Бычков Евгений Иванович
| Бычков Евгений Иванович | |
|---|---|
 | |
| Чужан лун | 1923 во тӧвшӧр 16 лун |
| Чужанін | Купрос, Усольскӧй уезд, Уральскӧй область, РСФСР, СССР |
| Кулан лун | 2002 во тулыспом 6 лун |
| Куланін | Купрос, Юсьва район, Коми-Пермяцкӧй автономнӧй округ, Российскӧй Федерация |
| Киндор |
 СССР |
| Званнё | ст. сержант |
| Сраженнёэз/войнаэз | Великӧй Отечественнӧй война |
| Донтан пассэз |
     |
Бычков Евгений Иванович (1923 во тӧвшӧр 16 лун, Купрос, Усольскӧй уезд, Уральскӧй область, РСФСР, СССР — 2002 во тулыспом 6 лун, Купрос, Юсьва район, Коми-Пермяцкӧй автономнӧй округ, Российскӧй Федерация) — Великӧй Отечественнӧй войнаын участник, телеграфист, ст. сержант, петкӧтӧм Советскӧй Союзлӧн Герой званнё дынӧдз, 1945 во одзгожум 24 лунся Краснӧй площадь вывся Победа парадын участник.
Олантуй
Чужис 1923 во тӧвшӧр 16 лунӧ Купросын[1]. 1942 воӧ вӧлі босьтӧм Гӧрд Армияӧ да ыстӧм велӧтчыны связисттэз курссэз вылӧ[2]. Помалӧм бӧрын вӧлі ыстӧм фронт вылӧ. Вӧлі Рыльскӧй стрелковӧй дивизияись 297 стрелковӧй полк 1 дивизион управленнё связь сьӧрті взводлӧн командирӧн, старшӧй сержант. Воюйтіс Воронежнсянь Чехословакияӧдз[2][3].
1944 воӧ вӧлі петкӧтӧм Советскӧй Союзлӧн Герой званнё дынӧдз, но ошкӧм Гӧрд Дӧрапас орденӧн. Награднӧй листас гижӧм, мый 1943 во одзар 28 лунӧ, Днепр ю форсирутӧм коста, двизионлӧн командир тшӧктіс лӧсьӧтны связь Днепр ю веськыт вадоркӧт. Бычковыс пыжӧн нуӧтіс кабеллесӧ да ю шӧрас пыжыс вӧлі вӧйӧтӧм. Бычковыс уйӧмӧн кужис кыскыны кабеллесӧ вадорас да лӧсьӧтны связь. Сідзжӧ 1943 во аршӧр 2 лунӧ Бычковыс куимись лӧсьӧтіс связь артиллерийскӧй да миномётнӧй лыйсьӧм коста. 1942 во аршӧр 8 лунӧ Бычковыслӧ вӧлі сетӧм заданнё лӧсьӧтны связь д. Казаровичи дынын, Днепр ю веськыт вадорын. Сы понда ковсис вуджны кык ю. Бычковыс вуджис кыкнан васӧ подӧн да аскадӧ лосьӧтіс колана связь[3].
Война коста Бычковыс кысъяліс пыр ӧтік полкын. Некӧр эз вӧв дойдӧм[2].
1945 во одзгожум 24 лунся Краснӧй площадь вывся Победа парадын участник, 4 Украинскӧй фронт своднӧй полк составын[3][1].
Война бӧрын оліс Юсьваын. Медбӧрья уджаланіннас вӧлі пожарнӧй часть[1].
Куліс 2002 во тулыспом 5 лунӧ[1].
Донтан пассэз
- «Боевӧй заслугаэз понда» медаль (01.03.1943)[4]
- Гӧрд Дӧрапас орден (29.01.1944)[4]
- Слава III тшупӧта орден (18.09.1944)[4]
- Гӧрд Кӧдзув орден (25.02.1945)[4]
- Отечественнӧй войнася II тшупӧта орден (06.04.1985)[4]
Морт йылісь
- Бычков Евгений Иванович // Годы испытаний : Коми-Пермяцкий округ в Великой Отечественной войне 1941—1945 гг.: историко-документальная хроника / [автор-составитель Ю. П. Зубов]. — Пермь : Научно-исследовательская издательская фирма «Горт», 2005. — С.132. — 312 с.
- Бычков Евгений Иванович // Орехов, Ю. А. Парма — фронту : (за Державу) : к 70-летию Великой Победы : (1941—1945 гг.). — Кудымкар : [ООО «Кудымкарская типография»], 2015. — С. 173. — 292 с.
- Коньшин А. Е. Его не брали даже пули // Парма. 2020, 4 июня.
- Бычков Евгений Иванович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 27—28. — 156 с. — ISBN 5-88441-032-8
Пасйӧттэз
- ↑ 1 2 3 4 Бычков Евгений Иванович, 1925 // Народная энциклопедия деревень Юсьвинского района Пермского края (видзӧтан кад 27.03.2025)
- ↑ 1 2 3 Коньшин А. Е. Его не брали даже пули // Парма. 2020, 4 июня.
- ↑ 1 2 3 Бычков Евгений Иванович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 27—28. — 156 с. — ISBN 5-88441-032-8
- ↑ 1 2 3 4 5 Бычков Евгений Иванович, 1923 г.р. Память народа (Видзӧтан кад 27.03.2025)