Боталова Мария Семёновна
| Боталова Мария Семёновна | |
|---|---|
 | |
| Чужан лун: | 1909 во гожумшӧр 19 лун |
| Чужанін: | |
| Кулан лун: | 1993 во аршӧр 12 лун (84 года) |
| Куланін: | |
| Канму | |
| Удж | велӧтісь |
.svg){kind=small}
Боталова Мария Семёновна (1909—1993) — велӧтісь, Кудымкарлӧн Почётнӧй гражданин.
Олантуй
Чужис 1909 во гожумшӧр 19 лунӧ Дойкарын[1][2]. Помаліс 1 ступеня школа. 1926 воӧ пырис комсомолӧ, да сійӧ ыстісӧ велӧтчыны пионервожатӧй курссэз вылӧ Юсьваӧ. 1927 воӧ политграмота школа помалӧм бӧрын ыстісӧ велӧтчыны совпартшколаӧ Перемӧ. Сы помалӧм бӧрын уджаліс комсомолын Юсьваын, Кӧсын, Кудымкарын.
1936 воӧ помаліс Москваын И. Сталин нима Коммунистическӧй университет. 1936-1938 воэзӧ уджаліс Кудымкарскӧй совпартшколаын политэкономия велӧтісьӧн. Сэсся уджаліс история да СССР Конституция велӧтісьӧн мувӧдитӧм школаын Кудымкарын.
1937 во одзтӧлӧ вӧлі бӧрйӧм СССР-лӧн Верховнӧй Совет депутатӧн Коми-Пермяцкӧй национальнӧй округсянь (1937-1946). 1938-1943 воэзӧ —КПСС Коми-Пермяцкӧй окружкомын мӧдӧдзза секретарь[3].
Великӧй Отечественнӧй война коста юраліс шоныт паськӧм да кӧмкӧт ӧктӧмӧн фронт понда.
Война бӧрын директораліс Коми-Пермяцкӧй сельхозтехникумӧн, уджаліс Кудымкарскӧй горкомын.
Куліс 1993 во аршӧр 12 лунӧ. Дзебӧм Кудымкарын.
Донтан пассэз
- «Пятьдесят лет в партии» знак
- Кудымкарлӧн Почётнӧй гражданин
Пасйӧттэз
- ↑ [Боталова Мария Семеновна] // Книга трудовой славы Пармы. Муниципальное образование Юсьвинский район. – Кудымкар 2007. – С. 22
- ↑ Боталова Мария Семеновна / Коми-Пермяцкий окружной государственный архив
- ↑ Боталова Мария Семеновна / Проект «Народная энциклопедия деревень Юсьвинского района Пермского края»