Братчиков Геннадий Иванович

Братчиков Геннадий Иванович
Чужан лун	1914 во одзтулыс 10 лун(1914-03-10)
Чужанін	Соликамскӧй уезд[d], Пермскӧй губерния[d], Российскӧй империя[d]
Кулан лун	1944 во одзтӧв 10 лун(1944-12-10) (30 лет)
Куланін	Польша
Званнё	Майор[d]
Тышккез/войнаэз	Халхин-Гол дорын бойез[d]
Донтан пассэз
Медиафайлы на РУВИКИ.Медиа

Братчиков Геннадий Иванович (1914 во одзтулыс 7 лун, Михеевка, Соликамскӧй уезд, Пермскӧй губерния, Российскӧй империя —1944 во одзтӧв 10 лун, Мыслин, Варшавскӧй воеводство, Польша) — военнӧй, разведчик, Великӧй Отечественнӧй войнаын участник, Советскӧй Союзлӧн Герой.

Олантуй

Чужис 1914 во одзтулыс 7 лунӧ Михеевкаын, Ракшина дын (Кудымкарскӧй район). 1921—1924 воэзын оліс айыс чужанінын Купросын, велӧтчис школаын. Сэсся оліс Абрамоваын да Березникиын. 1932 воӧ помаліс шӧрӧт школа да недыр уджаліс Камско-Берёзовскӧй райкомын, юраліс пионеррез бюроӧн.

1932 воӧ муніс РККА-ӧ. 1933—1936 воэзын велӧтчис связь сьӧрті военнӧй школаын Ленинградын. Помалӧм бӧрын уджаліс Забайкальскӧй военнӧй округын, юраліс подразделеннёӧн да частись штабӧн.

1939 воӧ воюйтіс Халкин-Гол ю дын Монголияын японеццез паныт.

1941—1942 воэзӧ велӧтчис Фрунзе нима Военнӧй академияын, помаліс кыквося курссэз.

1942 во одзгожумсянь воюйтіс фронт вылын разведкаын. Воюйтіс Сталинградскӧй битваын 63-ӧт армия, 1 да 3 гвардейскӧй армияэзын.

1943 восянь майор Братчиков лоис Центральнӧй фронт штабись разведотдел 2 агентурнӧй отделеннёись уджалісьӧн. 1943 во одзтулысӧ Братичковсӧ квать морта разведгруппаӧн ыстісӧ спецзаданнёӧн врагыс тылӧ. Группаыс уджаліс Чернигов, Щорс, Новгород-Северский дынын ӧтлаын партизаннэзкӧт. Нія кужисӧ адззыны разведданнӧйез Курскӧй битва кежӧ да аршӧрӧн бертісӧ. Мӧдпырся враг тылӧ группаыс вӧлі ыстӧм 1943 во одзтӧлӧ. Нія уджалісӧ Гомель, Барановичи, Волковыск, Слоним, Берёза, Ружан, Млава, Плоньск да Рыпин дынын . 1944 во аршӧрӧдз Братчиковыслӧн группаыс ыстіс 1 Белорусскӧй фронт командованнёлӧ 450 разведдонесеннё, кӧдна отсалісӧ чулӧтны Белорусскӧй да Висло-Одерскӧй операцияэз.

1944 во одзтӧв 10 лунӧ Братичковсӧ вийисӧ карателлез. Вӧлі дзебӧм Варшавскӧй воеводствоись Бежунь гмин Мыслин деревняын. 1946 воӧ вились дзебӧм Мазовецкӧй воеводствоись Серпц кар вичку ӧтшойнаын.

Донтан пассэз

• Орден Красного Знамени (1943)
• Медаль «Золотая Звезда» (1945)
• Орден Ленина (1945)
• Орден «Крест Грюнвальда» II степени (1963)

Г. И. Братчиков портрета конверт, 1979 во.

Касьтылӧм

• Геннадий Братчиков нимӧн шуӧмӧсь улицаэз Кудымкарын да Березникиын.
• Березникиын шӧрӧт № 26 школаын 1977 воӧ вӧлі осьтӧм Братчиков нима музей, 2007 воӧ музейсӧ вуджӧтісӧ шӧрӧт № 14 школаӧ.

Морт йылісь

• Люди легенд. —М., 1966. — Вып. 2. — С.43-59.
• Горчаков О. Он с живыми в строю // Встретимся после задания.— М., 1973. С 284—330.
• Братчиков Г. И. // Навечно в сердце народном.— Минск, 1984. С. 73: фот.
• Навечно в сердце народном. —3-е изд., доп. и испр. — Минск,1984. — С.73.
• Братчиков Г. И. // Герои Советского Союза, полные кавалеры ордена Славы — уроженцы Коми-Пермяцкого автономного округа. — Кудымкар, 1985. [1-й л.]: фот.
• Зубов Ю. П., Конин Г. К., Мешавкин В. А. Герои Советского Союза, полные кавалеры ордена Славы — уроженцы Коми-Пермяцкого автономного округа: Буклет. — Кудымкар, 1985.
• Братчиков Г. И. // Герои Советского Союза: Краткий биографический справочник: В 2 т. — М., 1987. Т. 1. С. 203: фот.
• Герои Советского Союза: Краткий биографический словарь в двух томах. Т. 1. — М., 1987. — С. 200.
• Он с живыми в строю // Золотые Звезды Прикамья.— Пермь, 1988. С. 47—48: фот. Болтунов М. Е. «Ахиллесова пята разведки». — М.: ГЕЯ ИТЭРУМ, 1999. — С.187—196. — (Серия «Рассекреченные жизни»).
• Золотые Звезды Прикамья: В 2-х т. — Пермь, 1988. — Т.1. С.47—48.
• Ценой своей жизни: путеводитель по аллее Героев Советского Союза. — Кудымкар, 1988. — С.11—13.
• Зубов Ю. П. Золотые Звезды Пармы: Биобиблиографический справочник. — Пермь: Горт, 2004. — С. 14—15.: фот. — (Сер. "Именитые граждане Земли Коми-Пермяцкой. — Вып.7.)
• Годы испытаний: Коми-Пермяцкий округ в Великой Отечественной войне 1941—1945 гг.: Историко-документальная хроника // Автор-сост. Ю. П. Зубов. — Пермь: Горт, 2005. — С.101.
• Зубов Ю. П. Время тревог и побед (вклад населения Коми-пермяцкого национального округа в победу над фашистской Германией, 1941—1945 гг.). — Пермь: Горт, 2010. — С. 27. : фот. — (Сер. "Именитые граждане Земли Коми-Пермяцкой)
• Фронтовые и войсковые разведчики в Сталинградской битве [Текст] : (в документах и лицах) / [авт.-сост. И. Л. Бурнусов]. — Москва : Кучково поле, 2013. — 550, [1] с. : ил., портр., факс..; ISBN 978-5-9950-0298-7.

Пасйӧттэз

Ыстӧттэз

• «Березниковский рабочий» № 89 (23185), 2 июля 2015