Гагарин Иван Васильевич

Гагарин Иван Васильевич
Гагарин Иван Васильевич
Чужан лун	1918 во арпом 17 лун
Чужанін	Киселиха, Троицкое с/с, Иваново район, Кострома область, СССР
Кулан лун	1996 во
Куланін	абу тӧдса
Киндор	СССР
Войскоэз род	артиллерия
Званнё	майор
Сраженнёэз/войнаэз	Великӧй Отечественнӧй война
Донтан пассэз

Гагарин Иван Васильевич(1918 во арпом 17 лун, Киселиха посад, Кострома область, СССР — 1996 во, абу тӧдса) — военнӧй, артиллерист, Великӧй Отечественнӧй войнаын участник, 1941 во арпом 7 лунся Краснӧй площадь вылын историческӧй парадын участник, петкӧтӧм Советскӧй Союзлӧн Герой званнё дынӧдз.

Олантуй

Чужис 1918 во арпом 17 лунӧ Кострома областись Иваново район Троицкое сельсоветісь Киселиха посадын (ӧння кадӧ Кострома областись Шарья районын)^[1]. 1935 воӧ помаліс 7 класс да пырис велӧтчыны Ветлугаись вӧркылӧтан техникумӧ (ӧння кадӧ Ветлуга вӧр да мувӧдитан техникум, рочӧн ГБПОУ «Ветлужский лесоагротехнический техникум»)^[2], помаліс техникумсӧ 1939 воӧ^[3].

Гагарин Иван Васильевич томувьяс. Ветлуга вӧр да му вӧдитан техникум музей.

1939 во одзар 19 лунӧ вӧлі босьтӧм кысъявны Гӧрд Армияӧ Кудымкарись РВК-ӧн^[1]. 1941 во арпом 7 лунӧ участвуйтіс Краснӧй площадь вывся парадын^[3]. Вӧлі Суворов нима ордена 1 торья истребительно-противотанковӧй артиллерийскӧй Слуцкӧй бригадаись 1313 артполк батарея командирӧн^[4].

1945 воӧ 1313 ИПТАП командир майор Гавриков петкӧтіс Гагаринсӧ Советскӧй Союзлӧн Герой званнё дынӧдз, но сы туйӧ сія вӧлі ошкӧм Гӧрд Дӧрапас орденӧн. Кыдз гижӧм сы награднӧй листын, товарищ Гагарин И. В. участвуйтӧ Отечественнӧй войнаын 1941 во гожумшӧрсянь. Сія участвуйтіс Москва дорйӧмын, Десна, Днепр, Нарев, Висла юэз форсируйтӧмын, Данциг штурмын. Нія бойезын сія мыччаліс зэв торья качествоэз, повтӧм, мужество да подразделеннёӧн бур юралӧм. Война сбӧрна сія быдмис сержантсянь капитанӧдз. Ӧння кадӧ комнадуйтӧ батареяӧн. Нёлись ошкӧм донтан пассэзӧн. 1945 во тулысшӧр 20 лунӧ сы батареяыс форируйтіс Одер ю Штеттин карсянь 6 км ылынаын. Враг гыма артминомёт да ружье-пулемёттэз лыйсьӧм коста сія аслас подразделеннёӧн кужис вуджӧтны орудиесӧ да батареялісь личнӧй составсӧ, организуйтіс орудиеэз вуджӧтӧм, петкӧтіс нійӧ 65.4 йыв вылӧ. Тулысшӧр 20-22 луннэзӧ Гагаринлӧн батареяыс падмӧтіс враглісь 12 контратака, кӧдна мунісӧ пехотаӧн, танккезӧн да самоходнӧй орудиеэзӧн. Гагариныс организуйтіс кытша дорйӧм. Бойес коста батареяыс уничтожитіс 1 танк, 2 самоходнӧй орудие, 1 автотягач, 16 станковӧй пулемёт, 1 минбат, 2 противотанковӧй пушка, 270 враг солдат да офицер^[4].

Куліс 1996 воӧ^[3].

Донтан пассэз

Гӧрд Кӧдзув орден (28.08.1942, 29.07.1943, 05.11.1954)
Отчественнӧй войнася I тшупӧта орден (26.04.1943)
Александр Невский нима орден (15.04.1945)
Гӧрд Дӧрапас орден (14.06.1945)
«Варшава мездӧм понда» медаль (09.06.1945)
«Москва дорйӧм понда» медаль (01.05.1944)
«1941-1945 воэзся Великӧй Отечественнӧй войнаын Германия вермӧм понда» медаль (09.05.1945)
«Боевой заслугаэз понда» медаль (15.11.1950)

Пасйӧттэз

↑ ¹ ² Гагарин Иван Васильевич, 1918 г.р. Память народа (видзӧтан кад 03.04.2025)
↑ Вспоминают выпускники — студенческая ностальгия! Музей истории техникума ГБПОУ «Ветлужский лесоагротехнический техникум» (видзӧтан кад 03.04.2025)
↑ ¹ ² ³ Гагарин Иван Васильевич (1918—1996). Знаменитые и известные выпускники техникума. Музей истории техникума ГБПОУ «Ветлужский лесоагротехнический техникум» (видзӧтан кад 03.04.2025)
↑ ¹ ² Гагарин Иван Васильевич // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 35-36. — 156 с. — ISBN 5-88441-032-8

Ыстӧттэз

[:0-1] ¹ ² Гагарин Иван Васильевич, 1918 г.р. Память народа (видзӧтан кад 03.04.2025)

[2] Вспоминают выпускники — студенческая ностальгия! Музей истории техникума ГБПОУ «Ветлужский лесоагротехнический техникум» (видзӧтан кад 03.04.2025)

[:1-3] ¹ ² ³ Гагарин Иван Васильевич (1918—1996). Знаменитые и известные выпускники техникума. Музей истории техникума ГБПОУ «Ветлужский лесоагротехнический техникум» (видзӧтан кад 03.04.2025)

[:2-4] ¹ ² Гагарин Иван Васильевич // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 35-36. — 156 с. — ISBN 5-88441-032-8

[1]

[2]

[3]

[4]