Афанасьев Евгений Степанович

Афанасьев Евгений Степанович
Афанасьев Евгений Степанович
Чужан лун	1942 во аршӧр 16 лун
Чужанін	Кослан[d], Коми Республика, РСФСР[d], СССР[d];
Кулан лун	1998 во тӧвшӧр 21 лун (55 лет)
Канму	СССР[d]; Российскӧй Федерация;
Удж	гижись, сатирик, журналист

Афанасьев Евгений Степанович (1942 во аршӧр 16 лун, Кослан^[d], Коми Республика — 1998 во тӧвшӧр 21 лун) — коми гижись, журналист.

Олантуй

Евгений Афанасьев чужис Коми АССР-ын Удора районісь Кослан посадын 1942 во аршӧр 16 лунӧ. Быдмис Мутьдін деревняын. 1957 воӧ помаліс Пыисдінісь сизим класса школа, 1960 воӧ — Косланісь шӧрӧт школа.

Совесткӧй армияын кысъялӧм бӧрын уджаліс физкультура велӧтісьӧн Пыисдінся школаын. Сэсся 8 во уджалісь вӧрзаптісьӧн.

1976 воӧ кутчис уджавны фотокорреспондентӧн Удора районся «Выль туйӧд» нима газетын. Сы кадӧ пондіс гижны ачыс.

Вӧлі «Югыд туй» газетаын спецкорӧн.

Куліс 1998 во тӧвшӧр 21 лунӧ. Дзебӧм Важгортын^[1].

Гижан удж

Гижись-сатирик. Медодз гижис юмора висьттэз, сэсся пондіс гижны челядь понда.

1977 воӧ «Войвыв кодзув» журналын петіс сы «Помтӧм сёрни» висьт. Сэксянь журналас вӧлісӧ публикутӧмӧсь кыкдасся унажык висьт да кык висьтас.

Висьттэс петавлісӧ «Выль туйӧд» да «Югыд туй» газетаэзын, «Войвыв кодзув», «Чушканзi», «Би кинь» да «Арт» журналлэзын.

Лэдзӧмӧсь куим небӧг — «Кытшъяс», «Пурзьӧмын ар пом», «Вежласяна поводдя» небӧггез^[2].

Небӧггес

Кытшъяс: шмонитана висьтъяс. — Сыктывкар: Коми книжнӧй издательство, 1988. — 72 лб.
Пурзьӧмын ар пом: повесьт, висьтъяс. — Сыктывкар: Коми книжнӧй издательство, 1994. — 104 лб.
Вежласяна поводдя: висьтъяс, повесьтъяс. — Сыктывкар: Арт, 2007. — 270 лб.

Касьтылӧм

2014 во одзгожум 28 лунӧ Пыисдінын вӧлі осьтӧм Евгений Афанасьевӧс касьтылана пӧв^[3].

Увтыр

Нылыс — Елена Афанасьева (чуж. 1967), коми гижись^[4].

Пасйӧттэз

↑ Афанасьев Евгений Степанович (1942 – 1998) рус.. Союз писателей Республики Коми | Гижысь Котыр. Видзӧтӧм 13 Арпом 2025.
↑ Литературный вечер, посвящённый 80-летию со дня рождения писателя Евгения Афанасьева. Сыктывдинская централизованная библиотечная система (2022-10-19). Видзӧтӧм 13 Арпом 2025.
↑ Андрей Воронин Мемориальная доска писателю. Республика (2014-07-01). Видзӧтӧм 13 Арпом 2025.
↑ Афанасьев Евгений Степанович. ГБУ РК "Национальная библиотека Республики Коми". Видзӧтӧм 13 Арпом 2025.

Ыстӧттэз

[1] Афанасьев Евгений Степанович (1942 – 1998) рус.. Союз писателей Республики Коми | Гижысь Котыр. Видзӧтӧм 13 Арпом 2025.

[2] Литературный вечер, посвящённый 80-летию со дня рождения писателя Евгения Афанасьева. Сыктывдинская централизованная библиотечная система (2022-10-19). Видзӧтӧм 13 Арпом 2025.

[3] Андрей Воронин Мемориальная доска писателю. Республика (2014-07-01). Видзӧтӧм 13 Арпом 2025.

[4] Афанасьев Евгений Степанович. ГБУ РК "Национальная библиотека Республики Коми". Видзӧтӧм 13 Арпом 2025.

[1]

[2]

[3]

[4]