермӧм понда» медаль

Касьтылӧм

1985 — Перемын Межевая улицалісь нимсӧ вежисӧ Л. Д. Голев нима вылӧ^[4].
Кудымкарись самбо сьӧрті школа шусьӧ Леонид Голев нимӧн^[5]

Пасйӧттэз

↑ [Голев Леонид Дмитриевич (1925‒1980), Герой Советского Союза] База данных «Герои Советского Союза и полные кавалеры ордена Славы» // Коми-Пермяцкий окружной государственный архив
↑ [Ветераны Пермского политеха: Леонид Голев] 05.08.24 // ФГАОУ ВО «Пермский национальный исследовательский политехнический университет». Видзӧтан кад: 21.10.2024
↑ [Голев Леонид Дмитриевич. Герой Советского Союза] Герои спорта Прикамья / Музей спортивной славы // ГКАУ «Центр спортивной подготовки Пермского края»
↑ День в истории : календарь знаменательных и памятных дат Пермского края : с приложением Краткого перечня основных дат в истории Пермского края. — Изд. 2-е, доп. / Перм. гос. краев. универс. б-ка им. А. М. Горького; сост. Т. И. Быстрых. — Пермь : [б. и.], 2007. — 312 с. — С. 61.
↑ ГБУ ДО ПК «СШОР имени Л. Д. Голева»

Лыддьӧтан

Герои Советского Союза, полные кавалеры орденов Славы — уроженцы Коми-Пермяцкого автономного округа. Сборник буклетов / Составитель Ю. Зубов. — Кудымкар: Кудымкарское бюро путешествий и экскурсий, 1985 г.
Конин Г. К. Подвиги героев бессмертны. Очерки. ‒ Кудымкар: Коми-Перм. кн. изд-во, 2005. С. 52‒63.
Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. — Издание испр. и доп. ‒ Пермь : Изд-во «Пушка», 2020. С.108.

Ыстӧттэз

Голев Леонид Дмитриевич, Всероссийская федерация самбо
Голев Леонид Дмитриевич йылісь «Герои страны» сайтын
Голев Леонид Дмитриевич йылісь «Память народа» сайтын

[1] [Голев Леонид Дмитриевич (1925‒1980), Герой Советского Союза] База данных «Герои Советского Союза и полные кавалеры ордена Славы» // Коми-Пермяцкий окружной государственный архив

[2] [Ветераны Пермского политеха: Леонид Голев] 05.08.24 // ФГАОУ ВО «Пермский национальный исследовательский политехнический университет». Видзӧтан кад: 21.10.2024

[3] [Голев Леонид Дмитриевич. Герой Советского Союза] Герои спорта Прикамья / Музей спортивной славы // ГКАУ «Центр спортивной подготовки Пермского края»

[4] День в истории : календарь знаменательных и памятных дат Пермского края : с приложением Краткого перечня основных дат в истории Пермского края. — Изд. 2-е, доп. / Перм. гос. краев. универс. б-ка им. А. М. Горького; сост. Т. И. Быстрых. — Пермь : [б. и.], 2007. — 312 с. — С. 61.

[5] ГБУ ДО ПК «СШОР имени Л. Д. Голева»

[1]

[2]

[3]

[4]

[5]