Battlefield 6

Босьтöм Рувикиись
Battlefield 6
Battlefield 6.png
Орсан керись Battlefield Studios
Лэдзись Electronic Arts
Серия тор Battlefield
Анонс лун 2025 во гожумшӧр 24 лун
Лэдзан кад 2025 во аршӧр 10 лун
Компьютернӧй орсаннэзлӧн классификация лыйсян ассянь
Техника ассяматоррез
Платформа Windows, PlayStation 5, Xbox Series X/S
Орсан движок Frostbite
Орсан режим уна орсіся, ӧтік орсіся, кооперативнӧй орсан
Веськӧтлӧм лаппӧв, компьютер шыр[d] и геймпад[d]
Официальный сайт
Логотип РУВИКИ.Медиа Медиафайлы на РУВИКИ.Медиа

Battlefield 6 — Battlefield Studios консорциумлӧн ассянь лыйсян жанра компьютернӧй орсан, кӧда адаптируйтӧм PlayStation 5, Xbox Series X/S да ПК понда Windows-ӧн уджавтӧн[1]. Петан кадыс — 2025 вося аршӧр[2].

Сюжет

Орсӧмыс чулалӧ ӧння кадӧ, кытӧн мунӧ НАТО  (перм.рус. да асторья военнӧй корпорация Pax Armata коласын конфликт. Эта компанияыс, кӧдӧ финансируйтӧны кӧркӧся НАТО канмуэз, шуам, Франция, мыччалӧ опас, кӧда петкӧтӧ одзлань лоан мирся артлісь йылісь юалӧм[1][3].

Орсаныс фокусируйтчӧ ыджыт масштаба военнӧй конфликттэз вылӧ, кытӧн медшӧр роль орсӧны танккез, истребителлез да мӧдік боевӧй техника. Сюжетыс аркмӧтӧм идея сьӧрті, мый тотальнӧй война коста орсісьлӧн отрядыс лоӧ медвына оружиеӧн[3].

Орсӧм

Battlefield 6 — уна орсіся ассянь лыйсян  (перм.рус., ориентируйтӧм орсіссез коласын вермасьӧм да тактическӧй ӧтуджалӧм вылӧ. Орсан кериссес бертісӧ традиционнӧй класса системаӧ, эзӧ пондӧ пыртны специалисстэзӧс видзана концепция, — орсіссес вермӧны бӧрйыны роллезісь ӧтікӧ, кӧдалӧн эм аслас апрак, снаряженнё да оружие. Сэтшӧм системаыс отсалӧ буражыка уджавны ӧтлаын отрядас, мый оз пет специалисттэза системаа орсанын, кӧда вӧлі Battlefield 2042-ын  (перм.рус.[1][4]. Эм 4 класс[5]:

  1. Штурмовик: видзӧ штурмовӧй винтовка; котрасикас чожа лыйсьӧ да вежӧ оружиесӧ.
  2. Инженер: видзӧ пистолет-пулемёттэз; бура инмалӧ ПП-ись лыйсикас коссяняс;
  3. Отсӧт: видзӧ ки пулемёттэз; видзӧ стандартнӧй котрасян чожа РП-ӧн;
  4. Разведчик: видзӧ снайпер винтовкаэз; синмаланыс етшажык вӧрӧ, буржыка видзӧ русӧ да чожажыка лыйлӧ[5].
  • Battlefield 6 официальнӧй скриншоттэз
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Ворсан основнӧй режиммезӧ пырӧны ыджыт картаэз вылын бойез, кӧднаын участвуйтӧны 64 мортӧдз[6]. Сэтчӧ жӧ, боевӧй процессыс Battlefield 6-ын пырӧ[1]:

  • пехота бойез: му вылын бойез быдкодь стрелкӧвӧй оружиеэзӧн да гаджеттэзӧн;
  • воздушнӧй бойез: истребителлез коласын дуэллез;
  • орӧтны кытш: кытшлісь элементтэз уничтожитӧм вермас сетны тактическӧй одзвывся вын;
  • паськыт арсенал: уна быдкодь боевӧй техника, ны лыдын танккез, бронетранспортеррез да мӧдік машинаэз;
  • виль механикаэз: позьӧ кыскыны дойдӧм ёрттэзӧс опастӧм местаӧ да уськӧтны враггез вылӧ быдса керкуэз; адззалан система бурмӧтӧм (англ. Spotting Mechanic)[1].

Сетана оружие

Инсайдеррез висьталӧм сьӧрті, быдса версияын лоасӧ вооруженнёэзлӧн эттшӧм варианттэз[7][8]:

Класс Модель
Штурмовӧй винтовкаэз
  • SCAR-L
  • QBZ-192
  • MSBS GROT
  • SCAR-SC
  • SIG 553
  • Tavor 7
  • ACE32
  • AK-205
  • G36
  • HK417
  • HK433
  • L85A3
  • M4A1
  • M27 IAR
Пистолет-пулемёттэз
  • MP5 MLI
  • MP7A2
  • MPX
  • P90
  • Vector
  • UMP 40
  • APDW
  • APC10
Кипон пулемёттэз
  • MG4K
  • Minimi
  • РПК
  • M60E6
  • Ultimax
  • M240
  • M250
Снайпер винтовкаэз
  • MRAD
  • СВ-98
  • Mini Fix
  • M2010 ESR
Марксман винтовкаэз
  • СВЧ
  • СВД
  • XM7
  • ARA DMR
  • G3A4
  • M39 EMR
  • M14 EBR
  • Kel-Tec RFB
Дробовиккез
  • DP-12
  • 5KSK
  • 590A1
  • M1014
Пистолеттэз
  • Raging Hunter
  • TRR8
  • Five-seveN
  • Glock 22
  • M18
  • M45A1
Гранатомёттэз
  • AT4
Матіс бой понда
  • Кувалда

История да отирӧ петкӧтӧм

Медодзза юӧррез Battlefield серияын петан орсан йылісь петісӧ 2024 во одзар 16 лунӧ: сэк группаись генеральнӧй менеджер EA Studios Винс Зампелла юӧртіс, мый чулавны новеллаыс пондас ӧння кадся сеттингын. Сія сідзжӧ шуис орсӧмсӧ ӧтікӧн ЕА историяын мед амбициознӧй проекттэз коласісь да тодиляліс, мый сы керӧмын уджалӧны 4 орсан керись студия: DICE, Motive, Ripple Effect да Criterion (ӧтка режим зорӧтӧмын сідзжӧ уджаліс Ridgeline Games, но 2024 во пондӧтчикӧ сія вӧлі пӧдналӧм)[9].

2025 во тӧвпом 3 лунӧ EA тӧдчӧтіс, мый виль орсансӧ керӧ Battlefield Studios нима объединеннё. Орсан проектыслӧ вӧлі сетӧм ним Battlefield Labs; вӧлі мыччалӧм медодзза трейлер, кӧдаӧн мыччалісӧ орсӧм[10]. Сія жӧ кадӧ пондӧтчис пӧдана тестируйтӧм, кӧдаись кадррез вӧлісӧ гусьӧн лэдзӧмӧсь интернетӧ 2025 во одзтулысӧн[11].

Орсаныслӧн официальнӧй нимыс лоис тӧдса гожумшӧр 19 лунӧ[12]; гожумшӧр 21 лунӧ лоис тӧдса, мый медодз орсаныс лоас доступнӧй осьта бета-тестируйтӧм пыр[13]. Ашынас студия ЕА юӧртіс, мый орсаныслӧн анонсыс лоас гожумшӧр 24 лунӧ[14], да «ревилыс» одзын орсан кериссес юӧртісӧ, мый орсанас паныталіссезнас лоасӧ организацияэз Pax Armata да НАТО[15]. Висьталӧм лунӧ вӧлі йӧзӧтӧм трейлер да казьмӧтӧм, мый гожумшӧр 31 лунӧ чулалас уна орсіся режимлӧн презентация[16].

Battlefield 6 анонс трейлер

Гожумшӧр 30-31 ойкӧлӧ сериялӧн кериссез йӧзӧтісӧ «мультиплеерлісь» 15 секундася тизер, но чожа мыйись чышкисӧ сійӧ. Видеоын вӧлісӧ геймплейлісь кадррез да орсӧмлӧн петан кад — 2025 вося аршӧр 10 лун[2]. Сыбӧрын гожумшӧр 31 лунӧ инсайдеррез юӧртісӧ, мый гожумпомӧн планируйтӧны публичнӧй бета-тестируйтӧммезлӧн куимӧт петӧм: первӧйысмедодззаыс пондӧтчас гожумпом 7 лунӧ, лоас осьтана ключчезӧн (коднӧ босьтӧны одзвыв заказ сьӧрті нето Twitch-ын стриммез видзӧтӧм понда) 48 час сьӧрна; мӧдӧдззаыс лоас быдӧнныслӧ осьта гожумпом 9-11 луннэзӧ; куимӧтыс — гожумпом 14-17 луннэзӧ[17].

2025 во гожумпом 28 лунӧ Electronic Arts да Battlefield Studios орсан кериссез мыччалісӧ ПК-версиялісь трейлер. Сідзжӧ лоисӧ тӧдсаӧсь орсанлӧн техническӧй ассяматоррез. Кӧсйӧны сетны 4K разрешеннё, артавтӧм кадр тшӧкыта, ультрапаськыт мониторрез (21:9, 32:9) да 600-ся унажык быдберся уджан[18].

Техника ассяматоррез

Минимальнӧя (1080p, 30 кадр/с, графикалӧн учӧт настройкаэз)

  • ОС: Windows 10 (64 бит);
  • процессор: Intel Core i5-8400 нето AMD Ryzen 5 2600;
  • видеокарта: Nvidia GeForce RTX 2060, AMD Radeon RX 5600 XT нето Intel Arc A380;
  • видеопамять: 6 Гбайт;
  • оперативнӧй память: 16 Гбайт;
  • DirectX: 12;
  • накопительын тӧрыта: 55 Гбайт HDD-ын.

Корана (1440p, 60 кадр/с, ыджыт настройкаэз/ 1080p, 80+ кадр/с, учӧт настройкаэз)

  • ОС: Windows 11 (64 бит);
  • процессор: Intel Core i7-10700 нето AMD Ryzen 7 3700X;
  • видеокарта: Nvidia GeForce RTX 3060 Ti, AMD Radeon RX 6700 XT нето Intel Arc B580;
  • видеопамять: 8 Гбайт;
  • оперативнӧй память: 16 Гбайт;
  • DirectX: 12;
  • накопительын тӧрыта: 90 Гбайт SSD-ын.

«Ультра» корӧммез (4K, 60 кадр/с, «Ультра» настройкаэз / 1440p, 144 кадр/с, ыджыт настройкаэз)

  • ОС: Windows 11 (64 бит);
  • процессор: Intel Core i9-12900K нето AMD Ryzen 7 7800X3D;
  • видеокарта: Nvidia GeForce RTX 4080 нето AMD Radeon RX 7900 XTX;
  • видеопамять: 16 Гбайт;
  • оперативнӧй память: 32 Гбайт;
  • DirectX: 12;
  • накопительын тӧрыта: 90 Гбайт SSD-ын[18].

Бета-тестируйтӧм

2025 во гожумпом 4 лунӧ пондіс позьны одзвыв грузитны орсансӧ. Чожа мыйись орсіссес казялісӧ, мый Windows-ӧт орсансӧ лэдзӧм понда ковсьӧ активируйтӧм Secure Boot функция, кӧда абу пыртӧм уджӧ уна пользователлезлӧн[19]. EA одзвыв публикуйтіс функциясӧ активируйтӧм сьӧрті инструкция[20]:

  1. Нырыштӧ Win + R, гижӧ msinfo32 да бурсьӧтӧ.
  2. «Сведения о системе» ӧшынын видзӧтӧ, мед вӧлі BIOS Mode — UEFI, а Secure Boot State — Off (эм ко ни On, нем оз ков керны).
  3. Видзӧтӧ, мед TPM 2.0 модуль вӧлі активируйтӧм: Win + R → tpm.msc → статус «Готов к использованию».
  4. Видзӧтӧ система дисклісь юкӧм тип:
    1. Win + X → «Управление дисками» → веськыт клик дискӧт OSDisk (C:) → «Свойства» → вкладка «Тома».
    2. Partition style визьын колӧ, мед вӧлі GUID Partition Table (GPT).
    3. Гижӧм ко MBR, конвертируйтӧ дисксӧ командаӧн mbr2gpt /convert /disk:0 /allowFullOS администратор команднӧй строка пыр.
  5. Осьтӧ «Параметры Windows» → «Система» → «Восстановление» → «Особые варианты загрузки» → «Перезагрузить сейчас», сэсся бӧрйӧ «UEFI Firmware Settings».
  6. Перезагрузка бӧрын пырӧ BIOS/UEFI-ӧ да вуджӧ Boot нето Security вкладкаӧ.
  7. Адззӧ параметр Secure Boot да сувтӧтӧ Enabled. Абу ко параметрыс активируйтӧм, медодз керӧ Reset Secure Boot Keys да сетӧ BIOS администраторлісь гусякыв.
  8. Видзӧтӧ, мед OS Type вӧлі сувтӧтӧм Windows UEFI Mode-ӧ.
  9. Пырӧ Exit вкладкаӧ да бӧрйӧ «Save Changes & Reset». ПК перезагрузтчас включитӧм Secure Boot-ӧн.
  • Вились лэдзӧ msinfo32; Secure Boot State визьыс ковсьӧ, мед мыччаліс On.
  • Вились лэдзӧ EA орсансӧ — сэк Secure Boot колӧм йылісь юӧрыс ӧшас.

BIOS/UEFI интерфейсыс абу ӧткодь быд производительлӧн. Кӧр пункттэз озӧ лӧсялӧ, видзӧтӧ мампӧвлісь нето ПК-лісь документация. Быдӧс официальнӧй инструкцияэсӧ позьӧ адззыны эта ыстӧт сьӧрті. Battlefield 6 осьта бета-тест лоис серияын медыджытӧн. Гожумпом 9 лунӧ Battlefield 6 «бетаын» вӧлісӧ 521 079 морт. Эта мыччӧт сьӧрті одз версияыс пырис быдӧс кадся Steam-ись кыкдас медпопулярнӧй орсаннэз лыдӧ[21].

Пасйӧттэз

  1. ↑ 1 2 3 4 5 Battlefield™ 6. Steam. Видзӧтӧм 2 Одзар 2025.
  2. ↑ 1 2 Дмитрий Рудь Утечка подтвердила дату выхода Battlefield 6 — Electronic Arts раньше времени показала тизер нового трейлера. 3dnews.ru (2025-07-31). Видзӧтӧм 2 Одзар 2025.
  3. ↑ 1 2 Дебютный видеоролик Battlefield 6 раскрывает захватывающее будущее культовой серии. Electronic Arts (2025-07-24). Видзӧтӧм 2 Одзар 2025.
  4. ↑ Prepare for Battlefield 6 - Coming Soon!. Electronic Arts. Видзӧтӧм 2 Одзар 2025.
  5. ↑ 1 2 Phil Briel. Battlefield 6: All the info on the new shooterангл., Red Bull, Red Bull (29 July 2025). Дата обращения: 2 Одзар 2025.
  6. ↑ Дмитрий Рудь Electronic Arts анонсирует Battlefield 6 уже на этой неделе — запущен обратный отсчёт до выхода первого трейлера рус.. 3dnews.ru (2025-07-22). Видзӧтӧм 2 Одзар 2025.
  7. ↑ Cade Onder Battlefield 6 Leak Reveals Every Gun in the Game англ.. Comicbook.com (2025-05-01). Видзӧтӧм 2 Одзар 2025.
  8. ↑ Dipan Saha Every Weapon Spotted in the Battlefield 6 Reveal Trailer англ.. Fandom Wire (2025-07-28). Видзӧтӧм 2 Одзар 2025.
  9. ↑ Kat Bailey Exclusive: Vince Zampella Confirms Next Battlefield Will Use Modern Setting, First Concept Art Revealed англ.. IGN (2024-09-14). Видзӧтӧм 2 Одзар 2025.
  10. ↑ Wesley Yin-Poole First Official Look at New Battlefield Gameplay as EA Reveals Battlefield Labs англ.. IGN (2025-02-03). Видзӧтӧм 2 Одзар 2025.
  11. ↑ Rebekah Valentine PSA: Early Battlefield 6 Footage Seems to Have Leaked Online англ.. IGN (2025-03-11). Видзӧтӧм 2 Одзар 2025.
  12. ↑ Kaan Serin Battlefield 6 is seemingly just called Battlefield 6, according to leaked packages sent to content creators that might signal a reveal from EA soon англ.. Gamesradar.com (2025-07-19). Видзӧтӧм 26 Гожумпом 2025.
  13. ↑ Eddie Makuch Battlefield 6 Open Beta Confirmed, Will Include This Key Change англ.. Gamespot.com (2025-07-21). Видзӧтӧм 26 Гожумпом 2025.
  14. ↑ Rebekah Valentine Battlefield 6 to Be Officially Revealed This Week англ.. IGN (2025-07-22). Видзӧтӧм 2 Одзар 2025.
  15. ↑ Tom Phillips Battlefield 6 Campaign Teaser Shows NATO Under Attack, and Includes the Return of the Series' Classic Theme англ.. IGN (2025-07-23). Видзӧтӧм 2 Одзар 2025.
  16. ↑ Battlefield 6 - Official Reveal Trailer англ.. IGN (2025-07-24). Видзӧтӧм 2 Одзар 2025.
  17. ↑ Vikki Blake Battlefield 6 Suffers Significant Leaks Ahead of Official Multiplayer Reveal англ.. IGN (2025-07-31). Видзӧтӧм 2 Одзар 2025.
  18. ↑ 1 2 Дмитрий Рудь. «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 3DNews - Daily Digital Digest (28 Гожумпом 2025). Дата обращения: 2 Одзар 2025.
  19. ↑ Игорь Любавин. Для Battlefield 6 на ПК необходима функция Secure Boot — в EA рассказали, как её включить, Сhampionat.com. Дата обращения: 2 Одзар 2025.
  20. ↑ Как работает безопасная загрузка на ПК рус.. EA. Видзӧтӧм 2 Одзар 2025.
  21. ↑ Игнатий Колыско. Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 3DNews - Daily Digital Digest (11 Гожумпом 2025). Дата обращения: 2 Одзар 2025.
Босьтӧма "https://koi.ruwiki.ru/w/index.php?title=Battlefield_6&oldid=215911"-ись