Вилесов Иван Петрович
| Вилесов Иван Петрович | |
|---|---|
| Чужан лун: | 1855 во |
| Чужанін: | |
| Кулан лун: | 1911 во одзар 6 лун |
| Куланін: | |
| Канму |
 Российскӧй империя |
| Удж | купец, горнӧй техник |
Вилесов Иван Петрович (1855 во, Юсьва, Соликамскӧй уезд[d], Пермскӧй губерния[d], Российскӧй империя[d] — 1911 во одзар 6 лун, Москва, Российскӧй империя[d]) — российскӧй купец да меценат.
Олантуй
Чужис 1855 воӧ Пермскӧй губернияись Соликамскӧй уездлӧн Юсьва посадын вузасись Вилесоввез семьяын[1].
Пондӧтіс военнӧй кысъялӧмсӧ кыдз фельдшер, Гродно эскадронісь гусар. Шогалӧмыс кузя муніс кысъялӧмсис да бертіс Соликамскас, кутчис велӧтчыны горнӧй уджӧ, сетіс экзамен горнӧй техник званнё понда[2].
Пуктіс ыджыт пай Уралын сов керӧм зорӧтӧмӧ: сы вынӧн вӧлісӧ осьтӧмӧсь сов вузалӧм понда виль рыноккез, вились осьтӧм Усольскӧй сов шедтана промышленность. И. И. Любимов дынын уджалікӧ Вилесов участвуйтіс нефть кошшӧмын: сы кипод увтын нуӧтісӧ буритан уджжез Башкирияын да Кавказын[3].
Нуӧтіс активнӧй буркеран удж. Сія отсасис Перемись ӧтка челядь понда приютлӧ, вӧлі челядь приюттэзлӧн губернскӧй попечительстволӧн почётнӧй членӧн. Сідзжӧ сія пуктіс ыджыт пай УОЛЕ уджӧ, кӧда Перемся юкӧнісь сёрӧнжык вӧлі аркмӧтӧм Перем гортладор туялана музей.
Вилесов сетіс уна сьӧм Мария Магдалина нима вичку мичӧтӧм понда да сёрӧнжык лоис сы вичкуын старостаӧн[4].
Куліс 1911 во одзар 6 лунӧ Москваын[2]. Дзебӧм 1911 во одзар 13 лунӧ Перемын, Кафедральнӧй вичку шойнаын[5].
Пасйӧттэз
- ↑ Л. А. Мальцева Крестьянско-купеческий род Вилесовых в истории Юсьвы и Прикамья. Имена Пермской губернии. Видзӧтӧм 16 Одзгожум 2026.
- ↑ 1 2 Баяндина Н. П. Пермь купеческая. — Пермь: Пушка, 1997. — С. 55. — 157 с.
- ↑ Первая Пермская биржа. Новый компаньон (2011-03-01). Видзӧтӧм 16 Одзгожум 2026.
- ↑ Традиции благотворительности пермских предпринимателей: строительство храмов, учреждений культуры и образования. Деловая Россия. Видзӧтӧм 16 Одзгожум 2026.
- ↑ Субботин Е. П. Некрополь Пермского Спасо-Преображенского кафедрального собора. — Пермь, 2012. — С. 40-42.