Яковкин Александр Александрович

Босьтöм Рувикиись
Яковкин Александр Александрович
Yakovkin Alexandr Alexandrovich.jpg
Чужан лун 13 (25) арпом 1860 во
Чужанін
Кулан лун 1936 во арпом 22 лун(1936-11-22) (75 лет)
Куланін
Канму  Российскӧй империя,
 СССР
Наука юкӧн химия
Уджаланін Москва императорскӧй университет,
Петербургся технология институт,
Бестужевскӧй курссэз
Велӧтчанін Москва императорскӧй университет(1884)
Учёнӧй тшупӧт химия доктор
Учёнӧй званнё СССР НА член-корреспондент(1925)
Научнӧй юралісь В. В. Марковников
Велӧтчиссез А. Е. Порай-Кошиц
Донтан пассэз да премияэз
СССР:
Орден Трудового Красного Знамени — 1928 Заслуженный деятель науки РСФСР.png
Российская империя:
Орден Святого Владимира 3-й степени Орден Святого Владимира 4-й степени Орден Святой Анны 2-й степени

Яковкин Александр Александрович (13 (25) арпом 1860 во, Верх-Иньва, Соликамскӧй уезд[d], Пермскӧй губерния[d], Российскӧй империя[d] — 1936 во арпом 22 лун, Ленинград, СССР[d]) — роч да советскӧй химик-технолог, химия доктор, СССР НА член-корреспондент (1925), РСФСР-лӧн тӧдӧмын заслуженнӧй уджалісь. Лӧсьӧтіс гортся сырьёись алюминийлісь сӧстӧм оксид шедтӧм понда метод. Медодзза роч химик, кӧда экспериментальнӧй даннӧйез трактуйтӧм понда уджаліс Гиббс нима фазаэз туйдӧт сьӧрті.

Олантуй

Чужис 1860 во арпом 13 (25) лунӧ Пермскӧй губернияись Соликамскӧй уездлӧн Верх-Иньва посадын дяк семьяын. Вӧлі кватьӧт кагаӧн. Велӧтчис Соликамскӧй уезднӧй училищеын[1].

1880 воӧ сетіс экзамен экстернӧн аттестат понда Перем гимназияын да пырис Москва университетісь  (перм.рус. физика-математика факультетӧ, кӧдӧ помаліс 1884 воӧ. Медбӧрья курссэз вылын пондіс чулӧтны туялан удж В. В. Марковников  (перм.рус. кипод увтын, кӧда бура донтіс студентлісь авйӧмсӧ. Революционнӧй организацияэзкӧт йитӧттэз кузя университетӧ кольччыны эз вермы, ковсис мунны.

Университет помалӧм бӧрын квать во сьӧрна уджаліс Иваново-Вознесенскын ситценабивнӧй фабрикаэзын химикӧн, сыбӧрын колористӧн.

1890 воӧ бертіс Москва университетӧ В. В. Марковников лабораторияӧ штатӧ пырттӧм лаборантӧн. 1892 воӧ сетіс экзамен химия магистр тшупӧт понда да пондіс лыддьӧтны лекцияэз кыдз приват-доцент. Ӧткоста 1896 воӧдз юраліс московскӧй Мануфактурнӧй промышленностьлӧ отсалан чукӧр бердся химия лабораторияӧн.

1893 вося гожумӧн вӧлі сійӧ иньдӧм визирсайся командировкаӧ, медбы тӧдсасьны Германияись да мӧдік канмуэзісь химия лабораторияэзлӧн уджӧн.

1895 воӧ дорйис химия магистр диссертация (нимыс рочӧн «Распределение веществ между растворителями»)[2]. 1896 воӧ вӧлі бӧрйӧм Петербургся практическӧй технология институтын адъюнкт-профессорӧн академик Ф. Ф. Бейльштейн туйӧ.

1896 воӧ ӧтлаын Д. П. Коноваловкӧт уджаліс химическӧй эксперименттэзлӧн экспертизаын да Нижньӧй Новгородын Дӧсроссияса выставка вылын испытательнӧй станция организуйтӧмын.

1898 воӧ пондіс велӧтны Бестужевскӧй медвылісь иньпӧлӧс понда курссэзын Санкт-Петербургын.

1899 воӧ дорйис химия доктор диссертация (нимыс рочӧн «О гидролизе хлора») Москва университетын да вӧлі пуктӧм ординар профессорӧн[3]. 1899 восянь 1936 воӧдз юраліс ӧтласа (сёрӧнжык органикатӧм) химия кафедраӧн.

Отир понда да туялӧм организуйтана удж

1888 восянь А. А. Яковкин вӧлі Роч физика-химия чукӧрын (РФХО) активнӧй уджалісьӧн. Неӧтпыр вӧлі бӧрйывлӧм сы президентӧн (1912, 1914, 1915, 1917—1920 воэзӧ) да Химия юкӧтӧн председательӧн[4].

Вӧлі Россиялӧн тодильмортӧн Берлинын (1903) да Римын (1906) чулӧтӧм йӧзкостся химическӧй съезддэзын. Участвуйтіс Менделеевскӧй съезддэзын.

Медодзза мировӧй война коста

1914 воӧ сы кипод увтын нуӧтісӧ удж армиялӧ колана взрывчайтчана да беляна сорасаэз сьӧрті. 1915 вося арпомӧ Яковкин пырис составӧ РФХО- бердын Военно-химическӧй комитетӧ, кӧда вӧлі аркмӧтӧм обороннӧй задачаэз решитӧм понда (военно-химическӧй оборона средствоэз создайтӧм, фронтсӧ дефицитнӧй химическӧй препараттэзӧн могмӧтӧм). Комитетӧн юраліс академик Н. С. Курнаков, сійӧ вежис В. Е. Тищенко. Комитетас пырисӧ Россияись 106 медыджыт химиккез, ны лыдын Л. А. Чугаев, В. Н. Ипатьев, А. Е. Порай-Кошиц да мӧдіккез[5].

Удж советскӧй кадӧ

1919 восянь 1924 воӧдз уджаліс Москва университет физика-математика факультетлӧн химия кафедраись профессорӧн. Нуӧтіс активнӧй удж Российскӧй уджӧтана химия институт  (перм.рус. организуйтӧмын[4]:

  • 1919 во — минерала мубурсьӧт юкӧтӧн юралісь;
  • 1920 год — органикатӧм химия юкӧтӧн юралісь;
  • мыйкӧ дырна вӧлі директорӧс вежлісьӧн туялӧм сьӧрті.

Медыджыт вермӧмӧн сія кадӧ лоис Тихвин нюррезісь сёяму шедтӧм понда уджтас лӧсьӧтӧм, мый пуктіс подув российскӧй алюминий промышленностьлӧ[4]. Сы алюминий оксид шедтӧм йылісь уджжез сьӧрті вӧлі осьтӧм СССР-ын медодзза сёяму завод[1].

Сёрнитіс визирсайся кыввезӧн, ас понда туяліс роч история.

Куліс Ленинградын. Дзебӧм Волковскӧй шойнаись Литераторские мостки нима торын[6].

Туялан удж

Медшӧр уджжез гижӧмӧсь органикатӧм да техническӧй химия, сылассэз теория сьӧрті[7]. Доктор диссертацияын тодиляліс хлор вежсьӧм ваа сылассэзын[2]. Синтезируйтіс цианида йитассэз[8], туяліс мирабилит дегидратация процессэз, лӧсьӧтіс алюминийлісь сӧстӧм оксид шедтӧм[9].

Донтан пассэз да званнёэз

  • Коллежскӧй советник чин (1896);
  • Действительнӧй статскӧй советник чин (1911);
  • Вежа Анна нима 2 тшупӧта орден (1903);
  • Вежа Владимир нима 4 тшупӧта орден (1915);
  • Вежа Владимир нима 3 тшупӧта орден (1915);
  • Уджвывся Гӧрд Дӧрапас орден (1928);
  • РСФСР-лӧн тӧдӧмын заслуженнӧй уджалісь (1928);
  • СССР НА член-корреспондент (1925).

Медшӧр туялан публикацияэз

  • «О методах определения достоинства индиго» (1892);
  • «К вопросу о загрязнении Москвы-реки фабричными водами» (1894);
  • «Осмотическое давление с точки зрения химической теории растворов» (1894);
  • «Об очищении фабричных сточных вод» (1895);
  • «Zur Frage über die Verteilung eines Stoffes zwischen zwei Lösungsmitteln» (1895);
  • «К вопросу о распределении веществ между растворителями» (1896);
  • «Диссоциация полигалоидных соединений металлов» (1896);
  • «Ueber die Beziehungen zwischen den Gesetzen der activen Massen und des osmotischen Druckes» (1896);
  • «О химической теории растворов» (1897);
  • «О гидролизе хлора» (1898, 1900);
  • «Об осмотическом давлении сложных растворов» (1900);
  • «Беседы по химии» (1903);
  • «О кометографе: (Прибор для вычисления паробал. орбиты)» (1914);
  • «Учебник общей химии (теоретической и прикладной)» (1933).

Касьтылӧм

  • Яковкин нима улица Кудымкарын;
  • Яковкин нима улица Кудымкар районісь Верх-Иньва посадын[10];
  • А. А. Яковкин нима студент туялана уджжезлӧн йӧзкостся конкурс-конференция[11].

Пасйӧттэз

  1. ↑ 1 2 Яковкин Александр Александрович. Видзӧтӧм 8 Одзгожум 2026.
  2. ↑ 1 2 Яковкин А. А. Распределение веществ между двумя растворителями в применении к изучению явлений химической статики // прив.-доц. Моск. ун-та. — М. : Унив. тип.. — 1895. — Т. IV, № 175. — С. 24.
  3. ↑ Яковкин А. А. О гидролизе хлора // тип. Имп. Акад. наук : сочинение. — 1898. — Т. VI. — С. 159.
  4. ↑ 1 2 3 Конкурс имени А. А. Яковкина. СПбГТИ(ТУ). Видзӧтӧм 8 Одзгожум 2026.
  5. ↑ Мобилизация и реорганизация. ИИЕТ РАН. Видзӧтӧм 8 Одзгожум 2026.
  6. ↑ Кобак А. В., Пирютко Ю. М. Исторические кладбища Санкт-Петербурга. — М.: Центрполиграф, 2009. — С. 439.
  7. ↑ Яковкин А. А. О химической теории растворов // (Сообщ. в годич. собр. Рус. физ.-хим. о-ва. — 1896. — С. 14.
  8. ↑ Яковкин А. А. Синтез цианистых соединений из цианамида кальция // "Труды Гос. ин-та прикладной химии". — 1927. — С. 3—7.
  9. ↑ Яковкин А. А. Основные приемы получения окиси алюминия из природных материалов // "Легкие металлы". — 1932. — № 5—6.
  10. ↑ Регионы России → Пермский край → Кудымкарский р-н → Верх-Иньва с.. Коды ОКАТО и номера ИФНС России. Видзӧтӧм 18 Одзгожум 2026.
  11. ↑ Сайт конкурса-конференции имени А.А. Яковкина. СПбГТИ(ТУ). Видзӧтӧм 8 Одзгожум 2026.

Литература

  • Яковкин Александр Александрович // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Список лиц, служащих по ведомству Министерства народного просвещения на 1898 год. — СПб., 1898. — С. 298. То же на 1913 год. — СПб., 1913 — С. 232.
  • Список гражданским чинам четвёртого класса по старшинству. Исправлен по 1 сентября 1915 года. — Пг., 1915. — С. 1387.
  • Весь Петроград на 1916 год, Пг., 1916.
  • Императорский Московский университет: 1755—1917 : энциклопедический словарь / А. Ю. Андреев, Д. А. Цыганков. — М.: Российская политическая энциклопедия (РОССПЭН), 2010. — С. 874—875. — 894 с. — 2000 экз. — ISBN 978-5-8243-1429-8.
  • Порай-Кошиц А. Е. А. А. Яковкин // Журнал общей химии. — 1937. — Т. 7, вып. 15.
  • Порай-Кошиц А. Е., Платонов М. С. А. А. Яковкин // Природа. — 1936. — № 12. (Некролог)
  • Лилеев И. С., Платонов М. С. Александр Александрович Яковкин // Журнал прикладной химии. — 1937. — Т. 10, № 6. (Некролог)
  • Записка об учёных трудах профессора А. А. Яковкина // Изв. Рос. Академии наук. — 1925. — Т. 18, сер. 6. — С. 871—873.

Ыстӧттэз

Босьтӧма "https://koi.ruwiki.ru/w/index.php?title=Яковкин_Александр_Александрович&oldid=218044"-ись