Бабиновскӧй туй

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык

Бабиновскӧй туй (рочӧн Бабиновская дорога, Бабиновский тракт) — туй Урал пыр Европейскӧй Россияись Сибирӧ Соликамсксянь Верхотурьеӧдз. Сія вӧлі осьтӧм 1597 воӧ Совкарись посадскӧй мортӧн Артемий Бабиновӧн да шуӧм сы гижсян сьӧрті. 1598 восянь вежис асьнас Чердын туй.

Туйыслӧн нулевӧй километрӧн лоӧ Соликамскись Спасо-Троицкӧй вичку дынся Соборнӧй тонганін.

Бабиновскӧй туйыс муніс му вылӧт Усолка, Сурмог, Яйва, Косьва юэз, Растёс посад, Павдинскӧй грезд, Мостовая ю, Тура пыр[1].

Туй лэбтӧм

Туйсӧ пондӧтісӧ лэбтыны 1595 воӧ и сія кыссис кык во сьӧрна. Царскӧй указ сьӧрті Артемий Бабинов кипод увтӧ вӧлі сетӧмӧсь кык целовальник да нельдас крестьянин, кӧдна уджӧн лоис туй понда вӧр ректалам да трак лэбтӧм, туй кузя юэз весьӧ поссэз керӧм. Туйлӧн кузяыс вӧлі 260 верста мымда, мый вӧлі дженытжык одззася Из сайӧ туйся. 1597 воӧ туйыс локтіс Тура ю катытын иналан вогул Неромкар нима оланаинӧндз. Во бӧрті сэтӧн пондісӧ строитны Верхотурье кар  (перм.рус.[2]. Сія жӧ воӧ Сибирӧ вӧлісӧ ыстӧмӧсь медодзза ссыльнӧйез — 50 угличана, кӧднӧ мыжйисӧ царевич Дмитрийӧс вийӧмын. Нійӧ ыстісӧ строитчыны да овмӧтчыны Пелым карӧ  (перм.рус..

Артемий Бабиновӧс касьтылан пӧв Верх-Усолкаын

Туйсӧ дорйӧм понда вӧлісӧ лэбтӧмӧсь Растёскӧй караул (ӧні абу), Павдинскӧй караул (Ново-Лялинскӧй карся округлӧн Павда посад), Лялинскӧй караул (Ново-Лялинскӧй карся округлӧн Караульскӧй деревня) лялинскӧй вогуллэзсянь, Кошайскӧй караул (Сосьва карся округлӧн Кошай деревня) сосьва вогуллэзсянь да таможняа крепость Верхотурье.

Бабиновскӧй туйлӧн тӧдчӧт

Сія вӧлі дженытжык одзжыкся туйся, кӧда муніс Чердын пыр, сійӧн сія орсіс ыджыт роль Сибир овмӧсалӧмын. Кык сёво сьӧрна Бабиновскӧй туй вӧлі дзир ӧтса маршрутӧн, кӧда йитіс Россиялісь европейскӧй торсӧ Азиякӧт. Эта туй кузя ысталісӧ царскӧй указзэз, деньга, почта, сы кузя мунісӧ посольскӧй делегацияэз да туялан экспедицияэз. Сы кузя крестьяна, кӧдна олісӧ Перем муэзын, мунісӧ овмӧтчыны Сибирӧ.

1733 вося тулысшӧр 21 лунӧ Москвасянь Тобольскӧдз вӧлі осьӧтӧм почта. 1736 воӧ В. Н. Татищев ыстіс Сенатӧ донесеннё сибирскӧй почта уджалӧм йылісь, кытӧн вӧзйис нюжӧтны почтовӧй тракт мӧдік маршрут кузя: Москва — Казань — Сарапул — Кунгур — Екатеринбург — Тобольск (Сибир-Москва тракт), мотивируйтіс сійӧн, мый вӧзйӧм туйыс дженытжык да волькытжык. Фактическӧя Татищевлӧн идеяыс пырис олӧмӧ 1754 воӧ, кӧр Берг-коллегия вӧзйӧм сьӧрті Сенат тшӧктіс Ямскӧй канцеляриялӧ лӧсьӧтны почта туй Москвасянь Тобольскӧдз Казань, Кунгур да Екатеринбург пыр, ыстыны посылкаэз да курьеррезӧс вӧлі тшӧктӧм одзза туй кузя — Верхотурье пыр[3]. Но одзлань Бабиновскӧй туй эз ло колана, 1763 воӧ Верхотурскӧй таможня вӧлі пӧдналӧм и трактыс официальнӧя пӧдналӧм.

Ӧння кадӧ

Соликамскись гортладор туяліссезӧн да Москваись автотуристтэзӧн 2009 воӧ Верх-Усолкаын сувтӧтӧм касьтылан пӧв

Важ Бабиновскӧй туйыс мукӧдлаын кольччӧм буракодь, мукӧдлаын сыись абу кольччӧм нем. Соликамск да Верхотурье каррезын кольччис туйлӧн активнӧй олӧм кадся синбан да ныын эмӧсь уна 17-18 сёвоэзя архитектура памятниккез. Ойвыв Ураллӧн гажаинас вовлӧны уна туристтэз.

Активнӧя сы йылісь пондісӧ баитны 1997 воӧ, кӧр Бабиновскӧй туйлӧ тырис 400 во. Сія жӧ воӧ одзтӧв 5 лунӧ «Соликамскӧй рабочий» газетаын вӧлі публикуйтӧм Л. Баньковскийлӧн «Соликамские ворота в Сибирь» нима статья.

1997 воӧ петіс Ювеналий Чирковлӧн «Позвала Бабиновская дорога» нима небӧг. Авторыс вӧлі важ туй кузя экспедицияын участникӧн и ӧння морт синнэзӧн видзӧтіс «важся луннэзся делоэз» вылӧ, мыйись петіс бур туй очерк, кӧда сія унажыксӧ иллюстрируйтіс аслас фотографияэзӧн да серпассэзӧн.

2009 годӧ вӧлі пондылӧм мунны Соликамсксянь Верхотурьеӧдз Бабиновскӧй туй историческӧй маршрут кузя. Экспедициясӧ ӧтлаын организуйтісӧ Москваись автотуристтэзлӧн группа (5 УАЗ «Патриот» автомашина Борис Чернов юралӧм увтын) да соликамскӧй туристтэз Виктор Перлов кипод увтын. Мероприяттёыслӧн могыс — петкӧтны отир син одзӧ историческӧй объектсӧ.

Крестыс сувтӧтӧм Растёс местаын, кытӧн кӧркӧ вӧлі ям, Урал пыр медодзза мувывся туй — «Бабиновскӧй туй» — йылісь казьмӧтӧм могись

Экспедиция коста вӧлісӧ мунӧмӧсь важ трактлӧн медшӧр торрез. Медодзза команда муніс Соликамск — Вылісь Яйва — Чикман — Вылісь Косьва маршрутӧт. Мӧдік команда, кӧда петіс Павдаись (автотуристтэз Тюменись), муніс Павда — Растёс — Вылісь Косьва торӧт. Кык группалӧн ӧтласа уджӧн вӧлісӧ видзӧтӧмӧсь историческӧй туйлӧн медшӧр торрес[4].

2013 во одзарӧн Соликамск дынын вӧлі осьтӧм Артемий Бабиновӧс казьмӧтан пас. Мемориалсӧ сувтӧтісӧ важ вичку дынӧ Верх-Усолка деревняын — Бабиновыс чужанінын, кыті сідзжӧ муніс Ыджыт туй. Сы кадӧ Соликамскын чулаліс научно-практическӧй гортладор туялана конференция «Верхнекамье историялӧн тӧдтӧм листбоккез» . Пассӧ сувтӧтӧм сьӧрті инициативаыс вӧлі соликамскӧй паськыта тӧдса турист Виктор Перловлӧн; сы дор лоисӧ гортладор туяліссез да туристтэз.

2016 во гожумшӧрӧн Борис Чернов кипод увтын автотуристтэз бӧра мунісӧ туйӧттис Половодово — Усть-Сурмог, Вылісь Яйва — Чикман — Молчан маршруттэзӧт. Ӧтлаын ныкӧт вӧлісӧ «Государева дорога (Бабиновская)» региональнӧй чукӧрӧ пыриссез, Юрий Трунов (Верхняя Пышма) кипод увтын нія УАЗ Патриот да ГАЗ-66 машинаэзӧн мунісӧ Павда — Растёс туй кузя да пуктісӧ кӧркӧся Растёс посад местаын поклоннӧй крестлісь под.

Поклоннӧй крестыс вӧлі сувтӧтӧм 2016 вося одзарӧн.

Автор да организатор — Юрий Трунов, дорсись мастер А. А. Лысяков[4].

2016 вося одзарӧн соликамскӧй энтузиасттэзлӧн группа, кӧдаын вӧлісӧ Владимир Горовой, Сергей Плюф, Виктор Перлов да Михаил Богданов, мунісӧ 100-ся унажык километр Ыджыт туй кузя, кӧдӧ Артемий Бабинов лӧсьӧтіс Чикман посадсянь (Пермскӧй край) Павда посадӧдз (Свердловск область), медбы асланыс синнэзӧн адззывны аскадся грандиознӧй проект, кӧдӧ реализуйтіс Артемий Бабинов.

Растёслӧн коляссэз 2018 вося арӧн

2015 во гожумшӧрӧн Екатеринбургись, Полевскӧйысь да Чебоксарыись квадроциклисттэзлӧн ӧтласа команда пондыліс быдсӧн мунны Бабиновскӧй туйлӧн важся маршрут кузя Павдасянь Вылісь Косьваӧдз (овтӧм) Растёс посад пӧлӧн (овтӧм). Ветлӧм костас лоис тӧдса, мый Кырья да Растёс колассын туйыс абу кольччӧм, вӧрамӧм, да колеснӧй техникаӧн ветлыны оз ни позь. Мукӧдлаын трактсӧ эшӧ мунам туйтӧм автотранспортӧн мунӧм понда лӧсьӧтӧмӧн.

Соликамскӧй «Персей» турклуб уджын Виктор Перлов юралӧм увтын реализуйтсьӧ «Бабиновскӧй туй» историческӧй маршрутӧн тӧдсасьӧм сьӧрті проект. Сы сьӧрті Челядьлӧн творчество шӧринын лӧсьӧтчӧны осьтны туристско-гортладор история туялана лагерь, кытчӧ ӧктасӧ «Бабиновскӧй отряд». Лӧсьӧтчӧны челядькӧт удж «Бабинов туй» туялӧм сьӧрті, чулӧтны экологическӧй акцияэз, велӧтан учрежденнёэзын квест-орсӧммез. Медбӧрын планируйтсьӧ лӧсьӧтны «Бабиновскӧй туй» йылісь новйӧтан выставка[5].

Пасйӧттэз

  1. ↑ Бабиновская дорога // Большая Советская Энциклопедия. 3-е изд. / Гл. ред. А. М. Прохоров. — М.: Советская Энциклопедия, 1970. — Т. 2. Ангола — Барзас. — С. 501.
  2. ↑ Карта Европейской России. Ураловед. Видзӧтӧм 13 Тӧвпом 2026.
  3. ↑ Хрущов И. П. Очерк ямских и почтовых учреждений от древних времён до царствования Екатерины II. — СПб.: Тип. А. С. Суворина, 1884. — С. 66—68, 77. — 87 с.
  4. ↑ 1 2 Государева Бабиновская дорога - Форум Клуба PATRIOT 4x4. Видзӧтӧм 13 Тӧвпом 2026.
  5. ↑ О проектах-победителях Городского конкурса гражданских и общественных инициатив-2017. Видзӧтӧм 13 Тӧвпом 2026.

Литература

  • Бабиновская дорога. Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. — Т. 2А.
  • Бабиновская дорога // Советская историческая энциклопедия : в 16 т. / под ред. Е. М. Жукова. — М. : Советская энциклопедия, 1962. — Т. 2 : Баал — Вашингтон. — Стб. 1445.
  • Бабиновская дорога / Копылов А. Н. // Ангола — Барзас. — М. : Советская энциклопедия, 1970. — С. 501. — (Большая советская энциклопедия#Третье издание / гл. ред. А. М. Прохоров ; 1969—1978, т. 2).
  • Бординских Г. А., Шилов В. В. Бабиновская дорога — путь длиною в 400 лет. Березники, 1998.
  • Грачёв А. Д. и др. Слободы и Слободчики Урала. — Екатеринбург, 2014. — С. 22—24. — 81 с. — ISBN 978-5-91256-186-3.
  • Печуркина Р. Первая сухопутная дорога в Сибирь // Наука и жизнь : журнал. — М., 1999. — № 4.
  • Чагин Г. Н. Бабиновская дорога и её роль в экономическом и культурном развитии Урала и Западной Сибири в конце XVI — первой половине XVIII века //Культурное наследие Азиатской России: материалы I Сибиро-Уральского исторического конгресса. (г. Тобольск, 25-27 ноября 1997 г.). Тобольск, 1997. С. 115—116.
  • Чирков Ю. Позвала Бабиновская дорога: Путевой очерк. Соликамск, 1997. 98 с.
  • Иваницкий В. С. 12 путешествий по Бабиновскому тракту: путеводитель. Екатеринбург, 2024. 80 с. — ISBN 978-5-9076808-5-2
  • Бординских Г. А., Шилов В. В. Бабиновская дорога — путь длиною в 400 лет. — Березники, 1998.
  • Грачёв А. Д. и др. Слободы и Слободчики Урала. — Екатеринбург, 2014.

Ыстӧттэз

Босьтӧма "https://koi.ruwiki.ru/w/index.php?title=Бабиновскӧй_туй&oldid=216202"-ись