Орешник (ракетнӧй комплекс)

Босьтöм Рувикиись
Ракетнӧй комплекс «Орешник»
«Орешник» ракетнӧй комплексісь лыйӧм «Южмаш» заводӧ (2024)
«Орешник» ракетнӧй комплексісь лыйӧм «Южмаш» заводӧ (2024)
Пондылан кад боевӧя — 2024 во арпом 21 лунӧ
Техника шӧрся характеристикаэз

чожа — 10 Мах
ылына — 5500 км-ви
торьяссяна инмӧтчан юр тор

стандартнӧй боевӧй сьӧкыта — 6 блок

«Орешник» (рочӧн БРСД «Орешник», баллистическая ракетная система средней дальности) — шӧрӧт ылынаа ракетнӧй система, кӧда вӧлі медодззаись лыйсьӧтӧм 2024 во арпом 21 лунӧ комбинированнӧй лыйӧм коста Днепропетровскись «Лунвывся машинакеран заводӧ» (рочӧн Южный машиностроительный завод, дженыта Южмаш)[1]. Атомьятӧм гипершыа баллистическӧй ракета вӧлі лэдзӧм паныт Украина да НАТО-ись канмуэзӧн 2024 во арпом 19 лунӧ ATACMS ракетаэзӧн Брянскӧй областись объекттэз да 2024 во арпом 21 лунӧ Storm Shadow да HIMARS ракетаэзӧн Брянскӧй да Курскӧй областтез лыйӧм вылӧ[2].

Лыйсьӧтӧм

[вильмӧтны | править код]
2024 во арпом 21 лунся Владимир Путинлӧн висьталӧм: «Эта кадсянь…Западӧн ӧддзӧтӧм Украинаын региональнӧй конфликт лоис вачкисяна глобальнӧй вылӧ».

«Орешник» ракетнӧй система боевӧй условиеэзын лыйсьӧтлӧм йылісь 2024 во арпом 21 лунӧ висьталіс Россиялӧн президент Владимир Путин[3]. Лыйӧмыс вӧлі керӧм Украина медыджыт ОПК объекттэз ӧтікӧ, «Лунвывся машинакеран заводӧ»[4]. Россия юралісь шуӧмӧн, «талуння лунӧ эттшӧм оружиелӧ паныталӧм средствоэз абуӧсь», сідз кыдз «Орешникыс» атакуйтіс ВСУ-лісь ракетнӧй предприяттё 10 Мах чожа (2,5-3 километр секундаӧ)[4]. «Южмашыс» вӧлі лыйӧм паныт НАТО-ӧн бурсьӧтӧм 2024 во арпом 19 лунӧ ATACMS ракетаэзӧн Брянскӧй область да 2024 во арпом 21 лунӧ Брянскӧй да Курскӧй областтез Storm Shadow да HIMARS ракетаэзӧн лыйӧм вылӧ.

Владимир Путин висьталіс, мый британскӧй Storm Shadow да американскӧй ATACMS ракетаэс Брянскӧй областяс вӧлісӧ падмӧтӧмӧсь, вийӧммес не паздӧмыс абу, Курскӧй областьын «Север» нима войскаэз группировкалӧн команднӧй пунктӧ лыйӧм кузя эмӧсь вийӧммес да дойдӧммес[4]. Сідз кыдз сэтшӧм системаэзӧн лыйсьӧм оз вермы керсьыны НАТО-тӧг, паныталӧмыс, висьталіс Россиялӧн президент, лоис мӧдік характераа:

Эта кадсянь, кыдз ми одзжык неӧтпыр баитлім, Украинаас Западӧн ӧдззӧтӧм региональнӧй конфликт пондіс вачкисьны глобальнӧй вылӧ[4].

Владимир Путин сідзжӧ казьмӧтіс Россиялӧн право йылісь лыйлыны ны странаэз военнӧй объекттэзӧ, кӧдна ордччаӧсь Россия вылӧ атакаэз дынӧ:

Ми чайтам асьнымӧс правоа видзны оружиенымӧс сэтшӧм странаэзісь военнӧй объекттэз паныт, кӧдна лэдзӧны применяйтны ассиныс оружие миян объекттэз паныт. Агрессивнӧй действиеэз эскалируйтӧмикӧ мийӧ пондам видзсьӧтчыны чорыта да зеркальнӧя[5].

«Орешник» ракетнӧй комплексісь лыйӧм «Южмаш» заводӧ (2024)

2024 во арпом 22 лунӧ президент Путин пантасис Минобороны юраліссезкӧт, ОПК-ын уджаліссезкӧт да ошкис нійӧ «Орешник» система лыйсьӧтӧм понда. Сія висьталіс, мый система аркмӧтіссес да проектировщиккес лоасӧ ошкӧмӧсь канму статуся донтан пассэзӧн[6], юӧртіс оружиесӧ серияӧ лэдзӧм решеннё йылісь[7] да висьталіс, мый Россияыслӧн эмӧсь заптӧм лыйсьӧтӧм кеж системаэз[8].

«Орешник»ракетнӧй системаэз киння Россияыслӧн уджын эмӧсь мӧдік сы кодь вооруженнёэз, мунӧ удж шӧрӧт да матын ылынаа ракетаэз линейка керӧм сьӧрті[9].

Техника характеристикаэз

[вильмӧтны | править код]
Кытчӧдз вермӧ «судзны» ракетнӧй комплекс «Орешник» (2024)

Россияись военнӧй эксперттэз, кӧдна керисӧ «Южмаш» заводӧ лыйӧм анализ, тӧдмалісӧ, мый «Орешникыслӧн» эттшӧм характеристикаэз:

  • шӧрӧт ылынаыс — 1000 километрсянь 5500 километрви;
  • чожа — 10 Мах;
  • торьяссяна инмӧтчан юр тор;
  • стандартнӧй боевӧй сьӧкыта — 3—6 термоатомья боевӧй блок, быдыс 150 килотонна вына[10].

«Орешникыс» — чорытлонтана ракета. Сія керӧм МБР РС-24 «Ярс» технологиязӧн. Комплексыс зорамис «Рубеж» РС-26-ись[10]. «Военная хроника» изданнё гижис лыйӧмлісь тӧдмалан дырна[10]:

  • Польшаӧдз — 8 минута;
  • Германияӧдз — 11 минута;
  • Ыджыт Британияӧдз — 19 минута.

Лыйӧм йылісь юӧртӧм

[вильмӧтны | править код]

Президентлӧн пресс-секретарь Дмитрий Песков тодиляліс, мый «Орешник» ракетасӧ лэдзӧмӧдз, 30 минута одзті, Россия ыстіс США-лӧ лыйсьӧтӧм йылісь атомья опас чинтӧм сьӧрті центр линияӧт автоматическӧй режимын юӧр [11].

Уайт Хауслӧн пресс-секретарь Карин Жан-Пьер брифинг вылын висьталіс, мый США-ыс юӧртісӧ Украиналӧ да мӧдік ны союзниккезлӧ Россияӧн шӧрӧт ылынаа ракета лэдзӧм йылісь[12].

Реакция

[вильмӧтны | править код]

Пентагонын висьталісӧ, мый США-ыс оз одззӧт конфликт Россияыскӧт[13]. Сы киння, пресс-секретарьыс Сабрина Сингх содтіс, мый «Орешникнас» лыйсьӧм оз падмӧт Вашингтонлісь политикасӧ Украинаыс сьӧрті[14].

Венгриялӧн премьер-министр Виктор Орбан корис НАТО-ись канмуэсӧ серьёзнӧя видзны Россия атомья доктрина вежӧм, а сідзжӧ «Орешник» комплекс боевӧй лыйсьӧтӧм:

...российскӧй президент петіс телевизорӧт гражданаэз дынӧ да ятнӧя висьталіс, мый нія чайтӧны асьнысӧ правоа лыддьыны военнӧй целлезӧн сэтшӧм канмуэсӧ, кӧдна сетӧны Украиналӧ эттшӧм оружие. Эта абу коммуникационнӧй ылӧтчӧм. Кӧр сэтшӧм страна, кыдз Россия мыйкӧ висьталӧ эта тема сьӧрті, сійӧ сідз и колӧ вежӧртны[15].

Владимиром Путин да «Орешник» комплекс серпаса футболка (2024)

Содтӧт информация

[вильмӧтны | править код]

Лыйсьӧтӧмыс бӧрын ашынас ннтернет-магазиннэзын пондісӧ вузавны Владимир Путин да «Орешник» ракета серпассэза футболкаэз[16].

Пасйӧттэз

[вильмӧтны | править код]
  1. ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 Арпом 2024). Дата обращения: 21 Арпом 2024.
  2. ↑ Силы ПВО отразили украинский удар ATACMS по Брянской области, РИА Новости (19.11.2024). Дата обращения: 19 Арпом 2024.
  3. ↑ Путин сообщил об ударе баллистической ракетой по объекту на Украине, РБК (21.11.2024). Дата обращения: 22 Арпом 2024.
  4. ↑ 1 2 3 4 Заявление Президента Российской Федерации, Президент России. Дата обращения: 21 Арпом 2024.
  5. ↑ Путин заявил о праве ответных ударов по военным объектам других стран, РИА Новости (21.11.2024). Дата обращения: 21 Арпом 2024.
  6. ↑ Путин пообещал наградить создателей системы "Орешник" (2024-11-22).
  7. ↑ Мир Президент РФ сообщил о принятом решении по серийному производству «Орешника» (2024-11-22).
  8. ↑ Путин заявил о запасе в РФ готовых к применению ракет "Орешник" (2024-11-22).
  9. ↑ Путин сообщил о разработке в РФ еще нескольких подобных «Орешнику» систем (2024-11-22).
  10. ↑ 1 2 3 Что известно о новой баллистической ракете "Орешник", Российская газета (22 Арпом 2024). Дата обращения: 23 Арпом 2024.
  11. ↑ Белый дом: США заранее уведомили Украину о предстоящем запуске "Орешника", РИА Новости (21.11.2024). Дата обращения: 21 Арпом 2024.
  12. ↑ В Белом доме ответили на пуск российской ракеты "Орешник", РИА Новости (21.11.2024). Дата обращения: 21 Арпом 2024.
  13. ↑ США не стремятся к конфликту с Россией, заявили в Пентагоне, РИА Новости (21.11.2024). Дата обращения: 21 Арпом 2024.
  14. ↑ Иванов, Глеб. Бежать и прятаться. В Киеве паника из-за удара «Орешником», AiF (22.11.2024). Дата обращения: 22 Арпом 2024.
  15. ↑ Орбан призвал Запад воспринимать запуск "Орешника" всерьез, РИА Новости (22.11.2024). Дата обращения: 22 Арпом 2024.
  16. ↑ Футболка с Путиным и ракетой «Орешник» появилась на маркетплейсах, AiF (22.11.2024). Дата обращения: 22 Арпом 2024.
Босьтӧма "https://koi.ruwiki.ru/w/index.php?title=Орешник_(ракетнӧй_комплекс)&oldid=106227"-ись