Вурлам (ю)
| Вурлам | |
|---|---|
| Характеристика | |
| Кузя | 53 км |
| Бассейн | 589 км² |
| Ва визывтан | |
| Ва петан | |
| • Вылына | 153,4 м |
| • География координатаэз | 60°03′24″ с. ш. 53°39′41″ в. д.HGЯO |
| Ю ӧм | Лолӧг |
| • Ин | 67 км шульга вапӧлын |
| • Вылына | 137,5 м |
| • География координатаэз | 59°59′20″ с. ш. 54°17′14″ в. д.HGЯO |
| Ин | |
| Ва система | Лолӧг → Кӧсва → Кама → Волга → Каспий саридз |
|
|
|
| Канму | |
| Регион | Пермскӧй край |
| Районнэз | Гайна район, Кӧчладор район |
| Канму ва реестрын код | 10010100112111100002911[1] |
|
|
|
 — исток,  — устье |
|
Вурлам — Гайна да Кӧчладор районнэзӧт визывтана ю, Лолӧглӧн медыджыт вож. Усьӧ Лолӧгас 67 км ылынаын сы ва ӧмсянь. Кузяыс — 53 км, ва ӧктан ыждаыс — 589 км²[2].
Нимыс йылісь
Этимология
А. С. Кривощёкова-Гантман сьӧрті, юыслӧн официальнӧй нимыс — Вурлам — лоӧ Вурнам нимись сорасьӧмӧн. Сыын туялісьыс адззӧ финн-перем кывья вуж, кӧда вежӧртасӧн лоӧ нӧрыс[3].
Иван Лепёхин уджын (рочӧн «Дневных записок путешествия Ивана Лепехина, академика и медицины доктора… по разным провинциям Российского государства в 1771 году») кыв-мӧд гижӧм Урлак нима ю йылісь. Ӧння кадся туяліссез сьӧрті, сэтшӧм нимӧн гижӧм Вурлам йылісь[4][5].
Вузалантор ним
2025 воӧ Перемись «Trek» нима кӧмкӧт керан фабрика пондіс керны «Пермскӧй крайлӧн юэз» нима ботинкиэза коллекция. Ӧтік модель вӧлі шуӧм юыс сьӧрті — «Vurlam»[6][7].
География
Юыс петӧ Сёйва посадсянь лунвыв-асывланьӧ 15 км ылынаын. Визывтӧ лунвыв-асывланьӧ да асывланьӧ дзибья вӧрӧт. Оланаиннэс сы дорын ӧння кадӧ абу. Ва туйыс ӧддьӧн чукыля. Шӧрӧт визывтанас аркмӧтӧ Гайна да Кӧчладор районнэзлісь визир. Усьӧ Лолӧгӧ лунвыв-рытланьын Сергеевскӧй дынсянь 4 км ылынаын. XIX сёво помын сы ва ӧмын вӧлі Кайсаров нима оланаин. Юыслӧн паськытаыс ва ӧмас 15 метра мымда.
Вожжес
(ва ӧмсянь ылына)
- Дунайка (вс)
- 22 км: Ольховка (вс)
- 26 км: Берёзовка (вс)
- 36 км: Чёрная (вс)
- 41 км: Копья (вс)
Гидрологическӧя тӧдмалӧм
Гидрохимическӧй аномалия
2014—2015 воэзӧ Перем канму университет чулӧтіс Вурлам ю да вожжезлісь гидрогеохимия анализ. Вурлам ва ӧктанісь босьтӧм ваас вӧлі адззӧм йодлӧн ыджыт концентрация, сія ыджытжык шӧрӧт мыччӧтэзся 111-сянь 378-ӧдз. Йодыс ваас 0,2 — 0,68 мг/дм3. Ю ваас йодлӧн петӧм йитӧм ёна минерализуйтӧм мупытшкся ваэз вевдӧрӧ петӧмкӧт, нія аркмӧмась перем важ кадся саридзись рифогеннӧй структураэзын. Йодлӧн медшӧр концентраторрезӧн вӧлісӧ саридзись организммез, ва турун, кӧдаын йӧдыс вӧлі органическӧй комплекснӧй йитӧмторӧн. Туялӧмлӧн результаттэз мыччалісӧ, мый йода минеральнӧй ваэз кыскӧмлӧн эм перспектива[8][9].
Зарни адззӧм
1940 воӧ Вурламас, Берёзовка ва ӧмын, вӧлі адззӧм зарни. Сы концентрацияыс учӧт — 110 мг/кбм[10].
Ва реестрын
Россиялӧн канмуся ва реестр сьӧрті, пырӧ Кама бассейн кытшӧ, Кама юлӧн ва овмӧсторыс — сы петансянь Бондюг посад дорын ва видзӧтан постӧдз, ю бассейн — Кама ю петансянь Белаяӧ усьтӧдз бассейннэз. Кама ю бассейн.
Кодыс канму ва реестрын — 10010100112111100002911[2].
Пасйӧттэз
- ↑ Ресурсы поверхностных вод СССР: Гидрологическая изученность. Т. 11. Средний Урал и Приуралье. Вып. 1. Кама / под ред. В. В. Николаенко. — Л.: Гидрометеоиздат, 1966. — 324 с.
- ↑ 1 2 Вурлам : [рус.] / textual.ru // Государственный водный реестр : [арх. 15 октября 2013] / Минприроды России. — 2009. — 29 марта.
- ↑ Кривощекова-Гантман, А. С. Гидронимия коми-пермяцкого происхождения в Прикамье // Труды института языка, истории и традиционной культуры коми-пермяцкого народа / Выпуск 4. Собрание сочинений в 2 томах. Т. 2. Ономастика / А. С. Кривощекова-Гантман / Ред. кол. серии: А. С. Лобанова (отв. ред.), А. М. Белавин и др.. — Перм. гос. пед. ун-т.. — Пермь, 2006. — С. 151. — 254 с. — ISBN 5-85218-288-5.
- ↑ Хаярова П. В., Голдобин А. В. Некоторые вопросы определения путей миграционного взаимодействия древнего населения на стыке Европы и Азии (конца I тыс. до н. э. – I тыс. н. э. Верхнего и Среднего Прикамья) // Труды Камской археолого-этнографической экспедиции. — 2024.
- ↑ Дневные записки путешествия академика и медицины доктора Ивана Лепехина по разным провинциям Российского государства. Ч. 3. Библиотека Русского географического общества. Видзӧтӧм 7 Арпом 2025.
- ↑ В Перми фабрика обуви назовет коллекцию ботинок в честь прикамских рек, Коммерсантъ (28 Тӧвпом 2025). Дата обращения: 10 Арпом 2025.
- ↑ TREK Vurlam рус.. Видзӧтӧм 10 Арпом 2025.
- ↑ В. В. Балабанов, П. В. Некрасов. Особенности химического состава р. Вурлам и её притоков // Вестник молодых учёных ПГНИУ : Сборник научных трудов, Пермь, 01 апреля – 30 ноября 2014 года / Пермский государственный национальный исследовательский университет. — № 4. — С. 394—398.
- ↑ И. И. Минькевич, Ю. А. Килин, В. В. Балабанов и др. Некоторые гидрохимические аномалии в Гайнском районе Пермского края // Геология и полезные ископаемые Западного Урала. — 2015. — № 15. — С. 139—142.
- ↑ Ресурсный потенциал рус.. Администрация Гайнского муниципального округа. Видзӧтӧм 10 Арпом 2025.