Вавилин Алексей Сергеевич
| Вавилин Алексей Сергеевич | |
|---|---|
 | |
| Чужан лун | 1923 во тӧвпом 26 лун |
| Чужанін | |
| Кулан лун | 1943 во гожумпом 28 лун (20 лет) |
| Куланін | |
| Войскоэз род | пехота[d] |
| Званнё | Лейтенант[d] |
| Тышккез/войнаэз | |
| Донтан пассэз |
   |
Вавилин Алексей Сергеевич (1923—1943) — Великӧй Отечественнӧй войнаын участник, Советскӧй Союзлӧн Герой.
Олантуй
Чужис 1923 во тӧвпом 26 лунӧ Дёминаын, Кочёвскӧй районын[1]. Велӧтчис Дёминскӧй школаын, сэсся Дедюхинын (вӧлі вӧйӧтӧм КамГЭС керикӧ). Квать класс помалӧм бӧрын уджаліс котельщик дын Березниковскӧй азотно-туковой завод РМЗ-ын, небыдса школа помалӧм бӧрын лоис котельщикӧн[2].
1942 воӧ А.С. Вавилинсӧ босьтісӧ РККА-ӧ, ыстісӧ фронт вылӧ. 1943 воӧ помаліс младшӧй лейтенант курссэз. 1943 во гожумпомын юраліс Центральнӧй фронтісь 13-ӧт армияись 322 стрелковӧй дивизия 1087 стрелковӧй полкись 1 батальон ротаӧн.
Курскӧй область мездӧм дырни 1943 во гожумпом 28 лунӧ Хомутовскӧй район Лобки деревняын Вавилиныс аслас ротаӧн гӧгӧртіс да мырддис деревнясӧ врагыс киись, ачыс сэтӧн вӧлі вийӧм. Вавилиныслӧн ротаыс керӧмнас петкӧтісӧ одзлань быдӧс полксӧ[3].
Вавилинсӧ дзебисӧ Лобкиыс дын, сэсся вӧлі дзебӧм ӧтшойнаӧ Прилепы посадӧ.
Донтанпассэз
- Медаль «Золотая Звезда» (1943)
- Орден Ленина (1943)
- Орден Красной Звезды (1943)
Касьтылӧм
- Вавилин нимӧн шуӧмӧсь улицаэз Кудымкарын (1976), Кочёваын (1995), Дёминаын, Перемын, Березникиын (1961).
- Лобкиын, кытӧн орис Вавилиныслӧн оланыс, сувтӧтӧм обелиск.
- Березникиын ОАО «Азот» контора вылын, Кочёваын да Березникиын оланкеркуэз вылын ӧшӧтӧмӧсь мемориальнӧй пӧввез.
- Кудымкарын Геройез Аллея вылын эм Вавилинлӧн барельеф (1982).
Лыддьӧтан
- Герои Советского Союза, полные кавалеры орденов Славы – уроженцы Коми-Пермяцкого автономного округа. Сборник буклетов / Составитель Ю. Зубов. – Кудымкар: Кудымкарское бюро путешествий и экскурсий, 1985 г.
- Конин Г.К. Подвиги героев бессмертны. Очерки. ‒ Кудымкар: Коми-Перм. кн. изд-во, 2005. С. 31‒38.
- Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. - Издание испр. и доп. ‒ Пермь : Изд-во «Пушка», 2020. С.85.
Пасйӧттэз
- ↑ Вавилин Алексей Сергеевич (1923‒1943), Герой Советского Союза. База данных "Герои Советского Союза и полные кавалеры Ордена Славы / Коми-Пермяцкий окружной государственный архив
- ↑ ВАВИЛИН АЛЕКСЕЙ СЕРГЕЕВИЧ. База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы / Пермский государственный архив социально-политической истории
- ↑ Вавилин Алексей Сергеевич / Общественный проект Приволжского федерального округа "Герои Отечества"