Гайна гортладор туялана музей
РФ культура министерство
| А. Я. Созонов нима Гайна гортладор туялана музей | |
|---|---|
 | |
| Аркмӧтан кад | 1959 |
| Адрес | Пермскӧй край, Гайна, Дзержинский нима ул, 47 к. |
| Директор | Степанова Елена Григорьевна |
| Сайт | www.museum-gainy.ru |
 |
|
А. Я. Созонов нима Гайна гортладор туялана музей (рочӧн Гайнский краеведческий музей им. А. Я. Созонова) — Гайнаись гортладор туялана музей. Экспозиция вӧлі аркмӧтӧм Гайна районын олісь отирлісь олӧм понда берсяторрезісь, кӧднӧ ӧктісӧ школьниккез[1].
Музейыс активнӧя участвуйтӧ велӧтан да быдтан программаэз реализуйтӧмын. Чулӧтана выставкаэз, научно-исследовательскӧй да велӧтан удж веськӧвтӧмӧсь регионлісь история да культуракӧт тӧдсасьӧм вылӧ[1].
История
Музейыс вӧлі аркмӧтӧм 1959 во одзтӧв 25 лунӧ Гайнскӧй райисполкомлӧн № 226 постановленнё сьӧрті шӧрӧт школаись краеведческӧй кружок подув вылын, кӧдӧ организуйтіс история велӧтісь Мария Андреевна Овчинникова.
1963 воӧ ни, гожумшӧр 29 лунӧ, музейлӧ вӧлі сетӧм Гайна районын чужӧм Советскӧй Союзлӧн Геройлӧн Александр Яковлевич Созонов ним. 1965 воӧ районнӧй администрация отсӧтӧн да энтузиасттэз вынӧн музей лоис район статуса культура учрежденнёӧн.
1980 во одзтӧв 23 лунӧ РСФСР-лӧн культура министерство № 122 приказӧн музейыслӧ вӧлі сетӧм «Народнӧй музей» почётнӧй ним уджаліссезӧс да том отирӧс быдтӧмын активнӧй удж понда, да сідзжӧ музей удж зорӧтӧмӧ ыджыт пай пуктӧм понда[1].
Коллекция
Музейлӧн фондыс ориентируйтӧм гортладорся культура да история эмбур видзӧм вылӧ. Коллекцияас пырӧны бытӧвӧй предметтэз, кӧдна лоӧны нагляднӧй материалӧн велӧтан да просветительскӧй программаэз понда, кӧднӧ музейыс организуйтӧ.
Донтан пассэз
1980 во одзтӧв 23 лунӧ музейыс вӧлі ошкӧм «Народнӧй музей» почётнӧй нимӧн РСФСР-лӧн культура министерство № 122 приказ сьӧрті уджаліссезӧс да том отирӧс быдтӧмын активнӧй удж понда, да сідзжӧ музей удж зорӧтӧмӧ ыджыт пай пуктӧм понда[1].