Виль во кеж пу
Виль во кеж пу — быльнӧй нето символическӧй пу, кӧдӧ мичӧтӧны натодиль Виль во порйӧтӧм кеж. Сувтӧтны Виль во кеж пу традцияэз эмӧсь экс-СССР канмуэзын, кыдз Розосволӧ советскӧй альтернатива, да сідзжӧ Азияын.
Россияын да кӧркӧся социалистическӧй лагерись мӧдік канмуэзын аркмис кыдз Розосво кеж кӧз и босьтіс сыись унажык традицияэсӧ. Эм сідзжӧ ны канмуэзын, кытӧн Розосвосӧ оз порйӧтӧ, шуам, Турцияын, Вьетнамын, Японияын. Лыддисьӧ Виль во символӧн.
.jpg)
Вильвося кӧз Россияын да СССР-ын
Розосвося кӧз Российскӧй империяын
Мичӧтны керкуэз лыса пуэзӧн пондӧтчис Пётр I указ сьӧрті Христос чужӧмкадсянь кад лыддьӧмӧ вуджӧмкоста 1700 во пондӧтчикӧ (сы одзын Россияын кадсӧ лыддисӧ му пуксьӧмсянь одзар 1 лунӧ) — «ыбӧссэз одзын керны пожум, кӧз да понуль уввезісь мичӧтаннэз», «эмтӧм отирлӧ ӧшӧтны кӧть ӧтік ув ыбӧс вевдӧрӧ», да сідзжӧ «лыйны куимись да лэдзны ракетаэз, кинлӧн мымда эм». 1917 вося революция вотӧдз Розосвосӧ порйӧтісӧ мичӧтӧм кӧзӧн на челядь понда гажӧн. Но сэтшӧм чулӧтӧмыс вӧлі донакодь да сідз порйӧтісӧ вежалунсӧ эмбура семьяэзын.
1920 воэз посянь Россияын Розосвося кӧз вӧлі кидтӧм кыдз «буржуазнӧй», «поповскӧй» да антисоветскӧй обычай. Розовося кӧзыс вӧлі кидтӧм увтын 5 вося дыржык.
Под «Рождество Христово» в обед
Старорежимный ёлочный дед
С длинной-предлинной такой бородой
Вылитый сказочный «Дед Мороз»
С ёлкой под мышкой саночки вёз,
Санки с ребёнком годочков пяти.
Советского тут ничего не найти!Демьян Бедный
Вильвося кӧз СССР-ын
СССР-ын кӧзыс кыдз вежалунся, абу розосвося, а вильвося, атрибут вӧлі бертӧтӧм 1935 воын ВКП(б) ЦК Секретарь И. В. Сталин арталӧм сьӧрті, кӧда тшӧктіс партийнӧй функционер П. П. Потсышевлӧ гижны эта йылісь газетаӧ.
«Оз усь тӧдвылӧ не воыс, не тӧлісьыс, но кыдзкӧ ӧтпырись меным звонитіс Сталин да шуӧ: “Локтӧ Кремляс. Локтісӧ украинеццез, гӧняйтыштат ныкӧт Москваӧттис, мыччалатӧ карсӧ”. <…> Ми петімӧ, пуксимӧ Сталиныс машинаӧ. Тӧримӧ быдӧнным ӧтікас. Гӧнитімӧ да баитчимӧ. <…> Постышевыс сэк юасис: “Сталин ёрт, вӧлі бы сэтшӧм бур традиция да отирлӧ гленитчис, челядьсылӧ вайис бы гаж — розосвося кӧз. Мийӧ ӧні сійӧ кулитам. Поди, бертӧтны челядьыслӧ кӧзсӧ?” Сталиныс ошкис вӧзйӧмсӧ: “Босьтӧ инициативасӧ асвыланыт, гижӧ газетаӧ вӧзйӧмнытӧ бертӧтны челядьыслӧ кӧзсӧ, а ми отсалам”. Сідз сія и петіс. Постышевыс гижис “Правдаӧ”, мӧдік газетаэс кутісӧ идеясӧ»Н. С. Хрущёв[1]
1935 во одзтӧв 28 лунӧ «Правда» газетаын петіс П. П. Постышевлӧн дженыт статья, кӧдаын кӧз кулитӧмыс вӧлі шуӧм «левӧй загибӧн» да «колӧ кӧзыс эттшӧм кулитӧмсӧ помавны».
СССР-ын медодзза советскӧй властьӧн организуйтӧм кӧз адззылісӧ Харьковын оліссез 1935 одзтӧв 30 лунӧ. Виль 1937 во кеж вӧлі сувтӧтӧм медодзза кремлёвскӧй вильвося кӧз[2].
Новогодняя ель в современной России
1996 во одзтӧлӧ Россияын революцияодзя традиция сувтӧтны вильво порйӧтан луннэз кеж кӧз Москваись Кремльын Соборнӧй площадь вылӧ[3]. Кремлёвскӧй кӧзсі борйӧны тодиль стандарттэз сьӧрті: пуыс колӧ бур, мед вермис видзсьыны температура вежсьӧм коста да сулавны лыстӧмалӧмтӧг куим недель сьӧрна, колӧ мед кӧзыс вӧлі веськыт да нитштӧм да бакатӧм, лапыт уввеза, волыдыс — 100 вося пӧрисьжык, вылынаыс — 30 метр мымда, кызанас — 0,6 метрася кызжык[4].
_12.jpg)
Россияись мӧдік каррезын кіззэсӧ сувтӧтӧны каршӧриннэзӧ да отира местаэзӧ. Россияын медкузь вильвося кӧз вӧлі сувтӧтӧм Виль 2009 воын Красноярскын. Сы вылына — 46 метр, под диаметр — 19 метр, под кытшыс кузя — 60 метр. Асмыгӧрнас сія одзаліс казанскӧй кӧз, кӧда вӧлі 6 метрӧн дженытжык[5].
Сідзӧ эм традиция йӧктыны кӧз гӧгӧр морткытшӧн[6].
Вильвося кӧзсӧ мичӧтӧны электрогирляндаӧн, мишураӧн, стеклоись, пластикись, папье-машеӧн, фарфорись да пуись керӧм чачаэзӧн. XXI сёво кеж Россияын уджалӧны кӧз мичӧтан керан фабрикаэз. Медтӧдсаӧсь— Клинісь «Ёлочка», Нижний Новгородісь «Ариель», Брянскись «Коломеев», Свердловскись «Xmas Toys», Павловскӧй Посадісь «Иней», Красноярскись «Бирюсинка».
2024 во одзтӧлӧ Кремльын Соборнӧй площадь мичӧтӧм понда кералісӧ кӧз, кӧда вылынанас 25 метр, кызанас 60 сантиметр, уввез паськытанас 8 метр. Пуыслӧн волыдыс 90 во[7]. Лесничӧй Игорь Левочкинлӧ, кӧда бӧрйис кӧзсӧ, козьналісӧ Niva Chevrolet автомобиль .
Вильвося кӧз Турцияын
Турецкӧй вильвося кӧз, кӧда шусьӧ «Йилбаши Агаджи» (тюрк. Yılbaşı Ağacı — «во одзся пу»), сідзжӧ, кыдз и Россияын вильвося кӧз, аркмис розовося кӧзісь. Кыдз и Россияын, сія унажыксӧ отир обычай, сідз кыдз туроккезісь 95 % — мусульмана да оз порйӧтӧ Розосвосӧ. Мичӧтны Виль во кеж кӧз пондісӧ 1920 воэз помын, кӧр Турцияыс вуджис григорианскӧй календарьӧ.
Вильвося кӧз Эстонияын
Уна во дырна Таллиннын да Эстонияись мӧдік каррезын пуктӧм окытӧ, кӧр Розосво да Виль во бӧрын кӧззэсӧ озӧ чапкӧ, а вайӧны тодиль местаэзӧ. Ныись керӧны быдкодь скульптураэз да тодиль кадӧ чулӧтӧны биа шоу — «Вежалунся кӧззэс сотӧм». Шоуыс коста сеталӧны козиннэз да чӧскытторрез[8]. Эттшӧм мероприяттёэз организуйтӧмӧн син одзӧ пуктӧны экология да олӧминнэз сӧстӧма видзӧм проблемаэз.
2021 во тӧвшӧрын Таллиннісь Ласнамяэ районын вӧлісӧ осьтӧмӧсь 12 пункт, мед ӧктӧны вильвося кӧззэз. Ныись керасӧ Тондираба паркӧ туйез понда вевттьӧт[9].
Чичилаки Грузияын
Грузияын вильвося традионнӧй символӧн да мичӧтанӧн лоӧ Чичилаки. Сія керсьӧ ӧрек пу веськыт улӧсь, кӧдӧ лӧсйӧны ӧтладосянь, мед лӧссэз кольччисӧ мӧдладорас. Сідз петӧ лӧс сиа бедь, кӧда и лоӧ чичилаки. Мичӧтаныс 50—70 сантиметр вылына, сійӧ пуктӧны пызан вылӧ чӧскытора бекӧр дынӧ. Традицияыс йтӧм Грузия рытвывкӧт, Гурия регионкӧт[10]. Специалисттэс лыддьӧны эта традициясӧ ӧддьӧн важӧн да йитӧмӧм Мир пу культӧн, олан да йылан символикакӧт[11]. Кристиана пыртчӧм кадсянь пунӧс важся ассяматоррез вильмоза арталӧм. Сідз мукӧдпырся чичилаки йыв вылӧ мукӧдпырся кышӧтӧны перна, а мичӧтансӧ ассоциируйтӧны Вежа Василий тошӧн. Эта вежа мортлӧ кӧсйӧм вежалунсӧ вичку календарь сьӧрті чулӧтӧны тӧвшӧр 1 лунӧ. Гури йӧзыс видзӧны чичилакисӧ керкуэзаныс тӧвшӧр 19 лунӧдз, сэсся нуӧтӧны вина виджанінӧ, мед вильвося пуыслӧн бурыс паськаліс вина вылас[10].
Вильвося пу Японияын
,katori-city,japan.JPG)
Вильвося пу Японияын шусьӧ Кадомацу (яп. 門松, «пыран дорся пожум»). Керсьӧ пожумись, да сідзжӧ бамбукись, ошсьӧктанісь да мӧдік берсяторись, кӧда кӧрталӧм идзасісь гезӧн. Сувтӧтсьӧ ӧтӧрын керку пыран одзӧ. Лыддиссьӧ Вильвося ен чолӧмалӧмӧн да сы кадторья оланінӧн.
Кадомацу прототипӧн лоис ловья пу, кӧдӧ сувтӧтлісӧ Виль во кеж картаын. Берся местаэзын сія шусис берсянёж:
- огамимацу (яп. 拝み松, кеймӧм понда пожум)
- кадзаримацу (яп. 飾り松, мичӧтӧм пожум)
- иваимацу (яп. 祝い松, вежалунся пожум)
- момбаяси (яп. 門ばやし, ыбӧсдорся вӧр)
- монкамбасира (яп. 門神柱, ыбӧсдорся ен)
Кадомацу отласа форма да стиль керӧм, сувтӧтӧм да мичӧтӧм абу. Пожум киння сувтӧтӧны тыпу, камелия, бадь, каштан, клейер нето бамбук. Нійӧ петкӧтӧны торйӧн нето гозйӧн мӧдік пуэзӧн. Кадомацу сувтӧтӧминыс абу пыр пыран одзын. Нийӧн мичӧтӧны пуйӧррез, жыррез, горт кеймӧмінын да сідз одзлань. Сувтӧтӧны кӧ кадумацусӧ ӧтӧрӧ, сэк пыр гозйӧн, ӧтсӧ шульгаладӧра, мӧдсӧ веськытладӧрӧ ыбӧссянь. Ны вевдӧрӧ ӧшӧтӧны рис идзасісь керӧм гез — симэнава, кӧда лоӧ амулетӧн. Керкуэз пытшкын кадомацусӧ сувтӧтӧны ӧткаӧн. Мичӧтаныс шӧрӧ пуктӧны том пожумлісь уввез, кӧдна ӧктӧмӧсь куим, вит нето сизим отӧн. Ны дорӧ пуктӧны дафнифилума нето померанец коррез, кӧдна кӧрталӧмӧсь саридзтурунӧн. Мичӧтансӧ сувтӧтӧны пудозӧ.
Вильвося быдмассэз Вьетнамын
Вильвося пуӧн лоӧ кэйнеу, вит-квать метр кузя бамбукись бедь, кӧда бердӧ кышӧтӧны берсятор, ны коласын амулеттэз, чери кодь оригами, кактус улоккез, петук бордтыввез, кокос да баньян коррез.
Быд керкуын ойвыв ладорын эм персик (hoa đào, хоа-дао), шӧрся да лунвыв районнэзын — хоа-май (Ochna integerrima), керӧс оланаиннэзын — хоа-бан (hoa ban). Ойвылын (одзжык — эмбура керкуэзын) сідзжӧ мукӧдпырся сувтӧтӧны Абрикос японскӧй, кӧда вьетнам кывйӧн шусьӧ «май»[12]. Ойвывся ла шӧрся районнэзын Виль во кеж керкуэзын пантасьӧны кумкват пуэз[13][14]. Сы дзоридззез символизируйтӧны эмбур кӧсйӧм.
Мӧдік быдмассэз коласын — быдкодь бонсай-пуэз, хризантема (hoa cúc, хоа кук); вантхо (vạn thọ) — кузь олан символлэз, лунвылын — целозия (mào gà), ойвылын — нарцисс (thủy tiên), хоа-быом (hoa bướm). Одзза кадӧ пӧрись отир быдтісӧ нарциссэсӧ сідз, мед нія оссисӧ ойшӧр кеж. XXI сёвоын Тет вежалун кеж пуэз быдтӧм — зэв бур бизнес: пуыс вермас лоны вузалӧм 10 000 США доллар донажык[15], сійӧн уна отир кӧртымалӧны пуэсӧ.
Пасйӧттэз
- ↑ Веселиться с детьми на Новый год Ленину помешало ограбление
- ↑ Первые в СССР. Как Харьков вернул новогоднюю ёлку. Рамблер.ру. Дата обращения: 31 декабря 2018. Архивировано 3 декабря 2021 года.
- ↑ Главная ёлка России. Справка. РИА Новости Дата обращения: 17 декабря 2018. Архивировано 18 декабря 2018 года.
- ↑ Рост, возраст, диаметр: что известно о главной новогодней ёлке России. ТАСС. Дата обращения: 17 декабря 2018. Архивировано 18 декабря 2018 года.
- ↑ В Красноярске поставят ёлку высотой с 15-этажный дом! Комсомольская правда (10 декабря 2008). Дата обращения: 31 декабря 2011. Архивировано 17 апреля 2013 года.
- ↑ Дед Мороз, хоровод у елки, шампанское под бой курантов: Откуда появились современные новогодние традиции, КП (29 Одзтӧв 2023). Дата обращения: 29 Арпом 2024.
- ↑ Главную новогоднюю ель России отправили в Кремль из Подмосковья, AiF (11.12.2024). Дата обращения: 11 Одзтӧв 2024.
- ↑ Крону и евро разожгли. Газета Мустамяе (район Таллина), (2011)
- ↑ В Ласнамяэ работают 12 пунктов по сбору новогодних елок (05.01.2021).
- ↑ 1 2 Жители Грузии наряжают к Новому году чичилаки. МИР24 (31 декабря 2010). Дата обращения: 3 января 2012. Архивировано из оригинала 12 декабря 2013 года.
- ↑ Нино Браилашвили. Asetʻi maxsovs Sakʻartʻvelo: etʻnograpʻiuli čʻanaxatebi. — Tbilisi: Xelovneba, 1990. — P. 265. — ISBN 5895150187.
- ↑ Nhat Tan apricot village prepares for Tet holiday (англ.). Vietnam.net. Дата обращения: 11 февраля 2013. Архивировано 15 февраля 2013 года.
- ↑ Flowers go to street (англ.). Vietnam.net. Дата обращения: 10 февраля 2013. Архивировано 15 февраля 2013 года.
- ↑ Tet - a magical time (англ.). Vietnam.net. Дата обращения: 10 февраля 2013. Архивировано 15 февраля 2013 года.
- ↑ Expensive ornamental trees for Tet holiday (англ.). Vietnam.net. Дата обращения: 10 февраля 2013. Архивировано 15 февраля 2013 года.
Лыддьӧтан
- Коллектив авторов. Календарные обычаи и обряды народов Юго-Восточной Азии. Годовой цикл / Отв. ред. Р. Ш. Джарылгасинова, М. В. Крюков. — М.: Наука, Издательская фирма «Восточная литература», 1993. — 448 с. — ISBN 5-02-017276-6.
- Сальникова А. А. История ёлочной игрушки, или как наряжали советскую ёлку. — НЛО, 2011. — 234 с. — (Культура повседневности). — 2000 экз. — ISBN 978-5-86793-835-2. Архивная копия от 25 Одзтӧв 2021 на Wayback Machine
Ыстӧттэз
- История празднования Нового года Архивная копия от 23 Одзтӧв 2014 на Wayback Machine