Веськыт визь Владимир Путинкӧт (2024)

Веськыт визь Владимир Путинкӧт (2024)
Медодззаись чулӧтӧм	2001 во одзтӧв 24 лун
Организатор	Россия президентлӧн Администрация
Сайт	москва-путину.рф

Веськыт визь Владимир Путинкӧт (2024) — Российскӧй Федерация президент Владимир Путинкӧт быдвося пресс-конференция, ӧтлаӧтӧм Владимир Путинкӧт веськыт визьӧн. Чулаліс веськыт эфирын 2024 во одзтӧв 19 лунӧ, кыссис 4 час 27 минута. Ӧктӧм телефон, СМС да интернет пыр юасьӧммес лыд лоис 2,5 миллионся унажык. Трансляциясӧ видзӧтісӧ 17 миллион морт.

Лӧсьӧтчӧм

2024 во одзтӧв 8 лунсянь одзтӧв 19 лунӧдз Россия президент дынӧ юасьӧммес вӧлісӧ ӧктӧмӧсь тодиль мобильнӧй отсӧтан, СМС-юӧр, телефон, «ВКонтакте» да «Одноклассники» социальнӧй веззэз пыр, а сідзжӧ moskva-putinu.ru (москва-путину.рф) сайт пыр.

2024 воын «Народнӧй фронт» штабись call-центрын уджаліссез медодззаись уджалісӧ керӧтӧм интеллектӧн гражданалісь юасьӧммез анализируйтӧм понда. GigaChat нейровез классифицируйтіс юасьӧммесӧ бӧрйӧм темаэзӧт.

2024 во одзтӧв 11 лунӧ Владимир Путин вовліс Москва «Сбер» центральнӧй офисӧ, кытӧн видзӧтіс керӧтӧм интеллектся вильторрез выставка. Сы коста GigaChat-ыс тӧдсӧтіс канму юралісьсӧ сійӧн, кытшӧм проблемаэз йылісь унажыксӧ ыстісӧ веськыт визь кежӧ юасьӧммез:

Тӧдчӧ, кытшӧм юасьӧммез кеж колӧ лӧсьӧтчыны, кытшӧмӧсь унажыкӧсь: олӧмин небӧм, транспортнӧй инфраструктура, медицина, госструктураэз да организацияэз, отсӧт вештӧм.

Владимир Путин тӧдсасис шӧрис темаэзӧн, кӧдна сьӧрті гражданыс гижисӧ юасьӧммезнысӧ веськыт визь кеж (2024)

2024 во одзтӧв 19 лун кеж даннӧйез сьӧрті веськыт визь кеж юасьӧммес ӧксисӧ унажык 2,5 миллионся. Лидеррезнас лоисӧ Центральнӧй, Ой-Рытвыв да Лунвывся федеральнӧй округгез.

2024 во бӧртассэз

Эфирлӧн шӧрись темаэзӧн вӧлісӧ Россияын социальнӧй политика (юасьӧммезісь 20 % ), олӧминӧн йитӧм юасьӧммез (9 %), экономика (9 %), здравоохраненнё (8 %), ЖКХ (8 %), СВО (6 %).

Экономика

2024 воын экономика зорӧтӧм канму юралісь чайтӧ «стабильнӧйӧн да чорытӧн», ВВП быдмӧм 3,9 % мымда, а 2025 во кеж прогнозируйтӧны 2,5 %. Сія кодьсьӧтіс ЕС-ын (2024 воын ВВП нулевӧй быдмӧм) да США-ын (6% мымда) ситуацияэзкӧт . Торйӧн сувтчис Россияын рекорда учӧт уджтӧмалӧм вылын (2,3 %). Сідзжӧ Владимир Путиныс пасйис Россияын керӧтан промышленностьлісь ыджыткодь содӧм, мый мыччалӧ канму суверенитет выналӧм.

Владимир Путин: «Экономикалӧн вӧлӧм стабильнӧй да чорыт».

2024 воын 9 %-ӧдз инфляция ыждӧм комментируйтӧм коста, президентыс висьталіс, мый сыын эмӧсь кыдз объективнӧй, сідз и субъективнӧй характераа подуввез . Объективнӧйез коласын:

• потребленнё ыждӧм;
• мирпасьта дон быдмӧм, кӧда мыччассьӧ логистикаын.

Субъективнӧйез коласын:

• Центробанклӧн инфляция вылын уджалан инструменнтэз, кӧдна абу йитӧм ключевӧй ставакӧт, абу аскадъя удж;
• РФ правительстволӧн торья отрасллез зорӧтан сьӧрті абу аскадъя удж.

Торйӧн президентыс висьтасис Россия виль регионнэзын экономика йылісь, тодиляліс ЛНР-ын (содіс 90%), ДНР-ын (79%), Херсонскӧй да Запорожскӧй областтезісь (200%)вот ӧктӧмлісь ыждӧм.

СВО

Владимир Путин 155 торья гвардейскӧй саридз пехота бригада дӧрапасӧн (2024)

СВО йылісь юасьӧм вылӧ паныт кыв видзикӧ Владимир Путин висьтасис, мый 155 торья саридз пехота гвардейскӧй бригадаись боеццез сетісӧ сылӧ ассиныс боевӧй дӧрапас да корисӧ паськӧтны сійӧ студияас, сідзжӧ кӧсйис нылӧ шуд, Вермӧм да гортӧ чожа бертӧм. Канму юралісь шуӧмӧн, быд лун военнӧйес нюжӧтӧны одзлань фронт линия, мездӧны мусӧ «квадрат километррезӧн». Курскӧй обласьтын олісь инькакӧт баитікӧ, кӧр ВСУ-сӧ вештасӧ Россия визир сайӧ, президентыс висьталіс «зонкаэс воюйтӧны, дзир ӧні мунӧ бой» да чорыта горӧтчис, мый «ми нійӧ вашӧтамӧ». Курскӧй областьын паздӧм техникалӧн лыдыс ыджытжык 2023 во сьӧрна быдӧс фронт линия вылын паздӧм танккез, БМП да мӧдік техникалӧн лыдся. Сы дырйи Владимир Путин висьталіс, мый быдӧс стрӧйдӧм гражаданскӧй да социальнӧй объекттэз лоасӧ лӧсьӧтӧмӧсь, отирлӧ, кин кольччисӧ керкуэзтӧг да квартираэзтӧг, сетасӧ виль оланін сьӧрті сертификаттэз, сы понда лоас ыстӧм 108 млрд руб. Сідзжӧ аркмис сёрни Херсонскӧй, Запорожскӧй, ЛНР да ДНР вильмӧтӧм йылісь. Сідз, куим во сьӧрна вӧлі лӧсьӧтӧм нормативӧдз нылӧн туйвез, Азов саридз гӧгӧр лэбтасӧ нёльвиззя кытшалӧм трасса. Эта кадӧдз вильмӧтӧмӧсь ни 20 сюрс социальнӧй объект да оланін.

Владимир Путин веськыт визь коста (2024)

Президентыс комментируйтіс СВО-коста военнӧйезлӧ боевӧй действиеезын участниккез статус, абу КТО-ын участниккез статус сетӧм. Тоділяліс, мый сорасьӧмсӧ лӧсьӧтасӧ, да военнӧйеслӧ сетасӧ «быдӧс, мый нылӧн, вились лыддямӧ бӧрья кадпасӧн».

Владимир Путин донъяліс «Геройез кад» (рочӧн «Время героев») программалісь реализация, кӧдкоста лӧсьӧтсьӧ СВО-ын участниккезісь кадровӧй резерв. Идеяыс аркмӧтны сэтшӧм курссэсӧ локтіс студенттэзкӧт-СВО-ын участниккезкӧт пантасьӧм бӧрын. Сы шуӧмӧн, военнӧйез коласісь колӧ борйӧны морттэзӧс, кӧдна кутчисӧ бы юравны ыджыт компанияэзӧн, муниципальнӧй образованнёэзӧн, министерствоэзӧн да ведомствоэзӧн:

Этаын эз вӧв ӧтка сорасьӧм... Уналӧ ни керӧмӧсь вӧзйӧммез, и бизнесӧ сюрӧны, и быд тшупӧта юралана органнэзӧ.

Владимир Путин сідзжӧ висьталіс, мый СВО-сӧ коліс пондӧтны одзжык, лӧсьӧтсыны сы кеж, да гортӧчтис, кыдз сія вежсис спецоперация куим во коста:

Ме понді етшажык шынь керны да дугдікодь серавны.

Стратегическӧй опастӧмалӧм

Рытвывся СМИэзлісь висьталӧм, мый НАТО-ыс вермана панытавны «Орешниклісь» лыйӧм, Владимир Путин вӧзйис чулӧтны эксперимент:

Ась Рытвылыс да Украинаыс бӧрйӧны Киевись район да ӧктӧны сэтчӧ ПВО-ись быдӧс системаэсӧ, мийӧ сэтчӧ лыйсьӧтам «Орешниксӧ», а нія ась пондылӧны сійӧ панытавны, да видзӧтам, мый лоас.

Мыля «Орешник» БРСД-лӧ сетісӧ сетісӧ сэтшӧм ним, президентыс висьталіс: «Былись? Ог тӧд».

Йӧззэзпасьтса керӧм

Веськыт визь коста Владимир Путин видзис паныт кыв юасьммезлӧ, кӧдна йитӧмӧсь йӧззэзпасьтса керӧмӧн. Сідз, сія висьталіс, мый эз на пантасьлы Сириялӧн президенткӧт Башар Асадкӧт сы бӧрын, кыдз сія овмӧтчис Москваас, да тодиляліс мый, Сирияас Россиялӧн моггез тыртӧмӧсь, сідз кыдз РФ ВС сэтчин паныталісӧ «террорист анклав» аркмӧтӧм. NBC репортёрлӧ, кӧда висьталіс, мый «Россияыс эз тырт СВО-лісь моггесӧ, ӧштӧ генераллэсӧ, вынтӧмсялӧ», президент виьсталіс мый, Россияыс сыпаныт медбӧрья воэзӧ вынсьӧтіс экономикасӧ, суверенитетсӧ да дорйӧмсӧ:

Тіянлӧ лоис бы сьӧлӧви, кӧр Россияыс вынтӧмсянлӧм, ме дак видзся мӧдік чайтанторӧ.

Владимир Путин сідзжі кутіс кылӧттіс американскӧй репортёрӧс, кӧда шуис генерал Игорь Кириллов вийӧмсӧ мӧдӧмӧн вийны. Президентыс пасйис, мый спецслужбаэс «лэдзисӧ сійӧ вачкӧмсӧ». Китайись «Синьхуа» информагенствоись уджалісь корис донъявны РФ да КНР-лісь ӧтуджалӧм. Паныт президентыс виьсталіс, мый кык канму коласын вузаланкытшыс лоис 200 млрд доллар, инвестпроекттэзлӧн лыдыс лоис 600, паськаліс ӧтуджалӧм и регионнэз вылӧ:

Медтӧдчананас лоӧ регионнэзлӧн юраліссез да китайскӧй. Винаокыс сэтчин эм жӧ, но тырмӧмви.

Социальнӧй политика

Россияын демография умӧльтчӧм президентыс шуис медуджалана торӧн, сідз кыдз чужтан тшупӧтыс чиніс мед учӧт тшупӧтӧдз — 1,41 %-ӧдз, вайсяна инькаэс лыдыс чиніс 30 % вылӧ. Владимир Путин шуӧмӧн, чужтӧмсӧ колӧ ыждӧтны 2,3 %-ӧдз. Мый йитсьӧ канму ӧтсӧтӧн, Россиялӧн лидер петкӧтіс:

• мам капитал программа;
• семейнӧй ипотека программа;
• кагаэза семьяэзлӧ ӧтласа отсӧт вештӧм.

Вӧлі сідзжӧ сёрнитӧм миграционнӧй политика йылісь, кӧдӧ президентыс шуис «ӧддьӧн кыланаӧн». Мед чинтны миграннтэзлісь лыд, колӧ, сы шуӧмӧн, содтыны уджалӧм, тодилясьны вылісь технологияэзӧн. Сідзжӧ колана пуктыны сьӧкытжыка корӧммез ны понда, кин локтӧны уджавны Россияӧ, содтыны велӧтан, мед визирсайись оліссез вежӧртісӧ Россияись культура ассямасӧ, тӧдісӧ кыв. Торья оськӧввез керӧмӧсь ни, пасйис Россиялӧн лидер. Сідз, бурсьӧтӧм закон, кӧда сьӧрті школаэзӧ мунісь челядьлӧ колӧ тӧдны роч кыв.

Здравоохраненнё

Президентыс видзис паныт кыв Нижний Новгородын олісь инькасянь норкыв вылӧ, кӧдаын сія норасис поликлиникаэзын уджаліссез дефицит вылӧ. Канму юралісб шуӧмӧн, озӧ тырмӧ враччес здравоохраненнё медодзза звеноас. Сійӧн, юаралан органнэзлӧ сувтӧтӧм мог адззыны том кадррез да торйӧтны ны уджсӧ кужӧмӧн. Сідзжӧ баитсис фармацевтика зорӧтӧм йылісь да ас препараттэз керӧтӧм йылісь.

Интернет

Блогер Влад А4 юасис Владимир Путинлісь Россияын YouTube жагмӧтӧм йылісь. Канму юралісь висьталіс, мый платформ эмалісь Google компания чинтіс аслас РФ-ись предприяттёэзлісь финансируйтӧм да техника вайӧм, мый кузя сервис уджын аркмисӧ сбойез.

Политиккез йылісь

Эфир костас Владимир Путин горӧтчис Россия да визирсайся мукӧд политиккез йылісь. Сідз, висьтасьтӧн, кинкӧт бы сія юис чай, касьтыліс Гельмут Кольӧс:

Пантасьлі бы Коль канцлеркӧт ... сія вӧлі ыджыт политическӧй деятель, кӧда уна мый керис Германия понда.

Комментируйтіс ведущӧйлісь висьталӧм Владимир Жириновскийлісь быльӧ пӧрӧм прогноззэз Украина да Матісь Асыввыв йылісь:

Сія радейтіс эпатаж, но вӧлі ӧддьӧн паськыт эрудицияа да бура велӧтӧм мортӧн. Сійӧн сы прогноззэс пӧрисӧ быльӧ: ны подулын кужӧм да тӧдӧм.

Байден йылісь, Хантер зонсӧ помилуйтӧм бӧрын:

Пыр тӧдчана, мыйсяыс тэын унажык, политиксяыс нето мортсяыс. Петіс, мый Байденас унажык мортсяыс.

Борис Ельцин йылісь:

Рытвылас Ельцинсӧ радейтісӧ, но кӧр сія шыасис Белград бомбардировкаэз сьӧрті, сійӧ сэк жӧ зэлӧтісӧ син увтӧ да пондісӧ шуны винагагӧн.

Зеленский лоан кад йылісь:

Сійӧ босьтасӧ юрсёйисьӧн нія, кин понда сія ӧні уджалӧ.

Президентсянь анекдот

Передача коста казьмӧтікӧ, мый колӧ ёнажык видзны юрын Россия пытшкись проблемаэз, президентыс висьтасис анекдот:

Пукалӧ пызан сайын семья. Зоночка юасьӧ мамыслісь: «Кытшӧм сэтшӧм куим шыпаса кыв кроссвордас?». Да сэтӧн жӧ сылӧ дӧнзьӧ кымӧсӧттяс паньӧн. Сэсся кымӧсӧттяс дӧнзьӧ мамыслӧ, айкаыссянь. «Горт (рочӧн куим шыпаса «дом» кыв) йылісь колӧ думайтны», — шуӧ сія.

Аудитория

Mediascope туялан компания юӧртіс, мый «Вося бӧртассэз Владимир Путинкӧт» видзӧтісӧ 17 миллион мымда морт. Сы дырйи аудиториялӧн пай (видзӧтіссез шӧрӧт лыд, мыччалӧм быдӧс видзӧтіссез сьӧрті проценттэзын) быдӧс каналлэз сьӧрті лоис 63,4%. Трансляциялӧн рейтинг (видзӧтіссез шӧрӧт лыд, мыччалӧм быдӧс оліссез сьӧрті проценттэзын) лоис 12,5%. Программаыс транслируйтчис телеканаллэзӧт:

• Первый канал;
• «Россия-1»;
• «Россия-24»;
• НТВ;
• «Соловьев Live»;
• «Мир»;
• «Пятый канал»;
• РЕН ТВ.

Линия бӧрын арталӧм

Вице-премьер Дмитрий Чернышенко висьталіс, мый уна жалоба видзӧтісӧ аскад режимын правительствоись координационнӧй центрын. Сыын берся министррезлӧн отсаліссез арталісӧ эттшӧм юасьммез:

• унакагаэза семьяэзлӧ сетісӧ 50% чинтӧм авиатй вылӧ (вице-премьер Виталий Савельев сетіс сэтшӧм тшӧктӧм Минтранслӧ, 2025 во тӧвшӧр 14 лунсянь чинӧ доныс быдӧс 12 вося томжык кагаэз понда);
• банккезлӧ тшӧктісӧ пыртны сідз шуана «кынтан кад» (рочӧн «период охлаждения») кредит оформляйтӧм да сы сетӧм коласын (пондас уждавны 50 сюрс рубсянь, пондас кыссьыны 4 чассянь кык лунӧдз);
• правительстволӧн юралісь Михаил Мишустин бурсьӧтіс документтэз, кӧдна сьӧрті Курскӧй область дорйиссезлӧ пондасӧ сетны сэтшӧм жӧ отсӧт, кыдз мӧдік СВО-ын участниккезлӧ;
• юӧртӧм, мый льготнӧй ипотека госпрограммаын абуӧсь лимиттэз;
• вӧзйӧм паськӧтны семейнӧй ипотека олӧмалӧм олӧминнэз вылӧ;
• вӧзйӧм содтыны сьӧктӧм да чужтӧм понда отсӧт олан минимумӧдз (РФ удж да социальнӧй дорйӧм сьӧрті министр Антон Котяков висьталіс, мый сьӧктӧм да чужтӧм понда отсӧт студенткаэзлӧ содас 17 сюрс рубӧдз;
• вӧзйӧм паськӧтны социальнӧй контракт етша шедтӧса семьяэз понда.

Пасйӧттэз

Эта материал право видзисьӧн лоӧ АНО «Интернет-энциклопедия «РУВИКИ».
Материалсӧ позьӧ пуктыны мӧдік сайттэзын АНО «Интернет-энциклопедия «РУВИКИ» корӧмӧн.